Salmos
Peteĩ purahéi. Coré raʼykuéra melodía.+ Pe odirihíva musikokuérape g̃uarã. Asegún Mahalat* ojapoháicha, umi opurahéiva oñembohovái vaʼerã ohóvo. Maskil* de Hemán+ pe ezrahíta.
88 Jehová, nde ningo siémpre chesalva.+
Arakuépe che ajerure ndéve ajúda,
ha pyharekue ajerure avei ndéve chepytyvõ hag̃ua.+
2 Hiʼãite chéve che orasión og̃uahẽ nde reimehápe.+
Ñandejára, cherendumína* ajerure jave ndéve ajúda.+
4 Chéngo amano mbotaitéma, aha potáma pe yvykuápe.*+
Ivaieterei la che situasión ha ndaikatuvéi añedefende.*+
5 Chéngo haʼete aĩmava umi omanóva apytépe.
Ajogua peteĩ teʼonguépe oĩva sepultúrape,
umívare nde ja nderekuidavéima
ha ndereguerekovéima enkuénta.
6 Koʼág̃a nde cherejáma pe yvykua tuichaitévape,
peteĩ lugár iñypytũ ha ipypukúvape.
7 Nde ningo ndepochyeterei chendive.+
Añandu chembochipeha, umi mbaʼe nde rejapóva haʼete oláda guasu guasu oupáva che ári. (Sélah)
8 Nde rembodiparapa chehegui umi che konosído,+
nde káusare haʼekuéra ndochaʼevéi cherehe.
Che ndaikatúi ajapo mbaʼeve, haʼete ajejokuapáva.
9 Che resa kangypáma asufri haguére.+
Jehová, che ningo tódo el tiémpo ajerure ndéve chepytyvõ hag̃ua.+
Ñandejára, che añemboʼe ndéve.*
10 ¿Nde piko rejapo milágro umi omanóva ohecha hag̃ua?
¿Umi omanóva piko opuʼãne nemombaʼeguasu?+ (Sélah)
11 ¿Umi oĩva sepultúrape piko omombeʼúta nembaʼeporãha ha reporohayhuha?*
¿Upe lugárpe* piko oñemombeʼúne nde nderefallaiha avavéndi?
12 ¿Ikatúne piko pe lugár iñypytũháme oñemombeʼu umi mbaʼe porãita nde rejapóva?
¿Oñeñeʼẽne piko nde hustísiare pe lugár oĩháme umi opyta vaʼekue tesaráipe?+
13 Jehová, che asegi ajerure asy ndéve chepytyvõ hag̃ua.+
Káda pyhareve ningo añemboʼe ndéve.+
14 ¿Mbaʼére piko Jehová nde cherrechasa?*+
¿Mbaʼére piko reñemolómo chehegui?*+
15 Chemitãrusu guive asufri
ha heta vésema haimete amano.+
Nde repermiti ahasa heta mbaʼe vai ha naaguantavéima.
16 Nde ndepochyeterei chendive ha upévare umi provléma oupa che ári,+
nde cheataka vaipa ha akyhyjeterei.
17 Ajereháguio ládo ou chéve la provléma.
Haʼete voi aĩva y mbytépe ha tódo el día ojejapetéva cherehe umi oláda.
18 Nde ningo mombyry rembodiparapa che amigokuéra ha umi ahayhúvape,+
koʼág̃a pe pytũmbýmante la chemoirũva.