JOEL
1 Péicha heʼi Jehová Joélpe,* haʼéva Petuel raʼy:
2 “Peẽ kuimbaʼe pemoakãva* Israel, pehendu ko mbaʼe,
ha enterove peẽ peikóva ko yvýpe, peñatende.
¿Oikómava piko péicha pene tiémpope,
térã umi pende tuakuéra ypykue tiémpope?+
3 Pemombeʼu pende raʼykuérape,
ha umi pende raʼy tomombeʼu jey itaʼyrakuérape,
ha umi itaʼyrakuéra tomombeʼu umi henerasión oútavape.
4 Umi mbaʼe oheja vaʼekue umi tuku karu, hoʼupaite umi tuku guasu,+
ha upe oheja vaʼekue umi tuku guasu, hoʼupaite umi tuku raʼy,*
ha upe oheja vaʼekue umi tuku raʼy, umi tuku okakuaapa pyréva hoʼupaite.+
5 ¡Pepáy peẽ okaʼúva+ ha penerasẽ!
Peñelamentáke enterove peẽ peʼúva víno,
pórke pe víno pyahu ojepeʼáma pende jurúgui.+
6 Pórke peteĩ nasión oataka che retãme, haʼekuéra ipoderóso ha ni ndojekuaái mboýpa oĩ.+
Hãinguéra ojogua umi león rãime,+ ha umi hañykã katu ojogua umi león rañykãme.
7 Haʼekuéra ohundipaite che parralty, ha umi ígo hoʼu imáta peve,
omoperõmbaite hikuái,
ha umi hakã mimi jepe oipireʼopa hikuái, ha upéi omombo.
8 Pejaheʼo ojaheʼoháicha peteĩ kuñataĩ vírhen orekóva ijehe ao ohechaukáva oñembyasyha,
haʼe ojaheʼo hína oheja haguére chupe inóvio.*
9 Ofrénda de semílla+ ha ofrénda líkida+ ndaiporivéima Jehová témplope,
oñembyasy hína umi saserdóte, umi ombaʼapóva Jehovápe g̃uarã.
10 Pe kokue oñemoperõ, pe yvy oñembyasy hína,+
pórke pe semílla oñehundi, pe víno pyahu opa, ha pe aséite opa avei.+
11 Umi ombaʼapóva kokuépe oñembyasy, umi orekóva parralty ojaheʼo
pe trígo ha seváda káusare,
pórke pe kosécha oñehundi.
12 Pe parrál ipirupa,
pe ígo máta hogue manomba,
ipirupa pe granáda máta, pe palméra, pe mansána máta,
ha kompletoite umi yvyramáta ipirupa,+
pórke umi mbaʼe ombovyʼa vaʼekue umi héntepe, koʼág̃a omotĩ chupekuéra.
13 Pemonde umi ao ohechaukáva peñembyasyha ha pejaheʼo* peẽ saserdóte,
peñelamenta peẽ pembaʼapóva pe altárpe.+
Peẽ pembaʼapóva Ñandejárape g̃uarã, peike pe témplope umi ao ohechaukáva reheve peñembyasyha, ha pepyta upépe pyharekue entéro,
pórke avavéma ndoguerahavéi pe ofrénda de semílla+ ha ofrénda líkida+ Ñandejára rógape.
14 Peje umi héntepe oajuna vaʼerãha,* pehenói chupekuéra peteĩ rreunión sagradarã.+
Pembyaty umi kuimbaʼe oporomoakãvape ha enterove oikóvape ko paíspe
oho hag̃ua hikuái pende Jára Jehová rógape,+ ha pejerure asy Jehovápe tapenepytyvõ.
15 ¡Cháke upe día og̃uahẽtama!
Pórke Jehová día hiʼag̃uíma,+
ha pe Todopoderóso omboúta upe día oporohundi hag̃ua.
16 Ndaiporivéima ovyʼáva Ñandejára rógape,
pórke ndaiporivéima hiʼupy.
17 Ha ojoʼóvo hikuái pe yvy pálape, otopa umi semílla oñembyaipa ha isekopa.*
Umi depósito inandipa.
Umi depósito oñeñongatuhápe semílla ojeitypáma, pórke umi semílla oñembyaipa.
18 ¡Umi animál jepe hasẽmba!
¡Umi vakakuéra ndoikuaái moõ gotyopa ohóta, pórke ndaipóri pásto!
Ha umi ovecha aty ohasa asy.
19 Che ningo ndéve Jehová rohenóita,+
pórke tata ohapypa umi pásto oĩva pe ñúme
ha okaipaite umi yvyramáta oĩva pe ñúre.
20 Umi animál salváhe ndereka reipytyvõmi hag̃ua chupekuéra,
pórke hypáma umi ysyry,
ha pe tata ohapypaite umi pásto oĩva pe ñúme”.
2 “¡Pembopu peteĩ turu Siónpe!+
Pesapukái che montáña sagrádape oñepyrũ mbotaitemaha pe gérra,
kompletoite umi oikóva ko yvy ape ári toryrýi.
¡Pórke ou hína Jehová ára!+ ¡Hiʼag̃uimbaitéma hína!
upe díape ijaraipáta ha pytũ hũ veráta,+
umi montañakuéra omoʼãháicha pe koʼẽju.
Oĩ peteĩ ehérsito* hetaiterei isoldádova ha ipoderósova,+
núnka ndaipóri vaʼekue peichagua,
ha arakaʼeve ndaiporimoʼãi ótro peichagua,
ndaiporimoʼãi ni umi henerasión oútava tiémpope.
3 Tatáicha ohundi entéro mbaʼe oĩva henonderãme,
ha tatáicha ohapypaite avei entéro mbaʼe oĩva ikupépe.+
Pe yvy oĩva henonderãme ojogua pe hardín de Edénpe,+
péro hapykuerépe katu opyta peteĩ desiérto nandi veráva,
ha ndaipóri hembýva chugui.
4 Ojogua umi kavajúpe,
ha odipara hikuái umi kavaju de gérraicha.+
5 Pe hyapu ojogua umi kárro de gérra ryapúpe oho jave umi montáña ári,+
haʼete umi tatarendy piriri okái jave kapiʼi piru.
Ojogua hikuái peteĩ puévlo ipoderósovape oĩva preparádo oñorairõ hag̃ua.+
6 Ikausarekuéra umi puévlo oñelamentáta.
Enterove hova morotĩmbáta* okyhyjégui.
7 Oataka hikuái umi gerréroicha,
ojupi hikuái peteĩ murállare umi soldádoicha,
káda uno osegi hapére,
ha ndojedesviái hikuái hapégui.
8 Haʼekuéra ndoikói oñomyañamba,
síno káda kuimbaʼe osegi hape.
Umi flécha* ojukáramo peteĩvape,
umi ótro kuimbaʼe ndohejái ipuésto.
9 Ojatropella hikuái umi siuda ha oike, ha odipara umi murálla ári.
Ojupi hikuái umi ógare, ha mondaháicha oike umi ventánarupi.
10 Umi tuku renonderãme oryrýi pe yvy ha okachapa pe yvága.
Pe kuarahy ha jasy iñypytũ,+
ha umi estrélla nomimbivéi.
11 Jehová oñeʼẽ hatãta ijehérsitope,+ pórke hetaiterei oĩ hikuái ijehérsitope.+
Pórke pe okumplíva iñeʼẽ ipoderóso,
Jehová ára ningo tuichaiterei ha oporomongyhyje,+
¿máva piko ikatúne ogueropuʼaka?”.+
12 “Upéicharõ jepe”, heʼi Jehová, “peju jeýna koʼág̃a che rendápe pende pyʼaite guive,+
peajuna,+ penerasẽ ha pejaheʼo.
13 Ani pemondorónte pende ao,+ síno pehechauka peñembyasyha* pene korasõme,+
ha pejevy jey pende Jára Jehová rendápe.
Haʼe ningo oporombyasy* ha oporoporiahuvereko, ndaipochyreíri+ ha oporohayhueterei,*+
ha ombyasýta upe mbaʼe vai oguerútava* ipuévlo ári.
14 ¿Moõiko jaikuaáta haʼépa nokambiái* vaʼerã upe odesidi vaʼekue+
ha omeʼẽ peẽme peteĩ vendisión,
ikatu hag̃uáicha pejapo peteĩ ofrénda de semílla ha peteĩ ofrénda líkida pende Jára Jehovápe g̃uarã?
15 ¡Pembopu peteĩ turu Siónpe!
Peje umi héntepe oajuna vaʼerãha,* pehenói chupekuéra peteĩ rreunión sagradarã.+
16 Pembyaty pe puévlope, ha toñesantifika upe kongregasión.+
Pembyaty umi ijedávape,* pembyaty umi mitãme ha umi mitãkambúpe.+
Tosẽ pe nóvio ikotýgui, ha pe nóvia tosẽ avei ikotýgui.
17 Umi saserdóte, ha umi oservíva Jehovápe tahasẽ
pe entráda itechopáva ha pe altár mbytépe,+ ha teʼi:
‘Jehová, embyasymína ko nde puévlope,
aníkena reheja oñeñembohory ne erénsia rehe,
ha ani repermiti umi tetãnguéra ogoverna chupekuéra.
¿Mbaʼére piko umi ótro puévlo heʼi vaʼerã: “¿Moõiko oime upe Idioskuéra?”’.+
18 Upépe Jehová ohechaukáta mbaʼeichaitépa ohayhu ijyvy,*
ha oiporiahuverekóta ipuévlope.+
19 Jehová ombohováita ipuévlope:
‘Ápe ameʼẽta peẽme semílla, víno pyahu ha aséite,
ha peneryg̃uatã porãta.+
Ndahejamoʼãvéima oñembohory penderehe umi tetãnguéra.+
20 Amondóta mombyry pendehegui umi nortéño.
Amosarambíta chupekuéra peteĩ yvy iséko ha iperõvape,
pe ehérsito frénte* opytáta pe mar oĩva éste gotyo* ládo,
ha pe ehérsito atukupe opytáta pe mar oĩva oéste gotyo* ládo.
Heʼonguekuéra ineróta,
ha pe hyakuã vaikue isarambíta opárupi,+
pórke tuichaiterei mbaʼe la Ñandejára ojapótava’.
21 Yvy, aníke rekyhyje.
Ndepyʼarory ha evyʼákena, pórke tuichaiterei mbaʼe la Jehová ojapótava.
22 Ani pekyhyje peẽ animál salváhe,
pórke umi pásto oĩva pe ñúme vérde asýta,+
ha umi yvyramáta hiʼáta.+
Pe ígo ha pe parrál oprodusi porãta.+
23 Peẽ Sion raʼykuéra, pendepyʼarory ha pevyʼákena Jehová pende Jára rehe,+
pórke omeʼẽta peẽme pe ama oúva otóñope peikotevẽhaichaite,
ha omboúta peẽme ama,
ha yma guaréicha, omboúta avei peẽme pe ama otóño ha primavérape.+
24 Umi lugár oñemopotĩháme semílla henyhẽtéta semílla iporãva,
ha umi lugár ojejapohápe víno ha aséite orrevosáta.+
25 Ha amyengovia jeýta peẽme pene ñemitỹngue peperdepa vaʼekue umi áño oúrõ guare umi tuku.
Umíva hoʼu vaʼekue umi tuku guasu, umi tuku raʼy, umi tuku okakuaapámava ha umi tuku karu.*
Upéva hína che ehérsito tuicháva amondo vaʼekue pene kóntrape.+
26 Katuete pekarúta peneryg̃uatãha meve,+
ha pemombaʼeguasúta pende Jára Jehová réra,+
Haʼe ningo ojapo hetaiterei mbaʼe ijojahaʼỹva penderehehápe.
Che puévlo ningo noñemotĩmoʼãvéima arakaʼeve.+
27 Ha peẽ peikuaáta che aimeha Israel ndive ijapytepekuéra,+
ha che haʼeha pende Jára Jehová,+ ¡ha ndaipóri ótro!
Che puévlo ningo noñemotĩmoʼãvéima arakaʼeve.
28 Upéi ameʼẽta* che espíritu+ entéro persónape,
ha pende raʼy ha pende rajykuéra oprofetisáta,
ha umi ijedáva ohecháta umi suéño,
ha umi mitãrusukuéra ohecháta umi visión.+
29 Ha umi díape ameʼẽta che espíritu
che esklavokuéra ha che esklavakuérape jepe.
30 Ha ahechaukáta pe yvágare ha ko yvy ape ári heta mbaʼe ijojahaʼỹva,
oĩta tuguy, tata ha tatatĩ guasu.+
31 Og̃uahẽ mboyve pe Jehová ára tuichaite ha oporomongyhyjéva,+
pe kuarahy iñypytũta ha pe jasy pytãta tuguýicha.+
32 Ha entéro ojeroviáva Jehová rérare ojesalváta,+
pórke Sérro Sion ha Jerusalénpe oĩta umi ojesalváva,+ Jehová heʼi haguéicha,
ha umíva oĩta Jehová ohenói vaʼekue apytépe ojesalva hag̃ua”.
3 “¡Pemañamína!, og̃uahẽ vove umi día ha pe tiémpo,
agueru jeýta umi ojegueraha vaʼekuépe prisionéroramo Judá ha Jerusaléngui.+
2 Upérõ ambyatýta avei enterove umi nasiónpe
ha ambovaheáta chupekuéra Jehosafat* Ñúme.
Ahusgáta chupekuéra upépe+
che erénsia Israel rehehápe,
pórke haʼekuéra omosarambi kuri chupekuéra umi tetãnguérare,
ha ojorreparti hikuái che yvýre.+
3 Haʼekuéra ojapo sortéo ojorreparti hag̃ua che puévlore,+
omeʼẽ hikuái peteĩ mitãʼi opaga hag̃ua peteĩ prostitútare,
ha umi mitãkuñaʼi katu okambia hikuái vínore.
4 Avei, Tiro ha Sidón ha kompletoite Filistea território,
¿mbaʼe piko peẽ peguereko che kóntrape?
¿Peẽ piko peñevenga hína cherehe ajapo haguére penderehe mbaʼe vai?
Oiméramo peñevenga hína cherehe,
upéicharõ che avei pyaʼe porã pokovráta* umi mbaʼe pejapo vaʼekuére.+
5 Pórke peẽ pegueraha kuri che pláta ha che óro,+
ha pegueraha umi che tesóro iporãvéva umi pene templokuérape.
6 Umi hénte Judagua ha Jerusalenguápe peẽ pevende umi griégope,+
pemondo hag̃ua mombyry chupekuéra iterritóriogui.
7 ¡Pemañamína!, che agueru jeýta chupekuéra upe lugár peẽ pevende haguégui chupekuéra,+
ha pokovráta* umi mbaʼe pejapo vaʼekuére.
8 Antregáta* umi pende raʼy ha pende rajykuéra umi Judaguápe,+
ha umi Judagua ovendéta chupekuéra umi kuimbaʼe Sebaguápe, péva peteĩ nasión opytáva mombyry,
pórke che Jehová haʼéma péicha oikotaha.
9 Peikuaauka ko mbaʼe umi tetãnguéra apytépe:+
‘¡Pejeprepara* gerrarã! ¡Pemombáy umi kuimbaʼe ipoderósovape!
¡Toñemboja enterove umi soldádo, ha toho hikuái!+
10 Pejapo espáda umi pende arádogui,* ha lánsa umi pene machétegui.*
Ha pe ikangýva teʼi: “Che chepoderóso”.
11 ¡Peju ha peñopytyvõ enterove peẽ tetãnguéra oñovesínova, peñembyatypáke!’”.+
Jehová, emboúkena upe lugárpe umi nde gerrerokuérape.*
12 “Umi tetãnguéra toñembyatypa ha toho Jehosafat Ñúme,
pórke upépe aguapýta ahusga hag̃ua kompletoite umi tetãnguéra oĩvape pende jerére.+
13 Peipuru pe machéte,* pórke umi mbaʼe peñotỹ vaʼekue oĩmbáma ojekosecha hag̃uáicha.
Pevahea ha pepyrũ umi parrál rehe, pórke pe lugár ojejapoha víno henyhẽtéma.+
Pe lugár osyryhápe víno ningo orrevosapa, pórke hetaiterei mbaʼe vai ojapo hikuái.
14 Hetaiterei hénte oĩ pe ñu ojeporohusgatahápe,
pórke hiʼag̃uíma pe día Jehová oporohusgataha upe ñúme.+
15 Pe kuarahy ha jasy iñypytũta,
ha umi estrélla nomimbimoʼãvéima.
16 Ha Jehová okororõta Sion guive ojapoháicha peteĩ león,
Jerusalén guive oñeʼẽ hatãta.
Ha pe yvága ha yvy okachapáta,
péro Jehová haʼéta peteĩ lugár isegúro porãva ipuévlope g̃uarã,+
peteĩ lugár imurallapáva Israel puévlope g̃uarã.
17 Ha peẽ peikuaáta che haʼeha pende Jára Jehová, ha aikoha Siónpe, che montáña sagrádape.+
18 Upe tiémpope umi montáñagui otykýta víno heʼẽ asýva,+
umi sérrogui osyrýta kamby,
ha Judá arrojokuérape osyrýta heta y.
19 Péro Egipto opytáta nandi vera+
20 Péro Judápe siémpre oĩta oikóva,
ha ohasáramo jepe heta henerasión, Jerusalénpe oĩta oikóva.+
21 Umi haʼe vaʼekuére ndahaʼeiha inosénte, che haʼéta hesekuéra* inosenteha,+
ha Jehová oikóta Siónpe”.+
Heʼiséva: “Jehová hína Ñandejára”.
Hebréope: “ansianokuéra”.
Hebréope ojepuru diferénte palávra oñeñeʼẽ hag̃ua 4 kláse tukúre.
Térã: “iména”.
Térã: “pejepytiʼanupã”.
Hebréope: “Pesantifika peteĩ ajúno”.
Ikatu avei: “ígo isékova”.
Hebréope: “puévlo”.
Térã: “hova pytãmbáta”.
Térã: “árma”.
Hebréope: “pemondoro pene korasõ”.
Térã: “imbaʼeporã”.
Térã: “ohechauka mborayhu ifiélva”. Ehecha Dik.
Térã: “okambiáta upe mbaʼe vai opensa vaʼekue ogueru”.
Térã: “nombyasýi”.
Hebréope: “Pesantifika peteĩ ajúno”.
Térã: “umi ansiánope”.
Térã: “iselóso ijyvýre”.
Hebréope: “rova”.
Upéva hína pe Mar Muerto.
Upéva hína pe Mar Grande, pe Mediterráneo.
Hebréope ojepuru diferénte palávra oñeñeʼẽ hag̃ua 4 kláse tukúre.
Hebréope: “añohẽta”.
Heʼiséva: “Jehová hína Hués”.
Hebréope: “aguerúta pene akã ári”.
Hebréope: “aguerúta pene akã ári”.
Hebréope: “Avendéta”.
Hebréope: “Peñesantifika”.
Hebréope: “rréha de arádogui”.
Térã: “hózgui”.
Térã: “umi nde poderosokuérape”.
Térã: “hoz”.
Térã: “extranhéro”.
Térã: “Yrape”.
Hebréope: “oñohẽ umi hénte iñinosénteva ruguy”.
Hebréope: “huguykuéra”.