EL CANTAR DE LOS CANTARES
1 Kóva hína pe purahéi iporãvéva ojapo vaʼekue Salomón.+
2 Pe kuñataĩ heʼi: “Aipota nde cheretũ,
pórke chéve g̃uarã pe mborayhu rehechaukáva chéve iporãiteve pe vínogui.+
3 Nde aséite perfumádo ningo hyakuãvu rei.+
Nde réra ningo haʼete voi peteĩ perfúme hyakuã asýva.+
Upévare umi mitãkuña nderayhu.
4 Pe rréi ningo chegueru hógape, ejúna chegueraha koʼágui ha jadipara oñondive.
Jaha javyʼa ha jahasa porã oñondive.
Emombeʼu jey chéve mbaʼeichaitépa cherayhu,
ne mborayhu ningo heʼẽ asyve pe vínogui.
Ndareíri ningo heta* oĩ nderayhúva.
5 Peẽ mitãkuña peikóva Jerusalénpe, che ningo chehũmi péro chejuky.
Ajogua umi Quedarpegua+ óga kárpape, ajogua umi téla ojepurúvape Salomón róga kárpape.+
6 Ani pepyta pemaña cherehe chehũ haguére,
pe kuarahýre aiko haguére ningo la akaipa.
Che ermanokuéra ipochy chendive
ha chemondo añatende hag̃ua umi ótro parraltýre,
upévare ndaikatúi añatende che parraltýre.
7 Che korasõ jára, che ningo rohayhueterei,*
eréna chéve moõpa rembopastea nde ovechakuérape,+
moõpa regueraha chupekuéra opytuʼu hag̃ua asajekue.
Emombeʼúna chéve anive hag̃ua aiko akorre umi ne irũnguéra oñatendehárupi ijovecháre,
péicha ndaikomoʼãvéima peteĩ kuña oñembyasýva oikoháicha”.
8 Umi kuñataĩ oikóva Jerusalénpe heʼi: “Oiméramo ndereikuaái moõpa oĩ, esegína umi ovecha rapykuere etopa hag̃ua hese.
Ha embopastea umi nde kavara mimi oĩháme umi pastorkuéra róga kárpa.
Nde ningo la neporãvéva entéro kuñanguéra apytépe”.
9 Pe rréi heʼi: “Umi jégua oitiráva faraón kárro ningo iporãiterei,+ upéicha avei nde che amór neporãiterei.
10 Nde rova ningo ojajái umi nde joya ykére,*
ha nde ajúra iporãiterei umi kadéna reheve.
11 Jajapokáta ndéve umi joya de óro
ha umi namichãi de pláta”.
13 Che mborayhu jára ningo ojogua peteĩ mbaʼyruʼi de mírra+ hyakuã asývape,
arekóva che pytiʼáre tódo el pyhare.
14 Che amór, nde ningo haʼete peteĩ yvoty hyakuã asýva*+
oĩva En-Guedípe+ umi parralty apytépe”.
15 Pe kariaʼy heʼi: “Neporãiterei ningo che amór.
Umi nde resa ojogua umi palómape.+ Neporãitereíma ningo”.
16 Pe kuñataĩ heʼi: “Che korasõ jára, nde ningo neporã ha nevuenoiterei.+
Pe kapiʼipe vérde asýva ningo ñande rupa.
17 Umi enévro máta ningo ñande róga técho,
ha umi sédro katu umi ivíga”.
2 Pe kariaʼy heʼi: “Che amór oĩ jave umi ótro kuñataĩ apytépe,
ojogua peteĩ lírio poty oĩvape umi ñuatĩ apytépe”.
3 Pe kuñataĩ heʼi: “Umi yvyramáta apytépe, pe mansána máta la iporãvéva,
péicha avei che mborayhu jára iporã umi ótro kariaʼy apytépe.
Ahasete piko aguapy isómbra guýpe,
pe hiʼa ningo heʼẽ asy chéve g̃uarã.
4 Haʼe chegueraha peteĩ fiestahápe,*
ha enterove ohechakuaa haʼe chévente cherayhuha.
5 Mborayhúgui ningo chekangypa,
pemeʼẽmína chéve mansána ha tórta ojejapóva úva pásagui,+
péicha ikatúta chembarete jey ha chepiroʼy.
6 Aipota opoko vevyimi che akãre ipo iskiérdape,
ha ipo deréchape tacheañuã.+
7 Peẽ mitãkuña Jerusalengua, aipota pehura chéve peteĩ mbaʼe,
pehura chéve umi guasuʼi+ ha umi guasu oĩvare pe ñúre:
ani peiko chemboliga aporohayhu hag̃ua. Oikótarõ álgo, ijeheguínte oiko vaʼerã.+
8 Pehendumína, aipóva hína che amór,
ahendu iñeʼẽ,
haʼe odipara ha opopo oúvo pe sérrore.
9 Che mborayhu jára ojogua peteĩ guasuʼípe,
iñakuã peteĩ guasu imitãvaicha.+
Haʼe oĩ hína pe pare kóstape, omaña hína pe ventánarupi.
Haʼe omaña cherehe pe ventána guive.
10 Che mborayhu jára heʼi chéve:
‘Epuʼãna che amór,
nde ningo neporãiterei, ejúna chendive.
11 Pe inviérno* ningo ohasáma.
Pe ama tiémpo ja opáma.
12 Umi yvoty osẽmbáma pe ñúre,+
og̃uahẽma pe tiémpo ojepoda hag̃ua umi parralty,+
ha oñehendúma pe ñúre umi tortóla opurahéi joáva.+
13 Umi ígo ja oñepyrũma hiʼaju,+
umi parrál katu ipotypáma ha hyakuãvu rei.
Epuʼãna che amór ha eju.
Nde ningo neporãiterei, ejúna chendive.
14 Che pykasumi reikóva umi sérrore,+
reikóva rekañy yvate umi itakuárupi.
15 Pe kuñataĩ ermanokuéra heʼi: “Ñande parralty ningo ipotypáma hína,
ha umi aguara ikatu ohundipa ñandehegui.
Tapeho pejagarra umi aguara”.
16 Pe kuñataĩ heʼi: “Chupe añoite ningo che ahayhu, ha haʼe chéve añoite cherayhu.+
Haʼe oime oñangareko hína umi ovecháre+ umi lírio poty apytépe.+
17 Pyaʼéna eju che rendápe, oipeju kangymi aja pe yvytu, ha pe kuarahyʼã oĩ aja gueteri.
Ehasána umi montáña ñanemomombyrýva ojuehegui,*
pyaʼéna eju peteĩ guasuʼícha,+ ehasa umi montáña paʼũrupi umi guasu imitãvaicha+ ojapoháicha”.
3 “Pyharekue añenóvo che rupápe
apensa meme che mborayhu járare.+
Ahechaseterei kuri chupe, péro noĩri chendive.+
2 Upémarõ haʼe chejupe: ‘Aháta aheka che mborayhu járape.
Apuʼãta aha pe siudáre,
akorréta pe kállere ha umi plasahárupi’.
Péro ahekáramo jepe chupe, ndatopái hese.
3 Umi guárdia oñatendéva pe siudáre cherecha,+ ha aporandu chupekuéra:
‘¿Ndapehechái piko che amórpe?’.*
4 Ahamíre upégui
ahecha sapyʼa che mborayhu járape,
añakarama hese ha ndapoivéi chugui.
5 Peẽ mitãkuña Jerusalengua, aipota pehura chéve peteĩ mbaʼe,
pehura chéve umi guasuʼi ha umi guasu oĩvare pe ñúre:
ani peiko chemboliga aporohayhu hag̃ua. Oikótarõ álgo, ijeheguínte oiko vaʼerã”.+
6 Umi mitãkuña Siongua heʼi:
“¿Mbaʼe amo oarriváva oúvo pe desiértoguio?
Haʼete tatatĩ guasu ojupíva. Hyakuãvu rei oúvo, haʼete mírra, olívano ha perfúme oguerúva peteĩ komersiánte”.+
7 “Pemañami, Salomón ou 60 kuimbaʼe ipoderósova apytépe,
koʼãva hína umi kuimbaʼe ipoderosovéva Israélpe.+
Salomónpe ojegueru pe sillón guasu* neporãvape.
8 Káda kuimbaʼe oreko ijespáda,
ha enterove ikatupyry ha oñorairõkuaa.
Ikuʼáre voi oreko hikuái ijespáda,
ikatu hag̃uáicha oñedefende oĩrõ pelígro pyharekue”.
9 “Pemañami, ojegueru rréi Salomónpe pe sillón neporãvape,
upéva haʼe voi ojapoka umi yvyra oĩvagui Líbanope.+
10 Umi ikolúmna ojejapo plátagui,
pe ombojekoha iñakã ha pe ijyvarenda katu de óro.
Pe oguapyha ojejapo lánagui ha ikolór líla,
hyepýpe oreko adórno porã porã
mborayhúpe omoĩ vaʼekue umi mitãkuña Jerusalengua”.
11 “Peẽ mitãkuña Siongua, pesẽ okápe
pehecha hag̃ua rréi Salomónpe.
Haʼe oreko iñakãre pe koróna
isy ojapo vaʼekue chupe+ omenda hag̃ua,
ikasamientoha díape haʼe ovyʼaiterei”.
4 Pe kariaʼy heʼi: “Neporãiterei ningo che amór.
Neporãitereíma ningo.
Pe vélo omoʼã kangymínte nde rova, ha ojekuaa umi nde resa ojoguáva umi palómape.
Ne akãrangue ningo iporãiterei,
haʼete umi kavara oguejýva oúvo umi montáña oĩvagui Galaádpe.+
2 Ne rãi ojoja asy ha ni peteĩ ndofaltái,
morotĩ asy ha iporãiterei,
haʼete umi ovecha oñeñapĩ
ha oñembojahupa ramoitéva.
3 Ne rembe katu haʼete sínta pytã asýva,
umi mbaʼe eréva chembopyʼarory.
Nde rova ningo iporãiterei pe vélo guýpe,
haʼete voi granáda pytã asýva.
4 Nde ajúra+ iporãiterei, haʼete voi pe tórre de David,+
upéva ojejapo hag̃ua oñemoĩ umi ita ojoʼaripa.
Pe tórrere oñemosaingo 1.000 eskúdo,
umi eskúdo ijapuʼáva oipurúva umi kuimbaʼe ipoderósova.+
5 Nde pécho ojogua mokõi guasuʼi raʼýpe,
mokõi guasuʼi raʼy hemélo+
oikóvape opastea umi lírio apytépe”.
6 Pe kuñataĩ heʼi: “Oipeju kangymi aja pe yvytu, che asegíta che rape, pe kuarahyʼã oĩ aja gueteri,
aháta pe montáña oĩháme mírra,
ha pe sérro oĩháme olívano”.+
8 Che rembirekorãmi, ejúna chendive pe Líbanogui,
ejúna chendive pe Líbanogui.+
Upérupi oiko umi león ha leopárdo,* esẽna upégui ha eju chendive.
9 Che rembirekorãmi rohayhuetéva, che korasõ ningo nembaʼéma.+
Remaña haguénte cherehe, che ameʼẽma ndéve che korasõ.
Ahecha hague nde kollár jepe, che korasõ opopóma.
10 Che rembirekorãmi rohayhuetéva, pe mborayhu rehechaukáva chéve+ ningo chembovyʼaiterei.
11 Ne rembe ningo eiretéicha heʼẽ asy.+
Kamby ha eiretéicha heʼẽ asy pe nde juru.+
Ha nde aokuéra katu pe Líbanoicha hyakuã asy.
12 Che ermána, che rembirekorãmi, nde ningo rejogua peteĩ hardín imurallapávape,
rejogua peteĩ ykua oñemboty porãvape.
13 Nde ningo rejogua peteĩ hardínpe oĩháme umi granáda máta hiʼa porãitéva,
upépe oĩ hetaiterei yvoty* ha nárdo,
14 umi nárdo+ ha asafrán, takuarílla hyakuã asýva+ ha kanéla,+
opaichagua olívano máta, mírra ha aloe,+
ha oĩ avei umi perfúme iporãvéva.+
15 Nde ningo peteĩ yvu pe hardínpe, peteĩ ykua heʼẽ asýva,
peteĩ arrójo osyrýva oúvo pe Líbanogui.+
16 Epuʼã viénto nórte,
eju ágotyo viénto sur.
Eipeju kangymína che hardínpe,
tove iperfúme taiñasãi”.
Pe kuñataĩ heʼi: “Che mborayhu jára, eju eike ne hardínpe,
ha eiporavo umi frúta iporãvéva”.
5 Pe kariaʼy heʼi: “Che ermána, che rembirekorãmi, che aikéma che hardínpe.+
Ambyaty mírra ha umi ótra plánta hyakuã asýva.*+
Haʼu pe eirete oĩva pe panálpe,
ha avei víno ha kamby”.+
Umi mitãkuña Jerusalengua heʼi: “Peẽ mokõive pejoayhúva,
pekaru ha peʼu vevída, pehechauka ojupe mbaʼeichaitépa pejoayhu.
Tapenerenyhẽ mborayhúgui”.+
2 Pe kuñataĩ heʼi: “Che ake péro che korasõ ndaikatúi oke.+
Ha ahendu che mborayhu jára ouha ombota chéve che rokẽ.
Ha heʼi chéve: ‘Che pykasumi, ndaipóri mbaʼeve ivaíva nderehe.
Che rembirekorãmi rohayhuetéva, eavrimína chéve ne rokẽ,
che akã ningo hykuepáma ko serénope,
oĩ serrasón ko pyharépe ha che akãrangue hykuepaitéma’.+
3 Ha haʼe chupe: ‘Che añenóma,
¿añemonde jey vaʼerã piko?
Ajepyheipáma ningo,
¿amongyʼa jeýta piko che py?’.
4 Haʼe omoinge ipo pe okẽ ikuahárupi oavri hag̃ua, péro upéi ahecha oipeʼa jeynteha ipo upégui,
ha che korasõ oñepyrũ operere.
5 Upémarõ apo apuʼã aavri hag̃ua pe okẽ
che mborayhu járape.
Ha añandu osyryha che pógui ha che kuãgui aséite de mírra,
ha ijaysykue opytapa pe okẽ tránkare.*
6 Aavrívo che rokẽ
ndatopavéima che rembiayhúre.
Ajedesespera* pórke ohóma raʼe.*
Ahenói chupe péro nopenái cherehe.
Ahekáramo jepe chupe, ndatopavéima hese.+
7 Umi guárdia okorréva oikóvo pe siudáre cherecha ha chembyepoti, haʼekuéra chenupã.
Che areko kuri peteĩ mánto che akãre
ha umi guárdia oĩva pe murállape oipeʼa chehegui.
8 Peẽ mitãkuña Jerusalengua, aipota pehura chéve peteĩ mbaʼe.
Pehecha sapyʼárõ che amórpe,
pejemína chupe mborayhúgui chekangypamaha”.
9 Umi mitãkuña Jerusalengua heʼi:
“Nde ningo la neporãvéva umi kuña apytépe.
¿Mbaʼéicha rupi ere ndaiporiha ótro ne mborayhu járaicha?
¿Mbaʼére piko oreovligáta rojapo hag̃ua ndéve ko huraménto?”.
10 Pe kuñataĩ heʼi: “Che mborayhu jára ningo ndaijojahái, hova ningo pytã asy.
Diez mil kuimbaʼe apytépe ndaiporichéne haʼéicha iporãva.
11 Iñakãrangue hũ vera pe kuérvoicha,
iñakãrangue haʼete palméra rakã oveve kangymíva ápe ha pépe.
Iñakã iporãiterei, pe óro iporãvévaicha iporã.
12 Hesa ningo ojogua mokõi palómape oĩva ysyry ykére,
haʼete voi oñemboʼýva hikuái peteĩ piléta kóstape
ha ojahúva kambýpe.
13 Hova ningo haʼete umi hardín hyakuãvu reíva,+
henyhẽtéva plánta hyakuã asývagui.
Hembe katu ojogua umi lírio potýpe, ha otyky chugui aséite de mírra hyakuã asýva.+
14 Ikuã haʼete óro, ha ipyapẽ katu ita vera saʼyju kangymíva.*
Ikuérpo ningo haʼete voi marfíl* ojeguapáva ita vera héravape safíro.
15 Hetyma ojogua mokõi kolúmna de mármol oñemboguapýva óro puroitépe.
Pe Líbanoicha che mborayhu jára iporã, haʼe ndaijojahái umi sédro mátaicha.+
16 Ijuru heʼẽ asy, entéro mbaʼe ningo iporã hese.+
Peẽ mitãkuña Jerusalengua,
péicha hína che mborayhu jára ahayhuetéva”.
6 Umi mitãkuña Jerusalengua heʼi:
“Nde ningo la neporãvéva umi kuñataĩ apytépe,
¿moõ piko oho ne korasõ jára?
Eréna oréve moõpa oho ikatu hag̃uáicha roheka chupe nendive”.
2 Pe kuñataĩ heʼi: “Che mborayhu jára oho ihardínpe,
oĩháme umi plánta hyakuã asýva.*
Haʼe oho ombyaty umi lírio poty,+
avei ogueraha umi ovechápe umi pásto iporãvehápe.
3 Chupe añoite ningo che ahayhu,
ha haʼe chéve añoite cherayhu.+
Haʼe oime oñangareko hína umi ovecháre umi lírio poty apytépe”.+
4 Pe rréi heʼi: “Siuda de Tirzá*+ ningo iporãiterei, péicha avei neporã che amór.+
Ojehayhuháicha Jerusalén,+ péicha umi hénte nderayhu.
Rejogua umi ehérsito tuichávape oĩva ivanderakuéra jerére.+
5 Anína remaña cherehe,+
chéngo ndaikuaái mbaʼépa ajapóta nde remañárõ cherehe.
Ne akãrangue ningo iporãiterei,
haʼete umi kavara oguejýva oúvo Galaádgui.+
6 Ne rãi ojoja asy ha ni peteĩ ndofaltái,
morotĩ asy ha iporãiterei,
haʼete umi ovecha oñeñapĩ
ha oñembojahupa ramoitéva.
7 Nde rova ningo iporãiterei pe vélo guýpe,
haʼete voi granáda pytã asýva.
ha hetaiterei kuñataĩ porã porã,+
9 péro ndemínte hína che pykasumi.+ Ndaipóri mbaʼeve ivaíva nderehe.
Nde sy ningo nderayhueteve umi ótro imembykuéragui,
haʼe ndévente nembojerovia.
Umi ótra mitãkuña nderecha ha oñeʼẽ porã nderehe,
umi rréina ha umi ótro tembireko* omaña nderehe ha nembotuicha.
10 Haʼekuéra heʼi: ‘Pe koʼẽtĩ iporãháicha haʼe iporã,
pe kuarahýicha ojajái,
ha iporã pe jasýicha lúna lléna jave.
Ojogua umi ehérsito tuichávape oĩva ivanderakuéra jerére’”.+
11 Pe kuñataĩ heʼi: “Che ningo aha upe hardín oĩháme heta nués máta,+
aha pe kámpore* ahecha hag̃ua
umi yvyramáta hoky ramóva,
ahechase oimépa pe parrál ha umi granáda máta oñepyrũma hoky.
12 Chéngo ahechaseterei* kuri umi mbaʼe,
ha añemeʼẽʼỹre enkuénta,
ag̃uahẽma raʼe oĩháme pe rréi karrokuéra ha umi isiérvo”.*
13 Pe rréi ha umi mitãkuña heʼi: “Eju jeýna sulamita, eju jeýna.
Eju jeýna sulamita, eju jeýna,
ikatu hag̃uáicha rohecha jey”.
Pe kuñataĩ heʼi: “¿Mbaʼéiko la pehecháva pe sulamítare?”.+
Pe rréi ha umi mitãkuña heʼi: “Nde ningo neporãiterei, ha rohechávo haʼete voi rohecháva mokõi grúpo ojerokýva hína”.*
7 Pe rréi heʼi: “Nde kuñataĩ, nde ningo nembaʼeporãite.
Iporãitéiko umi nde py ne sandáliape.
Pe nde kadéra ijapuʼa asy haʼete voi peteĩ joya
peteĩ artesáno ojapo vaʼekue.
2 Peteĩ mbaʼyru ijapuʼa asývaicha iporã pe ne puruʼã,
aipota siémpre oĩ pype víno heʼẽ asýva.
Pe nde rye katu haʼete voi trígo
ojeguapáva lírio potýpe.
3 Nde pécho ojogua mokõi guasuʼi raʼýpe,
mokõi guasuʼi raʼy hemélope.+
4 Nde ajúra+ katu ojogua peteĩ tórre de marfílpe.+
Ne tĩ katu ojogua pe tórre de Líbanope, omañáva Damasco gotyo.
5 Ne akã ningo iporãiterei, ojogua pe Sérro Carmélope.+
Nde kavelléra*+ katu haʼete lána kolór líla.+
Che chetavyete ne akãrangue hoʼávare ne lómore.
6 Che mborayhu jára, ajépa neporã ha ndejukyete.
Oĩ heta mbaʼe chembovyʼáva, péro ndaipóri mbaʼeve ikatúva ñakompara nderehe.
7 Nde ningo ndeyvate porã peteĩ palméra mátaicha,
umi nde pécho ojogua palmeraʼa porã porãme.+
8 Apensa: ‘Ajupíta pe palméra mátare
ha ajagarráta hiʼa’.
Aipotaite umi nde pécho ojogua parrálpe,
nde juru katu mansánaicha tahyakuã asy,
9 ha pe vínoicha taheʼẽ asy”.
Pe kuñataĩ heʼi: “Pe víno mbeguekatu tosyry che mborayhu jurúpe,
tohetũ vevyimi ohóvo umi hembe.
10 Che ningo che amór mbaʼénte,+
ha haʼe chévente cherayhu.
11 Ejúna che rendápe che korasõ jára,
jaha jajepasea pe kámpore
Jahecha oimépa ipotýma umi granáda máta.+
Upépe amombeʼúta ndéve mbaʼeichaitépa rohayhu.+
13 Umi frúta hérava mandrágora*+ hyakuãvu reíma hína,
ñane rokẽ renondépe oĩ frúta iporã ha hetereíva.+
Che amór, areko ndéve g̃uarã umi frúta aipoʼo ramoitéva,
ha areko avei umi añongatu pyrémava”.
8 Pe kuñataĩ heʼi: “Nde che ermánorire
ha che sy ndéve avei nemokambúrire,
che natĩmoʼãi kuri rohetũ hag̃ua atopa jave nderehe,+
ha avave noñeʼẽvaimoʼãi cherehe.
2 Upéicharõ che rogueraha vaʼerãmoʼã che sy rógape,+
upe chemboʼe vaʼekue heta mbaʼe.
Che ameʼẽta kuri ndéve
víno heʼẽ asýva,
ha húgo de granáda hoʼysã asýva.
3 Che mborayhu jára ipo iskiérdape opoko vevyimíta che akãre,
ha ipo deréchape cheañuãta.+
4 Peẽ mitãkuña Jerusalengua, aipota pehura chéve peteĩ mbaʼe:
ani peiko chemboliga aporohayhu hag̃ua. Oikótarõ álgo, ijeheguínte oiko vaʼerã”.+
5 Pe kuñataĩ ermanokuéra heʼi: “Pemañami amo kuñataĩ oúva pe desiértoguio ládo pe kariaʼy jyváre,
¿máva piko amóva?”.
Pe kuñataĩ heʼi: “Che mborayhu jára,
che romombáy kuri pe mansána máta guýpe,
upépe nde sy hasy kuri imemby hag̃ua nde renasétarõ guare.
6 Chemoĩna peteĩ sélloicha ne korasõme,
peteĩ sélloicha nde jyváre,
pórke pe mborayhu pe ñemanóicha imbarete,+
pe mborayhu pe Sepultúraicha* imbarete ha ndofallái.
Pe mborayhu haʼete voi peteĩ tata núnka ndoguéiva, pe tata oúva Jehovágui.*+
7 Umi oláda tuichavéva ndaikatumoʼãi ombogue pe mborayhu,+
ni umi rrío osyry hatãvéva ndaikatumoʼãi ipuʼaka hese.+
Peteĩ kuimbaʼe iplátava omeʼẽséramo jepe opa mbaʼe orekóva, ndaikatumoʼãi ojogua pe mborayhu.
Upéva rangue ojedespresiáta chupe”.*
8 Pe kuñataĩ ermanokuéra heʼi: “Ñande jareko peteĩ ermána michĩva.+
Haʼe imitãiterei gueteri.*
¿Mbaʼe piko jajapóta oúramo algúno
ojerure omenda hag̃ua hese?”.
9 “Ñane ermána ojoguáramo peteĩ murállape,
ñamopuʼãta pe murálla ári peteĩ adórno de pláta.
Péro ojoguáramo peteĩ okẽme,
ñamoĩta pe okẽre umi tránka de sédro imbarete porãva”.
10 Pe kuñataĩ heʼi:
“Che ningo ajogua peteĩ murállape,
ha akakuaapáma,*
ha haʼe ohecha che korasõ oĩha pyʼaguapýpe.
11 Salomón oreko vaʼekue peteĩ parralty+ Baal-Hamónpe,
haʼe omoĩ pe parralty isiervokuéra kárgope.
Ha káda siérvo opaga chupe 1.000 monéda* de pláta ogueraha hag̃ua pe ombyatýva.
12 Péro che areko voi che parralty, ha upéva chembaʼénte,
ha umi 1.000 monéda* de pláta ehejánte nembaʼerã Salomón,
ha umi 200 monéda* de pláta topyta umi oñatendévape nde parraltýre”.
13 Pe kariaʼy heʼi: “Nde reikóva umi yvoty apytépe,+
umi che irũnguéra ohenduseterei ne ñeʼẽ juky asy.
Ehejána chéve tahendumi avei”.+
14 Pe kuñataĩ heʼi:
“Che amór pyaʼéna eju che rendápe,
peteĩ guasuʼícha+ pyaʼe eju.
Umi guasu imitãvaicha ehasa umi montáña oĩhárupi umi plánta hyakuã asýva”.*
Koʼãva hína umi mitãkuña.
Térã: “che álma nderayhueterei”.
Ikatu avei: “ne trénsa paʼũme”.
Hebréope: “nárdo”.
Térã: “aléña”.
Hebréope: “asafrán”.
Hebréope: “óga oĩháme víno”.
Térã: “ama tiémpo”.
Térã: “montáña de Beter”.
Térã: “pe che álma ohayhúvape”.
Térã: “che sy kotýpe”.
Peteĩ sofa guasuichagua ojepurúva ojegueraha hag̃ua umi persóna iñimportántevape.
Térã: “Antilíbano”.
Ojoguáva peteĩ jaguaretépe.
Térã: “aléña”.
Térã: “espésia”.
Térã: “ývare”.
Térã: “Che álma osẽ”.
Ikatu avei: “Che álma osẽ haʼe oñeʼẽrõ guare”.
Térã: “krisólito”. Ehecha “Ita vera” Diksionáriope.
Ehecha Dik.
Térã: “espésia”.
Térã: “Siuda Ñanembovyʼáva”.
Térã: “konkuvinakuéra”. Ehecha Dik.
Térã: “konkuvinakuéra”. Ehecha Dik.
Térã: “yrapére”.
Térã: “Che álma ohechaseterei”.
Térã: “pe puévlo kyreʼỹme oñekuaveʼẽva”.
Térã: “dánsa de Mahanaim”.
Hebréope: “Ne akã”.
Térã: “aléña”.
Umi kuñanguéra hoʼu vaʼekue kóva openságui oipytyvõne hag̃ua chupekuéra hyeguasu hag̃ua.
Térã: “Seólcha”. Ehecha Dik.
Hebréope: “Jah”. Péicha oñemombyky Jehová réra.
Ikatu avei: “ikosakuéra ojedespresiáta”.
Hebréope: “neʼĩra ipécho”.
Hebréope: “che pécho ojogua tórrepe”.
Hebréope: “pedáso”.
Hebréope: “pedáso”.
Hebréope: “pedáso”.
Térã: “espésia”.