Job
27 Job osegi oñeʼẽ ha heʼi:
2 “Ñandejára oikovéva ndojapói cherehehápe hustísia,+
Ñandejára Todopoderóso oikovéva káusare añamarga,*+ ha hese ahura,
3 che arrespira aja,
ha Ñandejára omeʼẽ aja chéve fuérsa aikove hag̃ua,+
4 che jurúgui nosẽmoʼãi mbaʼeve ivaíva,
ni ndaikomoʼãi añeʼẽ rei ni chejapu.
5 Che ni mbaʼevéicharõ ndaʼemoʼãi peẽ pendehustoha.
Amano meve asegíta cheñeʼẽrendu.+
7 Aipota che enemigokuérape ojekastiga umi iñañávaicha,
ha umi cheatakáva topa umi iñinhústovaicha.
8 Pe iñañáva* ningo omanóta, upéicharõ, ¿mbaʼe esperánsa piko hembyve chupe?+
Ñandejára ohundietéta chupe.
9 Iprovléma heta jave ha ojerure asýrõ toñepytyvõmi,+
¿ohendúta piko chupe Ñandejára?
10 ¿Ovyʼáta piko haʼe oadorávo Ñandejára Todopoderósope?
¿Oñemboʼéta piko haʼe Ñandejárape tódo el tiémpo?
11 Che amombeʼúta peẽme mbaʼeichaitépa Ñandejára ipoderóso.
Ni peteĩ mbaʼe namokañymoʼãi pendehegui, haʼe porãta peẽme Ñandejára Todopoderóso ojapótava.
12 Oiméramo Ñandejáragui ou umi visión pehecháva,
¿mbaʼére piko upéicharõ naisentídoi la pejéva?
13 Koʼã mbaʼe Ñandejára ojapóta pe iñañávare,+
koʼã mbaʼe pe Todopoderóso omeʼẽta chupe de erénsia:
14 haʼe itaʼýra hetáramo, chupekuéra ojejukapáta espádape,+
ha ifamiliakuéra ndorekomoʼãi hoʼu vaʼerã.
15 Ha ihentekuéra opytávape katu peteĩ mbaʼasy ojukapáta,
ha hembirekokuéra nahasẽmoʼãi hesekuéra.
16 Ha ombyatýramo jepe heta pláta yvytimbóicha,
ha ombyatýramo jepe ñaiʼũicha heta ao iporãitereíva,
17 ombyatypáramo jepe koʼã mbaʼe,
ipahápe umi ivuénova omondéta chugui ijao,+
ha umi hénte inosénte ojerrepartíta iplátare.
18 Pe óga omopuʼãva umi iñañáva, pyaʼeterei oñehundíta,
ojogua umi ogaguy kapiʼi+ ojapóvape umi ombaʼapóva kokuépe oñemoʼã hag̃ua sapyʼaitemi.
19 Haʼe oñenóvo oreko heta rrikésa, péro umíva odesapareséta,*
haʼe oavrívo hesa, ndaiporivéima mbaʼeve.
20 Umi mbaʼe oporomongyhyjéva okuvri chupe peteĩ ama guasúicha,
pyharekue peteĩ torménta ogueraháta chupe.+
21 Peteĩ yvytu oúva ésteguio ládo ogueraháta chupe, ha haʼe ndoexistimoʼãvéima,
ni hendague ndopytamoʼãi.+
22 Pe yvytu ojejapetéta hese ha sarambi ojapóta chugui,+
ha haʼe katu oñehaʼãmba reíta okañy chugui.+
23 Ha umi hénte ojepopetéta oñembohory hag̃ua hese,
ha oturuñeʼẽ+ vaipáta chupe hogakue guive”.