18 Ha Melquisedec+ rréi de Salem+ ogueru pan ha víno hoʼu hag̃ua hikuái, haʼe ningo Ñandejára Ndaijojaháiva saserdóte.+

5 Péicha avei oiko Cristo kásope. Haʼe noñenombrái ijupe súmo saserdóte ha noñembotuichái ijupe voi,+ síno Ñandejára ombotuicha chupe heʼírõ guare: “Nde hína che raʼy, ha koestedía guive che nde túa”.+ 6 Ha ótro hendápe Ñandejára heʼi jey: “Nde hína peteĩ saserdóte haʼe haguéicha Melquisedec, ha reservíta de saserdóte opa ára g̃uarã”.+

19 Ñane esperánsa+ ningo peteĩ ánkla ñande rekovépe* g̃uarã, ha ñanepytyvõ jajepytaso mbarete hag̃ua ha ani hag̃ua ni michĩmi jaduda. Ko esperánsa ñandegia jahasa hag̃ua pe kortína odividíva pe témplo.+ 20 Upépe oike vaʼekue ñane renonderã Jesús,+ oavri ha oprepara hag̃ua ñandéve pe tape. Haʼe hína súmo saserdóte haʼe haguéicha avei Melquisedec ha oservíta opa ára g̃uarã.+

3 Ndojekuaái mávapa itúa ni isy, ndaipóri lívro omombeʼúva mávapa ihentekuéra yma guare, ndojekuaái avei arakaʼépa onase ni arakaʼépa omano. Péro oiko chugui Ñandejára Raʼy joguaha, ha haʼe opyta saserdóteramo opa ára g̃uarã.+

11 Pe léi oñemeʼẽ vaʼekue Moisés rupive heʼi Leví familiare oservi vaʼerãha de saserdóte.+ Umi saserdóte oúva Leví familiarégui ikatúrire oipytyvõ umi héntepe iperfékto hag̃ua, noñekotevẽmoʼãi kuri peteĩ saserdóte ojoguáva Melquisedécpe.+ Peteĩ saserdóte ojoguáva Aarónpe ovalétama kuri.