OSEAS
1 Jehová oñeʼẽ Oséaspe* haʼéva hína Beerí raʼy. Haʼe oñeʼẽ chupe ogovernaha tiémpope Uzías,+ Jotán,+ Acaz,+ ha Ezequías,+ haʼekuéra hína umi rréi de Judá,+ ha avei ogovernaha tiémpope Jeroboán,+ haʼéva hína Joás+ raʼy pe rréi de Israel. 2 Jehová oñepyrũrõ guare oñeʼẽ umi héntepe Oseas rupive, Jehová heʼi Oséaspe: “Tereho emenda peteĩ kuña hekovaítavare,* ha haʼe imembýta ótro kuimbaʼégui oĩ aja nendive. Pórke umi hénte ko yvy arigua ojogua umi hekovaívape, ha otraisiona hína hikuái Jehovápe”.+
3 Upémarõ haʼe oho ha omenda Gómer rehe, haʼéva Diblaim rajy. Ha Gómer hyeguasu ha imemby chugui peteĩ mitãkuimbaʼe.
4 Ha Jehová heʼi Oséaspe: “Embohéra chupe Jezreel,* pórke koʼẽrõitéma akovráta Jehú rogayguápe+ ojejuka rupi hetaiterei héntepe Jezreélpe, ha ndahejamoʼãvéima Israel rogaygua ogoverna.+ 5 Upe díape amopẽta Israel árko ha flécha Jezreel Ñúme”.
6 Gómer hyeguasu jey ha imemby peteĩ mitãkuñaʼi. Ha Ñandejára heʼi Oséaspe: “Embohéra chupe Lo-Ruhamá,* pórke ndaiporiahuverekomoʼãvéima+ Israel rogayguápe, pórke katuete amosẽta chupekuéra.+ 7 Péro aiporiahuverekóta Judá rogayguápe,+ ha che Jehová Ijarakuéra asalváta chupekuéra.+ Ha asalva hag̃ua chupekuéra ndaipurumoʼãi árko ha flécha, ni espáda, gérra, kavaju, ni kuimbaʼe kavaju arigua, síno asalváta chupekuéra che podér rupive”.+
8 Gómer omomboʼo rire Lo-Ruhamápe, hyeguasu jey ha imemby peteĩ mitãkuimbaʼe. 9 Ha Ñandejára heʼi Oséaspe: “Embohéra chupe Lo-Ammí,* pórke peẽ ndahaʼéi che puévlo ha che ndahaʼemoʼãi pende Dios.
10 Upéicharõ jepe umi israelita* hetaitereíta, hetaháicha pe yvykuʼi oĩva mar rembeʼýpe, ndaikatúiva ojepesa ni oñekontapa.+ Ha pe lugár haʼe haguépe chupekuéra: ‘Peẽ ndahaʼéi che puévlo’,+ upépe haʼéta chupekuéra: ‘Peẽ hína Ñandejára oikovéva raʼykuéra’.+ 11 Ha Judá raʼykuéra ha Israel raʼykuéra oñembyatýta ha oñemoĩta peteĩ ñeʼẽme.+ Ha oiporavóta hikuái peteĩ omoakã vaʼerã chupekuéra ha osẽta pe yvýgui, pórke upéva haʼéta peteĩ día iñimportánteva Jezreélpe”.+
2 “Peje pene ermanokuérape: ‘¡Peẽ ningo che puévlo!’,*+
ha umi pene ermanakuérape peje: ‘¡Peẽ ningo kuña ojeporiahuvereko vaʼekue!’.*+
2 Pedemanda pende sýpe, pedemanda chupe,
pórke haʼe ndahaʼéi che rembireko+ ha che ndahaʼéi iména,
haʼe ndoikovéima vaʼerã hekovai,*
ha ndoikovéima vaʼerã oporomoakãratĩ.
3 Osino che amboíta chupe ha ahejáta opío vera, oĩ haguéicha upe onaseha díape,
ahejáta chupe peteĩ desiértoicha,
ajapóta chugui peteĩ yvy iséko veráva,
ha ahejáta chupe omano uhéigui.
4 Ha umi imembykuérape ndaiporiahuverekomoʼãi,
pórke haʼekuéra onase vaʼekue isy rekovaikuégui.
Upe oreko vaʼekue chupekuéra hyépe ojapo umi mbaʼe oporomotĩva,+ pórke heʼi:
‘Aháta umi kuimbaʼe iñakãraku vaʼekue cherehe rapykuéri,+
umi omeʼẽ vaʼekue chéve che rembiʼurã ha y,
che aorã de lána ha de líno, che aseiterã ha víno’.
6 Upévare amongoráta chupe ñuatĩme ha péicha ambotýta chugui hape,
ha amopuʼãta peteĩ murálla itágui
ani hag̃ua haʼe otopa umi hape.
7 Haʼe odiparáta umi kuimbaʼe iñakãrakúva hese rapykuéri, péro ndohupytymoʼãi chupekuéra.+
Ohekáta chupekuéra, péro ndotopamoʼãi hesekuéra.
8 Haʼe ndohechakuaái kuri che ameʼẽ hague chupe pe trígo,+ víno pyahu ha aséite,
ha ameʼẽ hague chupe hetaiterei pláta
ha óro, umíva haʼe oipuru vaʼekue oadora hag̃ua Baálpe.+
9 ‘Upévare che aju jeýta ha aipeʼáta chugui che trígo ojekosechaha tiémpope,+
avei che víno pyahu oñembyatyha tiémpope,
ha aipeʼáta chugui umi ao de lána ha de líno ameʼẽ vaʼekue chupe ani hag̃ua ijopío.
10 Ha ahejáta umi kuimbaʼe iñakãrakúva hese ohechapa chugui hiʼórgano sexuál,
ha ni peteĩ umi kuimbaʼe ndosalvamoʼãi chupe chehegui.+
11 Aipeʼáta chugui entéro mbaʼe ombovyʼáva chupe,
umi ifiésta,+ umi ijasy raʼy, umi isábado, ha kompletoite umi fiésta ojejapóva itiempoitépe.
12 Ha ahundíta chugui umi iparralty ha umi hiʼigoty, umívare haʼe heʼi kuri:
“Koʼãva omeʼẽ vaʼekue chéve umi kuimbaʼe iñakãrakúva cherehe opaga hag̃ua chéve”.
Umívagui ajapóta kaʼaguy,
ha umi animál salváhe hoʼupáta umíva.
13 Ha akovráta chupe umi día haʼe ojapo vaʼekuére sakrifísio umi Baálpe,+
haʼe oipurúrõ guare umi kuãirũ ha umi adórno oñembochúka hag̃ua, ha odipara umi kuimbaʼe iñakãrakúva hese rapykuéri,
ha hesarái chehegui’,+ heʼi Jehová.
14 ‘Upévare akonvenséta chupe,
ha agueraháta chupe pe desiértore,
ha haʼéta chupe umi mbaʼe opokótava ikorasõre.
15 Upe tiémpo guive ameʼẽ jeýta chupe umi iparralty,+
ha Acor Ñu+ rupive haʼe oikéta pe yvy oĩháme esperánsa.
Upépe haʼe orrespondéta chéve pe imitãrõ guaréicha,
upe día osẽrõ guaréicha Egíptogui.+
18 Upe díape ajapóta peteĩ kompromíso umi animál salváhendi,+
ha umi guyra ha umi animál otyryrývandi yvýre,+
ahundíta ko yvy ape árigui umi árko ha flécha, avei pe espáda ha pe gérra,+
19 Añekomprometéta nendive pára siémpre,
ha añekomprometéta ndéve ahechaukataha hustísia ha umi mbaʼe oĩ porãva,
20 Añekomprometéta nendive ha norotraisionamoʼãi,
che hína Jehová, ha añetehápe nde chekuaáta’.+
21 Jehová heʼi: ‘Upe díape che arrespondéta,
ameʼẽta umi yvágape upe ojeruréva,
ha umi yvága omeʼẽta pe yvýpe umi mbaʼe ojeruréva,+
22 ha pe yvy omeʼẽta upe oikotevẽva pe trígope, pe víno pyahu ha pe aséitepe,
23 Ha añotỹta chupe semíllaicha pe yvýpe chembaʼerã,+
che aiporiahuverekóta pe ndojeporiahuverekói* vaʼekuépe,
ha umi ndahaʼéivape che puévlo* haʼéta: “Peẽ hína che puévlo”,+
ha haʼekuéra heʼíta: “Nde hína ore Dios”’”.+
3 Upéi Jehová heʼi chéve: “Ehayhu jey ne rembirekópe, chupe ningo ohayhu hína ótro kuimbaʼe ha nemoakãratĩ.+ Upéicha avei Jehová ohayhu pe puévlo de Israélpe,+ ha haʼekuéra katu oho umi ótro dios rapykuéri ha itavyete umi tórta ojejapóvare úva pásagui umi dios fálsope g̃uarã”.+
2 Upémarõ aha apaga hese 15 monéda* de pláta ha 1 homer imédio* seváda. 3 Upéi haʼe chupe: “Repytáta reiko chendive heta díare. Ha nanderekovaíri* vaʼerã, ha ndereguerekói vaʼerã rrelasión sexuál ótro kuimbaʼéndi, ha che avei ndarekomoʼãi nendive rrelasión sexuál”.
4 Pórke upéicha avei pe puévlo de Israel oikóta heta tiémpo* rreiʼỹre,+ ndaiporimoʼãi prínsipe, ndojejapomoʼãi sakrifísio, ndaiporimoʼãi kolúmna sagráda, ndorekomoʼãi hikuái súmo saserdóte delantál*+ ni dios raʼanga.*+ 5 Upéi umi ára pahápe pe puévlo de Israel ou jeýta ha ohekáta Ijára Jehovápe+ ha irréi Davídpe,+ ha oúta hikuái Jehová rendápe okyhyje rupi chugui ha oipotágui haʼe imbaʼeporã jey hendivekuéra.+
4 Puévlo de Israel, pehendu mbaʼépa heʼi Jehová,
pórke Jehová oreko peteĩ káso legál umi oikóva ko yvy ape ári kóntrape.+
Pórke ndaipóri iñonéstova ni oporohayhúva,* ha umi hénte ko yvy arigua oiko ndoikuaairõguáicha Ñandejárape.+
Ha heta hetave oĩ umi hénte oporojukáva.*+
3 Upévare ko yvy oñembyasy ha ojaheʼóta,+
ha enterove umi oikóva pype ikangypáta.
Umi animál salváhe, umi guyra,
ha umi pira oĩva márpe jepe omanombáta.
4 “Upéicharõ jepe, aníke ni peteĩ kuimbaʼe oiko vai ni okorrehi pe puévlope,+
pórke peẽ pejogua umi oiko vaívape peteĩ saserdótendi.+
5 Peẽ peñepysangáta de diaite,
ha pe proféta oñepysangáta avei penendive peteĩ persóna oñepysangaháicha pyharekue,
ha ahundíta* pende sýpe.
6 Ahundíta* che puévlope ndachekuaái rupi.
Peẽ ndachekuaaséi rupi,+
che avei porrechasáta anive hag̃ua pecheservi che saserdóteramo.
Ha penderesarái haguére che léigui,*+
che avei cheresaráita pende raʼykuéragui.
7 Hetavévo ohóvo umi saserdóte, hetave avei opeka hikuái che kóntrape.+
Amotĩta chupekuéra ambotuicha rangue.*
8 Che puévlo opeka jave haʼekuéra* hoʼu pe soʼo* ha ikyra joa hikuái,
ha upévare oipotaiterei* voi opeka umi hénte.
9 Akovráta umi héntepe ha umi saserdótepe
umi mbaʼe ojapo vaʼekuére.
Ha akastigáta chupekuéra asegún umi mbaʼe ojapo vaʼekue.+
10 Haʼekuéra okarúta péro nahyg̃uatãmoʼãi,+
hekovaíta* péro naifamiliamoʼãi,+
pórke nopenái hikuái Jehováre.
12 Che puévlo ombaʼeporandu umi dios raʼanga ojejapóvape yvyrágui,
ha ojapo umi mbaʼe heʼíva chupekuéra ivastón.*
Haʼekuéra hekovaise rupi oho tape vaíre,
ha hekovai haguére noñemoĩséi Ijára poguýpe.
13 Umi montáña ruʼãme ojapo hikuái sakrifísio,+
ha umi sérro ári omotimbo umi sakrifísio,
ha ojapo hikuái upéva umi yvyramáta guasu hakã tuicháva* guýpe, ha umi ótro yvyramáta* guýpe ha opaichagua yvyramáta tuicháva guýpe,+
pórke umíva isómbra porãiterei.
Upévare umi pende rajykuéra hekovai,*
ha umi pene nuerakuéra oporomoakãratĩ.
14 Ndakastigamoʼãi pende rajykuérape hekovai haguére,
ni pene nuerakuérape oporomoakãratĩ haguére.
Pórke umi kuimbaʼe la ohóva umi kuña rekovaíndi,
ha ojapo hikuái sakrifísio umi prostitúta* ndive.
Peteĩ puévlo peichagua nontendéiva mbaʼeve+ katuete oñehundíta.
16 Pórke peteĩ animál* oñempakaháicha, Israel oñempaka avei.+
¿Ha Jehová piko upéicharõ omongarúta chupekuéra peteĩ ovecha mácho raʼyrusúicha peteĩ pastoty tuichávape?*
17 Efraín omombaʼeterei umi dios raʼanga.+
¡Eheja chupe haʼeño, ejedeha chugui!
18 Opa jave chuguikuéra iservésa,*
haʼekuéra hekovai.*
Umi igovernantekuéra* notĩri hembiapo vai hag̃ua ha ogustaiterei voi chupekuéra upéva.+
19 Peteĩ yvytu ojahoʼi chupe* ipepópe,
ha haʼekuéra otĩta umi sakrifísio ojapo vaʼekuére”.
5 “Peẽ saserdóte, pehendu ko haʼétava,+
peñatendéke peẽ Israel rogaygua,
pejapysakáke peẽ peiméva pe rréi rógape,
pórke pejehusgáta,
pórke peẽ ningo peteĩ ñuhã oĩva Mizpápe
ha peteĩ rred ojepysóva Tabor ári.+
3 Che aikuaa Efraínpe,
ha Israel ndaikatúi okañy chehegui.
Koʼág̃a nde Efraín nderekovai,*
ha Israel katu oñemongyʼa.+
4 Umi mbaʼe ojapóva nopermitíri chupekuéra oho jey Ijára rendápe,
pórke haʼekuéra hekovaise,+
ha nomombaʼéi Jehovápe.
5 Israel oñemombaʼeguasu ha upéva voi ojepuru ikóntrape,*+
Israel ha Efraín oñepysanga umi mbaʼe vai ojapóva rupive,
ha Judá oñepysanga avei hendivekuéra.+
6 Umi ijovecha ha hymba vakakuéra reheve, haʼekuéra oho oheka Jehovápe,
péro ndotopái hese hikuái.
Haʼe oñemomombyrýma chuguikuéra.+
Ha koʼág̃a oñehundíta chupekuéra un méspe umi ijyvykuéra reheve.
8 ¡Pembopu peteĩ turu+ Guibeápe, ha peteĩ trompéta Ramápe!+
¡Pesapukái oñepyrũmaha pe gérra Bet-Ávenpe...+ roho hína nde rapykuéri Benjamín!
9 Efraín, pe rejekastigaha díape umi hénte okyhyjéta ohechávo umi mbaʼe vaiete oikóva nderehe.+
Che aikuaaukáma umi trívu de Israélpe mbaʼépa oikóta.
10 Umi prínsipe de Judá ojogua umi oguerovávape ilugárgui umi márka oservíva de límite.+
Ýicha ahykuavóta hiʼarikuéra che pochykue.
11 Efraínpe ojejopy vai, ha omerese voi oñembohasa asy chupe,
pórke haʼe ojedesidíma kuri ohotaha iñenemígo rapykuéri.+
12 Upévare che haʼete kuri kupiʼi Efraín kóntrape,
ha Judápe ambotuju peteĩ yvyra pedáso itujuháicha.
13 Efraín ohechárõ guare imbaʼasy, ha Judá ohechárõ guare ikuru vai,
Efraín oho Asíriape+ ha omondo mensahéro peteĩ rréi ipoderósova rendápe.
Péro upe rréi ndaikatúi kuri penemonguera,
ni ndaikatúi oipohãno pende kuru vai.
14 Che ningo haʼetéta peteĩ león raʼyrusu Efraínpe g̃uarã,
ha haʼetéta peteĩ león imbaretéva Judápe g̃uarã.
Che voi adeskuartisáta chupekuéra ha upéi aháta,+
agueraháta ha ndaiporimoʼãi ikatu vaʼerã osalva chupekuéra.+
15 Che aháta ha aju jeýta che lugárpe, ojekastiga peve chupekuéra umi mbaʼe vai ojapo vaʼekuére,
Ha ág̃a ohasa asyeterei vove, cherekáta hikuái”.+
6 “Peju ha jaha jey Jehová rendápe.
Haʼe ñandedeskuartisa kuri ojapoháicha peteĩ león,+ péro haʼe jey ñanemongueráta.
Haʼe ningo ñanenupã, péro haʼe ojokuáta ñandéve umi ñande erída.
2 Haʼe ñanemoingove jeýta 2 día haguépe.
Ha 3 diahápe ñanemopuʼãta,
ha jaikovéta henondépe.
3 Jaikuaáta Jehovápe, ha ñañehaʼãmbaitéta jaikuaa porãve chupe.
Pe kuarahy osẽháicha káda pyhareve, haʼe katuete oúta ñane rendápe.
Haʼe oúta ñane rendápe peteĩ aguaséroicha,
pe ama primaverapegua omboykueháicha pe yvy”.
4 “¿Mbaʼéiko ajapóta ndehegui Efraín?
¿Mbaʼéiko ajapóta ndehegui Judá?
Pe mborayhu añete* pejéva perekoha ningo haʼete serrasón pyharevegua,
ojogua pe ysapýpe, opáva sapyʼaitépe.
Pohusgáta, ha upéva hesakãta pe lus ohesapeháicha.+
6 Pe mborayhu añete* la chembovyʼáva, ndahaʼéi umi sakrifísio,
ha tojekuaa Ñandejárape, ojejapo rangue umi ofrénda ojehapypaitéva.+
7 Péro haʼekuéra ojogua umi kuimbaʼe pekadórpe ha nokumplíri pe kompromíso.+
Ko lugárpe haʼekuéra chetraisiona.
9 Umi grúpo de saserdóte haʼete una partída mondaha opeskáva hína peteĩ kuimbaʼére.
Oporojuka hikuái Siquem rapére,+
pórke haʼekuéra notĩri ojapo hag̃ua umi mbaʼe.
10 Ahecha peteĩ mbaʼe ivaietereíva Israel rógape.
11 Ndéve katu Judá, peteĩ kosécha tiémpo ojepreparáma ndéve g̃uarã,
upéva ajapóta ág̃a ambyaty jey vove che puévlo ojegueraha vaʼekuépe prisionéroramo”.+
7 “Amonguerase jave Israélpe
Efraín rembiapo vaikue ojekuaa jey,+
ha umi mbaʼe vai Samaria ojapo vaʼekue.+
Pórke haʼekuéra oporombotavy.+
Oike umi ógape oporomonda, ha okápe katu oporoasalta.+
2 Péro haʼekuéra ndeʼíri ipyʼapýpe che chemanduʼataha opa mbaʼe vai ojapóvare.+
Koʼág̃a ojerepa hesekuéra umi mbaʼe vai ojapo vaʼekue,
ni peteĩva umi mbaʼe nokañýi chehegui.
3 Haʼekuéra ombovyʼa pe rréipe umi mbaʼe vai ojapóvape,
ha umi prinsipekuérape ombovyʼa avei hikuái oporombotavy rupi.
4 Enterove haʼekuéra oporomoakãratĩ.
Ojogua hikuái peteĩ tatakua hakuetereívape oipurúva umi panadéro.
Ha pe tatakua hakueterei rupi, pe panadéro natekotevẽvéima ojatapyve hese ovu aja pe mása.
5 Pe rréi fiésta díape umi prinsipekuéra hasypa.
Huguyrakupa hikuái hoʼu rire víno.+
Pe rréi ojeheʼa umi oñembohorývare hapicháre.
6 Ikorasõnguéra hendy peteĩ tatakuáicha.*
Pyharekue pe panadéro oke,
ha pyhareve omoĩve jepeʼa pe tatakuápe ha hakueterei jeýma.
7 Enterove haʼekuéra ojogua peteĩ tatakua akúpe.
Ha ohundi hikuái umi igovernantekuérape,*
enterove irreikuéra okuipáma,+
ni peteĩ ijapyteguikuéra ndojeruréi chéve aipytyvõ hag̃ua chupekuéra.+
8 Efraín ojeheʼa umi ótro tetãre.+
Efraín haʼete peteĩ pan apuʼa oñembojy vaʼekue un ládonte.
9 Umi extráño ohundi chugui ipodér,+ péro haʼe ndopillái.
Iñakãrangue morotĩmbáma, péro haʼe ndohechakuaái upéva.
10 Israel oñemombaʼeguasu ha upéva voi ojepuru ikóntrape.+
Ha ni upeichavérõ haʼekuéra ndojevýi Ijára Jehová rendápe+
ni ndohekái chupe hikuái.
11 Efraín ojogua peteĩ palóma ñembotavýpe, nontendéiva mbaʼeve.*+
Ojerure sokórro Egíptope+ ha ojerure Asíriape oipytyvõ hag̃ua chupe.+
12 Toho ohohápe hikuái che apoíta che rred hiʼarikuéra.
Che amboguejýta chupekuéra yvágagui guyráicha.
Akorrehíta chupekuéra aavisa haguéicha voi ipuevlokuérape.+
13 ¡Aichejáranga, pórke haʼekuéra odipara chehegui!
¡Oñehundíta hikuái pórke opeka che kóntrape!
Che aiméma kuri asalva hag̃uáicha chupekuéra, péro haʼekuéra heʼi japu cherehe.+
14 Osegíramo jepe oñelamenta hikuái hupápe,
haʼekuéra ndojeruréi chéve ipyʼaite guive aipytyvõ hag̃ua chupekuéra.+
Oñekytĩmba hikuái ojerure hag̃ua trígo ha víno pyahu.
Haʼekuéra opuʼã cherehe ha oñemborrevélde.
15 Akorrehi ha amombaretéramo jepe chupekuéra,
haʼekuéra osegi okalkula ojapo hag̃ua mbaʼe vai ha péicha oñemoĩ cherehe.
16 Haʼekuéra okambia hape péro ndohói peteĩ tape iporãvévare.*
Ojogua hikuái árko sã iflóhovape ndaikatúiva opoi flécha, ndovaléi mbaʼeverã.+
Ojejukáta espádape umi prinsipekuérape pórke ijuru guasu hikuái.
Upéicha rupi umi hénte oñembohorypa hesekuéra Egíptope”.+
8 “¡Embopu peteĩ turu!+
Peteĩ enemígo ou ágilaicha Jehová puévlo* kóntrape,+
pórke nokumplíri che kompromíso+ ha opeka che léi kóntrape.+
2 Haʼekuéra ojerure chéve sokórro ha heʼi: ‘¡Nde ningo ore Jára, ha ore Israelgua roikuaa porã mávapa nde!’.+
3 Israel orrechasa pe iporãva.+
Peteĩ enemígo topersegi chupekuéra.
4 Haʼekuéra omoĩ irreirã, péro noporandúi chéve mbaʼeve.
Oiporavo hikuái umi iprinsipekuerarã oporanduʼỹre chéve.
Umi pláta ha óro orekóva hikuái oipuru ojapo hag̃ua dios raʼanga,+
ha upévare oñehundíta chupekuéra.+
5 Samaria, che arrechasáma nde vaka raʼy raʼanga.+
Chepochyetereíma nendive.+
¿Arakaʼe piko rejapomi jeýta la iporãva?*
6 Pórke upe mbaʼe ningo osẽ kuri Israélgui.
Peteĩ artesáno la ojapo vaʼekue ha ndahaʼéi Ñandejára,
upe vaka raʼy raʼanga oĩva Samáriape oñemonguʼíta.
7 Haʼekuéra ojapo la ivaíva, upévare katuete omonoʼõta ivaíva,
haʼete voi ku oñotỹva yvytu, ha upévare okosecháta hikuái peteĩ torménta.+
Pe trígo oñeñotỹ vaʼekue ndahiʼái,+
ha umi hiʼáva katu ndaikatúi ojepuru ojejapo hag̃ua arína.
Ha ojejapóramo jepe chugui arína, umi extranhéro* hoʼupa jey upéva.+
8 Pe enemígo ohundíta Israélpe.+
Koʼág̃a oĩta hikuái umi nasionkuéra apytépe,+
ha ojoguáta umi váso avave ndoipotáivape.
9 Pórke haʼekuéra oho Asíriape+ peteĩ vúrro salváhe rovaʼatãicha.
Efraín opaga umi kuña rekovaípe oreko hag̃ua rrelasión sexuál.+
10 Haʼekuéra opagáramo jepe umívape ou hag̃ua umi nasionkuéra apytégui,
koʼág̃a ambyatýta chupekuéra.
Haʼekuéra oñepyrũta ohasa asy+ umi rréi ha umi prinsipekuéra omoĩ haguére hiʼarikuéra umi kárga.
11 Efraín ningo omboheta hetave umi altár orekóva ha ombojoʼave ipekádo.+
Haʼe oipuru umi altár opeka hag̃ua.+
12 Askrivi chupe g̃uarã heta léi,*
péro ndorrespetaiete voi hikuái umíva.+
13 Haʼekuéra oofrese chéve sakrifísio ha hoʼu pe soʼo,
péro Jehová ndoguerohorýi umíva.+
Koʼág̃a Haʼe imanduʼáta umi mbaʼe vai ojapo vaʼekuére hikuái, ha okastigáta chupekuéra umi ipekádore.+
Haʼekuéra ohopa jey* Egíptope.+
14 Ha Israel hesarái Ijapoharégui+ ha omopuʼã umi témplo,+
ha Judá ojapo hetaiterei siuda isegúro porãva.+
Péro che amondóta tata umi isiudakuérape,
ha okaipaitéta umi tórre oĩva káda siudápe”.+
9 “Ani revyʼa Israel,+
ani reiko revyʼa umi ótro puévloicha.
Pórke nderekovai* rupi reñemomombyry nde Járagui.+
Ndéve ningo ojepaga peteĩ prostitútaicha enterove umi lugár oñemopotĩháme semílla, ha nde remombaʼeterei kuri upéva.+
2 Pe lugár oñemopotĩháme semílla ha pe lugár ojejapoha víno nanemongarumoʼãi.
Ha ofaltapáta ndéve pe víno pyahu.+
3 Haʼekuéra ndosegimoʼãi oiko pe yvy Jehová omeʼẽ vaʼekuépe chupekuéra.+
Upéva rangue, Efraín oho jeýta Egíptope,
ha Asíriape hoʼúta hikuái umi mbaʼe ikyʼáva.+
4 Haʼekuéra noñohẽmoʼãvéima ofrénda de víno Jehovápe.+
Umi sakrifísio oofreséva hikuái haʼe ndoguerohorymoʼãi.+
Umíva ojogua pe pan ojeʼúvape oĩ jave omanóva,
enterove umi hoʼúva upe pan oñemongyʼa.
Pórke pe pan chupekuéra g̃uarãnte,*
noñemoingemoʼãi Jehová rógape.
5 ¿Mbaʼépa peẽ pejapóta og̃uahẽ vove pe tiémpo peñembyaty hag̃ua,*
térã ojejapo vove pe fiésta Jehovápe g̃uarã?
6 ¡Pemañamína! Upérõ peẽ pediparáta, pórke oúta pe enemígo ha penerundíta.+
Egíptope umi hénte penembyatýta,+ ha Ménfispe peneñotỹta.+
Ñuatĩmante ojagarrapáta umi ikosakuéra de pláta iporãitéva,
ha ñana okakuaáta hogakuérape.*
7 Og̃uahẽta umi día ojehusgataha chupekuéra,+
og̃uahẽta umi día ojekovrataha chupekuéra umi mbaʼe ojapo vaʼekuére,
ha Israel oikuaáta upéva.
Iprofetakuéra ohechaukáta ivyroha, ha pe kuimbaʼe heʼíva oñeʼẽha Ñandejára rérape, itavýta.
Hetaiterei oĩ umi ipochýva nderehe, pórke hetaiterei mbaʼe vai rejapo”.
8 Pe guárdia+ oñatendéva Efraín rehe oĩ kuri Ñandejárandi.+
Péro koʼág̃a enterovete umi iproféta rape+ ojogua umi trámpa omoĩvape umi oitýva guyrakuéra ñuhãme,
oĩ ipochýva umi proféta Jára rógape.
9 Haʼekuéra ojapo ipyʼaite guive umi mbaʼe oporohundítava, oiko haguéicha Guibeá tiémpope.+
Haʼe imanduʼáta umi mbaʼe vai ojapo vaʼekuére, ha okastigáta chupekuéra umi ipekadokuérare.+
10 “Atopárõ guare Israélpe, haʼete ku atopa vaʼekue parrál pe desiértope,+
ha ahechárõ guare pende tuakuéra ypykuépe, haʼete ahecháva peteĩ ígo máta primera ves hiʼáva.
Ha oiko chuguikuéra peteĩ mbaʼe oporombojeguarúva, ha péicha ojogua hikuái upe mbaʼe ohayhúvape.
11 Efraín podér oveve ohóvo peteĩ guyráicha.
Ndaiporimoʼãi hyeguasúva ni imembýva.+
12 Omongakuaáramo jepe hikuái imembykuéra,
aipeʼáta chuguikuéra ndopytavéi peve ni peteĩ.+
¡Aichejáranga haʼekuéra añemomombyry vove chuguikuéra!+
13 Efraín oĩ peteĩ pastoty porãme, ojogua voi chéve Tírope,+
Efraín oguenohẽta katuete umi itaʼyrakuérape ojejuka hag̃ua”.
14 Jehová, emeʼẽkena chupekuéra la omereséva,
tomano imembykuéra hetepýpe ha umi ipécho ani ikamby.*
15 “Entéro mbaʼe vai ojapo kuri hikuái Guilgálpe,+ upévare ndachaʼéi hesekuéra.
Amosẽta chupekuéra che rógagui umi mbaʼe vai ojapo vaʼekuére.+
Che ndahayhumoʼãvéima chupekuéra.+
Enterove umi prínsipe hovaʼatã.
16 Efraínpe ojeitýta peteĩ yvyramátaicha.+
Hapokuéra ipirúta ha ndahiʼamoʼãi.
Imembýramo jepe hikuái, ajukáta upe ifamília ohayhuetévape”.
17 Ñandejára orrechasáta chupekuéra,
pórke nohendúi chupe hikuái,+
ha haʼekuéra oikóta kañyháme umi nasionkuérape.+
10 “Israel ningo peteĩ parrál máta oñembyaíva* ha hiʼáva hína.+
Amáske hetave hiʼa, ombohetave avei umi ijaltár.+
Amáske oprodusi porãve la ijyvy, iporãve avei umi ikolúmna sagráda.+
2 Haʼekuéra ningo oreko peteĩ korasõ hovamokõiva,*
ha koʼág̃a ojekulpáta chupekuéra.
Oĩta peteĩ omonguʼíva ijaltarkuéra ha ohundíta umi kolúmna sagráda oguerekóva hikuái.
3 Koʼág̃a katu heʼíta hikuái: ‘Ore ndoroguerekói rréi,+ pórke Jehová nomeʼẽi oréve ndorokyhyjéi rupi chugui.
Ha roguerekóramo jepe peteĩ rréi, ¿mbaʼe piko haʼe ikatúne ojapo orerehehápe?’.
4 Haʼekuéra oñeʼẽ rei, ojapo fálso huraménto,+ ha ojapo kompromíso,
upévare pe inhustísia isarambi opárupi, okakuaaháicha umi ñana venenóso umi kokue ojeara vaʼekuépe.+
5 Umi hénte oikóva Samáriape oguerokyhyjéta pe vaka raʼy raʼanga oĩva Bet-Ávenpe.+
Ipuévlo ojaheʼóta hese,
upéicha avei ojaheʼóta umi dios fálso saserdotekuéra ovyʼáva jepi heseve ha omombaʼetéva chupe,
pórke upéva ojegueraháta mombyry chuguikuéra.
6 Pe vaka raʼy raʼanga ojegueraháta Asíriape rregáloramo peteĩ rréi ipoderósovape.+
Efraínpe oñemotĩta,
ha Israel otĩta upe konsého osegi vaʼekuére.+
8 Umi lugár yvate oĩva Bet-Ávenpe+ ombopekáva Israélpe,+ oñehundíta.+
Ñuatĩ ha ñana okakuaáta umi ijaltarkuérape.+
Umi hénte heʼíta umi montáñape: ‘¡Oremoʼãmína!’,
ha umi sérrope: ‘¡Peʼána ore ári!’.+
9 Oikoha tiémpo guive upe mbaʼe Guibeápe, repeka Israel,+
ha peẽ pesegi upéicha.
Guibeápe pe gérra ndohupytýi* pe puévlo iñinhústovape.
10 Chegustaha óra akastigáta chupekuéra.
Ha oñembyatýta heta puévlo ikontrapekuéra,
chupekuéra ojejokuáta* umi mokõi mbaʼe ofalla vaʼekuére.
11 Efraín haʼe vaʼekue peteĩ vakílla ivaléva ha ombaʼaposéva omopotĩ hag̃ua semílla,
upévare aperdona kuri chupe ha namoĩri júgo pe ijajúra porãitére.
Ahejáta oĩ peteĩ omaneháva Efraínpe oara hag̃ua.+
Judá oaráta, ha Jacob ombojojáta pe yvy.
12 Peñotỹ hustísia ha pemonoʼõ mborayhu añetetéva.*
Peara penembaʼerã pe yvy iporãva,+
oĩ aja tiémpo peheka hag̃ua Jehovápe,+
ág̃a haʼe ou peve ha penemboʼe hustísia.+
13 Péro peẽ peñotỹ* mbaʼe vai,
ha pemonoʼõ inhustísia,+
ha peñembotavy pendejupe voi ha penderupyty heta mbaʼe vai,
pórke peẽ pejerovia pendejehe,
umi atyraite gerréro peguerekóvare.
14 Peteĩ tyapu guasu opuʼãta pende puévlo kóntrape,
ha kompletoite umi pende siuda imurallapáva oñehundipáta,+
Salmán* ohundi haguéicha pe lugár hérava Arbel,
upe oñeñorairõha díape ojedeskuartisapaitéta umi sýpe ha imembykuérape.
15 Betel, péicha ojejapóta penderehe ivaieterei rupi entéro mbaʼe pejapóva.+
Koʼẽju vove pe rréi de Israel katuete oñehundíta”.*+
3 Péro che la amboʼe vaʼekue Efraínpe oguata hag̃ua,+ ha ahupi chupe che jyva ári.+
Ha ndohechakuaái hikuái che amonguera hague chupekuéra.
4 Aipuru pe mbaʼeporã peteĩ piólaicha pomoag̃ui hag̃ua cherehe, ha pe mborayhu aipuru avei peteĩ piólaicha* pogueru hag̃ua che rendápe.+
Ha che ahupi pe júgo oĩva ijajurakuéra ári.
Ha mborayhúpe agueraha hembiʼurã káda únope.
5 Ndohomoʼãvéima hikuái Egipto yvýpe, péro Asiria haʼéta irreikuéra,+
pórke ndojevyséi hikuái che rendápe.+
6 Peteĩ espáda orremolineáta isiudakuéra kóntrape,+
ha ohundíta umi tránka de iérro orekóva umi isiuda rokẽ, ha ohundíta chupekuéra otrama haguére umi mbaʼe vai.+
7 Che puévlo ningo oñehaʼã voi ani hag̃ua iñeʼẽrendu chéve.+
Oñehenói chupekuéra ou hag̃ua pe ijyvatetéva* rendápe, péro ni peteĩva nopuʼãi.
8 ¿Mbaʼéicha piko rohejáta Efraín?+
¿Mbaʼéicha piko rontregáta ne enemigokuérape Israel?
¿Mbaʼéicha piko ajapóta nderehe ajapo haguéicha Admá rehe?
¿Mbaʼéicha piko ajapóta nderehe ajapo haguéicha Zeboyim rehe?+
Koʼág̃a che akambia upe añandúva nderehe,
ha avei roiporiahuverekóta che pyʼaite guive.+
9 Ndapoimoʼãi che pochykuégui.
Nahundimoʼãvéima Efraínpe,+
pórke che hína Ñandejára ha ndahaʼéi yvypóra.
Che ningo pe Dios Sánto oĩva penendive,
ha ndajumoʼãi ne kóntrape pochykue reheve.
10 Haʼekuéra oikóta Jehová rapykuéri, ha haʼe okororõta ojapoháicha peteĩ león.+
Ha haʼe okororõ vove, itaʼyrakuéra oryrýita oúvo oésteguio.+
11 Osẽ vove hikuái Egíptogui oryrýita peteĩ guyráicha,
ha peteĩ palómaicha oryrýita hikuái osẽ vove Asiria yvýgui.+
Ha che agueraháta chupekuéra oiko hag̃ua hógape”, heʼi Jehová.+
12 “Efraín ningo japu memete heʼi chéve,
ajereha gotyonte ahecha Israel oporombotavyha.+
12 “Efraín ojerovia peteĩ mbaʼe ndovaléivare mbaʼeverã.*
Haʼe tódo el día odipara pe yvytu oipejúva ésteguio rapykuéri.
Haʼe ijapuve ha iviolentove.
Haʼe ojapo peteĩ kompromíso Asiria+ ndive ha ogueraha aséite Egíptope.+
2 Jehová ohusgáta Judápe,+
okastigáta Jacóbpe asegún umi mbaʼe ojapo vaʼekue,
ha okovráta chupe umi mbaʼe ojapo vaʼekuére.+
3 Isy ryépe haʼe ojagarra vaʼekue iñermánope ipytágui,+
ha imbaretekue entéro reheve oñorairõ Ñandejárandi.+
4 Haʼe osegi oñorairõ peteĩ ánhel ndive ha ogana.
Haʼe hasẽ ha ojerure asy chupe peteĩ vendisión”.+
Ñandejára ningo otopa hese Betélpe, ha upépe Ñandejára oñeʼẽ ñanendive.+
6 “Upévare, eju jeýna nde Jára rendápe,+
esegi ehechauka eporohayhuha* ha ndehustoha,+
ha siémpre ejerovia nde Járare.
Entéro che traváho repykuére, ndapetopamoʼãi mbaʼeve ivaíva ni pekádo cherehe’.
9 Péro che hína Jehová nde Jára reimeha tiémpo guive Egíptope.+
Roheja jeýta reiko óga kárpape,
ojejapo haguéicha umi fiésta tiémpope.
10 Che añeʼẽ kuri umi profétape,+
ambohetave umi visión ohecháva hikuái,
ha umi proféta rupive amombeʼu heta ehémplo.
11 Galaádpe oĩ oporombotavy*+ ha ijapúva.
Guilgálpe pe puévlo osakrifika umi tóro.+
Ha umi ijaltarkuéra ojogua umi ita atýra oĩvape umi kokue ojeara vaʼekuépe.+
12 Jacob oho okañy Aram* territóriope,*+
13 Peteĩ proféta rupive Jehová oguenohẽ Israélpe Egíptogui,+
ha peteĩ proféta rupive oñangareko hese.+
14 Efraín ombopochyeterei Ñandejárape,+
ha omotĩ haguére Ijárape, haʼe okovráta chupe,
13 “Efraín oñeʼẽrõ guare, umi hénte oryryipa vaʼekue.
Haʼe ningo ipoderosoiterei vaʼekue Israélpe.+
Péro ofalla oadora haguére Baálpe+ ha omano.
2 Koʼág̃a ombojoʼave hikuái ipekádo,
ha pe pláta orekóvagui ojapo hikuái estátua de metál.+
Haʼekuéra ivale ojapo hag̃ua umi taʼanga, entéro umíva ningo artesáno rembiapokue.
Ha heʼi: ‘Umi kuimbaʼe ojapóva sakrifísio tohetũ umi vaka raʼy raʼanga’.+
3 Upévare ojoguáta hikuái pe serrasón pyhareveguápe,
ojoguáta pe ysapy opávape sapyʼaitépe,
ojoguáta hikuái pe kapiʼi pirukue orahávape yvytu atã oñemopotĩ jave umi semílla,
haʼetéta tatatĩ osẽva pe chimenéarupi.
4 Péro che hína Jehová nde Jára reimeha tiémpo guive Egíptope.+
Nde ndereikuaái vaʼekue ótro Dióspe, chéve añoite chekuaa,
che añoite nde salvadór.+
5 Che añangareko vaʼekue nderehe pe desiértope,+ pe yvy isékovape.
6 Peẽ peneryg̃uatã vaʼekue peguereko rupi heta mbaʼe peʼu vaʼerã.+
Peneryg̃uatã ha upéi peju peñemombaʼeguasu.
Upévare penderesarái chehegui.+
7 Che ningo haʼetéta peteĩ león raʼyrusu chupekuéra g̃uarã,+
haʼetéta peteĩ leopárdo* opeskáva hína tape yképe.
8 Ajúta chupekuéra peteĩ ósa ojepeʼa vaʼekuéicha chugui imemby,
ha aikytĩta ipechokuéra.*
Ha peteĩ leóncha amokõta chupekuéra.
Peteĩ animál salváhe odeskuartisáta chupekuéra.
9 Upéva nerundíta, Israel,
pórke repuʼã cherehe, repuʼã upe nepytyvõva kóntrape.
10 ¿Moõ piko oime la nde rréi ndesalva hag̃ua kompletoite umi nde siudakuérape?+
¿Moõ piko oime umi ne governánte,* umi ere vaʼekuére chéve:
‘Emeʼẽna chéve peteĩ rréi ha umi prínsipe chemoakã vaʼerã’?+
12 Efraín rembiapo vaikue ndopytamoʼãi tesaráipe,*
ipekadokuéra oñeñongatu porã hína.
13 Hasyetéta umi kuña imemby potávaicha.
Péro haʼe katu peteĩ mitã ñembotavy,
upévare og̃uahẽvo pe tiémpo onase hag̃ua haʼe nosẽséi isy ryégui.
14 Che hína upe asalváva che puévlope pe Sepultúragui*
ha ñemanógui.+
Nde Ñemano reporombohasa asyetéva, ¿moõ piko oime nde podér?*+
Nde Sepultúra+ reporohundíva, ¿moõ piko reime?
Péro Efraínpe ndaiporiahuverekomoʼãi.
15 Ipotýramo jepe umi takuarílla paʼũme,
oúta peteĩ yvytu ésteguio ládo, upéva hína Jehová yvytu.
Oúta pe desiértogui ombohypa hag̃ua iposokuéra ha umi ykua yvu.
Ojesakeapáta chugui entéro mbaʼe porã oguerekóva.+
16 Samáriape ojekulpáta,+ pórke haʼe opuʼã Ijára kóntrape.+
Espádape ojejukapáta chupekuéra,+
imembykuérape ojejapetéta yvýre ojejuka hag̃ua,
ha umi kuña hyeguasúva rye ojeavríta”.
14 “Israel, eju jeýna nde Jára Jehová rendápe,+
pórke reñepysanga refalla haguére.
2 Eju jeýna Jehová rendápe koʼã ñeʼẽ reheve.
Ere vaʼerã chupe: ‘Oreperdonamína ore rembiapo vaikuére+ ha easeptami pe iporãva orehegui.
Ha ore romombaʼeguasúta umi mbaʼe roʼévape,+ ku roofreserõguáicha ndéve umi tóro raʼyrusu.*
3 Asiria ndaoresalvamoʼãi.+
Ndorojupimoʼãi kavaju ári,+
ha ndoroʼemoʼãvéima umi mbaʼe rojapo vaʼekuépe ore pópe: “¡Nde ningo ore Jára!”.
Pórke nde hína upe oiporiahuverekóva pe ityreʼỹvape’.+
4 Amongueráta chupekuéra ha nachetraisionamoʼãvéima.+
Ahayhúta chupekuéra che pyʼaite guive,*+
pórke che ndachepochyvéima hendivekuéra.+
5 Che haʼetéta ysapy Israélpe g̃uarã.
Haʼe ipotýta pe lírioicha,
ha hapo pypukúta umi yvyramáta Libanopeguáicha.
6 Umi hakã ojepysóta,
ha iporãitereíta pe olívoicha,
ha hyakuã asýta umi yvyramáta Libanopeguáicha.
7 Che puévlo oiko jeýta che sómbra guýpe.
Haʼekuéra oñemitỹta ha heñóita hikuái umi parrál heñoiháicha.+
Umi hénte imanduʼáta cherehe imanduʼaháicha pe víno Libanopeguáre.
8 Efraín heʼíta: ‘¿Che piko areko álgo ke ver umi dios raʼangándi?’.+
Che ahendúta chupe ha añangarekóta hese.+
Che ajoguáta peteĩ enévro ipotypávape,
ha che ameʼẽta ndéve hiʼakue”.
9 ¿Máva piko iñarandu? Tontende porãke koʼã mbaʼe.
¿Máva piko ivale? Toikuaa umíva.
Pórke Jehová rapekuéra ihústo hína,+
ha umi ihústova ohóta upérupi,
péro umi hembiapo vaíva oñepysangáta umi tapére.
Péicha oñemombyky Hosaya, heʼiséva: “Jah osalva chupe, Jah oporosalva”.
Térã: “hekotieʼỹtavare, ojeprostituítavare”.
Heʼiséva: “Ñandejára oñotỹta semílla”.
Heʼiséva: “Ndojeporiahuverekói chupe”.
Heʼiséva: “Ndahaʼéi che puévlo”.
Hebréope: “israelita raʼykuéra”.
Ehecha nóta oĩva Os 1:9-pe.
Ehecha nóta oĩva Os 1:6-pe.
Térã: “hekotieʼỹ, ojeprostitui”.
Térã: “hekotieʼỹ, ojeprostitui”.
Térã: “Che Baal”.
Térã: “oñeno”.
Térã: “ahechaukáta ndéve mborayhu ifiélva”. Ehecha Dik.
Heʼiséva: “Ñandejára oñotỹta semílla”.
Ehecha nóta oĩva Os 1:6-pe.
Ehecha nóta oĩva Os 1:9-pe.
Hebréope: “pedáso”.
Upéva oreko en totál 195 kílorupi. Ehecha Info. B14.
Térã: “nanderekotieʼỹi, nderejeprostituíri”.
Hebréope: “heta díare”.
Hebréope: “efod”. Peteĩ delantál joguaha ojováiva. Ehecha Dik.
Hebréope: “terafim”. Ehecha Dik.
Térã: “ohechaukáva mborayhu ifiélva”. Ehecha Dik.
Hebréope: “oñohẽva hapicha ruguy”.
Térã: “amokirirĩta”.
Térã: “Amokirirĩta”.
Térã: “instruksióngui”.
Ikatu avei: “Haʼekuéra chemotĩ chemombaʼe rangue”.
Péva hína umi saserdóte.
Péva heʼise haʼekuéra hoʼuha umi sakrifísio oofreséva umi hénte ipekadokuérare.
Térã: “hiʼálma oipotaiterei”.
Térã: “hekotieʼỹetereíta, ojeprostituíta, orekóta rrelasión sexuál heta héntendi”.
Térã: “Tekotieʼỹ, jeprostitui”.
Hebréope: “oipeʼa ñane korasõ”.
Térã: “adivíno vastón”.
Hebréope: “rróvle”.
Hebréope: “estoráke”. Peteĩ yvyramáta ipoty hyakuã asýva.
Térã: “ojeprostitui”.
Térã: “prostitúta de témplo”.
Hebréope: “vaka”.
Hebréope: “peteĩ lugár tuichávape”.
Térã: “servésa de trígo”.
Térã: “hekotieʼỹeterei, ojeprostitui, oreko rrelasión sexuál heta héntendi”.
Hebréope: “Umi eskúdo”.
Térã: “oitypeíta chupekuéra”.
Térã: “Umi apóstata, umi irrevéldeva”.
Térã: “akorrehíta”.
Térã: “nderekotieʼỹ, rejeprostitui”.
Hebréope: “ojehovaʼapi chupe”.
Koʼãva oiméne umi hembireko extranhéra memby, ha upévare oĩ hikuái mombyry Ñandejáragui.
Hebréope: “ohekáta che rova”.
Térã: “mborayhu ifiélva”. Ehecha Dik.
Térã: “poriahuvereko”.
Hebréope: “umi oñohẽvagui tuguy”.
Ikatu avei: “Ikorasõnguéra haʼete peteĩ tatakua oñemoag̃ui jave hikuái umi mbaʼe vai ojaposéva reheve”.
Hebréope: “ihueskuérape”.
Hebréope: “ndorekói korasõ”.
Upéva heʼise ndorekoiha hikuái peteĩ adorasión iporãvéva.
Térã: “témplo”.
Térã: “penepotĩ jeýta”.
Térã: “extráño”.
Térã: “instruksión”.
Ikatu avei: “oho jeýta”.
Térã: “nderekotieʼỹ, rejeprostitui”.
Térã: “hiʼalmakuérape g̃uarã”.
Térã: “pereko hag̃ua pende arete”.
Hebréope: “hóga karpakuérape”.
Térã: “pe dios oporomotĩvape”.
Térã: “taiséko”.
Ikatu avei: “hakã ojepysóva”.
Hebréope: “isỹiva, isuáveva”.
Hebréope: “oñemokirirĩta”.
Térã: “nohundipaitéi”.
Upéva heʼise haʼekuéra oguerahataha ikastígo peteĩ júgoicha.
Térã: “mborayhu ifiélva”. Ehecha Dik.
Hebréope: “peara mbaʼe vai”.
Heta oĩ heʼíva Salmán ojeʼévo oñemombykynteha “Salmanasar” réra, amalisia koʼápe oñeñeʼẽ hína Salmanasar Quíntore.
Hebréope: “oñemokirirĩta”.
Umíva hína umi proféta ha umi ótro oñemondo vaʼekue omboʼe hag̃ua Israélpe.
Amalisia oñeñeʼẽ hína peteĩ pióla oipurúvare peteĩ túa omboʼe hag̃ua itaʼýrape oguata hag̃ua.
Péva heʼise peteĩ adorasión iporãvéva.
Térã: “oguata”.
Hebréope: “Efraín okaru oikóvo yvytúre”.
Térã: “upe téra rupive umi hénte imanduʼáta hese”.
Térã: “mborayhu ifiélva”. Ehecha Dik.
Térã: “artesáno”.
Térã: “umi mbaʼe máhikova, umi mbaʼe misteriósova”.
Térã: “Siria”.
Hebréope: “yvýpe”.
Hebréope: “oñohẽ haguére tuguy”.
Peteĩ animál ojoguáva jaguaretépe.
Hebréope: “ikorasõ renda”.
Hebréope: “umi hués”.
Térã: “oñeñongatúta”.
Térã: “Seólgui”. Ehecha Dik.
Hebréope: “ne venéno”.
Hebréope: “Ha romeʼẽta umi tóro raʼyrusu ore jurúgui”.
Hebréope: “che aipota rupi”.