Salmos
Pe odirihíva musikokuérape g̃uarã. Ojepuru vaʼerã pe melodía orekóva pe músika hérava: “Anína cherundi”. Asaf purahéi.+
Enterovénte omombeʼu umi mbaʼe porãita nde rejapóva.
2 Ñandejára heʼi: “Che amoĩ rire peteĩ tiémpo aporohusga hag̃ua,
siémpre ajapo hustísia.
3 Pe yvy oñepyrũrõ guare okacha vaipa, ha umi hénte ndoikuaái moõ gotyopa ojapíta,
che ajoko pe yvy kolumnakuéra ani hag̃ua hoʼa”. (Sélah)
4 Che haʼe umi oñemombaʼeguasúvape: “Anive peñemombaʼeguasu”,
ha umi iñañávape: “Anive peñembotuicha penembarete haguére.*
5 Ani peñembotuicha penembarete haguére,*
térã peiko pehechauka pejekreeha umi mbaʼe pejévare.
6 Pórke pe odesidíva mávapepa ombotuicháta ndoúi ésteguio ládo,
ndoúi oésteguio ni súrguio.
7 Ñandejára hína pe Hués.+
Haʼe omona yvýre peteĩme, ha ótrope katu ombotuicha.+
8 Jehová oreko ipópe peteĩ kópa,+
pe víno hyjuipa ha imbarete porã.
Haʼe oñohẽta pe víno ko yvy ape ári
ha hoʼukapaitéta umi iñañávape”.+
9 Che siémpre amombeʼúta upe oikótava.
Apurahéita amombaʼeguasu hag̃ua Jacob Járape.