JOSUÉ

1 Jehová siérvo Moisés omano rire, Jehová heʼi Josué,*+ Nun raʼýpe, haʼéva hína Moisés ajudánte:+ 2 “Che siérvo Moisés omanóma.+ Koʼág̃a epuʼã ejeprepara ha ehasa pe Rrío Jordán, nde ha pe puévlo kompletoite, ha peike pe yvy ameʼẽtavape chupekuéra, pe Israel puévlope.+ 3 Ameʼẽta peẽme umi lugár pepyrũháme guive, apromete haguéicha Moiséspe.+ 4 Pende território ojagarráta pe desiérto guive ha pe Líbano peve, ha ohóta hese pe rrío guasu Éufrates peve, kompletoite umi hitita yvy,+ ha oéste* gotyo pe Mar Grande* peve.+ 5 Avave ndaipuʼakamoʼãi nderehe reikove aja pukukue.+ Che aiméta nendive+ aime haguéicha Moisés ndive. Che katuete aĩta nendive, ndorohejamoʼãi neaño.+ 6 Ndepyʼaguasu ha nembaretékena,+ pórke nde hína pe reipytyvõtava umi israelítape ojagarra hag̃ua imbaʼerã pe yvy ahura vaʼekue ameʼẽtaha ituakuéra ypykuépe.+

7 Ndepyʼaguasu ha nembaretékena, ha ekumplipaite pe léi omeʼẽ vaʼekue ndéve che siérvo Moisés. Ha ani resẽ ko tapégui a la derécha ni a la iskiérda,+ ikatu hag̃uáicha nearandu rejapo hag̃ua opa mbaʼe reho rehohápe.+ 8 Siémpre reñeʼẽ vaʼerã umi mbaʼe ojeskrivívare ko lívro de la léipe,+ elee ha ejepyʼamongeta vaʼerã hese* ára ha pyhare, ikatu hag̃uáicha ejapopaite umi mbaʼe oĩva pype.+ Péicha resẽ porãta umi mbaʼe rejapóvape ha nearandúta.+ 9 Che ningo haʼéma voi kuri ndéve: ndepyʼaguasu ha nembaretékena. Ha koʼág̃a haʼe jey voi ndéve: ani ndepyʼaju ni rekyhyje, pórke Jehová nde Jára oĩ nendive reho rehohápe”.+

10 Upéi Josué heʼi umi ofisiál pe puevlopeguápe: 11 “Tapeho pe kampaménto tuichakuére ha peje umi héntepe: ‘Peprepara pende aviorã, pórke koʼẽambuérõ pehasáta ko Rrío Jordán, peike ha pejagarra hag̃ua pe yvy Jehová pende Jára omeʼẽva peẽme penembaʼerã’”.+

12 Umi rubenita, umi gadita, ha Manasés trívu alamitarépe Josué heʼi: 13 “Penemanduʼákena Jehová siérvo Moisés heʼi vaʼekuére peẽme:+ ‘Jehová pende Jára omeʼẽ hína peẽme trankilida ha omeʼẽma peẽme ko yvy. 14 Pene rembireko, pene familiakuéra ha pene rymbakuéra opytáta oiko ko yvy Moisés omeʼẽ vaʼekuépe peẽme, éste gotyo ko Rrío Jordángui.+ Péro enterove umi gerréro ipoderósova+ oĩva pende apytépe ohasa vaʼerã pe Jordán umi ótro trívu renonderã oñorairõ hag̃uáicha.+ Peẽ peipytyvõ vaʼerã 15 pene ermanokuérape Jehová omeʼẽ peve chupekuéra trankilida, omeʼẽma haguéicha peẽme, ha ojagarra peve hikuái pe yvy Ijára Jehová omeʼẽva chupekuéra oiko hag̃ua. Upe rire ae ikatúta peho jey peiko pende yvýpe, upe yvy omeʼẽ vaʼekuépe peẽme Moisés, Jehová siérvo, éste gotyo pe Jordángui’”.+

16 Haʼekuéra heʼi Josuépe: “Rojapóta opa mbaʼe eréva oréve, ha rohóta oimeraẽ lugár oremondohápe.+ 17 Oreñeʼẽrendu haguéicha Moiséspe opa mbaʼépe, upéicha avei rojapóta opa mbaʼe nde eréva oréve. Ha Jehová nde Jára toĩ avei nendive oĩ haguéicha Moisés ndive.+ 18 Ha oimeraẽ persóna ndojapóiva nde eréva térã nokumplíriva umi mbaʼe remandáva, upévape ojejukáta.+ Ndepyʼaguasu ha nembaretékena”.+

2 Upéi Josué Nun raʼy omondo Sitímgui+ ñemihaitépe mokõi kuimbaʼépe ovichea hag̃ua pe yvy. Haʼe heʼi chupekuéra: “Tapeho pevichea pe yvy, espesiálmente Jericó”. Upémarõ haʼekuéra osẽ oho, ha og̃uahẽ rire Jericópe oike peteĩ prostitúta rógape hérava Rahab,+ ha opyta hikuái upépe. 2 Ha oñemombeʼu pe rréi de Jericópe: “¡Eñatendékena! Ko pyharépe ou kuri umi kuimbaʼe israelita ovichea hag̃ua ñande yvy”. 3 Upépe, pe rréi de Jericó heʼika Rahábpe: “Eguenohẽ umi kuimbaʼe ou vaʼekue ha opytáva hína nde rógape, pórke haʼekuéra ou kuri ovichea hag̃ua ñande yvy kompletoite”.

4 Péro Rahab omokañy umi mokõi kuimbaʼépe. Upéi haʼe heʼi: “Si, ou kuri koʼápe umi kuimbaʼe, péro che ndaikuaái kuri moõguápa hikuái. 5 Ha pytũmbýrõ guare, pe siuda rokẽ oñemboty potápe, umi kuimbaʼe osẽ oho. Che ningo ndaikuaái moõpa oho hikuái, péro pyaʼe porã pemuñáramo chupekuéra katuete pehupytýta”. 6 (Péro haʼe ogueraha kuri chupekuéra hóga técho ári, ha omokañy chupekuéra umi líno rakã kuápe, oĩva hína ojoʼaripa hóga terrásape). 7 Upémarõ umi kuimbaʼe pe rréi omondo vaʼekue odipara hapykuerikuéra pe Jordán gotyo,+ pe rrío ipererĩveha gotyo, ha pe siuda rokẽ katu oñemboty kuri osẽ rire umi kuimbaʼe omuñáva chupekuéra.

8 Umi mokõi kuimbaʼe oñeno mboyve oke hag̃ua, Rahab ojupi hendapekuéra pe terrásape. 9 Haʼe heʼi chupekuéra: “Che aikuaa Jehová omeʼẽtaha peẽme ko yvy,+ ha koʼápe enterove rokyhyjepáma pendehegui.+ Ha umi hénte oikóva ko paíspe ningo ikangypáma pórke oryrýi okyhyje pendehegui.+ 10 Rohendu mbaʼéichapa Jehová oavri pe Mar Rojo pene renondépe ha penembohasa yvy isekohárupi pesẽrõ guare Egíptogui.+ Ha rohendu avei mbaʼépa pejapo vaʼekue umi mokõi rréi amorréore, Sehón+ ha Og.+ Haʼekuéra oĩ vaʼekue pe ótro ládo pe Jordángui* ha peẽ pehundi chupekuéra. 11 Rohendúrõ guare koʼã mbaʼe, orekangypaite ha ndaipóri oñanimáva oñemoĩ penderehe, pórke pende Jára Jehová haʼe hína peteĩ Dios amo yvágape ha ko yvy ape ári avei.+ 12 Ha koʼág̃a ajerure peẽme por favór, pehura hag̃ua chéve Jehová rérare penembaʼeporãtaha chendive,* pórke che chembaʼeporãiterei kuri penendive. Ha peẽ penembaʼeporã vaʼerã avei che túa hentekuérandi, ha peje chéve mbaʼéichapa ikatu aikuaa* peẽ pekumplitaha la pejéva. 13 Peẽ peiporiahuvereko ha ndapejukái vaʼerã che túa, che sy, che ermanokuéra ha che ermanakuérape, ha avei enterove oĩvape hendivekuéra, ha oresalva vaʼerã ani hag̃ua romano”.+

14 Upépe umi kuimbaʼe heʼi chupe: “¡Ore rekove jepe romeʼẽta penderehehápe! Ndapejaguáiramo orerehe ha napemombeʼúiramo maʼerãpa roju, upéicharõ orembaʼeporãta penendive ha rokumplíta la roʼe vaʼekue ág̃a Jehová omeʼẽ vove oréve ko yvy”. 15 Upe rire, Rahab omboguejy chupekuéra peteĩ piólare ventánarupi, pórke hóga oĩ vaʼekue pe siuda murálla kostádope. Hóga ningo oĩ vaʼekue voi pe murálla ári.+ 16 Upéi haʼe heʼi: “Tapeho umi montañaháre ha pekañy upépe 3 día, ani hag̃ua otopa penderehe umi pendepersegíva. Upéi ág̃a umi pendepersegíva ou jey vove, ikatúta peho jey pende rapérupi”.

17 Umi kuimbaʼe heʼi chupe: “Ore rokumplíta katuete ko huraménto rojapóva ndéve.+ 18 Péro upearã, roike vove ko yvýpe katuete eñapytĩ vaʼerã ko pióla pytã ne ventánare, pe oremboguejy haguérupi. Ha regueru vaʼerã koʼápe nde rógape nde túape, nde sy, ne ermanokuéra, ne ermanakuéra ha kompletoite nde túa hentekuérape.+ 19 Ha oĩramo osẽva nde rógagui okápe, upéicharõ haʼe ikáusare omanóta* ha ndahaʼemoʼãi ore kúlpare. Péro oĩramo opytáva nendive nde róga ryepýpe ha ojehu chupe álgo, upéicharõ upéva ore kúlpata. 20 Péro rejaguáramo orerehe ha remombeʼúramo maʼerãpa roju raʼe,+ upéicharõ avave ndaorekulpamoʼãi norokumplíriramo pe huraménto rojapo vaʼekue ndéve”. 21 Upépe haʼe heʼi: “Toiko upe pejeháicha”.

Upéi haʼe omondo chupekuéra, ha oñapytĩ pe pióla pytã iventánare. 22 Upémarõ umi kuimbaʼe oho umi montañaháre ha opyta upépe 3 día ou jey peve umi opersegíva chupekuéra. Koʼãva ningo oheka kuri oikóvo chupekuéra opárupi, péro ndotopái hesekuéra. 23 Upéi umi mokõi kuimbaʼe oho vaʼekue ovichea hag̃ua pe yvy, oguejy umi montáñagui ha ohasa pe Rrío Jordán ha og̃uahẽ Nun raʼy Josué rendápe, ha omombeʼupaite chupe umi mbaʼe oiko vaʼekue hesekuéra. 24 Upéi haʼekuéra heʼi Josuépe: “Jehová omeʼẽma ñandéve pe yvy kompletoite ha ohejáma ñande poguýpe.+ Ha umi hénte oikóva upe paíspe ikangypáma, pórke oryrýi okyhyje ñandehegui”.+

3 Upéi Josué ha umi israelita opuʼã pyharevete, osẽ Sitímgui+ ha og̃uahẽ Rrío Jordánpe, ha opyta oke hikuái upépe ohasa mboyve pe rrío.

2 Upe rire 3 día haguépe, umi ofisiál+ pe puevlopegua ohasa pe kampaméntorupi, 3 ha heʼi chupekuéra: “Pehecha vovéntema umi saserdóte levítape oguerahaha pende Jára Jehová Árka del Pákto,+ peẽ pesẽ vaʼerã ha peho hapykuéri. 4 Peho vaʼerã chugui 890 metrohárupi* ha ani peñemoag̃uive hese ni michĩmi, ikatu hag̃uáicha peikuaa mbaʼe tapérupipa peho vaʼerã, pórke peẽ neʼĩra gueteri peho ko tapérupi”.

5 Josué heʼi pe puévlope: “Peñesantifikáke Ñandejára renondépe,+ pórke koʼẽrõ Jehová ojapóta penderehehápe umi mbaʼe tuicha ha ijojahaʼỹva”.+

6 Upéi Josué heʼi umi saserdótepe: “Pehupi pe Árka del Pákto+ ha pehasa pe puévlo renonderã”. Upémarõ haʼekuéra ohupi pe Árka del Pákto ha oho pe puévlo renonderã.

7 Ha Jehová heʼi Josuépe: “Koestedía añepyrũta rombotuicha enterove israelita renondépe,+ oikuaa hag̃ua hikuái aimetaha nendive+ aime haguéicha Moisés ndive.+ 8 Ere vaʼerã umi saserdóte oguerahávape pe Árka del Pákto: ‘Pehupyty vove Rrío Jordán orílla, peike vaʼerã pe ýpe ha pepyta peñemboʼy upépe’”.+

9 Ha Josué heʼi umi israelítape: “Peju koʼápe ha pehendu mbaʼépa heʼi Jehová pende Jára”. 10 Josué heʼi chupekuéra: “Peẽ peikuaa porãta Ñandejára oikovéva oĩha pende apytépe,+ ha haʼe omosẽtaha pene renonderãgui umi cananeo, umi hitita, umi heveo, umi perizita, umi guirgaseo, umi amorreo, ha umi jebuséope.+ 11 Ha peẽ pehecháta ohasaha pene renonderã pe Rrío Jordán gotyo Ñandejára Árka del Pákto, haʼe hína Ñandejára omandáva ko yvy tuichakuére. 12 Koʼág̃a peiporavo 12 kuimbaʼe umi trívu de Israélgui, peteĩ kuimbaʼe káda trívugui.+ 13 Umi saserdóte opyrũvo pe Rrío Jordánpe, umíva hína umi ogueraháva Jehová Árka del Pákto, haʼe hína Ñandejára omandáva ko yvy tuichakuére, upepete pe Rrío Jordán ndosyrymoʼãvéima, pe y osyrýva oúvo opytáta peteĩ hendaitépe, haʼetéta voi ku ojejokóva peteĩ rreprésape”.*+

14 Pe puévlo osẽrõ guare oho ikampaméntogui ohasa hag̃ua pe Jordán, umi saserdóte ogueraháva pe Árka del Pákto+ ohasa pe puévlo renonderã. 15 Ha umi saserdóte ogueraháva pe Árka del Pákto og̃uahẽ pe Rrío Jordánpe, ha opyrũ hikuái pe y oríllape. (Pe kosécha tiémpope ningo pe Rrío Jordán tuicha ojupi ha orrevosapa).+ Upepete 16 pe y osyrýva yvatéguio opytaite peteĩ hendápe. Pe y haʼete voi ku ojejoko vaʼekue peteĩ rreprésape, mombyry yvate gotyo Adánpe, pe siuda oĩva Zaretán ypýpe. Ha hypa pe y oguejýva ohóvo pe Mar de Arabá gotyo, térã Mar Salado* gotyo. Pe y ndosyryvéi ha pe puévlo ohasa pe ótro ládo, Jericó rovái. 17 Upe aja umi saserdóte ogueraháva Jehová Árka del Pákto opyta oñemboʼy peteĩ hendaitépe, pe yvy isekohápe+ Jordán mbytépe. Opyta hikuái upépe enterovete umi israelita ohasapa peve pe Rrío Jordán yvy isekohárupi.+

4 Kompletoite umi israelita ohasapamírente pe Rrío Jordán, Jehová heʼi Josuépe: 2 “Ehenói umi 12 kuimbaʼe ojeporavo vaʼekuépe pe puévlogui, peteĩ kuimbaʼe káda trívugui,+ 3 ha ere chupekuéra: ‘Pejagarra 12 ita pe Jordán mbytégui, upe lugár opyta haguégui oñemboʼy umi saserdóte,+ ha pegueraha ha pemoĩ pe lugár pepytatahápe peke’”.+

4 Upémarõ Josué ohenói umi 12 kuimbaʼe oiporavo vaʼekuépe umi israelita apytégui, peteĩ kuimbaʼe káda trívugui. 5 Ha Josué heʼi chupekuéra: “Tapeho pe Rrío Jordán mbytépe, Ñandejára Jehová Árka del Pákto renondépe, ha káda uno pejagarra pemoĩ peteĩ ita pende atiʼy ári, pegueraha asegún pe kantida de trívu oĩva Israélpe. 6 Umi ita penemomanduʼáta Ñandejára ojapo vaʼekuére. Ha ág̃a amo gotyove pende raʼykuéra oporandúramo peẽme: ‘¿Mbaʼéreiko oĩ koʼápe koʼã ita?’,+ 7 upéicharõ peje vaʼerã chupekuéra: ‘Jehová Árka del Pákto oñembohasárõ guare pe Rrío Jordán, pe y oñembojaʼo ha ndosyryvéi henondépe.+ Upévare koʼã ita omomanduʼáta heta tiémpore umi israelítape upe oiko vaʼekuére’”.+

8 Upéi umi israelita ojapo Josué heʼi hagueichaite chupekuéra: ojagarra hikuái umi 12 ita pe Rrío Jordángui, Jehová heʼi hagueichaite Josuépe, ogueraha hikuái asegún pe kantida de trívu oĩva Israélpe. Upéi haʼekuéra ogueraha ha omoĩ pe lugár opytatahápe oke.

9 Josué okoloka avei 12 ita pe Jordán mbytépe, pe lugár oñemboʼy haguépe umi saserdóte ogueraháva pe Árka del Pákto.+ Ha umi ita oĩ upépe koʼag̃aite peve.

10 Umi saserdóte ogueraháva pe Árka del Pákto opyta oñemboʼyhápe pe Jordán mbytépe, ojejapopa peve Jehová omanda vaʼekue Josuépe heʼi hag̃ua pe puévlope. Opa mbaʼe oiko Moisés omanda hagueichaite Josuépe. Upe aja entéro pe puévlo pyaʼe porã ohasa. 11 Ha pe puévlo kompletoite ohasapamírente, umi saserdóte ogueraháva Jehová Árka del Pákto ohasa umi hénte renondépe.+ 12 Umi rubenita, umi gadita ha Manasés trívu alamitare ohasa pe rrío pe puévlo renondépe grúpo por grúpo peteĩ ehérsitoicha,+ Moisés heʼi haguéicha chupekuéra.+ 13 Amo 40.000 kuimbaʼérupi oĩva preparádo oñorairõ hag̃ua ohasa Jehová renondépe hiʼarmakuéra reheve pe desiérto de Jericópe.

14 Upe díape Jehová ombotuicha Josuépe enterove israelita renondépe,+ ha Josué oikove aja entéro umi israelita orrespeta chupe ipyʼaite guive,* orrespeta haguéicha avei hikuái Moiséspe.+

15 Upéi Jehová heʼi Josuépe: 16 “Ere umi saserdóte oguerahávape pe Árka del Pákto*+ tosẽ pe Jordángui”. 17 Upémarõ Josué heʼi umi saserdótepe: “Pesẽ pe Jordángui”. 18 Umi saserdóte ogueraháva Jehová Árka del Pákto+ osẽrõ guare pe Rrío Jordángui ha opyrũ pe oríllape pe yvy isekohápe, upepete pe rrío oñepyrũ osyry jey ha orrevosapa+ anteve guaréicha voi.

19 Pe puévlo kompletoite osẽ pe Jordángui pe día 10 del primer mes, ha omoĩ hikuái ikampaménto Guilgálpe,+ éste gotyo Jericó território oríllape.

20 Ha umi 12 ita ogueru vaʼekue hikuái Rrío Jordángui, Josué ojagarra ha omoĩmbaite ojoʼári Guilgálpe.+ 21 Upéi haʼe heʼi umi israelítape: “Ág̃a amo gotyove pende raʼykuéra oporandu vove peẽme: ‘¿Mbaʼe piko heʼise koʼã ita?’,+ 22 peẽ peje vaʼerã pende raʼykuérape: ‘Enterove israelita ohasa vaʼekue pe Rrío Jordán yvy isekohárupi.+ 23 Upéva oiko vaʼekue Jehová pende Jára ojokórõ guare pe Rrío Jordán ha ndosyryvéi henondepekuéra ohasapa peve, ojapo haguéicha avei Jehová pende Jára pe Mar Rójope, ikatu hag̃uáicha ore rokrusa yvy isekohárupi.+ 24 Haʼe ojapo upéva ikatu hag̃uáicha entéro umi puévlo oĩva ko yvy ape ári oikuaa mbaʼeichaitépa ipoderóso Jehová,+ ha peẽ siémpre pekyhyje ha perrespeta hag̃ua pende Jára Jehovápe’”.

5 Péicha Jehová ojoko pe Rrío Jordán umi israelita renondépe, ha pe y ndosyryvéi ohasapa peve hikuái yvy isekohárupi. Ha kompletoite umi rréi amorreo+ oĩva oéste gotyo* pe Jordángui, ha enterove umi rréi cananeo+ oĩva pe mar ypýpe, ohendúvo koʼã mbaʼe ikangypaite+ ha ndaipóri ni peteĩ oñemoĩséva umi israelítare.+

2 Upe tiémpope Jehová heʼi Josuépe: “Ejapo unos kuánto kyse itágui ha esirkunsida*+ umi kuimbaʼe israelítape. Upéva ojejapóta hína koʼág̃a 2 veseha”. 3 Upémarõ Josué ojapo unos kuánto kyse itágui ha osirkunsida umi kuimbaʼe israelítape Guibeat-Haaralótpe.*+ 4 Josué osirkunsida chupekuéra, pórke entéro kuimbaʼe pe puevlopegua osẽ vaʼekue Egíptogui, umíva hína umi kuimbaʼe ikatúva oho gerrahápe,* omanombaite pe desiértope.+ Haʼekuéra omano pe viáhe aja osẽ rire hikuái Egíptogui. 5 Ha enterove koʼã kuimbaʼe osẽ vaʼekue Egíptogui oñesirkunsida vaʼekue. Péro umi onaséva pe desiértope oñesẽ riréma Egíptogui, noñesirkunsidái chupekuéra pe viáhe aja. 6 Umi israelita okorre vaʼekue oikóvo pe desiértore 40 áño,+ omanomba peve umi kuimbaʼe ikatúva oho gerrahápe ha osẽ vaʼekue Egíptogui, umíva hína umi naiñeʼẽrendúi vaʼekue Jehovápe.+ Ha Jehová heʼi porã vaʼekue voi haʼekuéra núnka ndohechamoʼãiha pe yvy+ Jehová ohura vaʼekue ituakuéra ypykuépe omeʼẽtaha ñandéve ñanembaʼerã,+ peteĩ yvy osyryhápe kamby ha eirete.+ 7 Upévare haʼe oiporavo umíva raʼyrépe oike hag̃ua hekoviakuéra pe yvýpe.+ Koʼãvape Josué osirkunsida, pórke chupekuéra noñesirkunsidái kuri oviaha aja.

8 Ha oñesirkunsidapa rire entéro kuimbaʼépe, pe puévlo opyta pe kampaméntope okuerapa peve umi kuimbaʼe.

9 Upéi Jehová heʼi Josuépe: “Koestedía guive ajasegura anivéma hag̃ua umi egipcio heʼi penderehe mbaʼeve ivaíva”.* Upéicha rupi upe lugár oñehenói Guilgal*+ koʼag̃aite peve.

10 Umi israelita osegi opyta Guilgálpe ikampamentokuérape, ha upe méspe omboarete hikuái pe Páskua,* pe día 14 kaʼaruete pytũ mboyve,+ pe desiérto de Jericópe. 11 Upéi pe Páskua rire al ótro día, haʼekuéra oñepyrũ hoʼu umi mbaʼe oprodusíva pe yvy, pan ilevaduraʼỹva+ ha semílla oñemaimbe pyréva. 12 Ha hoʼu rire hikuái umi mbaʼe oprodusíva pe yvy, upe día guive ndaiporivéima pe maná umi israelítape g̃uarã.+ Upe áño guive oñepyrũma hoʼu hikuái umi mbaʼe oprodusíva Canaán yvy.+

13 Josué oĩrõ guare Jericó ypýpe ohecha peteĩ kuimbaʼe+ oñemboʼýva henonderãme ha oreko peteĩ espáda ipópe,+ upémarõ oñemboja hendápe ha oporandu chupe: “¿Nde piko reime ore ládo térã ore kontrário ládo?”. 14 Upépe haʼe heʼi chupe: “Nahániri, upéva rangue che aju hína koʼág̃a Jehová ehérsito prínsipeicha”.*+ Ha Josué oñesũ ha oñakãityete, ha heʼi chupe: “¿Mbaʼe mensáhe piko eguereko che ruvicha ne rembiguáipe g̃uarã?”. 15 Upépe Jehová ehérsito prínsipe heʼi Josuépe: “Eipeʼa ne sandália, pórke sagrádo hína ko lugár repyrũha”. Ha Josué pyaʼe porã ojapo la heʼíva chupe.+

6 Ha Jericó rokẽ oñembotypaite umi israelita káusare, ndaipóri oikéva ni osẽva.+

2 Upémarõ Jehová heʼi Josuépe: “Ameʼẽma ndéve Jericó ha irréi, ha umi gerréro poderosoite orekóva hikuái.+ 3 Ha enterove peẽ kuimbaʼe peñorairõtava pejere vaʼerã una vuélta pe siudáre. Péicha pejapo vaʼerã 6 día aja. 4 Nde rehecha vaʼerã toho pe Árka del Pákto renonderã 7 saserdóte, ha togueraha hikuái 7 turu.* Ha pe 7 diahápe, peẽ pejere vaʼerã pe siudáre 7 vése ha umi saserdóte ombopu vaʼerã umi turu.+ 5 Oñembopu vove umi turu,* peẽ pehendu vovéntema upéva, pe puévlo kompletoite osapukái vaʼerã ku oñorairõtarõguáicha. Upépe pe siuda murálla hoʼáta,+ ha káda uno umi soldádo ohóta oike derechoite pe siudápe”.

6 Upémarõ Nun raʼy Josué ohenói umi saserdótepe ha heʼi chupekuéra: “Pejagarra pe Árka del Pákto, ha 7 saserdóte ogueraha vaʼerã 7 turu ha oho vaʼerã Jehová árka renonderã”.+ 7 Upéi heʼi pe puévlope: “Pekuʼéke ha tapeho pejere pe siudáre, ha umi soldádo oho vaʼerã hiʼarmakuéra reheve+ Jehová Árka del Pákto renonderã”. 8 Ha ojejapo Josué heʼi hagueichaite pe puévlope, umi 7 saserdóte ogueraháva umi 7 turu oho Jehová renonderã, ha ombopu ohóvo hikuái umi turu, ha Jehová Árka del Pákto ojegueraha hapykuerikuéra. 9 Umi saserdóte ombopúva umi turu renonderã oho umi soldádo hiʼarmakuéra reheve, ha umi soldádo oĩva tapykuépe oho pe Árka del Pákto rapykuéri, ha upe aja kontinuadoite oñembopu umi turu.

10 Josué katu omanda kuri pe puévlope: “Aníke pesapukái, pekirirĩete vaʼerã. Mbaʼevete ndapejéi vaʼerã ág̃a che haʼe peve peẽme: ‘¡Pesapukái!’. Upépe ae pesapukái vaʼerã”. 11 Ha haʼe heʼi ojegueraha hag̃ua Jehová árka ha ojere hag̃ua hikuái heseve pe siudáre una vuélta. Upe rire oho jey hikuái pe kampaméntope ha opyta upépe upe pyhare.

12 Al ótro día Josué opuʼã pyharevete, ha umi saserdóte ojagarra Jehová árka,+ 13 ha umi 7 saserdóte ogueraháva umi 7 turu oguata ohóvo Jehová árka renonderã, ha ombopu ohóvo hikuái umi turu. Umi soldádo oguata ohóvo hiʼarmakuéra reheve henonderãkuéra, ha upe aja umi soldádo oĩva tapykuépe oho avei Jehová árka rapykuéri, ha upe aja kontinuadoite oñembopu umi turu. 14 Haʼekuéra ojere pe siudáre una ves pe segundo díape ha upéi oho jey pe kampaméntope. Péicha ojapo hikuái 6 día aja.+

15 Pe 7 diahápe opuʼã hikuái pyharevete koʼẽtĩ jave, ha oho ojere hikuái pe siudáre ojapoháicha jepi voi, péro ko díape ojere hikuái 7 vése. Upe díape añoite haʼekuéra ojere pe siudáre 7 vése.+ 16 Ha pe 7 vesehápe umi saserdóte ombopu umi turu, ha Josué heʼi pe puévlope: “¡Pesapukáike,+ pórke Jehová omeʼẽma peẽme ko siuda! 17 Ko siuda ha entéro mbaʼe oĩva pype oñehundiete vaʼerã,+ pórke entéro umíva Jehová mbaʼe hína. Rahab+ pe prostitúta añoite osegi vaʼerã oikove, haʼe ha enterove oĩva hendive hógape, pórke haʼe omokañy kuri umi kuimbaʼe ñamondo vaʼekuépe ovichea hag̃ua pe yvy.+ 18 Péro peñemomombyry vaʼerã umi mbaʼe oñehundietétavagui,+ ani hag̃ua peipota ha pegueru umíva penembaʼerã.+ Pórke pejapóramo péicha pemongyʼáta Israel kampaménto, peguerúta hiʼári sarambi* ha oñehundietéta.+ 19 Péro kompletoite pe pláta, óro ha opa mbaʼe ojejapóva iérro ha kóvregui, sagrádo hína Jehovápe g̃uarã.+ Umíva ojegueraha vaʼerã Jehová tesoreríape”.+

20 Upémarõ pe puévlo osapukái, umi turu ipu aja.+ Pe puévlo ohendúvo pe turu pu, osapukái oñorairõ hag̃uáicha, ha upepete hoʼa pe siuda murálla.+ Upéi pe puévlo oho oike pe siudápe, káda uno oho derechoite ha ojagarra hikuái pe siuda. 21 Haʼekuéra ohundiete espádape entéro mbaʼe oĩva pe siudápe, tahaʼe kuimbaʼe, kuña, imitãva ha ijedáva, tóro, ovecha ha vúrro.+

22 Josué heʼi umi mokõi kuimbaʼe oho vaʼekuépe ovichea pe yvy: “Tapeho peike pe prostitúta rógape, ha peguenohẽ chupe ha enterove oĩvape hendive, pehura haguéicha chupe”.+ 23 Upémarõ umi mitãrusu oho vaʼekue ovichea pe yvy oike ha oguenohẽ Rahábpe, itúa, isy, iñermanokuéra ha enterove oĩvape hendivekuéra. Péicha oguenohẽ hikuái ifamília kompletoitépe+ ha ogueraha chupekuéra peteĩ lugár isegúrovape Israel kampaménto ypýpe, oka gotyo.

24 Upéi haʼekuéra ohapy pe siuda ha opa mbaʼe oĩva pype. Péro pe pláta, óro ha opa mbaʼe ojejapóva iérro ha kóvregui ogueraha hikuái Jehová tesoreríape.+ 25 Ha Josué osalva pe prostitúta Rahábpe, itúa rogayguápe ha enterove oĩvape hendive. Chupekuéra añoite ojesalva.+ Ha Rahab oiko Israélpe koʼag̃aite peve,+ pórke haʼe omokañy vaʼekue umi kuimbaʼe Josué omondo vaʼekuépe ovichea hag̃ua Jericó.+

26 Upe tiémpope Josué heʼi ko huraménto:* “Toñemaldesi Jehová renondépe pe kuimbaʼe oñehaʼãvape omopuʼã jey ko siuda de Jericó. Ha omoĩ vove pe siuda simiénto, omanóta pe itaʼýra ypykue, ha omoĩ vove pe siuda rokẽ, omanóta pe itaʼýra pahague”.+

27 Péicha Jehová oĩ vaʼekue Josué ndive,+ ha ojekuaa chupe opárupi ko yvy ape ári.+

7 Péro umi israelita naiñeʼẽrendúi ha nohundíri umi mbaʼe ojeʼe vaʼekue chupekuéra ohundi hag̃ua. Acán*+ ojagarra ogueraha peteĩ mbaʼe oñehundiete vaʼerã kuri.+ Upévare Jehová orrenegaiterei umi israelítare.+ Acán ningo hína Carmí familiare, Carmí hína Zabdí familiare, ha Zabdí hína Zérah familiare, haʼéva Judá trivugua.

2 Upéi Josué omondo Jericógui unos kuánto kuimbaʼe Háipe,+ oĩva Bet-Aven ypýpe, éste gotyo Betélgui,+ ha heʼi chupekuéra: “Tapeho pevichea pe yvy”. Upémarõ umi kuimbaʼe oho ovichea Hai yvy. 3 Haʼekuéra ou rire Josué rendápe, heʼi chupe: “Natekotevẽi oho pe ehérsito kompletoite. Oñemondóramo 2.000 térã 3.000 kuimbaʼérupi ovaletereítama oñehundi hag̃ua Háipe. Ani remondo pe puévlo kompletoite, remokaneʼõmba reíta ningo chupekuéra, pórke saʼieterei oĩ la oikóva upépe”.

4 Upémarõ oho amo 3.000 kuimbaʼérupi, péro osẽvo chupekuéra umi kuimbaʼe Haigua, odiparapaite hikuái.+ 5 Umi kuimbaʼe Haigua ojuka 36 kuimbaʼe israelítape ha omuña chupekuéra pe siuda rokẽ guive Sebarim* peve, ha ojuka ohóvo chupekuéra pe vahádare. Upéicha rupi pe puévlo opyta okyhyjeterei ha ipyʼaju.*

6 Upépe Josué omondoro ijao, oñesũ ha oñakãity Jehová árka renondépe kaʼaruete peve. Haʼe ha umi kuimbaʼe omoakãva* Israel osegi omoĩ iñakã ári yvykuʼi. 7 Josué heʼi: “Áina Ñandejára Jehová regovernáva opa mbaʼe, ¿maʼerã piko regueru ko puévlope ko tape pukúre ha orembohasa ko Jordán oremeʼẽ hag̃uánte umi amorréope orerundi hag̃ua? ¡Iporãvénte vaʼerãmoʼã kuri ropytánte roiko éste gotyo pe Jordángui! 8 Cheperdonamína Jehová, ¿mbaʼe piko la haʼevétava koʼág̃a? Israel ningo odipara iñenemigokuéragui. 9 Ág̃a umi cananeo ha umi ótro puévlo oĩva ko yvy ape ári ohendu vove la oikóva, oúta oremongora ha oipeʼaitéta ore réra ko yvy árigui. ¿Ha mbaʼe piko rejapóta redefende hag̃ua nde réra tuichaitéva?”.+

10 Ha Jehová heʼi Josuépe: “¡Epuʼã! ¿Mbaʼére piko reñesũ ha reñakãity pe yvýpe? 11 Israel opeka hína. Haʼekuéra nokumplíri pe kompromíso+ ajapo vaʼekue hendivekuéra. Ogueraha hikuái peteĩ mbaʼe oñehundiete vaʼerã kuri,+ omonda+ ha oñomi ikosakuéra apytépe.+ 12 Upéicha rupi umi israelita ndaipuʼakamoʼãi iñenemigokuérare. Haʼekuéra ojeréta odipara iñenemigokuéragui, pórke chupekuéra oñekondenáma oñehundiete hag̃ua. Che naimemoʼãvéima penendive ndapeipeʼái aja entéro pende apytégui upe mbaʼe oñehundiete vaʼerã kuri.+ 13 ¡Epuʼã katu! Ha pe puévlo ojeprepara hag̃ua,+ ere chupekuéra: ‘Pejeprepara* koʼẽrõ g̃uarã, pórke péicha heʼi Jehová Israel Jára: “Israel, upe mbaʼe haʼe vaʼekue peẽme pehundi vaʼerãha, oĩ hína pende apytépe. Peẽ napendepuʼakamoʼãi pene enemigokuérare ndapeipeʼái aja entéro pende apytégui upe mbaʼe oñehundiete vaʼerã. 14 Peju koʼẽrõ pyharevete, trívu por trívu, ha pe trívu Jehová oiporavóva oñembojáta henondépe. Upéi família por família, ha pe família Jehová oiporavóva+ oñembojáta henondépe. Upéi káda ogapegua oñembojáta, ha pe Jehová oiporavóva oñembojáta henondépe, ha upéi káda kuimbaʼe upe ogapegua oñembojáta henondépe. 15 Ha ojepilla vove upe orekóvape upe mbaʼe oñehundiete vaʼerã, upévape ojejukáta ha ojehapýta chupe+ ha opa mbaʼe orekóva. Pórke haʼe nokumplíri pe kompromíso+ Jehová orekóva hendivekuéra ha ojapo peteĩ mbaʼe omotĩ ha omongyʼáva Israélpe”’”.

16 Upémarõ al ótro día Josué opuʼã pyharevete voi porã, ha heʼi umi israelítape oñemoag̃ui hag̃ua trívu por trívu, ha Ñandejára oiporavo Judá trívupe. 17 Upéi Josué heʼi oñemboja hag̃ua enterove umi família oĩva Judá trívupe, ha Ñandejára oiporavo umi zerahítape.+ Upéi heʼi oñemoag̃ui hag̃ua káda kuimbaʼe umi zerahíta apytégui, ha Ñandejára oiporavo Zabdí rogayguápe. 18 Ultimoitépe heʼi oñemoag̃ui hag̃ua káda kuimbaʼe Zabdí rogaygua, ha Ñandejára oiporavo Acánpe, haʼe ningo Carmí familiare, Carmí hína Zabdí familiare, ha Zabdí hína Zérah familiare, haʼéva Judá trivugua.+ 19 Upéi Josué heʼi Acánpe: “Che raʼy, por favór, emombaʼeguasúna Israel Jára Jehovápe, ha emombeʼu chupe la rejapo vaʼekue. Eréna chéve mbaʼépa la rejapo vaʼekue. Ani reñomi chehegui”.

20 Acán heʼi Josuépe: “Che hína la mbaʼe vai apoha, apeka Israel Jára Jehová kóntrape, ha amombeʼúta ndéve la ajapo vaʼekue. 21 Ahechárõ guare umi mbaʼe jasakea vaʼekue apytépe peteĩ ao iporãitereíva Sinárpe guare,+ ha 2 kílo 280 grámo* pláta, ha peteĩ várra de óro orekóva 570 grámo,* che aipotaiterei ha ajagarra chembaʼerã. Oime añomi che róga* ryepýpe, pe ao amoĩ yvyguýpe ha pe pláta ha óro oĩ hína pe ao guýpe”.

22 Upépe Josué omondo unos kuánto kuimbaʼe Acán rógape, ha haʼekuéra odipara oho oike upépe ha otopa pe ao oñeñomi vaʼekue, ha iguýpe pe pláta ha pe óro. 23 Upémarõ haʼekuéra oguenohẽ koʼã mbaʼe ha ogueru Josuépe, enterove umi israelita rovake, ha omoĩ hikuái Jehová renondépe. 24 Upépe Josué ha kompletoite umi israelita ojagarra Acánpe+ ha ogueraha chupe Acor Ñúme,+ Acán hína Zérah raʼy. Ha ogueraha avei hikuái pe pláta, pe ao porã, pe várra de óro,+ itaʼýra ha itajyrakuéra, hymba tóro, hymba vúrro, umi ijovecha ha ikavara, hóga kárpa ha opa mbaʼe orekóva. 25 Josué heʼi chupe: “¿Mbaʼére piko rejapo orerehe péicha ha regueru sarambi* ore ári?+ Upéicha rupi koestedía Jehová oguerúta avei nde ári mbaʼe vai”. Upépe Israel kompletoite ojapi chupekuéra itápe omano meve,+ ha upe rire ohapy chupekuéra.+ Péicha umi israelita ojuka chupekuéra itápe. 26 Upéi omopuʼã hikuái hiʼári peteĩ ita atýra, ha upéva oĩ upépe koʼag̃aite peve. Upépe ae Jehová ipochyjera.+ Upéicha rupi upe lugár héra Acor* Ñu koʼag̃aite peve.

8 Upémarõ Jehová heʼi Josuépe: “Ani ndepyʼaju ni rekyhyje.+ Eraha nendive enterovete umi kuimbaʼe oñorairõkuaáva, ha epuʼã tereho eñorairõ Hai kóntrape. Ahejáma nde poguýpe pe rréi de Hai, ipuévlo, isiuda ha ijyvy.+ 2 Rejapo hagueichaite Jericó ha irréire,+ upéicha rejapo vaʼerã Hai ha irréire. Péro ikatu pegueru penembaʼerã umi mbaʼe peipeʼáva chuguikuéra ha hymbakuéra. Emondo unos kuánto kuimbaʼe pe siuda kupe gotyo opeska ha omoñuhã hag̃ua chupekuéra”.

3 Upéi Josué ha umi kuimbaʼe oñorairõkuaáva oho oñorairõ Hai kóntrape. Josué oiporavo 30.000 kuimbaʼe oñorairõkuaáva, ha omondo chupekuéra pyharekue. 4 Ha omanda chupekuéra: “Peẽ peho vaʼerã pehaʼarõ pe siuda kupe gotyo pepeska ha pemoñuhã hag̃ua chupekuéra. Aníke peñemomombyry pe siudágui, ha enterovete peime vaʼerã preparádo. 5 Ha che ha umi ótro oĩva chendive rohóta roñemoag̃ui pe siudáre, ha haʼekuéra osẽ vove oréve akokuehe guaréicha,+ ore rodiparáta chuguikuéra. 6 Haʼekuéra osẽ vove oréve, ore romomombyrýta chupekuéra pe siudágui, pórke haʼekuéra heʼíta hína: ‘Koʼãva odipara hína ñandehegui akokuehe guaréicha’.+ Ha ore rodiparáta chuguikuéra. 7 Upépe peẽ pepuʼã vaʼerã upe pekañyhágui, ha pejagarra pe siuda. Jehová pende Jára ontregáta peẽme pe siuda. 8 Pejagarra vovéntema pe siuda pehapypaite vaʼerã.+ Peẽ pejapo vaʼerã Jehová heʼi haguéicha. Haʼepáma peẽme mbaʼépa haʼe oipota pejapo”.

9 Upéi Josué omondo chupekuéra. Ha haʼekuéra oho pe lugár opytatahápe opeska umi iñenemigokuérare, oho ojekoloka hikuái éntre Betel ha Hai, oéste gotyo Háigui. Josué katu opyta upe pyharépe umi ótro soldádondi.

10 Upéi Josué opuʼã pyharevete voi porã ha ombyaty umi soldadokuérape, haʼe ha umi kuimbaʼe omoakãva* Israel ogia chupekuéra Háipe. 11 Enterovete umi kuimbaʼe oñorairõkuaáva+ oĩva hendive oho pe siuda gotyo, ha omoĩ hikuái ikampaménto nórte gotyo Háigui. Ha peteĩ ñúntema osepara chupekuéra Háigui. 12 Upe aja haʼe ogueraha hendive 5.000 kuimbaʼe ha okoloka chupekuéra opeska hag̃ua iñenemigokuérare,+ éntre Betel+ ha Hai, oéste gotyo pe siudágui. 13 Upémarõ umi soldadokuéra oho omoĩ ikampaménto nórte gotyo pe siudágui+ ha umi soldádo opeskáva iñenemigokuérare opyta oéste gotyo pe siudágui.+ Ha Josué oho oike alamitaha meve pe ñúme.

14 Pe rréi de Hai ohechamírente upéva, osẽ pyaʼe porã pyharevete umi kuimbaʼe upe siudapeguándi oñorairõ hag̃ua umi israelita kóntrape, peteĩ lugár oĩvape pe desiértope. Péro haʼe ndoikuaái kuri oĩha opeskáva hesekuéra pe siuda kupe gotyo. 15 Umi kuimbaʼe Haigua oatakávo chupekuéra, Josué ha enterovete umi israelita odipara chuguikuéra pe tape ohóvare pe desiérto gotyo.+ 16 Upémarõ enterovete oĩva pe siudápe oñembyaty oho hag̃ua omuña chupekuéra. Ha Josué oñemuñaka chupekuéra, ha péicha omomombyry umi héntepe isiudágui. 17 Ni peteĩ kuimbaʼe ndopytái Háipe ni Betélpe, enterovete oho umi israelita rapykuéri. Haʼekuéra oheja pe siuda rokẽ nandipaite ha oho omuña umi israelítape.

18 Upémarõ Jehová heʼi Josuépe: “Ehupi pe lánsa erekóva nde pópe Hai gotyo,+ pórke che ahejáta nde poguýpe upe siuda”.+ Upépe Josué ohupi pe lánsa orekóva ipópe pe siuda gotyo. 19 Josué ohupívo ipo, upepete umi kuimbaʼe opeska vaʼekue iñenemigokuérare opuʼã odipara ha oho oike pe siudápe ha ojagarra. Ha ensegída voi ohapy hikuái pe siuda.+

20 Umi kuimbaʼe Haigua ojerévo omaña, ohecha pe siudágui opuʼãha tatatĩ yvágare, ha opyta ikangypaite hikuái, moõve gotyo ndaikatúi oho okañy. Upépe umi soldádo odipara vaʼekue ohóvo pe desiérto gotyo ojevy ha oataka ikontrariokuérape. 21 Ha Josué ha kompletoite umi israelita ohechávo umi soldádo opeska vaʼekue iñenemigokuérare oikemaha pe siudápe, ha avei ohechávo pe tatatĩ opuʼãva pe siudágui, ojere hikuái ha oataka umi kuimbaʼe Haiguápe. 22 Ha umi ótro soldádo osẽ pe siudágui oho hag̃ua oataka chupekuéra, péicha umi kuimbaʼe Haigua opyta imbytepekuéra, umi israelita oho chupekuéra koʼáguio ha amóguio ládo avei. Ha ojukapaite chupekuéra, ni peteĩ ndojesalvái ni ndohói okañy.+ 23 Péro haʼekuéra ndojukái pe rréi de Háipe,+ ojagarra chupe hikuái ha ogueraha Josué rendápe.

24 Umi israelita ojukapa umi Haiguápe pe ñúme, upe desiérto omuña haguépe chupekuéra, upépe ojuka hikuái espádape káda únope. Upe rire enterovete umi israelita oho jey pe siudápe ha ojukapaite umi oĩvape upépe. 25 Upe díape umi kuña ha kuimbaʼe Haigua ojejuka vaʼekue espádape ohupyty en totál 12.000. 26 Ha Josué nomboguejýi ipo ojokoha ilánsa,+ ohundipa peve hikuái enterovete oikóvape Háipe.+ 27 Péro umi israelita ojagarra ogueraha imbaʼerã umi animál ha umi kosakuéra oĩ vaʼekue upe siudápe, Jehová heʼi haguéicha Josuépe.+

28 Upémarõ Josué ohapy ha ohundi Hai, oiko peve chugui peteĩ siuda ndovaléiva mbaʼeverã.+ Ha opyta upéicha koʼag̃aite peve. 29 Upéi Josué ojuka pe rréi de Háipe ha omosaingo chupe peteĩ yvyráre* kaʼaruete peve. Ha oike potávo pe kuarahy, Josué heʼi oñemboguejy hag̃ua pe rréi retekue pe yvyrágui.+ Upéi oñemombo chupe pe siuda rokẽ entrádape ha omoĩ hikuái hiʼári atyraite ita, ha upéva oĩ upépe koʼag̃aite peve.

30 Upérõ guare Josué omopuʼã peteĩ altár Sérro Ebálpe+ Israel Jára Jehovápe g̃uarã. 31 Haʼe ojapo heʼi haguéicha umi israelítape Jehová siérvo Moisés, ha ojeskrivi haguéicha pe lívro orekóvape Moisés léi:+ “Pejapo hag̃ua peteĩ altár peipuru vaʼerã umi ita noñekytĩri ha noñemoldeái vaʼekue, ha ndapeipurúi vaʼerã erramiénta de iérro peikytĩ térã pejoka hag̃ua umi ita”.+ Ha pe altár ári haʼekuéra ojapo ofrénda ojehapýva Jehovápe g̃uarã ha umi ofrénda de paz.+

32 Upéi oskrivi upépe umi itáre peteĩ kópia pe léi+ Moisés oskrivi vaʼekuégui umi israelita renondépe.+ 33 Enterove umi israelita, umi kuimbaʼe omoakãva pe puévlo, umi ofisiál, ha umi hués, oñemboʼy mokõive ládope pe Árka del Pákto ykére umi saserdóte levita renondépe, haʼekuéra ningo ogueraha jepi Jehová Árka del Pákto. Oĩ upépe umi extranhéro oikóva ijapytepekuéra ha umi israelita teetéva.+ Alamita umi hénte oñemboʼy Sérro Guerizim renondépe ha umi ótro alamita Sérro Ebal+ renondépe, ikatu hag̃uáicha oñevendesi pe puévlo de Israélpe.+ Ojapo hikuái heʼi haguéicha Moisés, Jehová siérvo. 34 Upe rire olee hatã porã opa mbaʼe heʼíva pe lívro de la léi,+ umíva apytépe umi vendisión+ ha maldisión,+ ojeskrivíma haguéicha pe lívro de la léipe. 35 Josué olee hatã porã Israel kongregasión renondépe opa mbaʼe Moisés heʼi vaʼekue, ni peteĩ mbaʼe ndohejái oleeʼỹre.+ Umi kuña, mitã ha umi extranhéro+ oikóva ijapytepekuéra ohendu avei koʼã mbaʼe.+

9 Upéi umi rréi oĩva oéste gotyo pe Rrío Jordángui+ oikuaa upe oiko vaʼekue. Umíva hína umi oĩva umi montañaháre Sefelápe, opytáva pe Mar Grande*+ orílla pukukuére ha pe Líbano rovái, umíva hína umi hitita, amorreo, cananeo, perizita, heveo ha jebuseo.+ 2 Upémarõ oñomoirũmba hikuái oñorairõ hag̃ua Josué ha Israel kóntrape.+

3 Umi oikóva Gabaónpe+ oikuaa avei mbaʼépa Josué ojapo vaʼekue Jericó+ ha Hai rehe.+ 4 Péro haʼekuéra iñarandu ha iletrádo, upévare ojapo koʼã mbaʼe: omoĩ hiʼupy vosa tujakuépe ha ohupi hymba vúrro ári, ha ogueraha avei hikuái víno ryru* ituja ha okapupáma vaʼekue ha oñerremenda pyréva. 5 Ha ogueraha avei hikuái ipýre sandália tujakue ojegastapámava ha oñerremendapa vaʼekue, ha omonde avei ao tujakue. Ha umi pan ogueraháva hikuái ituja, havẽmba ha ikuʼipáma. 6 Upéi haʼekuéra oho Josué rendápe pe kampaméntope Guilgálpe,+ ha heʼi chupe ha umi kuimbaʼe israelítape: “Ore ningo mombyryetereígui roju. Koʼág̃a pejapomína ikatúramo orendive peteĩ kompromíso”. 7 Péro umi israelita heʼi umi hevéope:+ “Moõ piko ore roikuaáta peẽpa ndapeikói hína ag̃uieténte orehegui. ¿Mbaʼéicha piko upéicharõ rojapóta peteĩ kompromíso penendive?”.+ 8 Haʼekuéra heʼi Josuépe: “Ore ningo ne rembiguái”.

Upépe Josué heʼi chupekuéra: “¿Máva piko peẽ ha moõgui piko peju?”. 9 Ha heʼi chupe hikuái: “Ore ne rembiguaikuéra ningo roju mombyryetereígui,+ ha romombaʼe nde Jára Jehová réra, pórke roikuaa kuri opárupi oñeñeʼẽha hese ha rohendu avei mbaʼépa ojapo vaʼekue Egíptope.+ 10 Avei roikuaa opa mbaʼe ojapo vaʼekue umi mokõi rréi amorréore oĩva pe ótro ládo pe Jordángui, umíva hína pe rréi Sehón+ de Hesbón ha pe rréi Og+ de Basán, oĩ vaʼekue Astarótpe. 11 Upévare umi kuimbaʼe oremoakãva* ha enterovete oikóva ore yvýpe heʼi oréve: ‘Pejagarra pegueraha hiʼupy pende aviorã ha tapeho hendapekuéra. Ha peje chupekuéra: “Roikóta pene rembiguáiramo.+ Pejapóna orendive koʼág̃a peteĩ kompromíso”’.+ 12 Ko pan rogueru vaʼekue ore aviorã ningo haku asy kuri rosẽrõ guare ore rógagui roju hag̃ua koʼápe. Ha koʼág̃a pehecháma mbaʼéichapa ituja, havẽmba ha ikuʼipaitéma.+ 13 Koʼã víno ryru katu ipyahuete kuri romyenyhẽrõ guare, péro koʼág̃a okapupáma orehegui.+ Ha la ore ao ha ore sandália katu ituja ha ojegastapáma orehegui, ipukueterei rupi la ore viáhe”.

14 Upépe umi kuimbaʼe israelita ojagarra ha orrevisa umi hiʼupy ogueru vaʼekue hikuái, péro noporandúi mbaʼeve Jehovápe.+ 15 Upémarõ Josué ojapo hendivekuéra la tráto oiko porã hag̃ua hikuái oñondive,+ ha ani hag̃ua ojuka chupekuéra. Ha umi omoakãva pe puévlo* ohura okumplitaha iñeʼẽ.+

16 Upéi 3 día haguépe, ojapo rire hendivekuéra pe kompromíso, umi israelita oikuaa ag̃uieténte oikoha hikuái, ivesinokueraite raʼe. 17 Upémarõ umi israelita osẽ oho upe oĩhágui, ha og̃uahẽ umi isiudakuérape pe tercer díape. Umi isiudakuéra hína Gabaón,+ Kefirá, Beerot ha Quiryat-Jearim.+ 18 Péro umi israelita ndoatakái chupekuéra, pórke umi omoakãva pe puévlo ohura kuri Ijára Jehová rérare ndojapomoʼãiha hesekuéra mbaʼeve.+ Upévare pe puévlo kompletoite oñepyrũ ojeplagea ha oñeʼẽ vai umi omoakãvare chupekuéra. 19 Upépe umi kuimbaʼe omoakãva umi israelítape heʼi pe puévlope: “Ore rohuráma chupekuéra Jehová Israel Jára rérare, upévare ndaikatumoʼãi jajapo hesekuéra mbaʼeve. 20 Ndajajukamoʼãi chupekuéra ani hag̃ua Ñandejára ipochy ñanendive nañakumplíri haguére upe jahura vaʼekue chupekuéra”.+ 21 Upéi umi omoakãva pe puévlo osegi heʼi: “Jahejáta chupekuéra toikove, péro haʼekuéra ojapóta jepeʼa ha oguenohẽta y kompletoite pe puévlope g̃uarã”. Péva opromete chupekuéra umi omoakãva pe puévlo.

22 Upéi Josué ohenói chupekuéra ha heʼi: “¿Mbaʼére piko orembotavy pejévo: ‘Ore ningo mombyryetereígui roju’, péro ag̃uieténte peiko raʼe orehegui?+ 23 Koestedía guive peẽ peñemaldesi,+ ha siémpre peikóta esklávoramo, pejapóta jepeʼa ha peguenohẽta y che Jára rógape g̃uarã”. 24 Ha haʼekuéra heʼi Josuépe: “Rojapo ningo péicha pórke oñemombeʼu porã kuri oréve nde Jára Jehová omanda hague isiérvo Moiséspe omeʼẽ hag̃ua peẽme ko yvy kompletoite, ha ohundipa vaʼerãha pene renonderãgui umi oikóvape pype.+ Upéicha rupi rokyhyjeterei peẽ orejukapárõ g̃uarã,+ ha upévare rojapo péicha.+ 25 Ha koʼág̃a roñemoĩ pende poguýpe. Ejapo katu orerehe la repensáva oĩ porãvetaha”. 26 Ha haʼe oprotehe umi héntepe ha ndohejái umi israelita ojuka chupekuéra. Péicha ojapo Josué hesehapekuéra. 27 Péro upe día guive Josué omeʼẽ chupekuéra hembiaporã: ombyaty vaʼerã hikuái jepeʼa ha oguenohẽ vaʼerã y pe puévlo kompletoitépe g̃uarã+ ha Jehová altárpe g̃uarã, pe lugár Haʼe oiporavohápe.+ Ha péicha osegi hikuái koʼag̃aite peve.+

10 Upéi pe rréi de Jerusalén Adoni-Zédec oikuaa Josué ojagarra ha ohundipaite hague Hai, ha ojapo hague hese ha irréi rehe+ ojapo haguéicha Jericó ha irréi rehe.+ Avei oikuaa umi gabaonita ojapo hague tráto umi israelítandi oiko porã hag̃ua hikuái oñondive,+ ha oñepermiti hague chupekuéra oiko ijapytepekuéra. 2 Upévo pe rréi tuichaiterei oñemondýi,+ pórke Gabaón haʼe vaʼekue peteĩ siuda tuicháva, ojogua voi umi siuda iñimportántevape ogovernáva peteĩ rréi. Gabaón tuichave vaʼekue voi Háigui,+ ha kompletoite umi kuimbaʼe oikóva upépe oñorairõkuaa. 3 Upémarõ Adoni-Zédec pe rréi de Jerusalén heʼika Hohámpe, pe rréi de Hebrón,+ Pirámpe, pe rréi de Jarmut, Jafíape, pe rréi de Lakís, ha Debírpe, pe rréi de Eglón:+ 4 “Pejúna pechepytyvõ ha jaataka Gabaón, pórke umi hénte upepegua ojapo peteĩ tráto Josué ha umi israelítandi oiko porã hag̃ua hikuái oñondive”.+ 5 Upémarõ umi 5 rréi amorreo+ ha ijehérsito oñembyaty ha oho omoĩ ikampaménto oñorairõ hag̃ua Gabaón kóntrape. Koʼãva hína umi 5 rréi: rréi de Jerusalén, rréi de Hebrón, rréi de Jarmut, rréi de Lakís, ha rréi de Eglón.

6 Umi kuimbaʼe Gabaongua heʼika Josuépe pe kampaménto de Guilgálpe:+ “Anína reheja rei nde siervokuérape.+ ¡Ejúna pyaʼe porã orepytyvõ ha oresalva! Enterovete umi rréi amorreo oikóva umi montañaháre oñomoirũmba ore kóntrape”. 7 Upémarõ Josué oho Guilgálgui ijehérsito reheve ha ogueraha umi kuimbaʼe oñorairõkuaavévape.+

8 Ha Jehová heʼi Josuépe: “Ani rekyhyje chuguikuéra,+ pórke ahejáma chupekuéra nde pópe.+ Ni peteĩva ndaipuʼakamoʼãi nderehe”.+ 9 Josué ha isoldadokuéra ou pe pyhare pukukue Guilgálgui ha oataka iñenemigokuérape ohaʼarõʼỹve jave hikuái. 10 Ha Jehová oñepyrũ ojapo sarambi iñenemigokuérare.+ Upépe umi israelita hetaitereípe oñepyrũ ojuka Gabaónpe, ha omuña chupekuéra pe tape oarrivávare Bet-Horónpe ha osegi ojuka chupekuéra Azecá ha Maquedá peve. 11 Odipara aja hikuái umi israelítagui Bet-Horón vahádare, Jehová ombou hiʼarikuéra amandáu tuichaicháva pe tape pukukuére Azecá peve, ha omanombaite hikuái. Umi israelita hetápe ojuka espádape, péro umi amandáu guasu hetaitereivépe ojuka.

12 Upe díape Jehová ohundipaite umi amorréope umi israelita renondépe, ha upérõ guare Josué heʼi Jehovápe umi israelita renondépe:

13 Ha péicha pe kuarahy opytaite ha pe jasy ndokuʼéi umi israelita ohundipa peve iñenemigokuérape. Koʼã mbaʼe ojeskrivipaite hína Jasar lívrope.+ Upe díape pe kuarahy ndoikéi, ha ohesape un día entéro. 14 Upérõ ningo Jehová ohendu peteĩ kuimbaʼe heʼíva,+ pórke Jehová oñorairõ kuri Israel rehehápe.+ Upe díape oiko haguéicha núnka ndoikóiva gueteri, ni upe mboyve ni upe rire.

15 Upéi Josué ha enterovete umi israelita oho jey pe kampaménto oĩvape Guilgálpe.+

16 Upe aja umi 5 rréi odipara ha oho okañy Maquedá+ kuévape. 17 Upéi oñemombeʼu Josuépe: “Umi 5 rréi oime okañy hína Maquedá+ kuévape”. 18 Upémarõ Josué heʼi: “Pemboty hesevekuéra pe kuéva ita guasúpe ha pemondo unos kuánto kuimbaʼe opyta hag̃ua oñatende upépe. 19 Umi ótro katu osegi vaʼerã omuña iñenemigokuérape ha oataka chupekuéra hapykuéguio ládo.+ Ani peheja oike hikuái umi isiudakuérape, pórke pende Jára Jehová ohejáma chupekuéra pende pópe”.

20 Josué ha umi israelita ojuka hetaitereípe, ohundipaite voi chupekuéra. Péro ojesalva unos kuánto, umi odipara vaʼekue ha oike umi siuda imurallapávape. 21 Upéi pe puévlo kompletoite ou jey Josué rendápe pe kampaméntope Maquedápe, ojehuʼỹre chupekuéra mbaʼeve. Ha ni peteĩ kuimbaʼe noñanimavéima oñeʼẽ vai Israel rehe. 22 Ha upéi Josué heʼi: “Peipeʼa pe ita pe kuéva jurúgui, ha peguenohẽ chéve umi 5 rréipe”. 23 Upémarõ haʼekuéra oguenohẽ pe kuévagui koʼã 5 rréipe: pe rréi de Jerusalén, pe rréi de Hebrón, pe rréi de Jarmut, pe rréi de Lakís, ha pe rréi de Eglón.+ 24 Oñeguenohẽ ha ojegueraha rire umi rréipe Josué renondépe, haʼe ohenoika enterovete umi kuimbaʼe israelítape. Ha heʼi avei umi omoakãvape umi kuimbaʼe oñorairõkuaávape, umi oho vaʼekuépe hendive: “Peju koʼápe ha pepyrũ koʼã rréi núkare”. Upémarõ haʼekuéra oho ha opyrũ umi rréi núkare.+ 25 Ha Josué heʼi chupekuéra: “Ani pendepyʼaju ni pekyhyje.+ Pendepyʼaguasu ha penembaretékena, pórke péicha Jehová ojapóta kompletoite pene enemigokuérare, umi peñorairõtavandi”.+

26 Upéi Josué ojuka umi 5 rréipe ha omosaingo káda únope peteĩ yvyráre* kaʼaruete peve. 27 Ha oike potávo pe kuarahy, Josué heʼi oñemboguejy hag̃ua chupekuéra umi yvyrágui,+ ha oñemombo hag̃ua umi hetekue pe kuéva okañy haguépe hikuái. Upéi oñemboty pe kuéva entráda atyraite itápe, ha péicha opyta koʼag̃aite peve.

28 Upe díape Josué ojagarra ha ohundipaite espádape Maquedá.+ Haʼe ojuka pe rréipe ha enterovete oikóvape upépe, ha ni peteĩ ndojesalvái.+ Ojapo pe rréi de Maquedá+ rehe ojapo haguéicha avei pe rréi de Jericó rehe.

29 Upéi Josué ha umi israelita kompletoite oho Maquedágui Libnápe, ha oñorairõ Libná+ kóntrape. 30 Péicha Jehová omeʼẽ avei Israélpe Libná ha irréi,+ ha haʼekuéra ohundipaite enterovépe espádape, ha ni peteĩ ndojesalvái. Haʼekuéra ojapo pe rréi de Libná rehe ojapo haguéicha avei pe rréi de Jericó rehe.+

31 Upéi Josué ha umi israelita kompletoite oho Libnágui ha omoĩ ikampaménto Lakíspe,+ ha oñorairõ Lakís kóntrape. 32 Jehová oheja Lakís umi israelita pópe, ha haʼekuéra ojagarra pe lugár pe segundo díape. Haʼekuéra ohundipaite espádape enterove* oikóvape upe siudápe,+ ojapo haguéicha Libná rehe.

33 Upéi Horam pe rréi de Guézer+ oho oipytyvõ hag̃ua Lakíspe, péro Josué ojuka chupe ha ipuévlope ha ni peteĩ ndojesalvái.

34 Upéi Josué ha umi israelita kompletoite oho Lakísgui ha omoĩ ikampaménto Eglónpe,+ ha oñorairõ Eglón kóntrape. 35 Haʼekuéra ojagarra upe lugár ha ojukapaite espádape entéro oikóvape upépe. Upe díape haʼekuéra ojuka enterove* oikóvape upépe, ojapo haguéicha Lakís rehe.+

36 Upéi Josué ha umi israelita kompletoite osẽ Eglóngui ha oho Hebrónpe,+ ha oñorairõ Hebrón kóntrape. 37 Haʼekuéra ojagarra ha ohundi pe siuda ha umi puévlo oĩva ijerére, ha ojuka espádape pe rréi ha enterove* oikóvape upépe, ha ni peteĩ ndojesalvái. Haʼekuéra ohundipaite upe lugár ha enterove* oĩvape upépe, ojapo haguéicha Eglón rehe.

38 Upéi Josué ha umi israelita kompletoite ojere oho Debir+ gotyo, ha oñorairõ Debir kóntrape. 39 Josué ojagarra ha ojuka umi oĩvape pe siudápe ha umi puévlo oĩvape ijerére, ha ojuka espádape pe rréi ha enterove* oikóvape upépe,+ ha ni peteĩ ndojesalvái.+ Haʼe ojapo Debir ha irréire ojapo haguéicha Hebrón rehe, avei Libná ha irréi rehe.

40 Josué ojagarrapaite pe yvy, pe lugár oĩháme umi montáña, pe Négueb, pe Sefelá+ ha kompletoite umi vaháda, ha umi irreikuéra, ha ni peteĩ ndojesalvái. Haʼe ojukapaite enterovépe,+ Israel Jára Jehová omanda hagueichaite.+ 41 Josué ojagarra pe yvy Cadés-Barnea+ guive Gaza+ peve, ha avei kompletoite pe yvy oĩva Gosén+ guive Gabaón+ peve. 42 Josué oñepyrũ ohundi koʼã rréipe ha oho hese de un puku ojagarrapaite peve ijyvykuéra, pórke Israel Jára Jehová oñorairõ kuri Israel rehehápe.+ 43 Upéi Josué ha kompletoite umi israelita oho jey pe kampaménto de Guilgálpe.+

11 Jabín, rréi de Hazor, oikuaamírente la oiko vaʼekue, oavisa Jobábpe, rréi de Madón,+ ha avei rréi de Simrónpe ha rréi de Acsáfpe.+ 2 Oavisa avei umi rréi oĩ vaʼekuépe umi montañaháre nórte gotyo, umi ñu* oĩvare Kinéretgui sur gotyo, umi oĩva Sefelápe, ha umi sérro de Dórpe,+ oĩva oéste gotyo. 3 Ha oavisa avei umi cananeo+ oĩvape éste ha oéste gotyo, umi amorreo,+ umi hitita, umi perizita, umi jebuseo oĩva umi montañaháre, ha umi heveo+ oĩvape pe Hermón+ ypýpe, Mizpá territóriope. 4 Upéi enterovete koʼã rréi osẽ oñorairõ hag̃ua ijehersitokuéra reheve, ha hetaiterei hikuái hetaháicha pe yvykuʼi mar oríllape, ogueraha avei hikuái hetaiterei kavaju ha kárro de gérra. 5 Enterovete koʼã rréi oñemoĩ peteĩ ñeʼẽme oñembyaty hag̃ua ha ou omoĩ hikuái ikampaménto pe arrójo Merom ypýpe.

6 Upépe Jehová heʼi Josuépe: “Ani rekyhyje chuguikuéra,+ pórke koʼẽrõ pyhareve koʼã órarupi antregáta chupekuéra Israélpe. Ha peẽ pejukáta katuete chupekuéra. Reikytĩ vaʼerã ikavajukuéragui hetyma rajygue+ ha rehapypaite vaʼerã ikarrokuéra”. 7 Josué ha enterovete umi kuimbaʼe oñorairõkuaáva oho oataka chupekuéra ohaʼarõʼỹve jave, pe arrójo Merom orílla pukukuére. 8 Jehová omeʼẽ chupekuéra Israel pópe,+ ha umi israelita ogana iñenemigokuérape, ha opersegi chupekuéra Sidón,+ pe siuda tuichaitéva peve, avei Misrefot-Maim+ ha Mizpé Ñu meve, oĩva éste gotyo, ha ojukapaite chupekuéra ha ni peteĩ ndojesalvái.+ 9 Upéi Josué ojapo Jehová heʼi hagueichaite chupe, oikytĩ ikavajukuéragui hetyma rajygue ha ohapypaite ikarrokuéra.+

10 Upéi, Josué ou jey ha ojagarra pe siuda de Hazor ha ojuka espádape irréipe,+ pórke ymave Hazor haʼe vaʼekue pe siuda iñimportantevéva kompletoite koʼã goviérnope. 11 Haʼekuéra ojuka espádape ha ohundipaite umi oikóvape upépe,+ ni peteĩ ndojesalvái.+ Upéi Josué ohapypaite Hazor. 12 Josué ojagarra koʼã rréipe ha kompletoite isiudakuéra, ojuka ha ohundipaite chupekuéra espádape.+ Ni peteĩ ndojesalvái chuguikuéra,+ heʼi hagueichaite Jehová siérvo Moisés. 13 Péro Israel ndohapýi ni peteĩ siuda oĩva umi lugár ijyvatehápe. Hazor añoite Josué ohapy. 14 Umi israelita ojagarra ogueraha imbaʼerã kompletoite umi animál ha umi kosakuéra oĩ vaʼekue upe siudápe.+ Péro ojuka hikuái espádape káda persónape ha ndopytái ni peteĩ.+ Ni peteĩ ndojesalvái chuguikuéra.+ 15 Jehová heʼi hagueichaite isiérvo Moiséspe, peichaite avei Moisés heʼi Josuépe ojapo hag̃ua,+ ha upeichaite haʼe ojapo. Haʼe ojapo entéro mbaʼe Jehová heʼi vaʼekue Moiséspe.+

16 Josué ojagarra kompletoite pe yvy, pe lugár oĩháme umi montáña, kompletoite pe Négueb,+ kompletoite Gosén yvy, pe Sefelá,+ pe Arabá,+ ha umi montañakuéra oĩva Israélpe ha avei umi lugár oĩva vahadaháre. 17 Ojagarra Sérro Halac guive, oarriváva Seírpe, og̃uahẽ meve Baal-Gádpe+ oĩva Líbano Ñúme, opytáva pe Sérro Hermón+ ypyetépe. Haʼe ojagarra ha ogana kompletoite irreikuérape ha ojukapa chupekuéra. 18 Josué oñorairõ koʼã rréi ndive heta tiémpore. 19 Ni peteĩ umi siuda ndojapói la tráto umi israelítandi oiko porã hag̃ua oñondive, umi heveo oikóva Gabaónpe añoite ojapo hendivekuéra la tráto.+ Ha haʼekuéra oñorairõ ojagarra hag̃ua kompletoite umi ótro siuda.+ 20 Jehová voi oheja vaʼekue chupekuéra oñembopyʼahatã,+ ikatu hag̃uáicha oñorairõ Israélndi, ha ohundipaite hag̃ua chupekuéra oiporiahuverekoʼỹre.+ Umi héntepe oñehundi vaʼerã kuri, Jehová heʼi hagueichaite Moiséspe.+

21 Upe tiémpope Josué ohundi umi anaquímpe*+ oikóva umi montañaháre, Hebrónpe, Debírpe, Anábpe, ha kompletoite umi montañaháre oĩva Judá ha Israélpe. Josué ohundipaite chupekuéra ha umi isiudakuéra.+ 22 Ndopytái ni peteĩva umi anaquim umi israelita territóriope, opyta+ hikuái Gaza,+ Gat+ ha Asdódpe+ añoite. 23 Upémarõ Josué ojagarra pe yvy ha kompletoite opyta ipoguýpe, Jehová opromete haguéicha Moiséspe.+ Upéi Josué omeʼẽ upéva erénsiaramo Israélpe por trívu, asegún pe párte otokáva chupekuéra.+ Ha péicha upe yvýpe noñorairõvéima hikuái.+

12 Koʼãva hína umi rréi ogoverna vaʼekue pe yvy éste gotyo pe Jordángui, Arnón Ñu*+ guive pe Sérro Hermón peve+ ha pe Arabá kompletoite, éste gotyo. Upe rire umi israelita ogana chupekuéra ha ojagarra ijyvy.+ Peteĩva umi rréi hína 2 Sehón,+ umi amorreokuéra rréi. Haʼe oiko vaʼekue Hesbónpe ha ogoverna pe siuda de Aroer,+ oĩva Arnón Ñu*+ rembeʼýpe. Imbaʼe vaʼekue avei pe Arnón Ñu mbytete guive Jaboc Ñu* meve, haʼéva umi ammonita frontéra. Avei ogoverna vaʼekue alamita Galaad território. 3 Sehón ogoverna vaʼekue avei pe Arabá éste gotyo, pe Mar de Kinéret*+ peve, ha oho hese pe Mar de Arabá peve, térã pe Mar Salado.* Iterritório ojagarra vaʼekue avei Bet-Jesimot, Mar Salado ypýpe ha oho hese sur gotyo Pisgá vahadakuéra peve.+

4 Pe ótro rréi haʼe vaʼekue Og,+ pe rréi de Basán, haʼe hína pe último refaím hembýva.+ Haʼe oiko vaʼekue Astarot ha Edréipe, 5 haʼe ogoverna vaʼekue pe território ojagarráva pe Sérro Hermón, Salecá ha Basán kompletoite,+ umi guesurita ha umi maacatita+ frontéra peve, avei alamita Galaad, pe rréi Sehón de Hesbón território peve.+

6 Jehová siérvo Moisés ha umi israelita ogana chupekuéra.+ Upe rire Moisés, Jehová siérvo, omeʼẽ ijyvykuéra umi rubenítape, umi gadita ha Manasés trívu alamitarépe.+

7 Koʼãva hína umi rréi oĩ vaʼekue pe lugárpe, ha Josué ogana vaʼekue oéste gotyo pe Jordángui ha umi israelita ogana chupekuéra, Baal-Gad+ guive Líbano+ Ñu meve ha Sérro Halac+ peve, oarriváva Seírpe.+ Upe rire Josué omeʼẽ umíva yvykue Israel trivukuérape imbaʼerã, asegún pe otokáva chupekuéra.+ 8 Umi yvy hína umi lugár oĩha umi montañakuéra, pe Sefelá, pe Arabá, umi lugár oĩva vahadaháre, pe desiérto, ha pe Négueb,+ umíva hína umi hitita, amorreo,+ cananeo, perizita, heveo ha jebuseo yvy.+ Koʼãva hína umi rréi:

13 Upéi, Josué itujaitereíma ha omano mbotaitéma,+ upévare Jehová heʼi chupe: “Nde ningo ndetujaitereíma ha remano mbotaitéma, péro heta gueteri hemby pe yvy ojejagarra vaʼerã. 2 Koʼãva hína umi yvy ofaltáva ojejagarra:+ kompletoite umi filisteo território ha kompletoite umi guesurita yvy+ 3 (upéva oñepyrũ hína oĩháme pe ysyry osẽva Rrío Nílogui, éste gotyo Egíptogui, ha oho hese Ecrón frontéra peve nórte gotyo, ymave upéva ojeʼe vaʼekue haʼeha umi cananeo território).+ Avei ndojejagarrái gueteri umi yvy oĩva umi 5 governánte filisteo poguýpe.+ Umíva hína umi gazeo, umi asdodita,+ umi asquelonita,+ umi guitita+ ha umi ecronita+ yvy. Avei umi avim+ yvy 4 oĩva sur gotyo, kompletoite umi cananeo yvy, avei Meará território guive, haʼéva hína umi sidonio+ yvy, Afec peve, oĩva umi amorreokuéra frontéra ypýpe. 5 Avei umi guebalita+ yvy ha kompletoite pe Líbano éste gotyo, Baal-Gad guive oĩva Sérro Hermón ypýpe Lebó-Hamat*+ peve, 6 kompletoite umi hénte oikóva umi montáñare, Líbano+ guive Misrefot-Maim+ peve, ha kompletoite pe yvy oikoha umi sidonio.+ Che amosẽmbaitéta chupekuéra umi israelita renondégui.+ Nde rerrepartíntema vaʼerã ko yvy opyta hag̃ua umi israelítape iñerénsiaramo, haʼéma haguéicha ndéve.+ 7 Koʼág̃a rerreparti vaʼerã iñerensiarã ko yvy asegún pe otokáva umi 9 trívupe ha Manasés trívu alamitarépe”.+

8 Umi rubenita, umi gadita ha Manasés trívu alamitare hembýva ojagarra pe yvy Moisés omeʼẽ vaʼekue chupekuéra iñerensiarã, éste gotyo pe Jordángui. Upe yvy omeʼẽ vaʼekue voi chupekuéra Jehová siérvo Moisés:+ 9 omeʼẽ chupekuéra Aroer+ guive, oĩva Arnón+ Ñu* rembeʼýpe, ha pe siuda oĩva pe ñu mbytépe, ha kompletoite umi sérro ári umi lugár iplanoha Medebá ypýpe, Dibón peve. 10 Avei kompletoite rréi Sehón siudakuéra, haʼe hína umi amorreokuéra rréi ha ogoverna vaʼekue Hesbón guive, umi ammonita território orílla peve,+ 11 avei Galaad, umi guesurita ha maacatita território,+ kompletoite pe Sérro Hermón ha kompletoite Basán,+ Salecá peve.+ 12 Ha kompletoite umi lugár ogoverna vaʼekue Basánpe pe rréi Og, haʼe ogoverna vaʼekue Astarot ha Edréipe (haʼe ningo haʼe vaʼekue pe último refaím hembýva).+ Moisés ogana vaʼekue chupekuéra ha omosẽmba chupekuéra upégui.+ 13 Péro umi israelita nomosẽi+ vaʼekue umi guesurita ni umi maacatítape, pórke umi hénte Guesur ha Maacatpegua oiko gueteri koʼag̃aite peve umi israelitakuéra apytépe.

14 Leví trívupe añoite Moisés nomeʼẽi vaʼekue iñerensiarã.+ Jehová Israel Jára opromete vaʼekue omeʼẽtaha chupekuéra iñerénsiaramo umi ofrénda ojehapýva.+

15 Upéi Moisés omeʼẽ iñerensiarã umi rubenítape, káda famíliape, 16 ha pe território otokáva chupekuéra oñepyrũ Aroer guive, oĩva Arnón Ñu* rembeʼýpe, ha pe siuda oĩva pe ñu mbytépe, ha umi sérro ári kompletoite umi lugár iplanoha Medebá ypýpe. 17 Avei Hesbón ha umi sérro ári kompletoite umi puévlo+ oĩva pe iplanohápe, Dibón, Bamot-Baal, Bet-Baal-Meón,+ 18 Jáhaz,+ Quedemot,+ Mefaat,+ 19 Quiryataim, Sibmá,+ Zéret-Sáhar oĩva pe montáñape ñu rembeʼýpe, 20 Bet-Peor, Pisgá vahadakuéra,+ Bet-Jesimot,+ 21 kompletoite umi siuda oĩva umi sérro ári pe iplanohápe, kompletoite umi lugár ogoverna vaʼekue rréi Sehón, umi amorreokuéra rréi, haʼe ogoverna vaʼekue Hesbón.+ Moisés ogana vaʼekue chupe+ ha umi kuimbaʼe omoakãvape umi madianitakuéra apytépe, umíva hína: Eví, Réquem, Zur, Hur ha Reba.+ Koʼã rréi oĩ vaʼekue Sehón poguýpe, ha haʼekuéra oiko vaʼekue avei upe lugárpe. 22 Umi israelita ojuka vaʼekue avei espádape Balaámpe,+ Beor raʼy, pe adivínope,+ ojukárõ guare hikuái umi ótrope. 23 Umi rubenita território og̃uahẽ pe Jordán peve. Upéva hína pe yvy oñemeʼẽ vaʼekue iñerénsiaramo umi rubenítape, káda famíliape, umi siuda ha ipuevloʼikuéra reheve.

24 Upéi Moisés omeʼẽ iñerénsia umi gadítape, káda famíliape, 25 ha pe território otokáva chupekuéra hína Jazer+ ha kompletoite Galaad siudakuéra ha alamita umi ammonita+ yvy Aroer peve, oĩva Rabá+ rovái, 26 ha Hesbón+ guive Ramat-Mizpé ha Betonim peve, ha Mahanaim+ guive Debir rembeʼy peve, 27 ha pe ñúme Bet-Haram, Bet-Nimrá,+ Sucot,+ Zafón, ha pe território hembýva ogovernáva rréi Sehón de Hesbón.+ Ha iterritório frontérape oĩ pe Jordán, oñepyrũ Mar de Kinéret*+ opaha guive ha ojagarra kompletoite éste gotyo pe Jordángui. 28 Upéva hína pe yvy oñemeʼẽ vaʼekue iñerénsiaramo umi gadítape, káda famíliape, umi siuda ha ipuevloʼikuéra reheve.

29 Upéi Moisés omeʼẽ iñerénsia Manasés trívu alamitarépe, káda famíliape, ha upéva opyta chupekuéra imbaʼerã.+ 30 Ha pe território otokáva chupekuéra oñepyrũ Mahanaim+ guive ha ojagarra Basán kompletoite, upéva hína kompletoite pe lugár ogoverna vaʼekue Og rréi de Basán. Avei ojagarra hikuái kompletoite Jaír+ kampamentokuéra oĩva Basánpe, en totál 60 puevloʼi. 31 Ha alamitare Makir familiarépe oñemeʼẽ alamita Galaad, Astarot ha Edréi,+ umi siuda ogoverna haguépe Og, rréi de Basán. Makir+ hína Manasés raʼyre.

32 Koʼãva hína umi território Moisés omeʼẽ vaʼekue chupekuéra iñerénsiaramo, oĩrõ guare hikuái desiérto de Moábpe, Jericó rovái éste gotyo pe Jordángui.+

33 Péro Leví trívupe Moisés nomeʼẽi peteĩ erénsia.+ Jehová Israel Jára hína iñerensiakuéra, haʼe oprometéma haguéicha voi chupekuéra.+

14 Péicha umi israelita ojagarra imbaʼerã pe yvy oñemeʼẽ vaʼekue chupekuéra Canaánpe. Upe yvy omeʼẽ chupekuéra erénsiaramo Eleazar pe saserdóte, Josué Nun raʼy, ha umi omoakãva Israel trívu asegún káda família.+ 2 Upe yvy oñemeʼẽva erénsiaramo ojesortea vaʼekue oñemeʼẽ hag̃ua chupekuéra,+ péicha voi Jehová omanda vaʼekue Moiséspe ojejapo hag̃ua umi 9 trívu imédiope g̃uarã.+ 3 Moisés omeʼẽma vaʼekue umi mokõi trívu imédiope iñerensiarã, pe yvy oĩva éste gotyo pe Jordángui,+ péro umi levítape nomeʼẽi iñerensiarã omeʼẽ haguéicha umi ótro trívupe.+ 4 José familiarégui oiko vaʼekue mokõi trívu:+ Manasés ha Efraín.+ Péro umi levítape noñemeʼẽi ijyvyrã, oñemeʼẽnte chupekuéra umi siuda+ oiko hag̃ua ha umi pastoty oĩva pe siuda jerére hymbakuérape g̃uarã, ha opa mbaʼe orekóvape g̃uarã.+ 5 Upémarõ umi israelita orreparti pe yvy Jehová omanda haguéicha Moiséspe.

6 Upéi unos kuánto kuimbaʼe Judagua oñemboja Josué rendápe Guilgálpe,+ ha upéi Caleb,+ Jefuné raʼy pe quenizita, heʼi chupe: “Nde ningo reikuaa porã mbaʼépa Jehová heʼi vaʼekue+ nderehe ha cherehe Moiséspe,+ Ñandejára siérvope, amo Cadés-Barnéape.+ 7 Che areko vaʼekue 40 áño Jehová siérvo Moisés chemondórõ guare Cadés-Barnéagui avichea hag̃ua pe yvy.+ Ha aju jeýrõ guare amombeʼu porã chupe opa mbaʼe ahecha vaʼekue.+ 8 Umi che ermanokuéra oho vaʼekue chendive katu omokangy pe puévlope, péro che ndajapói upéicha, pórke cheñeʼẽrendu Jehová che Járape che pyʼaite guive.+ 9 Upe díape Moisés ohura vaʼekue heʼívo: ‘Nde ha ne familiakuérape ameʼẽta pe yvy repyrũ hague, ha opytáta peẽme g̃uarã erénsiaramo pára siémpre, pórke nde neñeʼẽrendu Jehová che Járape nde pyʼaite guive’.+ 10 Ha Jehová opermiti gueteri chéve aikove+ opromete haguéicha,+ ha ohasáma 45 áño Jehová ojapo hague ko promésa Moiséspe, Israel okorrérõ guare oikóvo pe desiértore.+ Koʼág̃a aikove gueteri ha arekóma 85 áño. 11 Koestedía peve chembarete gueteri, chembarete haguéicha Moisés chemondórõ guare avichea hag̃ua pe yvy. Upe tiémpope guaréicha chembarete gueteri aha hag̃ua añorairõ ha ajapo hag̃ua oimeraẽ mbaʼe. 12 Upévare emeʼẽna chéve ko lugár oĩháme umi montañakuéra, upéva ningo Jehová oprometéma vaʼekue voi omeʼẽtaha ñandéve. Nde rehendu vaʼekue upe lugárpe oĩha umi anaquim,+ umi isiudakuéra katu tuichaicha ha umi imurallakuéra ijyvateterei,+ péro Jehová katuete oĩta chendive+ ha amosẽmbáta chupekuéra, Jehová opromete haguéicha”.+

13 Upémarõ Josué ovendesi Calébpe, Jefuné raʼýpe, ha omeʼẽ chupe Hebrón iñerensiarã.+ 14 Upévare Hebrón opyta Calébpe iñerensiarã koʼag̃aite peve, pórke haʼe siémpre iñeʼẽrendu Jehová Israel Járape ipyʼaite guive. Haʼe hína Jefuné raʼy pe quenizita.+ 15 Ymave Hebrón héra vaʼekue Quiryat-Arbá+ (Arbá haʼe vaʼekue pe kuimbaʼe tuichavéva umi anaquim apytépe). Ha péicha upe yvýpe noñorairõvéima hikuái.+

15 Pe yvy oñemeʼẽ vaʼekue*+ Judá trívupe, káda famíliape, oho hese Edom+ frontéra peve, pe desiérto de Zin peve, ha og̃uahẽ pe Négueb púntape, sur gotyo. 2 Pe ifrontéra sur gotyo oñepyrũ Mar Salado*+ púntape oĩva súrpe, 3 ha oho hese Acrabim arrivádagui+ sur gotyo, ohasa Zínrupi, upéi ojupi súrgui ha oho Cadés-Barnéape,+ ohasa Hezrónrupi, ojupi Addárpe ha ojere Carcá gotyo. 4 Upéi ohasa Azmónrupi+ ha oho hese Egipto Yrape*+ peve ha og̃uahẽ pe Mar Grándepe.* Péva haʼe vaʼekue ifrontéra sur gotyo.

5 Pe ifrontéra éste gotyo oñepyrũ Mar Saládope ha oho hese Jordán opaha peve. Ha nórte gotyo pe ifrontéra oñepyrũ vaʼekue pe márpe, hoʼahápe pe Rrío Jordán.+ 6 Ha pe frontéra ojupi Bet-Hoglápe,+ ha ohasa Bet-Arabágui+ nórte gotyo, ha upéi ojupi Bohán+ ita peve. Bohán hína Rubén raʼyre. 7 Upéi pe frontéra ojupi Debírpe pe Acor Ñúme+ ha ojere nórte gotyo Guilgálpe,+ oĩva Adumim arriváda rovái opytáva sur gotyo pe yrapégui. Upéi pe frontéra ohasa En-Semes+ ykuérarupi ha og̃uahẽ En-Roguélpe.+ 8 Ha pe frontéra ojupi Hinón Raʼy Ñúme,+ umi jebuseo+ vahádare sur gotyo, térã Jerusalénpe.+ Upéi pe frontéra ojupi pe montáña ruʼãme oĩva Hinón Ñu rovái oéste gotyo, opytáva Refaím Ñu rembeʼýpe nórte gotyo. 9 Ha pe frontéra oho hese pe montáña ruʼã guive Neftóah arrójo peve,+ ha osegi umi siuda oĩvape Sérro Efrónpe, upéi oho hese Baalá peve, térã Quiryat-Jearim.+ 10 Ha pe frontéra ojere oho Baalá guive oéste gotyo pe Sérro Seírpe ha ohasa nórte gotyo Sérro Jearim vahádare, térã Kesalón. Upéi oguejy Bet-Sémespe+ ha og̃uahẽ Timnápe.+ 11 Ha pe frontéra osegi Ecrón+ vaháda peve nórte gotyo, oho hese Sikerón peve ha ohasa pe Sérro Baalárupi ha og̃uahẽ Jabneélpe, upéi pe frontéra oho opa pe márpe.

12 Pe ifrontéra oéste gotyo haʼe vaʼekue pe Mar Grande+ orílla. Koʼãva haʼe vaʼekue Judá familiare território frontéra alrrededór.

13 Ha Josué omeʼẽ vaʼekue iñerensiarã Caleb,+ Jefuné raʼýpe, Judá familiare apytépe, Jehová omanda haguéicha chupe. Omeʼẽ chupe Quiryat-Arbá térã Hebrón+ (Arbá haʼe vaʼekue Anac túa). 14 Upémarõ Caleb omosẽ upégui umi mbohapy Anac raʼykuérape:+ Sesái, Ahimán ha Talmái.*+ Haʼekuéra hína Anac familiare. 15 Upéi oho oñorairõ umi hénte oikóvandi Debírpe+ (ymave Debir héra vaʼekue Quiryat-Séfer). 16 Upépe Caleb heʼi: “Pe kuimbaʼe ohóvape oñorairõ Quiryat-Séfer kóntrape ha ojagarra upe siuda, upévape ameʼẽta hembirekorã che rajy Acsá”. 17 Ha ojagarra upe siuda Otniel,+ Quenaz raʼy,+ Quenaz haʼe hína Caleb ermáno. Upévare Caleb omeʼẽ chupe hembirekorã itajýra Acsá.+ 18 Upéi Acsá ohokuévo iména rógape heʼi jey jey iménape ojerure hag̃ua Calébpe peteĩ yvy. Upéi Acsá oguejy hymba vúrro árigui* ha upépe Caleb oporandu chupe: “¿Mbaʼe piko reipota?”.+ 19 Haʼe heʼi chupe: “Emeʼẽmína chéve peteĩ rregálo ohechaukáva nde chevendesiha. Nde ningo remeʼẽ kuri chéve che yvyrã sur* gotyo peteĩ lugár isékova, upévare emeʼẽna avei chéve Gulot-Maim”.* Upémarõ itúa omeʼẽ chupe Gulot Alto ha Gulot Bajo.

20 Kóva hína pe yvy oñemeʼẽ vaʼekue Judá trívupe, káda famíliape iñerensiarã.

21 Koʼãva hína umi siuda oĩva Judá trívu território opahápe, sur gotyo Edom+ frontérape: Cabzeel, Éder, Jagur, 22 Quiná, Dimoná, Adadá, 23 Quedes, Hazor, Itnán, 24 Zif, Télem, Bealot, 25 Hazor-Hadatá, Queriyot-Hezrón térã Hazor, 26 Amam, Sema, Moladá,+ 27 Hazar-Gadá, Hesmón, Bet-Pélet,+ 28 Hazar-Sual, Beer-Seba,+ Biziotías, 29 Baalá, Iyim, Ézem, 30 Eltolad, Kesil, Hormá,+ 31 Ziclag,+ Madmaná, Sansaná, 32 Lebaot, Silhim, Ain ha Rimón.+ En totál 29 siuda ipuevloʼikuéra reheve.

33 Umi siuda oĩva pe Sefelápe+ hína koʼãva: Estaol, Zorá,+ Asná, 34 Zanóah, En-Ganim, Tapúah, Enam, 35 Jarmut, Adulam,+ Socó, Azecá,+ 36 Saaraim,+ Aditaim, Guederá ha Guederotaim. En totál 14 siuda ipuevloʼikuéra reheve.

37 Upépe oĩ vaʼekue avei Zenán, Hadasá, Migdal-Gad, 38 Dileán, Mizpé, Jocteel, 39 Lakís,+ Bozcat, Eglón, 40 Cabón, Lahmam, Kitlís, 41 Guederot, Bet-Dagón, Naamá ha Maquedá.+ En totál 16 siuda ipuevloʼikuéra reheve.

42 Upépe oĩ vaʼekue avei Libná,+ Éter, Asán,+ 43 Iftá, Asná, Nezib, 44 Queilá, Aczib ha Maresá. En totál 9 siuda ipuevloʼikuéra reheve.

45 Upépe oĩ vaʼekue avei Ecrón, umi puevloʼi oĩva ijerére, ha avei umi ótro puevloʼi. 46 Ecrón guive oéste gotyo, kompletoite Asdod ha ipuevloʼikuéra território pukukuére.

47 Asdod,+ umi puevloʼi oĩva ijerére, ha avei umi ótro puevloʼi. Gaza,+ umi puevloʼi oĩva ijerére, ha avei umi ótro puevloʼi, ha oho hese Egipto Yrape peve, ha pe Mar Grande orílla peve.+

48 Ha umi lugár oĩháme umi montañakuéra, Samir, Jatir,+ Socó, 49 Daná, Quiryat-Saná térã Debir, 50 Anab, Estemó,+ Anim, 51 Gosén,+ Holón ha Guiló.+ En totál 11 siuda ipuevloʼikuéra reheve.

52 Upépe oĩ vaʼekue avei Arab, Dumá, Esán, 53 Janim, Bet-Tapúah, Afecá, 54 Humtá, Quiryat-Arbá térã Hebrón+ ha Zior. En totál 9 siuda ipuevloʼikuéra reheve.

55 Upépe oĩ vaʼekue avei Maón,+ Carmelo, Zif,+ Jutá, 56 Jezreel, Jocdeam, Zanóah, 57 Cayín, Guibeá ha Timná.+ En totál 10 siuda ipuevloʼikuéra reheve.

58 Upépe oĩ vaʼekue avei Halhul, Bet-Zur, Guedor, 59 Maarat, Bet-Anot ha Eltecón. En totál 6 siuda ipuevloʼikuéra reheve.

60 Upépe oĩ vaʼekue avei Quiryat-Baal térã Quiryat-Jearim+ ha Rabá. En totál 2 siuda ipuevloʼikuéra reheve.

61 Pe desiértope oĩ vaʼekue Bet-Arabá,+ Midín, Secacá, 62 Nibsán, pe Siuda de Sal ha En-Guedí.+ En totál 6 siuda ipuevloʼikuéra reheve.

63 Péro umi Judagua ndaikatúi vaʼekue omosẽ+ umi jebuseo+ oiko vaʼekuépe Jerusalénpe.+ Upévare umi jebuseo osegi oiko umi Judaguándi Jerusalénpe koʼag̃aite peve.

16 Ojejapo rire pe sortéo,*+ José familiarépe+ otoka pe território oñepyrũva Jordán guive, oĩva Jericó ypýpe, ha oho hese éste gotyo Jericó arrojokuéra oĩha meve. Ha pe território frontéra ohasa pe desiértorupi ha ojupi Jericó rovái, ha oho hese oĩha meve umi montañakuéra oĩva Betel ypýpe.+ 2 Upéi Betélgui, oĩva Lúzpe, ohasa Atarótpe, haʼéva hína umi arkita frontéra, 3 ha upéi oguejy oéste gotyo umi jafletita frontérape, ha oho hese Bet-Horón Baja+ frontéra peve, upéi okontinua Guézer+ peve ha oho opa pe Mar Grándepe.*

4 Péicha José familiare,+ Manasés ha Efraín, ojagarra ijyvyrã.+ 5 Kóva haʼe vaʼekue Efraín familiare território frontéra: éste gotyo iñerénsia frontéra haʼe vaʼekue Atarot-Addar,+ ha oho hese Bet-Horón Alta+ peve, 6 ha og̃uahẽ pe Mar Grándepe. Upéi pe frontéra oñepyrũ Micmetátpe+ oĩva nórte gotyo, ha upéi ojere oho éste gotyo Taanat-Silópe, ha ohasa éste gotyo Janóahpe. 7 Upéi Janóahgui oguejy Atarótpe ha Naarápe, ha og̃uahẽ Jericó+ peve ha oho hese pe Jordán peve. 8 Ha Tapúah+ guive pe frontéra oho oéste gotyo Caná Yrapépe,* ha oho opa pe Mar Grándepe.+ Kóva hína pe yvy oñemeʼẽ vaʼekue Efraín trívupe, káda famíliape iñerensiarã. 9 Avei unos kuánto siuda ha puevloʼikuéra oĩva Manasés erénsiape+ ojeaparta vaʼekue avei Efraín trívupe g̃uarã.

10 Péro haʼekuéra nomosẽi umi cananeo oiko vaʼekuépe Guézerpe.+ Upévare umi cananeo osegi oiko Efraín territóriope koʼag̃aite peve,+ ha oñemombaʼapo pohýi chupekuéra.+

17 Upe rire ojejapo pe sortéo+ ha osẽ Manasés+ trívu, haʼe hína José raʼy ypykue.+ Makir+ hína Manasés raʼy ypykue ha Galaad túa, ha Makir haʼe vaʼekue peteĩ kuimbaʼe oñorairõkuaáva, upévare oñemeʼẽ chupe Galaad ha Basán.+ 2 Upéi ojejapo pe sortéo ha oñemeʼẽ pe yvy Manasés trívu hembývape, káda famíliape g̃uarã, Abí-Ézer+ raʼykuérape g̃uarã, Hélec raʼykuérape g̃uarã, Asriel raʼykuérape g̃uarã, Siquem raʼykuérape g̃uarã, Héfer raʼykuérape g̃uarã, ha Semidá raʼykuérape g̃uarã. Koʼãva hína haʼe José raʼy Manasés familiare kuimbaʼéva, asegún umi família.+ 3 Péro Zelofehad+ ndaitaʼýrai vaʼekue, kuña memete ifamília. Zelofehad hína Héfer raʼy, Galaad niéto, Makir visniéto, ha Manasés familiare. Zelofehad rajykuéra héra hína: Mahlá, Noá, Hoglá, Milcá ha Tirzá. 4 Upévare haʼekuéra oho Eleazar+ pe saserdóte rendápe, Josué Nun raʼy ha umi omoakãva Israel rendápe, ha heʼi hikuái: “Jehová ningo heʼi vaʼekue Moiséspe omeʼẽ hag̃ua oréve peteĩ erénsia ore hentekuéra apytépe”.+ Ha Jehová omanda haguéicha, oñemeʼẽ chupekuéra peteĩ erénsia itúa ermanokuéra apytépe.+

5 Avei oñemeʼẽ Manaséspe 10 lóte, oñemeʼẽ riréma chupekuéra Galaad ha Basán, oĩva éste gotyo pe Jordángui,+ 6 pórke umi kuña oĩvape Manasés trívupe oñemeʼẽ peteĩ erénsia iñermanokuérandi. Ha Manasés familiare hembývape oñemeʼẽ Galaad.

7 Manasés frontéra haʼe vaʼekue Aser guive Micmetat+ peve, oĩva Siquem+ rovái, ha pe frontéra oho hese sur gotyo* umi En-Tapuahgua territóriope. 8 Tapúah+ yvy opyta vaʼekue Manasés trívu territóriope, péro pe siuda de Tapúah, oĩva Manasés frontérape, opyta Efraín familiare territóriope. 9 Pe frontéra oguejy Caná Yrapépe,* sur gotyo pe yrapégui. Upépe oĩ vaʼekue Efraín siudakuéra oĩva Manasés territóriope,+ ha Manasés frontéra oho nórte gotyo pe yrapégui ha opa pe Mar Grándepe.*+ 10 Sur gotyo haʼe vaʼekue Efraín território, ha nórte gotyo Manasés território, ha pe frontéra og̃uahẽ pe Mar Grándepe.+ Nórte gotyo Manasés território og̃uahẽ Aser peve, ha éste gotyo og̃uahẽ Isacar peve.

11 Koʼã siuda oĩva Isacar ha Aser territóriope opyta vaʼekue Manasés trívupe, ha avei opyta chupe umi hénte oikóva upépe ha umi puévlo oĩva ijerére: Bet-Seán, Ibleam,+ Dor,+ ha umi mbohapy serroʼi: En-Dor,+ Taanac+ ha Meguidó.

12 Péro Manasés familiare ndaikatúi vaʼekue ojagarra koʼã siuda, upévare umi cananeo tovaʼatãme osegi oiko upépe.+ 13 Upéi umi israelita imbareteve rire omombaʼapo pohýi+ umi cananéope, péro nomosẽmbái chupekuéra.+

14 Ha José familiare heʼi Josuépe: “Ore ningo oreretaiterei, pórke Jehová orevendesi+ koʼag̃aite peve, ¿mbaʼére piko upéicharõ remeʼẽ oréve erénsiaramo peteĩ pártente pe yvy oñemeʼẽvagui por sortéo+ ha peteĩ lótente?”. 15 Josué heʼi chupekuéra: “Oimérõ penderetaitereíma, tapeho upéicharõ amo kaʼaguýpe umi perizita+ ha refaím+ territóriope, ha pemopotĩ upépe peteĩ lugár penembaʼerã, pórke Efraín+ montañakuéra michĩeterei peẽme g̃uarã”. 16 Upémarõ José familiare heʼi: “Michĩ gueteri oréve g̃uarã umi montañakuéra. Hiʼarive enterovete umi cananeo oikóva upérupi pe ñúme oreko umi kárro de gérra+ orekóva kyse puku de iérro irruédare,* ha upéichante avei umi oikóva Bet-Seánpe+ ha umi puévlo oĩva ijerére, avei umi oikóva Jezreel+ Ñúme”. 17 Upémarõ Josué heʼi José raʼykuéra Efraín ha Manasés trivuguápe: “Añetehápe ningo peẽ pendereta ha pendepoderosoiterei, upéicha rupi napenderupytypamoʼãi oñemeʼẽramo peẽme peteĩ pártente pe yvy oñemeʼẽvagui por sortéo,+ 18 péro opytáta avei penembaʼerã umi montañakuéra.+ Ha ikaʼaguypáramo jepe upe lugár, peẽ pemopotĩta ha upéva opytáta peẽme pende território fronterarã. Ha peẽ pemosẽta umi cananéope, imbarete ha orekóramo jepe umi kárro de gérra orekóva kyse puku de iérro irruédare”.*+

18 Upémarõ pe puévlo* kompletoite oñembyaty Silópe,+ ha omoĩ hikuái upépe pe tavernákulo,*+ pórke pe yvy oĩma ipoguypekuéra.+ 2 Péro 7 trívu de Israélpe noñemeʼẽi gueteri iñerensiarã. 3 Upémarõ Josué heʼi umi israelítape: “¿Arakaʼe peve piko pesegíta pejere hína ha ndapehomoʼãi pejagarra pe yvy omeʼẽ vaʼekue peẽme Jehová, pende tuakuéra ypykue Jára?+ 4 Peiporavo mbohapy kuimbaʼe káda trívugui ha che amondóta chupekuéra orrekorre hag̃ua pe yvy tuichakuére ha ojapo hag̃ua peteĩ mápa asegún pe párte orresivítava káda trívu iñerensiarã. Upéi ou jeýta hikuái che rendápe. 5 Pembojaʼo vaʼerã pe yvy 7 hendápe asegún pe otokáva káda trívupe.+ Judá opytáta iterritóriope sur gotyo,+ ha José familiare opytáta iterritóriope nórte gotyo.+ 6 Peẽ pevichea vaʼerã pe yvy ha pejapo peteĩ mápa, ha pedividi pe yvy 7 hendápe, ha upéi pegueru vaʼerã chéve. Ha che asorteáta+ peẽme g̃uarã pe yvy Ñandejára Jehová renondépe. 7 Péro umi levítape noñemeʼẽmoʼãi mbaʼeve peẽme oñemeʼẽháicha,+ pórke ijapyteguikuéra osẽta hína umi oservítava saserdóteramo Jehovápe ha upéva hína pe erénsia otokáva chupekuéra.+ Gad, Rubén, ha Manasés trívu alamitare+ ojagarráma iñerensiarã éste gotyo pe Jordángui, upéva omeʼẽ vaʼekue chupekuéra Jehová siérvo Moisés”.

8 Ha umi kuimbaʼe ojeprepara oho hag̃ua, ha Josué heʼi umi ojapótavape pe mápa: “Tapeho perrekorre pe yvy tuichakuére ha pejapo pe mápa, ha upéi peju jey che rendápe. Ha che asorteáta peẽme g̃uarã pe yvy Jehová renondépe Silópe”.+ 9 Upéi umi kuimbaʼe oho orrekorre pe yvy tuichakuére ha ojapo pe mápa ha odividi pe yvy 7 hendápe. Oanota avei hikuái peteĩ lívrope umi siuda réra oĩva umi lugárpe. Upéi ou jey hikuái Josué rendápe pe kampaméntope Silópe. 10 Ha Josué osortea pe yvy chupekuéra g̃uarã Jehová renondépe Silópe.+ Upépe Josué orreparti pe yvy umi israelítape asegún pe párte otokáva chupekuéra.+

11 Upéi Josué osortea pe yvy Benjamín trívupe g̃uarã, káda famíliape g̃uarã. Pe território oñemeʼẽva chupekuéra pe sortéo rupive oĩ vaʼekue éntre Judá+ ha José familiare território mbytépe.+ 12 Nórte gotyo ifrontéra oñepyrũ vaʼekue pe Jordánpe, ha oho Jericó+ vaháda peve nórte gotyo, upéi ojupi pe montáñare oéste gotyo, ha upéi oho hese Bet-Aven+ desiérto peve. 13 Ha upégui pe frontéra oho og̃uahẽ Lúzpe, pe Luz vahádape oĩva sur gotyo, haʼéva Betel.+ Upéi pe frontéra oguejy Atarot-Addárpe,+ ohasa pe montáña ári oĩva sur gotyo Bet-Horón+ Bájagui. 14 Ha pe frontéra oĩva oéste gotyo upéi ojere sur gotyo oĩha guive pe montáña oĩva Bet-Horón rovái, ha oho opa Quiryat-Baálpe, haʼéva Quiryat-Jearim,+ peteĩ siuda oĩva Judápe. Péva hína pe frontéra oĩva oéste gotyo.

15 Pe frontéra oĩva sur gotyo oñepyrũ Quiryat-Jearim oríllape ha oho hese oéste gotyo, ha og̃uahẽ Neftóah arrójo peve.+ 16 Upéi pe ifronterakuéra oguejy pe montáña orílla peve, oĩva Hinón Raʼy Ñu+ rovái ha opytáva Refaím+ Ñúme nórte gotyo. Upéi pe frontéra oguejy Hinón Ñúme, umi jebuseo vahádare+ sur gotyo, ha og̃uahẽ En-Roguélpe.+ 17 Pe frontéra oĩva nórte gotyo oho hese En-Semes peve, ha upéi ohasa Guelilot rupi, oĩva Adumim arriváda rovái,+ upéi oguejy Bohán ita peve.+ Bohán hína Rubén raʼyre. 18 Ha pe frontéra osegi pe vahádare nórte gotyo pe Arabá rovái ha oguejy pe Arabápe. 19 Upéi pe frontéra osegi Bet-Hoglá+ vahádare nórte gotyo, ha oho opa Mar Salado*+ púntape oĩva nórte gotyo, upépe hoʼa hína pe Rrío Jordán púnta oĩva sur gotyo. Péva hína pe frontéra oĩva sur gotyo. 20 Pe Jordán haʼe vaʼekue pe frontéra oĩva éste gotyo. Kóva haʼe vaʼekue pe erénsia oñemeʼẽva Benjamín familiarépe, káda famíliape asegún pe iterritório frontéra.

21 Koʼãva haʼe vaʼekue Benjamín trívu siudakuéra, asegún káda família: Jericó, Bet-Hoglá, Émec-Queziz, 22 Bet-Arabá,+ Zemaraim, Betel,+ 23 Avim, Pará, Ofrá, 24 Kefar-Amoní, Ofní ha Gueba.+ En totál 12 siuda ipuevloʼikuéra reheve.

25 Gabaón,+ Ramá, Beerot, 26 Mizpé, Kefirá, Mozá, 27 Réquem, Irpeel, Taralá, 28 Zelá,+ Ha-Élef, umi jebuseo siuda haʼéva Jerusalén,+ Guibeá+ ha Quiryat. En totál 14 siuda ipuevloʼikuéra reheve.

Péva haʼe vaʼekue Benjamín familiare erénsia, káda famíliape g̃uarã.

19 Upe rire pe segundo sortéope+ osẽ Simeón, upéva hína Simeón trívu+ asegún káda família. Ha iñerensiakuéra oĩ vaʼekue Judá erénsia territóriope.+ 2 Pe erénsia oñemeʼẽ vaʼekue chupekuéra haʼe vaʼekue: Beer-Seba+ ha avei Seba, Moladá,+ 3 Hazar-Sual,+ Balá, Ézem,+ 4 Eltolad,+ Betul, Hormá, 5 Ziclag,+ Bet-Marcabot, Hazar-Susá, 6 Bet-Lebaot,+ ha Saruhén. En totál 13 siuda ipuevloʼikuéra reheve. 7 Avei Ain, Rimón, Éter ha Asán.+ En totál 4 siuda ipuevloʼikuéra reheve. 8 Avei kompletoite umi puévlo oĩva umi siuda jerére Baalat-Beer peve, hérava avei Ramá oĩva sur gotyo. Upéva hína pe yvy oñemeʼẽ vaʼekue iñerensiarã Simeón trívupe, káda famíliape. 9 Simeón familiarépe oñemeʼẽ iñerensiarã Judá yvýgui, pórke pe párte oñemeʼẽ vaʼekue Judápe tuichaitereíma chupekuéra g̃uarã. Upévare Simeón familiarépe oñemeʼẽ ijyvyrã Judá erénsia territóriope.+

10 Upe rire pe tercer sortéope+ osẽ Zabulón, upéva hína Zabulón familiare+ asegún káda família. Ha pe iñerensiakuéra frontéra og̃uahẽ Sarid peve. 11 Upéi pe ifrontéra ojupi oéste gotyo Mareálpe ha og̃uahẽ Dabésetpe, upéi og̃uahẽ pe ñúme* Jocneam rovái. 12 Sarid guive oho éste gotyo, pe kuarahyresẽ gotyo Kislot-Tabor oríllape, ha upéi oho osẽ Daberátpe+ ha ojupi Jafíape. 13 Ha upégui oho jey éste gotyo Gat-Héferpe,+ upéi Et-Cazínpe, osẽ Rimónpe, ha oho hese Neá peve. 14 Ha nórte gotyo pe frontéra ojere ha oho Hanatónpe ha ohasa koʼã lugár rupi: Iftá-El Ñu, 15 Catat, Nahalal, Simrón,+ Idalá ha Belén.+ En totál 12 siuda ipuevloʼikuéra reheve. 16 Kóva hína pe erénsia oñemeʼẽ vaʼekue Zabulón familiarépe, káda famíliape g̃uarã.+ Koʼãva haʼe vaʼekue umi isiuda ha ipuevloʼikuéra.

17 Upe rire pe cuarto sortéope+ osẽ Isacar,+ upéva hína Isacar familiare asegún káda família. 18 Ha iterritório frontéra og̃uahẽ koʼã lugár peve: Jezreel,+ Kesulot, Sunem,+ 19 Hafaraim, Shión, Anaharat, 20 Rabit, Quisión, Ébez, 21 Rémet, En-Ganim,+ En-Hadá ha Bet-Pazez. 22 Ha pe frontéra og̃uahẽ Sérro Tabórpe,+ avei Sahazúmape ha Bet-Sémespe, ha pe frontéra oho opa pe Jordánpe. En totál 16 siuda ipuevloʼikuéra reheve. 23 Kóva hína pe erénsia oñemeʼẽ vaʼekue Isacar trívupe, káda famíliape g̃uarã.+ Koʼãva haʼe vaʼekue umi isiuda ha ipuevloʼikuéra.

24 Upe rire pe quinto sortéope+ osẽ Aser+ trívu, asegún káda família. 25 Ha iterritório frontéra oĩ vaʼekue koʼã lugárpe: Helcat,+ Halí, Beten, Acsaf, 26 Alamélec, Amad ha Misal. Oéste gotyo katu ifrontéra ohasa Carmélorupi+ ha Sihor-Libnat rupi. 27 Upéi pe frontéra ojere oho éste gotyo Bet-Dagónpe, ha oho hese Zabulón peve ha Iftá-El Ñúme nórte gotyo, ha og̃uahẽ Bet-Émecpe ha Neiélpe. Upéi oho a la iskiérda gotyo Cabúlgui, 28 ha oho Ebrónpe, Rehóbpe, Hamónpe, Canápe ha og̃uahẽ Sidónpe,+ pe siuda tuichaitéva. 29 Upéi pe frontéra ojere oho Ramápe, ha oho hese Tírope,+ pe siuda imurallapáva. Upéi pe frontéra ojere oho Hosápe, ha oho opa pe Mar Grándepe,* oĩháme Aczib território, 30 Umá, Afec+ ha Rehob+ território. En totál 22 siuda ipuevloʼikuéra reheve. 31 Kóva hína pe erénsia oñemeʼẽ vaʼekue Aser trívupe, káda famíliape g̃uarã.+ Koʼãva haʼe vaʼekue umi isiuda ha ipuevloʼikuéra.

32 Upe rire pe sexto sortéope+ osẽ Neftalí familiare, asegún káda família. 33 Ha iterritório frontéra oñepyrũ Hélefpe, oĩháme pe yvyramáta guasu Zaananímpe+ ha oho Adamí-Néquebpe, Jabneélpe, ha oho hese Lacum peve, ha oho opa pe Jordánpe. 34 Upéi pe ifrontéra oho ojere oéste gotyo Aznot-Tabórpe, ha upégui oho Hucócpe ha pe ifrontéra sur gotyo og̃uahẽ Zabulónpe, oéste gotyo pe ifrontéra og̃uahẽ Asérpe, ha éste gotyo og̃uahẽ Judápe* pe Jordánpe. 35 Ha umi siuda imurallapáva haʼe vaʼekue Zidim, Zer, Hammat,+ Racat, Kinéret, 36 Adamá, Ramá, Hazor,+ 37 Quedes,+ Edréi, En-Hazor, 38 Yirón, Migdal-El, Horem, Bet-Anat ha Bet-Semes.+ En totál 19 siuda ipuevloʼikuéra reheve. 39 Kóva hína pe erénsia oñemeʼẽ vaʼekue Neftalí trívupe, káda famíliape g̃uarã.+ Koʼãva haʼe vaʼekue umi isiuda ha ipuevloʼikuéra.

40 Upe rire pe séptimo sortéope+ osẽ Dan+ trívu, asegún káda família. 41 Ha iñerénsia frontérape oĩ vaʼekue Zorá,+ Estaol, Ir-Semes, 42 Saalabín,+ Ayalón,+ Itlá, 43 Elón, Timná,+ Ecrón,+ 44 Eltequé, Guibetón,+ Baalat, 45 Jehúd, Bene-Berac, Gat-Rimón,+ 46 Me-Jarcón ha Racón, ha pe território orílla ohasa Jope+ rovái. 47 Péro Dan território michĩeterei vaʼekue chupekuéra g̃uarã,+ upévare haʼekuéra oho oñorairõ Lésem kóntrape,+ ha ojagarra upe lugár ha ojuka espádape umi hénte oikóvape upépe. Péicha haʼekuéra ojagarra upe lugár ha oiko upépe, ha okambia hikuái Lésem réra ha ombohéra Dan. Ombohéra hikuái Dan ituakuéra ypykue rérape.+ 48 Kóva hína pe erénsia oñemeʼẽ vaʼekue Dan trívupe, káda famíliape g̃uarã. Koʼãva haʼe vaʼekue umi isiuda ha ipuevloʼikuéra.

49 Péicha odividipa hikuái pe yvy por território oñemeʼẽ hag̃ua chupekuéra erénsiaramo. Upéi umi israelita omeʼẽ iñerensiarã Josué, Nun raʼýpe, oreko hag̃ua ijyvyrã ijapytepekuéra. 50 Jehová omanda haguéicha omeʼẽ chupe hikuái pe siuda Josué ojerure vaʼekue, Timnat-Sérah,+ oĩva umi montañaháre Efraín territóriope. Haʼe omopuʼã jey pe siuda ha opyta oiko upépe.

51 Koʼãva hína umi erénsia orreparti vaʼekue Eleazar pe saserdóte, Josué, Nun raʼy ha umi omoakãva Israel trívu asegún káda família.+ Upearã haʼekuéra ojapo sortéo Silópe+ Jehová renondépe, pe tavernákulo* entrádape.+ Péicha orrepartipa hikuái pe yvy.

20 Upéi Jehová heʼi Josuépe: 2 “Ere umi israelítape: ‘Peiporavo umi siuda ikatuhápe oñekañy,*+ haʼéma haguéicha peẽme Moisés rupive, 3 ikatu hag̃uáicha oho okañy upépe umi oporojuka vaʼekue ojaposeʼỹre, térã oimoʼãʼỹre ojukáva hapichápe. Koʼã siudápe ikatúta okañy ani hag̃ua otopa hese pe ovengáva pe ojejuka vaʼekue ruguykue.+ 4 Pe oporojuka vaʼekue oho vaʼerã okañy peteĩva koʼã siudápe,+ ha opyta vaʼerã pe siuda rokẽ entrádape+ ha heʼi vaʼerã umi kuimbaʼe omoakãvape* upe siuda mbaʼépa la ojapo vaʼekue. Upéi haʼekuéra orresivíta chupe upe siudápe ha omeʼẽta chupe peteĩ lugár oiko hag̃ua hendivekuéra. 5 Pe ovengáva upe ojejuka vaʼekue ruguykue omuñáramo pe oporojuka vaʼekuépe, haʼekuéra nontregái vaʼerã chupe, pórke haʼe ojuka hapichápe ojukaseʼỹre ha ndahaʼéi kuri ndaijaʼéigui hese.+ 6 Ha pe oporojuka vaʼekue opyta vaʼerã upépe ojehusga peve chupe pe puévlo* renondépe,+ ha upéi opyta vaʼerã oiko upépe omano meve pe súmo saserdóte+ oĩva upe tiémpope. Upe rire ae ikatúta oho jey ivállepe, upe okañy haguégui, ha ikatúta oike jey isiudápe ha hógape’”.+

7 Upearã haʼekuéra osantifika* koʼã siuda: Quedes,+ oĩva Galiléape umi montañaháre Neftalí territóriope, Siquem,+ oĩva umi montañaháre Efraín territóriope, ha Quiryat-Arbá,+ térã Hebrón, oĩva umi montañaháre Judá territóriope. 8 Jordán territóriope, éste gotyo Jericógui, haʼekuéra oiporavo Bézer,+ oĩva pe desiértope umi sérro ári pe iplanohápe, Rubén trívu territóriope. Oiporavo avei hikuái Ramot+ oĩva Galaádpe, Gad trívu territóriope, ha Golán+ oĩva Basánpe, Manasés trívu territóriope.+

9 Koʼãva hína umi siuda ojeporavo vaʼekue umi israelita térã umi extranhéro oikóvape g̃uarã ijapytepekuéra, ikatu hag̃uáicha oho okañy oĩramo peteĩ ojukáva hapichápe ojukaseʼỹre.+ Péicha ndojukamoʼãi chupe pe ovengáva pe ojejuka vaʼekue ruguykue ojehusga mboyve chupe pe puévlo renondépe.+

21 Umi omoakãva umi levítape asegún káda família oho pe saserdóte Eleazar+ rendápe, Josué, Nun raʼy rendápe ha umi omoakãva Israel trívu asegún káda família rendápe, 2 ha oñeʼẽ hendivekuéra Silópe+ oĩva Canaánpe, ha heʼi chupekuéra: “Jehová omanda vaʼekue Moisés rupive oñemeʼẽ vaʼerãha oréve umi siuda roiko hag̃ua, ha umi pastoty ore rymbakuérape g̃uarã”.+ 3 Upémarõ umi israelita omeʼẽ iñerénsiagui umi levítape koʼã siuda+ ipastoty reheve, Jehová omanda haguéicha.+

4 Ojejapo pe sortéo ha pe primera erénsia oñemeʼẽ umi cohatítape.+ Umi levita oúva pe saserdóte Aarón familiarégui, umívape g̃uarã ojesortea ha oñemeʼẽ 13 siuda. Oñemeʼẽ chupekuéra umi siuda oĩva Judá,+ Simeón+ ha Benjamín trívu territóriope.+

5 Ha umi cohatita hembývape oñemeʼẽ 10 siuda ojejapo rire pe sortéo. Oñemeʼẽ chupekuéra umi siuda oĩva Efraín+ ha Dan territóriope, avei umi oĩva Manasés trívu alamitare territóriope.+

6 Ha umi guersonítape+ oñemeʼẽ 13 siuda ojejapo rire pe sortéo. Oñemeʼẽ chupekuéra umi siuda koʼã trívugui: Isacar trívugui, Aser trívugui, Neftalí trívugui, ha Manasés trívu alamitarégui oĩva Basánpe.+

7 Ha umi família merarítape+ oñemeʼẽ 12 siuda. Oñemeʼẽ chupekuéra umi siuda oĩva Rubén trívupe, Gad trívupe ha Zabulón trívupe.+

8 Péicha umi israelita ojapo pe sortéo, ha omeʼẽ umi levítape koʼã siuda ipastoty reheve, Jehová omanda hagueichaite Moisés rupive.+

9 Judá ha Simeón trívu omeʼẽ umi siuda oñemombeʼúva koʼápe hérarupi.+ 10 Koʼã siuda omeʼẽ vaʼekue hikuái umi levítape oúva Cohat familiarégui, haʼéva hína Aarón familiare, chupekuéra raẽve oñemeʼẽ pe erénsia, pórke haʼekuéra osẽ primero pe sortéope. 11 Omeʼẽ chupekuéra Quiryat-Arbá+ térã Hebrón,+ ha umi pastoty oĩva ijerére, oĩva Judá montañaháre. (Arbá haʼe vaʼekue Anac túa). 12 Péro umi ñu oĩva upe siuda territóriope ha umi ipuevloʼi omeʼẽ hikuái iñerensiarã Caleb, Jefuné raʼýpe.+

13 Ha pe saserdóte Aarón raʼykuérape omeʼẽ hikuái pe siuda ikatuhápe okañy* umi oporojuka vaʼekue,+ upéva hína Hebrón+ ipastoty reheve, avei Libná+ ipastoty reheve, 14 Jatir+ ipastoty reheve, Estemoa+ ipastoty reheve, 15 Holón+ ipastoty reheve, Debir+ ipastoty reheve, 16 Ain+ ipastoty reheve, Jutá+ ipastoty reheve ha Bet-Semes ipastoty reheve. En totál 9 siuda koʼã mokõi trívugui.

17 Ha Benjamín trívugui oñemeʼẽ chupekuéra: Gabaón+ ipastoty reheve, Gueba ipastoty reheve,+ 18 Anatot+ ipastoty reheve ha Almón ipastoty reheve. En totál 4 siuda.

19 Ha umi saserdótepe, haʼéva Aarón familiare, oñemeʼẽ en totál 13 siuda umi ipastoty reheve.+

20 Ha umi família cohatita hembývape umi levita apytépe oñemeʼẽ umi siuda oĩva Efraín trívupe ojejapo rire pe sortéo. 21 Oñemeʼẽ chupekuéra pe siuda ikatuhápe okañy umi oporojuka vaʼekue,+ upéva hína Siquem+ ipastoty reheve, oĩva umi montañaháre Efraínpe, avei oñemeʼẽ chupekuéra Guézer+ ipastoty reheve, 22 Quibzaim ipastoty reheve ha Bet-Horón+ ipastoty reheve. En totál 4 siuda.

23 Ha Dan trívugui oñemeʼẽ chupekuéra: Eltequé ipastoty reheve, Guibetón ipastoty reheve, 24 Ayalón+ ipastoty reheve ha Gat-Rimón ipastoty reheve. En totál 4 siuda.

25 Ha Manasés trívu alamitarégui oñemeʼẽ chupekuéra: Taanac+ ipastoty reheve ha Gat-Rimón ipastoty reheve. En totál 2 siuda.

26 En totál oñemeʼẽ umi família cohatita hembývape 10 siuda ipastoty reheve.

27 Umi guersonítape,+ haʼéva Leví familiare, oñemeʼẽ pe siuda ikatuhápe okañy umi oporojuka vaʼekue oĩva Manasés trívu alamitare territóriope. Upe siuda hína Golán+ ipastoty reheve, oĩva Basánpe, ha oñemeʼẽ avei chupekuéra Beesterá ipastoty reheve. En totál 2 siuda.

28 Ha Isacar trívugui+ oñemeʼẽ chupekuéra: Quisión ipastoty reheve, Daberat+ ipastoty reheve, 29 Jarmut ipastoty reheve ha En-Ganim ipastoty reheve. En totál 4 siuda.

30 Ha Aser trívugui+ oñemeʼẽ chupekuéra: Misal ipastoty reheve, Abdón ipastoty reheve, 31 Helcat+ ipastoty reheve ha Rehob+ ipastoty reheve. En totál 4 siuda.

32 Ha Neftalí trívugui oñemeʼẽ chupekuéra pe siuda ikatuhápe okañy umi oporojuka vaʼekue,+ upéva hína Quedes+ ipastoty reheve, oĩva Galiléape, avei Hamot-Dor ipastoty reheve ha Cartán ipastoty reheve. En totál 3 siuda.

33 Umi família guersonítape oñemeʼẽ en totál 13 siuda ipastoty reheve.

34 Umi levita hembývape Merarí familiare apytégui,+ Zabulón trívugui+ oñemeʼẽ chupekuéra Jocneam+ ipastoty reheve, Cartá ipastoty reheve, 35 Dimná ipastoty reheve ha Nahalal+ ipastoty reheve. En totál 4 siuda.

36 Ha Rubén trívugui oñemeʼẽ chupekuéra: Bézer+ ipastoty reheve, Jáhaz ipastoty reheve,+ 37 Quedemot ipastoty reheve ha Mefaat ipastoty reheve. En totál 4 siuda.

38 Ha Gad trívugui+ oñemeʼẽ chupekuéra pe siuda ikatuhápe okañy umi oporojuka vaʼekue, upéva hína Ramot oĩva Galaádpe+ ipastoty reheve, avei oñemeʼẽ chupekuéra Mahanaim+ ipastoty reheve, 39 Hesbón+ ipastoty reheve ha Jazer+ ipastoty reheve. En totál 4 siuda.

40 Umi família merarítape, haʼéva umi levita hembýva, oñemeʼẽ en totál 12 siuda ojejapo rire pe sortéo.

41 Kompletoite umi siuda oñemeʼẽva umi levítape umi israelitakuéra yvýgui, en totál ohupyty 48 siuda ipastoty reheve.+ 42 Káda uno koʼã siuda oreko vaʼekue ijerére pastoty, péicha vaʼekue kompletoite koʼã siuda.

43 Jehová omeʼẽ umi israelítape kompletoite pe yvy ohura vaʼekue omeʼẽtaha ituakuéra ypykuépe,+ ha haʼekuéra ojagarra pe yvy imbaʼerã ha opyta oiko upépe.+ 44 Avei Jehová omombytuʼu chupekuéra umi iñenemígo oikóvagui ijerére, haʼe ohura haguéicha ituakuéra ypykuépe,+ ha ni peteĩ iñenemigokuéra ndaikatúi vaʼekue ipuʼaka hesekuéra.+ Jehová omeʼẽ chupekuéra ipópe kompletoite umi iñenemígope.+ 45 Ni peteĩ umi promésa porãite Jehová ojapo vaʼekue umi israelítape ndofallái, enterovéva oñekumplipaite.+

22 Upémarõ Josué ohenoika umi rubenítape, umi gadita ha Manasés trívu alamitarépe, 2 ha heʼi chupekuéra: “Peẽ ningo pejapo opa mbaʼe omanda vaʼekue peẽme Jehová siérvo Moisés,+ ha peneñeʼẽrendu avei chéve entéro mbaʼe haʼévape peẽme.+ 3 Ndapehejareíri pene ermanokuérape koʼag̃aite peve+ ha pekumpli pe mandamiénto pende Jára Jehová omeʼẽ vaʼekue.+ 4 Ha koʼág̃a pende Jára Jehová omombytuʼúma pene ermanokuérape umi iñenemígogui, haʼe opromete haguéicha chupekuéra.+ Upévare koʼág̃a ikatúma peho jey pende rógape,* éste gotyo pe Jordángui, pe yvy omeʼẽ vaʼekuépe peẽme Jehová siérvo Moisés.+ 5 Peñatendénte vaʼerã pekumplipaite hag̃ua umi mandamiénto ha léi Jehová siérvo Moisés omeʼẽ vaʼekue peẽme,+ pehayhu vaʼerã pende Jára Jehovápe,+ peguata hapére,+ pekumplipaite imandamientokuéra,+ peñakarama hatã hese,+ peservi chupe+ pende pyʼaite guive ha pende rekove* kompletoite reheve”.+

6 Upéi Josué ovendesi ha omondo chupekuéra hógape. 7 Manasés trívu alamitarépe Moisés omeʼẽ vaʼekue peteĩ erénsia Basánpe,+ ha pe ótro alamitarépe Josué omeʼẽ ijyvyrã umi ótro israelítandi oéste gotyo pe Jordángui.+ Ha omondóvo chupekuéra hógape, Josué ovendesi chupekuéra, 8 ha heʼi: “Tapeho jey pende rógape ha pegueraha heta rrikésa, heta animál, pláta, óro, kóvre, iérro, ha hetaiterei ao.+ Pejagarra pegueraha pe otokáva peẽme umi mbaʼe peipeʼa vaʼekuégui pene enemigokuéragui, ha peho peñombojaʼo hese+ pene ermanokuérandi”.

9 Upéi umi rubenita, umi gadita ha Manasés trívu alamitare osẽ oho umi ótro israelita oĩhágui. Haʼekuéra osẽ Silógui oĩva Canaánpe, ha oho jey Galaádpe,+ upe yvy oñemeʼẽ vaʼekuépe chupekuéra oiko hag̃ua, Jehová heʼi haguéicha Moisés rupive.+ 10 Umi rubenita, umi gadita ha Manasés trívu alamitare og̃uahẽvo pe Jordán ypýpe, Canaán territóriope, omopuʼã hikuái peteĩ altár tuichaitereíva. 11 Upéi umi ótro israelita oikuaa upéva+ ha heʼi: “Umi rubenita, umi gadita ha Manasés trívu alamitare omopuʼã peteĩ altár Canaán território frontérape, Jordán ypýpe oéste gotyo ñande territóriope”. 12 Enterove umi israelita oikuaávo upéva, pe puévlo* de Israel kompletoite oñembyaty Silópe+ oho hag̃ua oñorairõ ikontrapekuéra.

13 Upémarõ umi israelita omondo Galaádpe Finehás+ pe saserdótepe, Eleazar raʼýpe, umi rubenita, umi gadita ha Manasés trívu alamitare rendápe. 14 Ha oho avei hendive 10 kuimbaʼe omoakãva israelitakuérape, káda trívu de Israélgui oho peteĩ kuimbaʼe, káda uno umíva omoakã itúa ypykue familiarépe oĩva umi grúpo de 1.000 apytépe Israélpe.+ 15 Haʼekuéra og̃uahẽrõ guare Galaádpe oĩháme umi rubenita, umi gadita ha Manasés trívu alamitare, heʼi chupekuéra:

16 “Jehová puévlo kompletoite heʼika peẽme: ‘¿Mbaʼére piko pejapo ko mbaʼe+ ha petraisiona Israel Járape? Peẽ peheja hína Jehovápe pejapóvo peteĩ altár penembaʼerã, ha peñemoĩ hína Jehová kóntrape.+ 17 ¿Napenemanduʼái piko pe mbaʼe vai jajapo vaʼekuére Peórpe? Ovaléma ningo upéva. ¿Penderesaráima piko pe mbaʼasy ou vaʼekuégui Jehová puévlope ojekastigárõ guare upevakuére? Koʼag̃aite peve japaga gueteri upe pekádore.+ 18 ¿Ha peẽ piko pehejase hína koʼág̃a Jehovápe? Koʼág̃a peẽ pepuʼãramo Jehová kóntrape, upéicharõ koʼẽrõ g̃uarã haʼe ipochýta Israel puévlo kompletoitére.+ 19 Péro oiméramo pepensa pe yvy oñemeʼẽ vaʼekue peẽme ikyʼaha Ñandejára renondépe, pehasa upéicharõ pe yvy Jehová mbaʼévape,+ oĩháme Jehová tavernákulo,+ ha pepyta peiko ore apytépe. Péro ani pepuʼã Jehová kóntrape, ha ani oremoĩ vai henondépe pemopuʼãvo ótro altár, pórke Ñandejára Jehová orekóma voi ijaltár.+ 20 Zérah raʼy Acán+ opekárõ guare ha ogueraha pe mbaʼe oñehundiete vaʼerã, ¿upérõ piko Ñandejára ndaipochýi rakaʼe kompletoite pe puévlo de Israel kóntrape?+ Ndahaʼéi vaʼekue haʼénte la omanóva upe mbaʼe vai ojapo vaʼekuére’”.+

21 Upépe umi rubenita, umi gadita ha Manasés trívu alamitare heʼi umi kuimbaʼe omoakãvape mílespe Israélpe:+ 22 “¡Jehová, Ñandejára tuichavéva entéro umi ótro diósgui!* ¡Jehová, Ñandejára tuichavéva entéro umi ótro diósgui!+ Haʼe oikuaa ko mbaʼe ha Israel avei oikuaáta. Oiméramo ropuʼã Jehová kóntrape ha rotraisiona chupe, upéicharõ anínte oresalva koestedía. 23 Romopuʼãramo peteĩ altár rohejaségui Jehovápe, ha rojapo hag̃ua hiʼári ofrénda ojehapýva, ofrénda de semílla ha ofrénda de paz, Jehová katuete orekastigáta.+ 24 Ndahaʼéi upévare la rojapo upéva, síno rojepyʼapyeterei rupínte, pórke roʼe: ‘Ág̃a amo gotyove pende raʼykuéra heʼíta ág̃a ore raʼykuérape: “Peẽ ndaperekói derécho peadorávo orendive Israel Jára Jehovápe. 25 Jehová omoĩ vaʼekue pe Rrío Jordán peteĩ frontéraramo ñandedividi hag̃ua, ore ágotyo ha peẽ rubenita ha gadita amo gotyo. Peẽ ndaperekói derécho peadorávo Jehovápe”. Ha upéicha pende raʼykuéra nopermitimoʼãi ore raʼykuérape oadora Jehovápe’.

26 Upévare roʼe: ‘Jajapo ñanembaʼerã peteĩ altár, ndahaʼéi ojejapo hag̃ua ofrénda ojehapýva ni ótro sakrifísio, 27 síno opyta hag̃ua peteĩ testígoramo ñande apytépe,+ ha ñane familiarépe g̃uarã, ha ohechaukáta ore roservitaha Jehovápe rojapóvo chupe ore ofrénda ojehapýva, ofrénda de paz ha umi ótro sakrifísio.+ Péicha pende raʼykuéra ndeʼimoʼãi ore raʼykuérape amo gotyove: “Peẽ ndaperekói derécho peadorávo Jehovápe”’. 28 Upéicha rupi roʼe: ‘Amo gotyove heʼíramo hikuái péicha oréve térã ore familiarépe, upépe ore roʼéta: “Pehechamíntena pe altár ojapo vaʼekue umi ore tuakuéra ypykue, upéva ojoguaiterei Jehová altárpe. Péva ndojejapói vaʼekue ojejapo hag̃ua hiʼári ofrénda ojehapýva ni ótro sakrifísio, síno oservi hag̃ua peteĩ testígoramo oréve ha peẽme, ore roserviha avei Ñandejárape”’. 29 ¡Ore ningo ni mbaʼevéicharõ noropuʼãmoʼãi Jehová kóntrape, ni ndorohejamoʼãi Jehovápe+ koestedía romopuʼãvo peteĩ altár rojapo hag̃ua ofrénda ojehapýva, ofrénda de semílla ha umi ótro sakrifísio, pórke Ñandejára Jehová orekóma voi peteĩ altár oĩva itavernákulo renondépe!”.+

30 Pe saserdóte Finehás ha umi kuimbaʼe omoakãva pe puévlope, koʼãva hína umi omoirũva chupe ha omoakãva mílespe Israélpe, ohendúvo umi mbaʼe heʼíva Rubén, Gad ha Manasés familiare, ogustánte chupekuéra la heʼíva hikuái.+ 31 Upémarõ Finehás pe saserdóte, Eleazar raʼy, heʼi Rubénpe, Gad ha Manasés familiarépe: “Koʼág̃a roikuaáma Jehová oĩha ñanendive, pórke peẽ napetraisionái Jehovápe. Peẽ koʼág̃a pesalva enterove israelítape ani hag̃ua Jehová ñandekastiga”.

32 Upémarõ Finehás pe saserdóte, Eleazar raʼy, ha umi kuimbaʼe omoakãva pe puévlope, oho jey oĩhágui umi rubenita ha umi gadita Galaad territóriope, ha oho hikuái Canaánpe omombeʼu umi ótro israelítape mbaʼépa la oiko vaʼekue. 33 Ha umi israelítape ogustánte la oñemombeʼúva chupekuéra. Upévare omombaʼeguasu hikuái Ñandejárape, ha ndeʼivéima ohoseha ohundi pe yvy oikoha umi rubenita ha umi gadita, ha oñorairõseha hendivekuéra.

34 Upémarõ umi rubenita ha umi gadita ombohéra pe altár.* Ha haʼekuéra heʼi péva haʼeha “peteĩ testígo ñandéve g̃uarã Jehová haʼeha pe Ñandejára tee”.

23 Heta tiémpo Jehová omombytuʼu rire Israélpe+ enterove iñenemigokuéra oĩvagui ijerére, ha Josué ituja ha omano mbotaitévo,+ 2 Josué ohenoika enterovete israelítape,+ umi kuimbaʼe omoakãvape* pe puévlo, umi oñenkargávape umi trívure, umi huéspe, umi ofisiálpe,+ ha heʼi chupekuéra: “Che ningo chetujáma ha amano mbotaitéma. 3 Ha peẽte voi pehecháma entéro mbaʼe pende Jára Jehová ojapo vaʼekue penderehehápe kompletoite koʼã nasiónre, pórke pende Jára Jehová oñorairõ vaʼekue penderehehápe.+ 4 Che ajapo vaʼekue sortéo+ ameʼẽ hag̃ua káda trívupe iñerensiarã umi yvy oĩva koʼã nasiónpe neʼĩrava gueteri ojejagarra.+ Ha opyta avei peẽme umi nasión che ahundi vaʼekue,+ pe Rrío Jordán guive Mar Grande* peve oéste* gotyo. 5 Ha pende Jára Jehová omondo ohóvo chupekuéra pene renonderãgui,+ ha omosẽ chupekuéra penderehehápe, ha peẽ pejagarra umi ijyvykuerakue penembaʼerã, opromete haguéicha peẽme pende Jára Jehová.+

6 Koʼág̃a peẽ tekotevẽ pendepyʼaguasu pejapo ha pekumpli hag̃ua opa mbaʼe oĩva pe lívro de la léi+ oñemeʼẽ vaʼekuépe Moiséspe. Peẽ napesẽi vaʼerã upe tapégui ni a la derécha ni a la iskiérda.+ 7 Peẽ núnka ndapejeheʼái vaʼerã koʼã nasión opytávare pende apytépe.+ Peẽ ni ndapeipurúi vaʼerã idioskuéra réra ni ndapehurái vaʼerã herapekuéra,+ avei núnka ndapeservíri vaʼerã chupekuéra ni napeñesũi vaʼerã henondepekuéra.+ 8 Upéva rangue peẽ peñakarama hatã vaʼerã pende Jára Jehováre,+ pejapoháicha voi koʼag̃aite peve. 9 Jehová omosẽta pene renonderãgui umi nasión tuicha ha ipoderósovape,+ pórke koʼag̃aite peve ni peteĩ kuimbaʼe ndaikatúi gueteri ipuʼaka penderehe.+ 10 Peteĩ kuimbaʼe oĩva pende apytépe omuñáta 1.000 kuimbaʼépe,+ pórke pende Jára Jehová oñorairõ hína penderehehápe+ oprometéma haguéicha peẽme.+ 11 Upévare peñatende vaʼerã siémpre+ pesegi hag̃ua pehayhu pende Jára Jehovápe.+

12 Péro peichahágui pehejáramo Ñandejárape ha peñakarama koʼã nasión opytávare pende apytépe,+ pejeheʼa hesekuéra ha pemomenda+ pende raʼy térã pende rajy hesekuéra, 13 upéicharõ peikuaa porãke pende Jára Jehová ndosegimoʼãiha omosẽ umi nasiónpe penderehehápe.+ Haʼekuéra pendejura ha penemoñuhãta ha haʼetéta penembyepotíva verrénkepe pene lómorupi,+ ha ohoramoguáicha pende resápe ñuatĩ. Péicha ojapóta hikuái peñehundipa peve ko yvy porãite pende Jára Jehová omeʼẽ vaʼekuépe peẽme.

14 Koʼág̃a che amano mbotaitéma, ha peẽ peikuaa porã pende pyʼaite guive ha pende rekove* kompletoite reheve, entéro umi promésa porãite pende Jára Jehová ojapo vaʼekue umi israelítape oñekumplipaite hague, ni peteĩ ndopytái oñekumpliʼỹre.+ 15 Péro oñekumpli haguéicha entéro umi promésa porãite pende Jára Jehová ojapo vaʼekue peẽme,+ upéicha avei Jehová oguerúta pende ári kompletoite umi maldisión heʼi vaʼekue omboutaha, ha penerundíta ko yvy porãite pende Jára Jehová omeʼẽ vaʼekuépe peẽme.+ 16 Peẽ napekumplíriramo pe kompromíso pende Jára Jehová heʼi vaʼekue peẽme pekumpli hag̃ua, ha pehóramo peservi umi ótro dióspe ha peñesũ henondepekuéra, upéicharõ Jehová orrenegaitereíta ha ipochykue oúta tatáicha pende ári+ ha pyaʼeterei pemanombáta ko yvy omeʼẽ vaʼekuépe peẽme”.+

24 Upémarõ Josué ombyaty kompletoite Israel trivukuérape Siquémpe, ha ohenoika umi kuimbaʼe omoakãvape* Israel, umi omoakãvape umi trívu, umi huéspe ha umi ofisiálpe,+ ha haʼekuéra oñemboʼy Ñandejára tee renondépe. 2 Josué heʼi pe puévlo kompletoitépe: “Jehová Israel Jára heʼi péicha: ‘Yma pende tuakuéra ypykue+ Taré, haʼéva Abrahán ha Nacor túa, oiko vaʼekue jahasávo pe Rrío Éufrates,+ ha haʼekuéra oadorámi vaʼekue umi ótro dióspe.+

3 Tiémpo rire, aiporavo pende túa ypykue Abrahánpe+ oĩrõ guare pe ótro ládo pe Rrío Éufratesgui, ha agueraha chupe Canaán tuichakuére, ha ambohetaiterei ifamiliare.+ Ha che avendesi rupi chupe haʼe oreko itaʼýra Isaácpe.+ 4 Upéi ameʼẽ avei Isaácpe itaʼyrarã Jacob ha Esaú.+ Upéi Esaúpe ameʼẽ pe Sérro Seír imbaʼerã,+ Jacob ha itaʼyrakuéra katu oho Egíptope.+ 5 Upe rire amondo Moisés ha Aarónpe+ penepytyvõ hag̃ua, ha agueru mbaʼe vai ombohasa asýva umi egípciope,+ ha upéi poguenohẽ upégui. 6 Che aguenohẽrõ guare pende tuakuérape Egíptogui+ ha og̃uahẽ hikuái pe márpe, umi egipcio omuña pende tuakuérape kárro de gérra ha soldádo kavaju arigua reheve pe Mar Rojo peve.+ 7 Upépe pende tuakuéra ojerure asy chéve aipytyvõmi hag̃ua chupekuéra.+ Upémarõ, che Jehová amoypytũ pene mbytépe, éntre peẽ ha umi egipcio, ha upéi ambou hiʼarikuéra pe y oĩva márpe ha ojahoʼi chupekuéra.+ Peẽte voi pehecha vaʼekue umi mbaʼe ajapóva Egíptope.+ Upe rire peẽ peiko heta áño* pe desiértope.+

8 Ha pogueru umi amorreokuéra yvýpe, haʼekuéra oiko vaʼekue éste gotyo pe Jordángui, ha haʼekuéra oñorairõ pene kóntrape.+ Péro che ameʼẽ chupekuéra pende pópe, pejagarra hag̃ua chuguikuéra ijyvy, ha ahundi chupekuéra pene renonderãgui.+ 9 Upéi Zipor raʼy Balac, Moabpegua rréi, opuʼã oho oñorairõ Israel kóntrape. Ha ohenoika Balaam, Beor raʼýpe, omaldesi hag̃ua Israélpe.+ 10 Péro che napenái Balaam rehe.+ Upéva rangue che povendesika jey jey chupe,+ ha péicha posalva ipógui.+

11 Upe rire peẽ pehasa pe Jordán+ ha peg̃uahẽ Jericópe.+ Ha upémarõ umi omoakãva Jericó,* umi amorreo, umi perizita, umi cananeo, umi hitita, umi guirgaseo, umi heveo ha umi jebuseo oñorairõ pene kóntrape. Péro che ameʼẽ chupekuéra pende pópe.+ 12 Upévare che amokangypa ha amongyhyje chupekuéra pendehegui, péicha rupi mokõi rréi amorreo odipara pene renonderãgui.+ Ndahaʼéi hína peẽ la pemosẽva chupekuéra pende espáda ha pende árko reheve.+ 13 Péicha ameʼẽ peẽme peteĩ yvy peẽ ndapegerreái vaʼekuére pereko hag̃ua, ha umi siuda peẽ napemopuʼãi vaʼekue,+ ha pepyta peiko umívape. Peẽ peʼu hína umi parrál ha umi olívo napeñotỹi vaʼekue’.+

14 Upévare pekyhyje vaʼerã Jehovágui, ha peservi chupe pende pyʼaite guive* ha pendefiél chupe.+ Ha peipeʼa pende apytégui umi dios oadora vaʼekue pende tuakuéra ypykue, oĩrõ guare pe ótro ládo pe Rrío Éufratesgui ha oĩrõ guare hikuái Egíptope,+ ha peservi Jehovápe. 15 Péro oiméramo peẽ pepensa naiporãiha peservi Jehovápe, upéicharõ peelehikuaa mávapepa peservise.+ Peservisépa umi dios pende tuakuéra ypykue oservi vaʼekuépe pe ótro ládo pe Rrío Éufratesgui,+ térã umi amorreokuéra dióspe, pe yvy koʼág̃a peikohápe hína. Péro che ha che família roservíta Jehovápe”.+

16 Upépe pe puévlo ombohovái: “Ni mbaʼevéicharõ ore ndorohejamoʼãi Jehovápe roservi hag̃ua ótro dióspe. 17 Ore Jára Jehová ningo upe oguenohẽ vaʼekue ore tuakuérape ha oréve Egíptogui,+ upe roiko haguépe esklávoramo.+ Haʼe hína upe ojapo vaʼekue koʼã milágro* tuichaitéva ore renondépe+ ha pe oñangareko vaʼekue orerehe tapére ha rohasakuévo umi puevloháre.+ 18 Jehová omosẽ vaʼekue kompletoite umi puévlope, umíva apytépe umi amorreo oiko vaʼekuépe koʼã yvýpe ore roju mboyve. Upévare, ore avei roservíta Jehovápe, pórke haʼe hína ore Jára”.

19 Upémarõ Josué heʼi pe puévlope: “Peẽ ndaikatumoʼãi peservi Jehovápe, pórke haʼe hína peteĩ Dios Sánto.+ Haʼe hína peteĩ Dios oipotáva chupe añoiténte ojeadora.+ Ndapejapóiramo upéicha, haʼe noperdonamoʼãi pene rembiapo vaikue* ni pende pekádo.+ 20 Jehová siémpre imbaʼeporã penendive, péro pehejáramo chupe ha peservi umi dios oadorávape umi extranhéro, upéicharõ haʼe avei oñemoĩta pene kóntrape ha penerundipáta”.+

21 Péro umi israelita heʼi Josuépe: “¡Ore katuete roservíta Jehovápe!”.+ 22 Upémarõ Josué heʼi pe puévlope: “Peẽ voi hína testígo, pórke pendejeheguiete pedesidi peservi Jehovápe”.+ Upépe haʼekuéra heʼi: “Ore testígo hína”.

23 “Upéicharõ, peipeʼa pende apytégui umi dios oadoráva umi extranhéro, ha peservi Israel Jára Jehovápe pende pyʼaite guive”. 24 Ha pe puévlo heʼi Josuépe: “¡Ore roservíta ore Jára Jehovápe, ha oreñeʼẽrendúta chupe!”.

25 Upémarõ Josué ojapo peteĩ kompromíso pe puévlondi upe díape, ha heʼi chupekuéra umi mbaʼe ojapo vaʼerã hikuái ha upéva opyta peteĩ léiramo chupekuéra Siquémpe. 26 Upéi Josué oskrivi koʼã mbaʼe pe lívro oĩháme Ñandejára léi,+ ha ojagarra peteĩ ita guasu+ ha omoñemboʼy pe yvyramáta guasu guýpe, oĩva Jehová lugár sagrádo ypýpe.

27 Ha Josué heʼi pe puévlope: “Ko ita ñanepytyvõta ñanemanduʼa hag̃ua ñane kompromísore,+ pórke ko ita ohendu kuri opa mbaʼe Jehová heʼi vaʼekue ñandéve, ha oservíta de testígo peẽ penegáramo pende Járape”. 28 Upémarõ Josué omondo pe puévlope, káda únope omondo pe yvy oñemeʼẽvape chupe erénsiaramo.+

29 Oiko rire koʼã mbaʼe, Jehová siérvo Josué omano orekópe 110 áño. Haʼe hína Nun raʼy.+ 30 Ha oñotỹ chupe hikuái pe yvy oñemeʼẽ vaʼekuépe chupe erénsiaramo, Timnat-Sérahpe,+ oĩva umi montañaháre Efraínpe, nórte gotyo Sérro Gáasgui. 31 Umi israelita oservi Jehovápe Josué oikove aja entéro, ha avei oĩ aja umi kuimbaʼe omoakãva pe puévlo osegíva oikove Josué omano rire, ha ohecha vaʼekue opa mbaʼe Jehová ojapóva Israel rehehápe.+

32 Umi israelita ningo ogueru vaʼekue José kanguekue+ osẽrõ guare Egíptogui, ha oñotỹ hikuái Siquémpe, upe yvy Jacob ojogua vaʼekue Hamor raʼykuéragui+ 100 pedáso de plátare.*+ Hamor hína Siquem túa. Upe yvy opyta vaʼekue José familiare erensiarã.+

33 Upéi omano avei Eleazar, Aarón raʼy.+ Upémarõ oñeñotỹ chupe itaʼýra Finehás Sérrope,+ upéva oñemeʼẽ vaʼekue chupe umi montañaháre Efraínpe.