Jeremías
21 Jehová oñeʼẽ vaʼekue Jeremíaspe, rréi Sedequías+ omondórõ guare hendápe Pasjúrpe,+ haʼe hína Malkías raʼy, ha upérõ omondo avei pe saserdóte Sofoníaspe,+ haʼéva Maaseya raʼy, ojerure hag̃ua chupe ko mbaʼe: 2 “Eporandumína Jehovápe orerehehápe, pórke pe rréi Nabucodonosor* de Babilonia oñorairõ hína ore kóntrape.+ Ikatu mbaʼe Jehová ojapo peteĩ milágro orerehehápe, ikatu hag̃uáicha pe rréi ojerretira orehegui”.+
3 Jeremías heʼi chupekuéra: “Péicha peje vaʼerã Sedequíaspe: 4 ‘Kóicha heʼi Israel Jára Jehová: “Ambojeréta pene kóntrape* umi árma de gérra perekóva pende pópe, umi peipurúva peñorairõ hag̃ua pe rréi de Babilonia+ kóntrape ha umi caldeo omongoráva hína pene murálla kóntrape. Ha ambyatypáta umíva* pe siuda mbytépe. 5 Ha che voi añorairõta pene kóntrape+ pyapy mbarete ha tuicha podér reheve, pochy ha rreniégo reheve ha ajahéita penderehe.+ 6 Akastigáta umi oikóvape ko siudápe, tahaʼe hénte térã animálpe. Oúta peteĩ mbaʼasy vai* ha omanombáta hikuái”’.+
7 ‘Jehová heʼi: “Upe rire antregáta rréi Sedequías de Judá ha isiervokuéra ha umi hénte oikóva ko siudápe, umíva hína umi nomanói vaʼekue mbaʼasýgui, ñembyahýigui ni espádape, koʼã hénte antregáta rréi Nabucodonosor* de Babilóniape, umi iñenemigokuérape ha umi oikóvape ojukase chupekuéra.*+ Ha haʼe ojukáta chupekuéra espádape. Ndeʼimoʼãi hesekuéra aichejáranga, nombyasymoʼãi ni ndoiporiahuverekomoʼãi chupekuéra”’.+
8 Ere vaʼerã ko puévlope: ‘Péicha heʼi Jehová: “Koestedía amoĩ pene renondépe pe jeikove ha pe ñemano. 9 Umi opytáva ko siudápe omanóta espádape, ñembyahýigui ha mbaʼasýgui. Péro pe osẽva ha oñentrega umi caldeo omongorávape ko siuda, osalváta hekove”’.*+
10 ‘Jehová heʼi: “Che añemolómo hína ko siudágui, ha ohasáta heta mbaʼe ijetuʼúva ha ivaíva.+ Ko siuda oñemeʼẽta pe rréi de Babilóniape+ ha haʼe ohapýta”.+
11 Peẽ rréi de Judá rogaygua, pehendu mbaʼépa heʼi Jehová. 12 David rogaygua, péicha heʼi Jehová:
“Pedefende pe hustísia káda día,
ha pesalva umi héntepe umi osakea ha ombotavývagui chupekuéra,+
ani hag̃ua penerembiapo vaieterei rupi+
che pochykue hendy tatáicha,+
ha hendy avave ikatuʼỹ hag̃uáicha ombogue”’.
13 Jehová heʼi: ‘Pokastigáta peẽ peimévape umi ñu guasúre,
peẽ peikóva pe siuda oĩvape pe ita guasu ári.
Ha peẽ pejéva hína: “¿Máva piko ovaheáta ore kóntrape?
¿Ha máva piko oikéta ore rogakuérape?”, peikuaáke ko mbaʼe:
14 che pokastigáta
peẽ pemereseháicha umi mbaʼe pejapo vaʼekuére’,+ heʼi Jehová.
‘Ambojepotáta tata pende kaʼaguykuérare,
ha okaipaitéta entéro mbaʼe oĩva pende jerére’”.+