20 Upéi Jehová heʼi Aarónpe: “Umi israelitakuéra apytépe ndereguerekomoʼãi peteĩ erénsia ni nde yvyrã.+ Che hína pe párte otokáva ndéve ha ne erénsia umi israelitakuéra apytépe.+

24 Che ameʼẽma rupi umi levítape imbaʼerã pe diésmo omeʼẽtava umi israelita, upéva haʼekuéra omeʼẽta hína Jehovápe g̃uarã. Upévare che haʼéma voi kuri: ‘Umi israelitakuéra apytépe noñemeʼẽmoʼãi chupekuéra peteĩ erénsia’”.+

9 Upévare umi levita ndorekói propieda ni erénsia iñermanokuérandi. Jehová hína iñerensiakuéra, heʼi hagueichaite chupekuéra Jehová nde Jára.+

14 Leví trívupe añoite Moisés nomeʼẽi vaʼekue iñerensiarã.+ Jehová Israel Jára opromete vaʼekue omeʼẽtaha chupekuéra iñerénsiaramo umi ofrénda ojehapýva.+

33 Péro Leví trívupe Moisés nomeʼẽi peteĩ erénsia.+ Jehová Israel Jára hína iñerensiakuéra, haʼe oprometéma haguéicha voi chupekuéra.+

13 ¿Ndapeikuaái piko umi kuimbaʼe ombaʼapóva témplope, orresiviha hembiʼurã pe témplope? ¿Ndapeikuaái piko umi oñatendéva siémpre pe altárpe orresiviha avei peteĩ párte umi ofrénda ojejapóvagui pe altárpe?+