10 Rehoboam oho Siquémpe,+ pórke Israel kompletoite ou kuri Siquémpe ojapo hag̃ua chugui rréi.+ 2 Ha Nebat raʼy Jeroboán+ oikuaávo upéva (upérõ haʼe oiko hína kuri Egíptope, pórke okañy vaʼekue rréi Salomóngui),+ ou jey Egíptogui. 3 Upémarõ ohenoika chupe hikuái, ha Jeroboán ha Israel kompletoite ou Rehoboam rendápe, ha heʼi chupe hikuái: 4 “Nde túa omoĩ vaʼekue ore ári júgo pohýi.+ Péro nde rembovevyivéramo oréve pe traváho nde túa omeʼẽ vaʼekue oréve ha pe kárga pohýi* omoĩ vaʼekue ore ári, upéicharõ ore roñemoĩta nde poguýpe”.