Salmos
Pe odirihíva musikokuérape g̃uarã. “Anína cherundi” tóno rehe. David purahéi. Miktam.*
58 Peẽ ningo yvypóra rei, ¿mbaʼéicha piko peporohusga porãta?+
Peẽ ningo napepenái la oikóvare, ¿mbaʼéicha piko upéicharõ peñeʼẽta hustísiare?+
2 Pejapo rangue iporãva, peẽ peiko pekalkula mbaʼéichapa peperhudikáta pende rapichápe.+
Upéi katu peikóma pejapo umi mbaʼe vai opárupi.+
3 Umi hénte iñañáva onase guivéma oho tape vaíre.*
Haʼekuéra irrevélde ha ijapu onase guive.
4 Umi mbaʼe heʼíva ojogua kóvra ponsóñape.+
Haʼekuéra nohenduséi mbaʼeve, ojogua umi mbói nohenduséivape.
5 Koʼã mbói nohenduséi umi echiséro ñeʼẽ,
ni ivalevéramo jepe ojapo hag̃ua umi echisería.
6 Umi che enemígo ojogua león pochýpe.
Jehová, emopẽ hañykã ha eitypa chuguikuéra hãi.
7 Pe y osyryháicha todesaparese hikuái.
Ñandejára odovla hiʼárko ha oity chupekuéra ifléchape.
8 Aipotaite oñehundipa hikuái, tojogua umi jatyta omano mbeguekatúvape ohóvo.
Tojogua hikuái umi mitã omanóvape onase mboyve, umi ndohechajepéiva pe kuarahy.
9 Ou jave peteĩ torménta, pe yvytu sapyʼaitépe ombovevepa umi jepeʼa hendýva ha umi neʼĩrava hendy, upéicha rupi pe ólla ni ndahakujepéi.
Péicha Ñandejára sapyʼaitépe ohundíta umi iñañávape.+
10 Ñandejára oñevengáta umi iñañávare, ha pe persóna ojapóva iporãva ovyʼáta.+
Pe iñañáva ruguy oñehẽmbáta pe yvýre, ha pe ivuénova oguatáta upérupi.+
11 Upéi umi hénte heʼíta: “Ñandejára katuete orrekompensáta pe ihústovape.+
Pórke Ñandejára hína pe ohusgáva ko yvy ape ári”.+