Salmos
Purahéi.
98 Pepurahéi vaʼerã Jehovápe peteĩ músika pyahu,+
pórke ojapo hetaiterei milágro,+
ipodér sagrádo rupive haʼe oporosalva.+
2 Jehová ohechauka haʼe osalvaha ipuévlope.+
Haʼe oikuaauka ihustoha entéro umi tetãme.+
3 Ñandejára opromete Israélpe ohayhuetereitaha* chupekuéra ha ndofallamoʼãiha hendivekuéra, ha haʼe ndahesaráiri pe promésagui.+
Oparupiete ko yvýpe ojehecháma mbaʼéichapa ñande Dios ñandesalva.*+
4 Pepurahéi Jehovápe haʼe ogana haguére.
Opavave tovyʼa, topurahéi ha tomombaʼeguasu chupe.+
5 Pemombaʼeguasu Jehovápe músika púpe,
pembotuicha chupe árpa pu rory porãme.
6 Pembopu umi trompéta ha turu,+
hatã pepurahéi Jehovápe ogana haguére, haʼe hína ñande Rréi.
7 Tomombaʼeguasu Ñandejárape pe mar ha opa mbaʼe oĩva pype,
avei pe yvy ha opa mbaʼe oĩva pype.
8 Umi rrío tojepopete,
ha umi montáña tosapukái vyʼágui.+
9 Tojapo upéva Jehová renondépe, pórke haʼe ou* ohusga hag̃ua ko yvy.
Ñandejára ihústo ha upévare ohusga porãta umi héntepe.+
Haʼe ohusga vove umi puévlope, ndojapomoʼãi mbaʼeveichagua inhustísia.+