• Salmo 15:1-5
    Ñandejára Ñeʼẽ La Biblia Traducción del Nuevo Mundo

    • 15 Jehová, ¿mbaʼeichagua persónapa nde rerresivíta opyta hag̃ua nde rógape?*

      ¿Máva piko ikatu oiko ne montáña sagrádape?+

       2 Pe persóna siémpre iñeʼẽrendúva,+

      ndojapóiva mbaʼeve ivaíva, ha ihústova.+

      Pe siertoguánte heʼíva ha ni ipyʼapýpe voi ndaijapúiva.+

       3 Pe persóna ndoikóiva oñeʼẽ vai* ipróhimore operhudika hag̃ua chupe,+

      ndojapóiva mbaʼeve ivaíva hapicháre,+

      ha ndoikóiva omosarambi chísme oheja vai hag̃ua iñamígope.+

       4 Haʼe omboyke umi hembiapo vaívape,+ péro omombaʼe umi orrespetávape Jehovápe.

      Avei katuete okumpli ipromésa,

      nopyrũi iñeʼẽre operhudikátaramo jepe chupe upéva.+

       5 Ndokovrái interés oipuruka jave pláta,+

      ha ndoaseptái kóima* osẽ hag̃ua peteĩ inosénte kóntrape.+

      Peichagua persóna núnka noñepysangamoʼãi.+

  • Salmo 84:1-4
    Ñandejára Ñeʼẽ La Biblia Traducción del Nuevo Mundo

    • 84 Jehová, nde hína umi ehérsito yvagapegua ruvicha.

      Che ahayhueterei nde róga iporãitéva.*+

       2 Ñandejára, ahechagaʼuetereígui nde róga ajúma chekangypa.

      Jehová, che* ahaseterei nde rógape ha aimese ikorapýpe.+

      Che pyʼaite guive ha che mbaretekue reheve apurahéi,

      vyʼápe romombaʼeguasu Ñandejára.

       3 Jehová, nde hína umi ehérsito yvagapegua ruvicha.

      Nde hína ore Jára ha ore Rréi.

      Nde rógape ningo umi guyra jepe oreko peteĩ lugár oiko hag̃ua.

      Pe golondrína oho ojaitypo pe altár ypýpe,

      ha oñangareko upépe imembykuérare.

       4 Ovyʼaitépa umi oikóva nde rógape,+

      haʼekuéra siémpre nemombaʼeguasu.+ (Sélah)