Jeremías
22 Péicha heʼi Jehová: “Evahea pe rréi de Judá palásiope ha entrega chupe ko mensáhe. 2 Ha ere vaʼerã chupe: ‘Ehendu mbaʼépa Jehová heʼi ndéve rréi de Judá, reguapýva hína David trónope, nde ha umi nde siervokuéra ha umi hénte oikéva hína koʼã okẽrupi. 3 Péicha heʼi Jehová: “Pedefende pe hustísia ha pejapo iporãva. Pesalva umi héntepe umi osakea ha ombotavývagui chupekuéra. Ani petrata vai umi extranhéro oikóvape pende apytépe, ha ani pejapo mbaʼeve ivaíva peteĩ mitã tyreʼỹre ni umi viúdare.+ Ha ani pejuka ko lugárpe ni peteĩ inoséntepe.*+ 4 Pórke peẽ peñatendéramo pekumpli hag̃ua koʼã mbaʼe haʼéva peẽme, upéicharõ umi rréi oguapýtava David trónope+ oikéta koʼã okẽrupi ko palásiope. Oikéta hikuái kárro de gérrape ha kavaju ári, umi rréi ha isiervokuéra ha ipuévlo reheve”’.+
5 Jehová heʼi: ‘Péro ndapejapóiramo koʼã mbaʼe haʼéva peẽme, che rekovére ahura peẽme ko palásio oñehunditaha’.+
6 Pórke péicha heʼi Jehová pe rréi de Judá palásiore:
‘Nde ningo chéve g̃uarã haʼete pe Galaad,
haʼete pe Líbano ruʼã.
Péro ajapóta ndehegui peteĩ desiérto,
ha ni peteĩva umi nde siudápe ndoikomoʼãi avave.+
Oitýta hikuái umi nde sédro iporãvéva,
ha opoíta hikuái tatápe.+
8 Ha heta nasión ohasáta ko siudárupi, ha heʼíta hikuái ojupe: “¿Mbaʼére piko Jehová ojapo péicha ko siuda porãitére?”.+ 9 Upépe heʼíta hikuái: “Péicha oiko hesekuéra oheja rupi Ijára Jehová kompromíso, ha oñesũ hikuái umi ótro dios renondépe ha oservi chupekuéra”’.+
10 Ani pejaheʼo pe omano vaʼekuére,
ha ani peñembyasy hese.
Upéva rangue, penerasẽ soro vaʼerã pe ojeguerahávare prisionéroramo,
pórke haʼe ndohechamoʼãvéima pe yvy onase hague.
11 Pórke Jehová heʼi péicha Salum*+ rehe, haʼéva Josías raʼy pe rréi de Judá, haʼe ogoverna itúa Josías rekovia+ ha ohómava ko lugárgui: ‘Haʼe ndoumoʼãvéima koʼápe, 12 omanóta pe lugár ojeguerahahápe chupe prisionéroramo, ha ndohechamoʼãvéima ko yvy’.+
13 ¡Aichejáranga nde remopuʼãva hína nde rogarã rejapóvo ivaíva,
ha rejapóva umi koty yvategua inhustísia reheve!
¡Emombaʼapo reíva nde rapichápe
ha nderepagaséi chupe isuéldo!+
14 Nde eréva: ‘Amopuʼãta che rogarã peteĩ tuicha porãva.
Orekóta umi koty yvategua tuichaicháva.
Amoĩta chupe heta ventána,
ha arrevestipaitéta ipare sédrope ha apintáta pytãme’.
15 ¿Resegíta piko regoverna reipuru haguére hetave madéra de sédro umi ótrogui?
Nde túa ningo okaru ha hoʼu vaʼekue avei vevída,
péro haʼe odefende vaʼekue pe hustísia ha umi mbaʼe iporãva,+
ha osẽ porã vaʼekue chupe opa mbaʼe.
16 Haʼe odefende vaʼekue umi ojejopy asy ha imboriahúvape ojehusga jave,
ikatu hag̃uáicha osẽ porã upéva.
Jehová heʼi voi: ‘¿Ndahaʼéi piko chekuaa porã haguére la haʼe ojapo vaʼekue upéicha?
17 Nde katu siémpre reheka ha rekalkula reikóvo mbaʼéichapa rembotavýta ótrope rekonsegi hag̃ua pláta,
ha rejuka hag̃ua umi inoséntepe,*
avei rembotavy ha reletradea hag̃ua ótrore’.
18 Upévare Jehová heʼi péicha Jehoiaquim+ rehe, haʼéva Josías raʼy pe rréi de Judá:
‘Haʼekuéra ndojaheʼomoʼãi hese umi hénte ojapoháicha heʼívo:
“¡Aichejáranga nde che ermáno! ¡Aichejáranga nde che ermána!”.
Haʼekuéra ndojaheʼomoʼãi Jehoiaquim rehe heʼívo:
“¡Aichejáranga che ruvicha! ¡Aichejáranga, haʼe ningo tuichaite mbaʼe vaʼekue!”.
19 Oñeñotỹta chupe umi vúrro oñeñotỹháicha.+
Oñembotyryrýta hetekue,
oñeguenohẽta Jerusalén rokẽrupi ha oñemombóta chupe okápe’.+
20 Ejupi* pe Líbanope ha esapukái,
hatã eñeʼẽ Basánpe,
ha esapukái Abarim+ guive,
pórke kompletoite umi iñakãrakúva nderehe oñehundipáma.+
21 Che añemoñeʼẽ kuri ndéve reimérõ guare trankílo ha kyhyjeʼỹme.
Péro ere: ‘Ndajapomoʼãi la eréva’.+
Péichante voi reikóva rejapo nemitã guive,
pórke naneñeʼẽrendúi vaʼekue chéve.+
22 Peteĩ yvytu omosarambipáta umi nde pastórpe.+
Ha umi iñakãrakúvape nderehe, ojegueraháta prisionéroramo.
Upépe reñemotĩta ha rejeapoʼíta rehasa haguére entéro koʼã mbaʼe vai.
23 Nde reikóva Líbanope,+
rejaitypóva umi sédrore,+
¡mbaʼeichaite piko nepyahẽta ág̃a nderasypa vove,
nderasyetéta peteĩ kuña imembývaicha hína!”.+
24 “Jehová heʼi: ‘¡Che rekovére ahura, nde Conías*+ haʼérire pe kuãirũ aipurúva asella hag̃ua oĩva che po deréchape, lomímonte roipeʼa vaʼerãmoʼã che kuãgui! Conías hína Jehoiaquim+ raʼy, pe rréi de Judá. 25 Rontregáta umi oikóvape ndejukase,* umi nemongyhyjévape, rréi Nabucodonosor* de Babilóniape ha umi caldéope.+ 26 Ha romosẽta ndéve ha nde sýpe, ha pomondóta peteĩ yvy peẽ napenaséi haguépe, ha upépe pemanóta. 27 Ha núnka mas ndapejumoʼãvéima pe yvy pehechagaʼuetévape.*+
28 ¿Ko kuimbaʼe Conías piko hína peteĩ kambuchi jekakue ojedespresiáva,
peteĩ kambuchi avave ndoipotáiva?
¿Mbaʼére piko oñemombo yvy gotyo chupe ha ifamiliarépe,
ha oñemosẽ chupekuéra peteĩ yvy ndoikuaáivape?’.+
29 Peẽ hénte peikóva ko yvýpe,* pehendu Jehová ñeʼẽ.
30 Péicha heʼi Jehová:
‘Peanota ko kuimbaʼe réra ndorekoiramoguáicha família,
peteĩ kuimbaʼe nosẽporãivaicha chupe mbaʼeve oikove aja entéro.
Pórke ni peteĩ ifamiliare ndaikatumoʼãi
oguapy David trónope ha ogoverna jey Judápe’”.+