-
Salmo 53:introduksión-6Ñandejára Ñeʼẽ La Biblia Traducción del Nuevo Mundo
-
-
53 Umi ivýrova heʼi ipyʼapýpe:
“Jehová ningo ndoexistíri voi”.+
Haʼekuéra iñinhústo ha opa mbaʼe ojapóva ivai.
Ndaipóri voi ni peteĩ ojapóva iporãva.+
2 Péro Ñandejára omaʼẽ yvyporakuérare yvága guive.+
Omaña hína jahecha oĩpa peteĩ persóna iñarandúva, ohechakuaáva tekotevẽha oñemoag̃ui Jehováre.+
3 Enterovénte oho tape vaíre,
ha peteĩchaite iñaña hikuái.
Ndaipóri avave ojapóva iporãva,
ni peteĩ jepe.+
4 ¿Mbaʼéicha piko la nontendéi voi mbaʼeve umi hénte aña?
Chupekuéra g̃uarã ndahasyiete ohundi Ñandejára puévlope ku hoʼuramoguáicha pan.
Haʼekuéra ndojeroviái Jehováre.+
5 Péro upéi haʼekuéra okyhyjetereíta,
núnka ndokyhyjemoʼãvéima peichaite peve.
Pórke Ñandejára omosarambíta opárupi umi pendeatakáva kanguekue.
Jehová ningo orrechasáma koʼã héntepe, upévare ipuévlo omotĩta chupekuéra.
6 ¡Hiʼãite ningo Sióngui ou peteĩ osalva vaʼerã Israélpe!+
Jehová ogueru jey vove ipuévlo oĩvape esklávoramo,
tovyʼa Jacob familiare ha Israélpe oĩva guive.
-
-
Romanos 3:10-12Ñandejára Ñeʼẽ La Biblia Traducción del Nuevo Mundo
-
-
10 Ñandejára Ñeʼẽme heʼiháicha: “Ndaipóri persóna ihústova, ni peteĩ jepe.+ 11 Ndaipóri ni peteĩ ohechakuaáva mbaʼépa ojapo vaʼerã, ndaipóri ni peteĩ oñehaʼãva oikuaa Ñandejárape. 12 Enterove umi hénte oho diferénte tapérupi, enterovéva ndovaléi mbaʼeverã, ndaipóri imbaʼeporãva, ndaipóri ni peteĩ jepe”.+
-