Salmos
Pe odirihíva musikokuérape g̃uarã. Coré raʼykuéra purahéi.+
85 Jehová, nde rehechaukáma reguerohoryha nde puévlope.+
Nde regueru jey Jacob familiarépe ojeguerahapa vaʼekue esklávoramo.+
3 Ndepochyetereíramo jepe, rejejokónte,
ha embohasa jeýnte ndejehegui.+
4 Ñandejára, nde ningo siémpre oresalva.
Anivéna ndepochy orendive, orepytyvõna roĩ porã jey hag̃ua.*+
5 ¿Tódo el tiémpo piko ndepochýta orendive?+
¿Resegíta piko rerrenega orerehe ohasáramo jepe heta henerasión?
6 Ñandejára, rojerure asy ningo ndéve oremombarete jey hag̃ua,
péicha nde puévlo ovyʼáta oĩ porãgui nendive.+
7 Jehová, oresalvána por favór.
Ehechaukána orerayhuha ha núnka nderefallaiha orendive.*+
8 Che ajapysaka porãta Jehová rehe,
haʼe heʼíva ombopyʼaguapýta ipuévlope,+ umi iñeʼẽrendúvape chupe.
Péro haʼekuéra ndoikovéima vaʼerã ojeroviaiterei ijehe.+
9 Ñandejára katuete osalváta umi orrespetávape chupe,+
upéicha oñembotuicháta chupe Israélpe.
10 Umi hénte ojoayhúta ha imbaʼeporãta oñondive, ndaiporimoʼãi ofalláva hapichándi,
pe hustísia ha pyʼaguapy oguatáta oñondive.+
11 Umi mbaʼe siertoguáva heñóita ko yvy ape ári,
ha Ñandejára hustísia oúta yvága guive.+
12 Jehová siémpre omeʼẽta iporãva.+
Upévare, ñande yvy oprodusi porãta.+
13 Pe hustísia oguatáta Ñandejára renonderã,+
ha opreparáta chupe haperã.