LAMENTACIONES
א [Álef]*
1 ¡Maʼẽmína mbaʼéichapa Jerusalén koʼág̃a oguapy haʼeñomi, ymave ningo henyhẽte vaʼekue héntegui!+
¡Upe hetaite ihénte vaʼekue umi nasión apytépe+ koʼág̃a opyta peteĩ viúdaicha!
¡Mbaʼeichaitépa oñemombaʼapo pohýi chupe, upe haʼe vaʼekuépe peteĩ prinsésa umi distritokuéra apytépe!+
ב [Behth]
2 Haʼe hasẽ soro pyharekue,+ ha hesay osyry hováre.
Ni peteĩ umi ohayhu vaʼekue chupe ndaipóri upépe okonsola hag̃ua chupe.+
Enterove umi oĩ vaʼekue hendive otraisiona chupe,+ umívagui oiko iñenemígo.
ג [Guímel]
3 Judápe ojegueraha prisionéroramo hetãgui,+ haʼe oiko asy ha ojeguereko chupe esklávoramo.+
Haʼe oiko vaʼerã umi nasionkuéra apytépe,+ ndojuhúi peteĩ lugár opytuʼumi hag̃ua.
Enterove umi opersegíva chupe otopa hese ohasa asyeterei jave.
ד [Dáleth]
4 Umi tape ohóva Siónpe oñembyasy hína, pórke avavéma ndouvéi umi fiestarã.+
Pe siuda rokẽnguéra ojeitypa,+ umi isaserdotekuéra osuspira joa hína.
Umi kuñataĩ* oĩva upe siudápe oñembyasyeterei, ha haʼe oñamarga ojepyʼapyetereígui.
ה [He]
5 Umi ikontrariokuéragui koʼág̃a oiko ipatrón,* umi iñenemigokuéra oiko trankílo ha ndojepyʼapýi mbaʼevére.+
Pórke Jehová ombou chupe vyʼaʼỹ ojapo haguére hetaiterei mbaʼe vai.+
Pe ikontrário ogueraha henonderã prisionéroramo umi imembykuérape.+
ו [Waw]
6 Pe siuda de Sion ningo ojajaipa vaʼekue, péro koʼág̃a opáma chugui upéva.+
Umi iprínsipe ojogua umi guasu ndotopáivape pásto,
ha ikaneʼõiterei hikuái odipara aja umi opersegívagui chupe.
ז [Záyin]
7 Umi día Jerusalén ohasa asy jave ha ipuévlo oĩ hogaʼỹre, haʼe imanduʼa
entéro umi mbaʼe porã oreko vaʼekuére yma.+
Ikontrário ojagarrárõ guare ipuévlope ha ndaipórirõ guare avave oipytyvõ vaʼerã chupe,+
umi ikontrariokuéra ohecha la oikóva ha opuka hese oñehundi haguére.+
ח [Jehth]
8 Jerusalén tuichaiterei opeka.+
Upévare oiko chugui peteĩ mbaʼe oporombojeguarúva.
Enterove umi omombaʼe vaʼekue chupe, oapoʼi chupe koʼág̃a, pórke haʼekuéra ohecha chupe opío.+
Haʼe ipyahẽ+ ha otĩetereígui ojere ha oñemolómo.
ט [Tehth]
9 Umi mbaʼe kyʼa ojapóva opyta ijaóre.
Haʼe nopensái kuri henonderãre.+
Avave noimoʼãi haʼe hoʼa hague, ndaipóri avave okonsola vaʼerã chupe.
Jehová, ehechamína mbaʼeichaitépa ahasa asy, pórke pe enemígo oñemombaʼeguasu ogana haguére.+
י [Yohdh]
10 Pe enemígo ojagarra oguerahapaite chugui itesorokuéra.+
Pórke haʼe ohecha umi nasionkuéra oikeha isantuáriope,+
jepe nde remanda kuri ani hag̃ua umíva ojeheʼa nde puévlore.*
כ [Kaf]
11 Enterove umi hénte oĩva Jerusalénpe ipyahẽ joa, oheka oikóvo hikuái hiʼupy.*+
Haʼekuéra omeʼẽ umi kósa hepy ha iporãva orekóva okonsegi hag̃ua hoʼumi vaʼerã, ikatu hag̃uáicha osegi oikove.*
Emaʼẽmína Jehová mbaʼéichapa apyta peteĩ kuña* ovaleʼỹvaicha.
ל [Lámedh]
12 Peẽ pehasáva hína pe tapérupi, ¿ndahaʼeiete voi piko mbaʼeve peẽme g̃uarã la oikóva?
¡Pemaʼẽna ha pehecha!
¿Oĩ piko ótro ojekastigáva chéicha,
Jehová chekastiga haguéicha ipochyha díape?+
מ [Mem]
13 Haʼe ombou tata yvágagui ohapy hag̃ua che kangue,+ ha omoĩ ipoguýpe káda únope.
Haʼe omoĩ che renonderã peteĩ rred, ha upéva chemboguevi.
Ojapo chehegui peteĩ kuña ojeheja rei vaʼekue.
Tódo el día cherasykatu.
נ [Nun]
14 Umi mbaʼe vai ajapo vaʼekue ojokua che ajúrare peteĩ júgoicha, haʼe iporupiete voi ojokua.
Umíva oñemoĩ che ajúrare, upévare chekangypaite.
Jehová chentrega umi kuimbaʼe ndaikatúivare chepuʼaka.+
ס [Sámekj]
15 Jehová oipeʼapa chehegui umi kuimbaʼe ivale ha ipoderósova areko vaʼekue.+
Haʼe ombyaty peteĩ ehérsito che kóntrape ojopy hag̃ua umi mitãrusukuéra arekóva.+
Jehová opyrũ pe siuda de Judá rehe pe lugár oñepyrũháme parrál rehe.+
ע [Áyin]
16 Cherasẽ oiko haguére koʼã mbaʼe,+ osyry che resay.
Pórke mombyry oĩ chehegui oimeraẽ ikatúva chekonsola térã chembopiroʼy.*
Che membykuéra ndorekói esperánsa, pórke pe enemígo oregana.
פ [Pe]
17 Sion oipyso ijyva,+ ndaipóri avave okonsola vaʼerã chupe.
Enterove umi oĩvape Jacob jerére Jehová omanda oñakontraria hag̃ua hese.+
Jerusaléngui oiko peteĩ mbaʼe ombojeguarúva chupekuéra.+
צ [Tsadhéh]
18 Jehová ihústo+ chekastigávo, pórke che nakumplíri imandamientokuéra.*+
Pehendumi peẽ puevlokuéra, ha pehecha mbaʼéichapa ahasa asy.
Umi kuñataĩ* ha mitãrusukuéra arekóvape ojeguerahapa prisionéroramo.+
ק [Qohf]
19 Asapukái asy umi cherayhúvape, péro haʼekuéra chetraisiona.+
Pe siudápe omanomba umi che saserdotekuéra ha umi kuimbaʼe oporomoakãva,*
oheka aja hikuái tembiʼu osegi hag̃ua oikove.*+
ר [Rehsch]
20 Emañamína Jehová, pórke ajejopy vaieterei ningo.
Chepyʼajerepa.
Chekorasõ pererepa, pórke añetehápe apuʼã ne kóntrape.+
Okápe espádape ojejuka umi héntepe,+ ha pe óga ryepýpe umi hénte omanónte avei.
ש [Schin]
21 Umi hénte ohendu mbaʼeichaitépa chepyahẽ, péro ndaipóri avave chekonsola vaʼerã.
Enterove umi che enemigokuéra ohendu umi mbaʼe vai oikóva cherehe.
Haʼekuéra ovyʼa nde rejapo haguére upéva.+
Og̃uahẽta hína pe día rejapotaha hesekuéra upe repromete vaʼekue.+ Upe díape haʼekuéra opytáta chéicha avei.+
ת [Taw]
22 Tog̃uahẽ ne renondépe entéro mbaʼe vai ojapóva hikuái, ha ekastiga chupekuéra,+
chekastiga haguéicha chéve che rembiapo vaikuére.
Pórke hetáma chepyahẽ, ha che korasõ rasyete voi.
א [Álef]
2 ¡Mbaʼeichaitépa arai hũicha Jehová pochykue ojahoʼi pe siuda de Sion!
Yvágagui ojapete yvýre Israel porãngue.+
Ipochyha díape naimanduʼái pe ipyrenda rehe.+
ב [Behth]
2 Jehová oiporiahuverekoʼỹre ohundi kompletoite umi lugár Jacob oikoha.
Rreniégore oitypa umi lugár isegúro porãva oĩva pe siuda de Judápe.+
Haʼe omona yvýre ha omotĩ pe rréino+ ha umi iprinsipekuérape.+
ג [Guímel]
3 Ipochykue reheve oipeʼapaite Israélgui ipodér.*
Haʼe ndaoreajudái pe enemígo oreatakárõ guare,+
ha ipochykue tatáicha hendy Jacob kóntrape, ha ohapypa oĩva guive ijerére.+
ד [Dáleth]
4 Haʼe oapunta orerehe iflécha peteĩ enemígoicha, ha ore kontrárioicha oprepara ipo derécha oreataka hag̃ua.+
Ojuka entéro umi iporãnguetépe.+
Ha ombou ipochykue tatáicha+ pe siuda de Sion róga kárpape.+
ה [He]
5 Jehová haʼete peteĩ enemígo oñemoĩva ore kóntrape,+
ohundi Israélpe.
Ohundi kompletoite umi itórre.
Ohundi kompletoite umi lugár isegúro porãva orekóva.
Ha omyenyhẽ pe siuda de Judá ñembyasy ha jaheʼógui.
ו [Waw]
6 Haʼe oitypaite irráncho,+ peteĩ ogaʼi oĩvaicha peteĩ hardínpe.
Siónpe Jehová oheja umi hénte hesarái pe fiésta ha pe sábadogui,
ha ipochyetereígui orrechasa pe rréi ha pe saserdótepe.+
ז [Záyin]
7 Jehová orrechasáma ijaltár,
haʼe omboyketéma orrechasávo isantuário.+
Ontrega pe enemígope umi murálla omongoráva umi lugár isegúro porãva.+
Haʼekuéra osapukái Jehová rógape+ oikoramoguáicha peteĩ fiésta.
ח [Jehth]
8 Jehová odesidíma ohundi pe siuda de Sion murálla.+
Haʼe oipuru peteĩ piolín omedi hag̃ua pe murálla.+
Haʼe ndojokói ipo ogueru hag̃ua ñehundi.*
Haʼe omyasẽ pe rrámpa ha pe murállape.
Mokõivévape omokangy.
ט [Tehth]
9 Umi hokẽnguéra oikepa yvyguýpe.+
Haʼe ohundi ha omopẽmba umi hokẽ trankakuéra.
Pe rréi ha umi iprinsipekuéra ojegueraha umi ótro tetãme.+
Avave nokumplíri pe léi,* umi proféta jepe ndohechái visión oúva Jehovágui.+
י [Yohdh]
10 Umi kuimbaʼe omoakãva* pe siuda de Sion oguapy yvýpe okirirĩ.+
Omoĩ hikuái yvykuʼi iñakã arikuéra ha omonde umi ao ohechaukáva oñembyasyha.+
Umi kuñataĩ* oĩva Jerusalénpe oñakãity pe yvyete peve.
כ [Kaf]
11 Cheresa rasypáma cherasẽ hague.+
Chepyʼajerepa.
Che pyʼa hoʼa yvýre* che puévlo hoʼa haguére,+
odesmaja rupi umi mitã ha mitãraʼy umi plásape oĩva pe siudápe.+
ל [Lámedh]
12 Osegi heʼi hikuái isykuérape: “¡Mama, cheuhéi ha cheñembyahýi!”.*+
Ha upe aja odesmaja hikuái ñembyahýigui, haʼete umi ojekutu vaipa vaʼekue pe siuda plásape,
ha omano ohóvo hikuái* mbeguekatu isy jyva ári.
מ [Mem]
13 Jerusalén, ¿mbaʼe piko ikatu ahechauka ndéve?
¿Mávare piko ikatu rombojoja?
¿Mbaʼére piko ikatu rombojoja rokonsola hag̃ua, nde siuda de Sion?
Pórke pe kevránto reguerekóva tuichaiterei pe mar tuichaháicha.+ ¿Máva piko ikatúta nemonguera?+
נ [Nun]
14 Umi visión ohecha vaʼekue nde profetakuéra ha omombeʼúva ndéve ningo japu ndovaléiva mbaʼeverã.+
Haʼekuéra nomombeʼúi ndéve umi mbaʼe vai rejapóva, ani hag̃ua rejegueraha prisionéro.+
Upéva rangue, osegi omombeʼu ndéve umi visión japu ha oporombotavýva.+
ס [Sámekj]
15 Umi ohasáva pe tapérupi, omañávo nderehe ojepopete+ ha oñembohory nderehe.
Omañávo siuda de Jerusalén rehe ijurujái ha oñakãmbovava*+ hikuái, ha heʼi:
“¿Kóva piko hína pe siuda ojeʼeha: ‘Iporãiterei ha ndaijojahái, ombovyʼáva entéro oikóvape ko yvy ape ári’?”.+
פ [Pe]
16 Entéro umi ne enemígo oavri ijuru ha oñeʼẽ vai ne kóntrape.
Haʼekuéra oñakãmbovava* ha ipochýgui omopururũ hãi ha heʼi: “Ñahundíma chupe.+
¡Kóva hína pe ára hetaitéma ñahaʼarõva!+ ¡Og̃uahẽma ha ñande jahecha!”.+
ע [Áyin]
17 Jehová okumpli upe opensa vaʼekue ojapotaha,+ ha ojapóma la heʼi vaʼekue,+
upe aréma omanda vaʼekue ojejapo hag̃ua.+
Haʼe ndeporiahuverekoʼỹre nemonguʼi.+
Haʼe oheja umi ne enemigokuéra ovyʼa nderehe, haʼe omombareteve pe fuérsa* orekóva umi ne enemígo.
צ [Tsadhéh]
18 Siuda de Sion murallakuéra, pe puévlo ningo ojerure sokórro Jehovápe ipyʼaite guive.
Eheja tosyry nde resay ára ha pyhare peteĩ arrójoicha.
Ani repytuʼu ha ani rejoko nde resay, eheja tosyry kontinuadoite.
ק [Qohf]
19 ¡Epuʼãke! Nerasẽkena pe pyhare pukukue.
Nerasẽkena ha emombeʼu Jehovápe entéro mbaʼe oĩva ne korasõme.
Ehupi nde po yvate gotyo eñemboʼe hag̃ua ne membykuéra rekove* rehehápe,
ר [Rehsch]
20 Jehová, emañamína nde puévlo rekastiga vaʼekuére.
¿Umi kuña piko osegi vaʼerã hoʼu imemby teetépe, umi imemby hesãi asy onase vaʼekuépe?+
¿Ojejuka vaʼerã piko umi saserdóte ha profétape Jehová santuáriope?+
ש [Schin]
21 Umi mitãʼi ha umi kuimbaʼe itujáva reʼongue ojepyso umi kállere.+
Umi kuñataĩ* ha mitãrusu areko vaʼekue, ojejuka espádape.+
Nde rejuka chupekuéra ndepochyha díape, rerregolla chupekuéra reiporiahuverekoʼỹre.+
ת [Taw]
22 Haʼerõguáicha peteĩ día de fiésta,+ rehenoika upe tuichaiterei chemondýivape opáguio ládo.
Jehová ipochyha díape avave nokañýi ni ndojesalvái.+
Che enemígo ohundipa umi che membykuéra areko* ha amongakuaa vaʼekuépe.+
א [Álef]
3 Che hína pe kuimbaʼe ahecha vaʼekue mbaʼeichaitépa umi hénte ohasa asy, pórke Ñandejára ipochyeterei rupi orekastiga.
2 Haʼe chemosẽ vaʼekue ha chemondo aguata hag̃ua pytũmbýpe, ndaiporihápe lus.+
3 Añetehápe ningo haʼe chenupã ipópe tódo el día.+
ב [Behth]
4 Haʼe chemokangy, ombyaipa che pire,
ha omopẽmba umi che kangue.
5 Haʼe chemongora peteĩ murállape, ha omongakuaa che jerére umi plánta ivenenósova.+ Haʼe chemongora jehasa asýpe.
6 Cheovliga aiko hag̃ua umi lugár iñypytũhárupi, haʼeramoguáicha peteĩ kuimbaʼe ymaitereíma omano vaʼekue.
ג [Guímel]
7 Haʼe chemongora, upévare ndaikatúi aha moõve,
cheñapytĩ umi kadéna de kóvre ipohýivape.+
8 Ajedesespera ha ajerure asy jave chepytyvõ hag̃ua, haʼe nohendúi* che ñemboʼe.+
9 Omboty che rape umi ita oñekytĩ ha oñemoldea pyrévape.
Haʼe ndohejái aguata trankílo porã che rapére.+
ד [Dáleth]
10 Haʼe opeska cherehe cheataka hag̃ua peteĩ ósoicha, ojapoháicha peteĩ león ohaʼarõva hína oataka hag̃ua.+
11 Haʼe mbaretépe cheguenohẽ umi tapégui ha chedespedasapa.
Haʼe chereja cheaño rei.+
12 Haʼe oapunta cherehe iflécha chejapi hag̃ua.
ה [He]
13 Umi flécha* orekóvape iflécha ryrúpe chejapi che rriñónpe.
14 Umi hénte opukapa cherehe, imusikakuérape tódo el día oñembohory cherehe hikuái.
15 Haʼe chemyenyhẽ umi mbaʼe iróvagui ha osegi hoʼuka chéve ahénho.+
ו [Waw]
17 Nde reipeʼa chehegui* pyʼaguapy, cheresaráima umi mbaʼe iporãvagui.
18 Upévare che haʼe che pyʼapýpe: “Ymave ningo amimbipa vaʼekue, péro koʼág̃a opáma, ha nahaʼarõvéima avei mbaʼeve Jehovágui”.
ז [Záyin]
19 Nemanduʼamína ahasa asyha ha ndacherogaiha.+ Nemanduʼána haʼuha hína ahénho ha pe plánta ivenenósova.+
20 Katuete nemanduʼáta* ha rejayvýta che aĩha gotyo chepytyvõ hag̃ua.+
21 Areko upéva che korasõme, upévare trankílo porãnte asegíta rohaʼarõ.+
ח [Jehth]
22 Ha Jehová imbaʼeporãiterei rupi* ore noroñehundipái,+
pórke pe poriahuvereko haʼe ohechaukáva núnka ndopái.+
23 Káda pyhareve ohechauka oporoporiahuverekoha,+ ha siémpre ikatu ojejerovia hese.+
24 Che haʼe:* “Jehová hína pe párte otokáva chéve,+ upévare trankílo porãnte asegíta ahaʼarõ chupe”.+
ט [Tehth]
25 Jehová ivuéno hína umi ohaʼarõvandi chupe,+ umi* osegívandi oheka chupe.+
26 Iporã ñahaʼarõ kirirĩháme*+ Jehová ñandesalva.+
27 Iporã peteĩ persóna ohasa umi mbaʼe ijetuʼúvare imitã aja.+
י [Yohdh]
28 Toguapy haʼeño ha tokirirĩ Ñandejára omoĩ vove hiʼári ko kárga.+
29 Toñemoĩ ipoguýpe ha tomoinge hova yvyguýpe,+ ikatu mbaʼe ningo oĩ esperánsa chupe g̃uarã.+
30 Tomoĩ hova pe ohovapetévape chupe, ha toñemotĩ heta porã.
כ [Kaf]
31 Pórke Jehová nañandedespresiamoʼãi pára siémpre.+
32 Ñanembohasa asýramo jepe, haʼe ñandeporiahuverekóta avei imbaʼeporãiterei rupi.+
33 Pórke noĩri ikorasõme ombohasa asy ni ombosufri yvypórape.+
ל [Lámedh]
34 Oñembochipéramo umi prisionéro oĩva ko yvy ape ári oñepyrũmbávo hesekuéra,+
35 ndojejapóiramo hustísia Ñandejára Ndaijojaháiva renondépe,+
36 ndojejapóiramo hustísia peteĩ kuimbaʼépe ojehusga jave,
Jehovápe ndogustái hína koʼã mbaʼe.
מ [Mem]
37 ¿Máva piko heʼi peteĩ mbaʼe ha ojapo upéicha, ndahaʼéiramo Jehová voi upe omanda vaʼekue upéva?
38 Ñandejára Ndaijojaháiva jurúgui
nosẽi oñondive umi mbaʼe iporãva ha ivaíva.
39 ¿Mbaʼéicha piko peteĩ persóna ojeplageáta umi mbaʼe oikóvare hese opeka haguére?+
נ [Nun]
40 Ñahesaʼỹijo ha ñamaña porã umi ñande rapekuérare,+ ha jajevy Jehová rendápe.+
41 Ñañemboʼe Ñandejára yvagapeguápe ñande pyʼaite guive, jahupi ñande po+ ha jaʼe chupe:
42 “Ore ningo ropeka ha ropuʼã nderehe,+ ha nde naoreperdonái.+
ס [Sámekj]
44 Remoĩ peteĩ arai ani hag̃ua roñemboja ne rendápe, ani hag̃ua og̃uahẽ ndéve ore ñemboʼe.+
45 Rejapo orehegui yty ha mbaʼe kyʼa umi puevlokuéra apytépe”.
פ [Pe]
46 Enterove umi ore enemigokuéra oñeʼẽ vai orerehe.+
47 Ore roiko kyhyjepópe ha ndaikatúi roho moõve roimeramoguáicha peteĩ yvykuápe,+ roime oreaño ha roñehundiete.+
48 Arrójoicha osyry che resay che puévlo ohasa asy haguére.+
ע [Áyin]
49 Cherasẽ kontinuadoite, pytuʼuʼỹre,+
50 ha ajapóta upéva Jehová omaña ha ohecha peve yvága guive mbaʼéichapa ipuévlo ohasa asy hína.+
51 Añeñandu vaieterei* ahechávo upe oiko vaʼekue umi puevloʼi oĩvare che siuda jerére.+
צ [Tsadhéh]
52 Ndajapóiramo jepe mbaʼeve, umi che enemigokuéra chejagarra peteĩ guyráicha.
53 Haʼekuéra oñehaʼã kuri chejuka pe yvykuápe, osegi chejapi hikuái itápe.
54 Y osyry che akã ári, ha haʼe: “¡Ápe aikopáma hese!”.
ק [Qohf]
55 Aipuru nde réra Jehová ajerure asývo ndéve pe yvykua pypuku guive.+
56 Ehendumína che ñeʼẽ, ani remboty nde apysa ajerure asy jave ndéve chepytyvõ ha chembopyʼaguapy hag̃ua.
57 Nde reñemoag̃ui pe rohenoiha díape ha ere: “Ani rekyhyje”.
ר [Rehsch]
58 Jehová, nde chedefende ajehusgárõ guare,* resalva che rekove ajejopy vaírõ guare.+
59 Jehová, nde ningo rehecha pe mbaʼe vai ojejapo vaʼekue cherehe. Ejapomína hustísia cherehehápe.+
60 Nde rehecháma mbaʼéichapa haʼekuéra oñevenga cherehe, entéro mbaʼe okalkuláva hikuái che kóntrape.
ש [Sin] térã [Schin]
61 Jehová, rehendúma ningo mbaʼéichapa oñembohory cherehe hikuái, rehendúma entéro mbaʼe okalkuláva hikuái che kóntrape,+
62 umi mbaʼe heʼíva umi che kontrariokuéra ha mbaʼéichapa oñeʼẽ ñemi hikuái che kóntrape tódo el día.
63 Emañamína hesekuéra. Oguapy térã opuʼãrõ, haʼekuéra oñembohory cherehe umi ipurahéipe.
ת [Taw]
64 Jehová, nde repagáta chupekuéra asegún umi mbaʼe ojapo vaʼekue hikuái.
65 Rembopyʼahatãta chupekuéra, remaldesíma haguéicha voi chupekuéra.
66 Nde Jehová repersegíta chupekuéra pochy reheve, ha rehundíta chupekuéra ko yvy ape árigui.
א [Álef]
4 ¡Mbaʼeichaitépa ndoveravéi pe óro ojajaipáva, pe óro iporãvéva!+
¡Mbaʼeichaitépa isarambipa umi ita sagrádova+ umi kálle eskínare!*+
ב [Behth]
2 Sion membykuéra ojehayhuetéva, umi ymave oñemombaʼeterei* vaʼekue óro púroicha,
¡mbaʼeichaitépa koʼág̃a noñemombaʼevéi chupekuéra, haʼeramoguáicha peteĩ kambuchi reínte,
peteĩ alfaréro rembiapokuénte!
ג [Guímel]
3 Umi jagua salváhe* jepe omokambuse imembykuérape.
Péro che puévlo ipyʼahatã,+ haʼete voi umi ñandu guasu desiertopegua.+
ד [Dáleth]
4 Ijuheietereígui, umi mitãraʼýgui ojapa ikũ iñapekũre.
Umi mitã ojerure asy oikóvo oñemeʼẽ hag̃ua chupekuéra hoʼumi vaʼerã,+ péro avave nomeʼẽi chupekuéra.+
ה [He]
5 Umi okaru porã vaʼekue ojepyso joa pe kállere ñembyahýigui.*+
Umi okakuaa vaʼekue umi ao hepýva* reheve,+ koʼág̃a oñeno tanimbu ári.
ו [Waw]
6 Pe kastígo* ohupytýva che puévlope, tuichave hína pe kastígo ohupyty vaʼekuégui Sodómape ipekádore,+
haʼe oñehundi vaʼekue peteĩ tesapirĩme ha avave noipytyvõi chupe.+
ז [Záyin]
7 Sion nazareokuéra*+ ipotĩve vaʼekue umi eládagui, morotĩve voi kambýgui.
Haʼekuéra hova pytãve vaʼekue umi ita porãite* oĩvagui márpe, ojogua vaʼekue hikuái umi safíro oñembovera pyrévape.
ח [Jehth]
8 Koʼág̃a haʼekuéra hũve karvóngui,
kállere avave ndoikuaái chupekuéra.
Ipire oja ikanguére,+ iséko vera hikuái yvyra pirukuéicha.
ט [Tehth]
9 Umi ojejuka vaʼekue espádape oĩ porãve umi omano vaʼekuégui ñembyahýigui,+
ndotopái rupi hoʼu vaʼerã, haʼekuéra ikangypa ojekuturamoguáicha chupekuéra espádape.
י [Yohdh]
10 Umi kuña ymave oporoporiahuverekoite vaʼekue, koʼág̃a okosina imembykuéra teépe iporupiete.+
Umi mitãgui oiko tembiʼu* ohasa asy aja che puévlo.+
כ [Kaf]
11 Jehová ohechaukáma ipochyha,
omboúma ipochykue tatáicha.+
Ha omyendy tata Siónpe ohapypáva umi isimientokuéra.+
ל [Lámedh]
12 Umi rréi ko yvy arigua ha umi oikóva upépe, ni ndogueroviaséi
pe enemígo ha pe kontrário ikatúne hague oike Jerusalén rokẽnguérarupi.+
מ [Mem]
13 Upéva oiko iprofetakuéra opeka haguére, ha umi isaserdotekuéra ofalla haguére.+
Haʼekuéra ojuka vaʼekue umi ihústovape* pe siuda mbytépe.+
נ [Nun]
14 Umi proféta ha saserdotekuéra okorre rei pe kállere umi siégoicha.+
Haʼekuéra oñemongyʼáma tuguýpe,+
upévare avave ndaikatúi opoko ijaokuérare.
ס [Sámekj]
15 Umi hénte heʼi chupekuéra: “¡Tapeho koʼágui! ¡Tapehóke peẽ mbaʼe kyʼa! ¡Tapehopa koʼágui! ¡Animoʼãke pepoko orerehe!”.
Pórke peẽ napenderógai ha peiko pekorre rei.
Umi hénte oikóva umi tetãnguérape heʼi: “Haʼekuéra ndaikatumoʼãi opyta koʼápe orendive.*+
פ [Pe]
16 Jehová voi omosarambipa chupekuéra,+
haʼe ndoguerohorymoʼãi chupekuéra.
Umi kuimbaʼe ndorrespetamoʼãvéima umi saserdótepe+ ha naimbaʼeporãmoʼãvéima umi kuimbaʼe oporomoakãvandi”.*+
ע [Áyin]
17 Koʼág̃a ore resa jepe ikaneʼõmbáma roheka hague orepytyvõmi vaʼerã.+
Ore roheka ha roheka vaʼekue roikóvo peteĩ nasión orepytyvõ vaʼerã, péro ndaikatúi kuri oresalva.+
צ [Tsadhéh]
18 Umi ore enemigokuéra opeska orerehe,+ upévare ndaikatúi ni roguata umi kállere.
Hiʼag̃uimbaitéma ore fin, ore tiémpo opáma, pórke og̃uahẽma ore fin.
ק [Qohf]
19 Umi orepersegíva ipyaʼeve umi ágila ovevévagui yvágare.+
Orepersegi hikuái umi montáña ári, opeska hikuái orerehe pe desiértope.
ר [Rehsch]
20 Ore ningo rorrespira upe Jehová oiporavo vaʼekue rupivénte,+ ha chupe ojejagarra pe yvykua guasu orekóvape hikuái,+
hese ningo ore roʼémi vaʼekue: “Haʼe oñangareko rupi ñanderehe, jaikovéta umi nasionkuéra apytépe”.
ש [Sin]
21 Evyʼa ha esapukáikena vyʼágui siuda de Edom,+ nde reikóva Uz territóriope.
Péro ndéve avei nderupytýta pe kópa,+ rekaʼúta ha reñemboíta opío vera.+
ת [Taw]
22 Siuda de Sion, pe kastígo nderupytýva refalla haguére og̃uahẽma huʼãme.
Haʼe nandeguerahamoʼãvéima prisionéroramo ne retãgui.+
Péro Ñandejára ohecha ne rembiapo vaikue siuda de Edom.
Haʼe oikuaaukáta umi nde pekadokuéra.+
5 Jehová, nemanduʼamína upe oiko vaʼekuére orerehe.
Emañána ha ehechami mbaʼeichaitépa roñemotĩ.+
2 Ore erénsia oñemeʼẽ umi extráñope, ore rogakuéra katu umi extranhérope.+
3 Ropyta tyreʼỹ tuaʼỹre, ore sy katu opyta umi viúdaicha.+
4 Ore ningo ropaga vaʼerã ore y rehe royʼu hag̃ua,+ ha rojogua vaʼerã avei ore jepeʼa.
5 Umi ore enemígo opyrũ pyrũma ore pytáre.
Orekaneʼõitereíma, péro naoremombytuʼúi hikuái.+
6 Ore rojerovia kuri Egíptore+ ha Asíriare rokonsegi hag̃ua roʼumi vaʼerã.+
7 Umi ore tuakuéra ypykue opeka vaʼekue ningo ndaiporivéima koʼápe, péro ore rogueraha vaʼerã ore apére hembiapo vaikue.
8 Koʼág̃a umi siérvo oregoverna, ndaipóri oresalva vaʼerã chuguikuéra.
9 Roapeligra ore rekove* rogueru hag̃ua ore rembiʼurã,+ oĩ rupi umi ijespádava pe desiértope.
10 Oreñembyahyieterei haguére, orepire akueterei peteĩ tatakua akúicha.*+
11 Ore rembirekokuérape ojeviola* Siónpe, umi kuñataĩme* katu umi siuda de Judápe.+
12 Umi prinsipekuérape oñemosaingo ipógui,+ ha ndojerrespetaiete voi umi kuimbaʼe omoakãvape* umi héntepe.+
13 Umi mitãrusu ogueraha umi molíno de máno, ha umi mitãkuimbaʼe oñepysanga ogueraha haguére jepeʼa pohýi.
14 Umi kuimbaʼe oporomoakãva ndoguapyvéima pe siuda rokẽme,+ ha umi mitãrusu nombopuvéima imúsika.+
15 Ore korasõgui ohóma pe vyʼa, ymave ningo rojeroky vaʼekue, péro koʼág̃a roñembyasy.+
16 Pe koróna hoʼáma ore akãgui. ¡Aichejáranga ore, pórke ropeka kuri!
18 Pe Sérro Sion opyta rupi nandi,+ koʼág̃a umi aguara okorre upérupi.
19 Nde katu Jehová reguapýta ne trónope pára siémpre.
Nde ningo regovernáta opa ára g̃uarã.+
20 ¿Mbaʼére piko nderesarái vaʼerã orehegui pára siémpre ha areterei orereja rei?+
21 Oregueru jeýna ne rendápe Jehová, ha ore pyaʼe porã roju jeýta ne rendápe.+
Embopyahúna oréve ore rekove roiko jey hag̃ua yma guaréicha.+
22 Péro nde orerrechasaitéma voi.
Nde resegi ndepochyeterei orendive.+
Kapítulo 1 guive 4 peve músika jaheʼo hína, ha oñemohenda asegún umi létra oĩva pe avesedário hebréope.
Hebréope: “vírhen”.
Hebréope: “ikontrariokuéra omoakã chupe”.
Hebréope: “kongregasiónre”.
Hebréope: “pan”.
Térã: “omombarete jey hiʼálma”.
Koʼápe oñeñeʼẽ Jerusalén rehe haʼeramoguáicha peteĩ kuña.
Térã: “ombopiroʼy che álma”.
Hebréope: “apuʼã ijurúre”.
Hebréope: “vírhen”.
Hebréope: “ansianokuéra”.
Térã: “omombarete jey hag̃ua hiʼálma”.
Hebréope: “hatĩ”. Ehecha Dik.
Térã: “Ohundi”.
Hebréope: “omokõ hag̃ua pe siuda”.
Térã: “instruksión”.
Hebréope: “ansianokuéra”.
Hebréope: “vírhen”.
Hebréope: “Che ígado oñehẽ pe yvýpe”.
Hebréope: “¿Moõiko oĩ semílla ha víno?”.
Térã: “omano ohóvo hiʼálma”.
Hebréope: “oturuñeʼẽ”.
Hebréope: “oturuñeʼẽ”.
Hebréope: “hatĩ”. Ehecha Dik.
Térã: “álma”.
Hebréope: “umi kálle akãme”.
Hebréope: “vírhen”.
Térã: “agueru vaʼekue hesãi”.
Térã: “omboty ijapysa ha orrechasa”.
Hebréope: “itaʼyrakuéra”.
Térã: “che álmagui”.
Térã: “ne álma imanduʼáta”.
Térã: “ohechauka rupi mborayhu ifiélva”. Ehecha Dik.
Térã: “Che álma heʼi”.
Térã: “umi álma”.
Térã: “ñahaʼarõ trankílo”.
Térã: “Che álma oñeñandu vaieterei”.
Térã: “che álma ojehusgárõ guare”.
Hebréope: “umi kálle akãme”.
Térã: “iporãiterei”.
Térã: “chakál”.
Hebréope: “haʼeño rei”.
Hebréope: “ao pytã asýva”.
Hebréope: “hembiapo vaikue”.
Heʼiséva: “Oñemboyke térã oñemeʼẽva Ñandejárape”. Ehecha Dik.
Koʼápe oñeñeʼẽ hína umi korál rehe.
Térã: “tembiʼu hoʼúva hikuái veloriohápe”.
Hebréope: “oñohẽ vaʼekue umi ihústova ruguy”.
Térã: “oiko koʼápe extranhéroicha”.
Hebréope: “ansianokuéra”.
Térã: “álma”.
Hebréope: “tatakua oñemboykuhápe iérro”.
Térã: “oñemotĩ”.
Hebréope: “vírhenpe”.
Hebréope: “ansianokuéra”.