18 Pe saserdóte omona vaʼerã avei pe tuguy umi vaka ratĩ joguaha rehe, orekóva pe altár+ ojehapyha insiénso perfumádo. Upe altár oĩ hína pe tavernákulo ryepýpe Jehová renondépe. Ha pe tuguy rembyre katu oñohẽmbaite vaʼerã okápe pe altár de kóvre vásere, oĩva pe tavernákulo entráda renondépe.+ Upe altár ojepuru jepi ojejapo hag̃ua umi ofrénda ojehapýva.

21 Upe rire heʼi vaʼerã toñeguenohẽ pe kampaméntogui pe tóro ojejuka vaʼekue ha tojehapy entéro mbaʼe ndojepurúi vaʼekue chugui, ojejapo haguéicha avei pe ótro tórore.+ Péicha ojejapo vaʼerã pe ofrénda ojepaga hag̃ua umi pekádore pe puévlo de Israel rehehápe.+