AMÓS
1 Koʼã mbaʼe ojeʼe vaʼekue Amóspe* peteĩ visión rupive. Haʼe ningo oñangareko vaʼekue ovecháre Tecóape+ ha peteĩ visiónpe oñeñeʼẽ chupe Israel rehe, pe rréi Uzías de Judá+ tiémpope, ha Jeroboán tiémpope,+ haʼéva Joás+ raʼy pe rréi de Israel, 2 áño oiko mboyve pe terremóto.+ 2 Haʼe heʼi:
“Jehová okororõta Sion guive ojapoháicha peteĩ león,
ha haʼe oñeʼẽ hatãta Jerusalén guive.
Ipirupáta umi pastoty oguerahahápe jepi ijovechakuérape umi pastór,
ha ipirupáta umi plantasión oĩva pe Carmelo ruʼãme”.+
3 “Péicha heʼi Jehová:
‘“Damasco opuʼã rupi cherehe* heta vése,* che nakambiamoʼãi pe adesidi vaʼekue,
pórke haʼekuéra otrata vaieterei Galaádpe ha upearã oipuru umi erramiénta de iérro ojepurúva oñemopotĩ hag̃ua umi semílla.+
5 Amopẽmbaitéta Damasco rokẽ trankakuéra+
ha ahundíta umi oikóvape Bicat-Ávenpe,
ha pe ogovernávape* Bet-Edén.
Ha umi hénte Siriagua ojegueraháta prisionéroramo Quírpe”,+ heʼi Jehová’.
6 Péicha heʼi Jehová:
‘“Gaza opuʼã rupi cherehe* heta vése,*+ che nakambiamoʼãi pe adesidi vaʼekue,
pórke haʼekuéra ogueraha entéro umi héntepe prisionéroramo+ ha ontrega Edómpe.
7 Upévare amondóta tata Gaza murálla ári,+
ha ohapypaitéta umi itórre isegúro porãva.
Akastigáta Ecrónpe,+
ha umi filisteo hembýva omanombáta”,+ heʼi Ñandejára Jehová ogovernáva opa mbaʼe’.
9 Péicha heʼi Jehová:
‘Tiro opuʼã rupi cherehe* heta vése,*+ che nakambiamoʼãi pe adesidi vaʼekue,
pórke haʼekuéra ogueraha entéro umi héntepe prisionéroramo ha ontrega Edómpe,
ha naimanduʼái pe kompromíso ojapo vaʼekuére oñondive oñoermánoicha.+
10 Upévare amondóta tata Tiro murálla ári,
ha ohapypaitéta umi itórre isegúro porãva’.+
11 Péicha heʼi Jehová:
‘Edom opuʼã rupi cherehe* heta vése,*+ che nakambiamoʼãi pe adesidi vaʼekue,
pórke haʼe omuña vaʼekue iñermáno teépe espáda reheve,+
ha ndoiporiahuverekoséi chupe.
Ipochýgui haʼe osegi odeskuartisapa chupekuéra
ha osegi orrenega hesekuéra.+
12 Upévare amondóta tata Temánpe+
ha ohapypaitéta Bozrá torrekuéra isegúro porãva’.+
13 Péicha heʼi Jehová:
‘“Umi ammonita opuʼã rupi cherehe* heta vése,*+ che nakambiamoʼãi pe adesidi vaʼekue,
pórke haʼekuéra oavri vaʼekue umi kuña Galaadgua hyeguasúva rye, ikatu hag̃uáicha ombotuichave iterritório.+
14 Upévare amondóta tata Rabá murálla ári,+
ha ohapypaitéta umi itórre isegúro porãva.
Ha amondotaha díape pe tata, oĩta osapukáiva oñepyrũmaha pe gérra,
ha peteĩ torménta ohundíta avei umi tórre isegúro porãva.
15 Ha umi ammonita rréi ha iprinsipekuéra ojegueraháta prisionéroramo”,+ heʼi Jehová’”.
2 “Péicha heʼi Jehová:
‘“Moab opuʼã rupi cherehe* heta vése,*+ che nakambiamoʼãi pe adesidi vaʼekue,
pórke ohapy pe rréi de Edom kanguekue ojapo hag̃ua chugui kal.
2 Upévare amondóta tata Moábpe,
ha ohapypaitéta Queriyot+ torrekuéra isegúro porãva.
Moab omanóta tuicha guyryry apytépe,
ojesapukáita oñepyrũmaha pe gérra ha oñembopúta pe turu.+
3 Aipeʼáta ijapytégui pe igovernántepe,*
ha hendive ajukáta entéro umi prinsipekuérape”,+ heʼi Jehová’.
4 Péicha heʼi Jehová:
‘Judá opuʼã rupi cherehe* heta vése,*+ che nakambiamoʼãi pe adesidi vaʼekue,
pórke haʼekuéra orrechasa Jehová léi,*
ha nokumplíri hikuái umi imandamientokuéra.+
Upéva rangue ombotavy avei chupekuéra umi japu osegi vaʼekue umi ituakuéra ypykue.+
5 Upévare amondóta tata Judápe,
ha ohapypaitéta Jerusalén torrekuéra isegúro porãva’.+
6 Péicha heʼi Jehová:
‘Israel opuʼã rupi cherehe* heta vése,*+ che nakambiamoʼãi pe adesidi vaʼekue,
pórke ovende hikuái plátare umi ihústovape,
ha umi imboriahúvape katu mokõi sandáliare.+
Peteĩ túa ha itaʼýra oreko rrelasión sexuál el mísmo kuñándi,
ha péicha omongyʼa hikuái che réra sagradoitéva.
8 Haʼekuéra oñeno kompletoite umi altár+ ykére umi hapicha ao ári, umíva ojagarra kuri hikuái de garantía hapichágui oipuruka haguére chupe pláta,*+
haʼekuéra ojogua víno umi interés okovra vaʼekuére ha hoʼu idioskuéra témplope’.*
9 ‘Péro che la ajuka vaʼekue umi amorréope che puévlo rehehápe,+
umi amorreo ningo ijyvate vaʼekue umi sédroicha ha imbarete umi yvyramáta guasúicha,*
péro ahundi chugui umi hiʼa oĩva yvate ha pe hapo oĩ vaʼekue yvyguýpe.+
10 Che pogueru vaʼekue Egíptogui,+
ha pomongorre pe desiértore 40 áño,+
pejagarra hag̃ua penembaʼerã umi amorreo yvy.
11 Ha pende raʼykuéra apytégui algúnogui ajapo vaʼekue proféta,+
¿Ndahaʼéipa hína upéicha Israel?’, heʼi Jehová.
12 ‘Péro peẽ pesegi peʼuka víno umi nazaréope,+
ha pemanda umi pende profetakuérape: “Ani peprofetisa”.+
13 Upévare apyrũta penderehe ha pombochipéta upe lugár peikohápe,
peteĩ karréta henyhẽtéva semíllagui ombochipeháicha umi mbaʼe opyrũvare ohóvo.
14 Pe iñakuãva ndorekomoʼãi lugár okañy hag̃ua,+
ha pe imbaretéva ikangýta,
ni peteĩ gerréro ndosalvamoʼãi hekove.*
15 Pe oipurúva árko ha flécha ndaipuʼakamoʼãi ikontráriore,
pe iñakuãva ndojesalvamoʼãi,
ha pe oikóva kavaju ári ndosalvamoʼãi hekove.*
3 “Puévlo de Israel, pehendu mbaʼépa heʼi Jehová penderehe, kompletoite pe nasión haʼe ogueru vaʼekuére Egíptogui:
2 ‘Oĩramo jepe heta nasión ko yvy ape ári, peẽme añoite che poikuaa porã vaʼekue.+
Upévare peẽme pokastigáta entéro mbaʼe vai pejapo vaʼekuére.+
3 ¿Ohóta piko mokõi persóna oñondive peteĩ tapére noñemoĩriramo de akuérdo oñondive ojotopa hag̃ua?*
4 ¿Peteĩ león piko okororõta kaʼaguýpe ndojagarramoʼãirõ pe hoʼu vaʼerã?
¿Okororõta piko peteĩ león raʼyrusu pe ikeha guive ndojagarrái jave mbaʼeve?
5 ¿Peteĩ guyra piko hoʼáta ñuhãme avave nomoĩriramo pe ñuhã?*
¿Oñedesarmánepa pe ñuhã ndoʼáiramo pype mbaʼeve?
6 ¿Ndoryrýiri piko umi hénte oñembopúramo turu peteĩ siudápe?
Ha oikóramo sarambi peteĩ siudápe, ¿ndahaʼéi piko Jehová la ojapo vaʼekue upéva?
7 Pórke Ñandejára Jehová ogovernáva opa mbaʼe ndojapomoʼãi ni peteĩ mbaʼe
8 ¡Pe león okororõma!+ ¿Máva piko ndokyhyjemoʼãi?
¡Ñandejára Jehová ogovernáva opa mbaʼe oñeʼẽma! ¿Máva piko ndoprofetisamoʼãi?’.+
9 ‘Peikuaauka ko mbaʼe Asdod torrekuéra isegúro porãvape,
ha umi tórre isegúro porãva oĩvape Egíptope.
Peje vaʼerã: “Peñembyaty Samaria montañakuéra kóntrape,+
pehecha pe guyryry oikóva upépe
ha mbaʼeichaitépa oñembotavy umi héntepe.+
10 Pórke haʼekuéra ndojapokuaái pe iporãva”, heʼi Jehová,
“haʼekuéra hína umi ombyatýva heta mbaʼe vai ha ñehundi umi tórre isegúro porãvape”’.
11 Upévare, péicha heʼi Ñandejára Jehová ogovernáva opa mbaʼe:
‘Peteĩ enemígo omongoráta pe país,+
oipeʼáta ndehegui nde podér,
ha umi nde tórre isegúro porãva ojesakeapaitéta’.+
12 Péicha heʼi Jehová:
‘Umi israelita oĩva Samáriape koʼág̃a oguapy hína umi tupa iporãitereívape ha umi tupaʼi iporãvape,*
ha umíva apytégui unos kuántopente ojesalváta,
ojapoháicha peteĩ pastór oipeʼa jave peteĩ león jurúgui peteĩ ovecha nambi pedáso térã mokõi hetymanguéntema’.+
13 ‘Pehendúkena ha peavisa Jacob rogayguápe’, heʼi Ñandejára Jehová ogovernáva opa mbaʼe, umi ehérsito yvagapegua Jára.
14 ‘Pórke akastigataha díape Israélpe opuʼã haguére cherehe* heta vése,*+
ahundíta avei umi altár oĩva Betélpe,+
oñekytĩta umi vaka ratĩ joguaha oĩva pe altár rehe ha hoʼáta yvýpe.+
15 Che aitypaitéta pe óga ojehasahápe jepi inviérno ha pe óga ojehasahápe jepi veráno’.
4 “Peẽ kuña peikóva Samaria montáñape,+
pehendu ko haʼéva peẽme, peẽ pejoguáva umi vaka oĩvape Basánpe.
Peẽ pembotavy umi oikotevẽvape+ ha pembohasa asy umi imboriahúvape,
peẽ pejéva pene menakuérape:* ‘¡Pegueru oréve káña roʼu hag̃ua!’.
2 Ñandejára Jehová ogovernáva opa mbaʼe ha hekopotĩva, ohura* ha heʼi:
‘“Og̃uahẽta hína pe tiémpo pejehupitaha umi karniséro gánchope,
ha umi ótro hembýva katu ojehupíta pindápe.
3 Káda uno peẽ kuña derechoite pesẽta umi murálla ikuahárupi,
ha oĩta penemombóva pe Harmónpe”, heʼi Jehová’.
4 ‘¡Ha koʼág̃a peju Betélpe ha pejapo mbaʼe vai,*+
peju Guilgálpe ha pejapo hetave mbaʼe ivaíva!+
5 Pemeʼẽ ofréndaramo pan ilevadúrava peagradese hag̃ua Ñandejárape,+ ha pehapy upéva sakrifísioramo.
¡Hatã pemombeʼu pejapoha pene ofrénda voluntária!
Pórke upéva la pejaposéva, peẽ puévlo de Israel’, heʼi Ñandejára Jehová ogovernáva opa mbaʼe.
6 ‘Che ningo agueru vaʼekue peteĩ ñembyahýi guasu* entéro umi pende siudápe,
ha ambofaltapa tembiʼu* pende rogakuérape,+
péro peẽ ndapejevýi che rendápe’,+ heʼi Jehová.
7 ‘Nambouvéi peẽme ama 3 mése aja oñepyrũ mboyve pe kosécha.+
Che amongy peteĩ siudápe, péro ótra siudápe ndahejái oky.
Peteĩ yvy pedásope oky,
péro ótra pártepe katu ndokýi ha opyta iséko vera.
8 Umi hénte mokõi térã mbohapy siudapegua oryrýita ohóvo ótra siudápe hoyʼu hag̃ua,+
ha lomímonte ijuhéi jey hikuái,
péro peẽ ndapejevýi che rendápe’,+ heʼi Jehová.
9 ‘Ambou pene plantasionkuérape yvytu aku ha vícho,+
peẽ ningo pembohetave kuri pene plantasión ha pende parralty,
péro umi tuku hoʼupaite umi pende ígo máta ha umi pende olívo máta,+
ha ni upeichavérõ peẽ ndapejevýi che rendápe’,+ heʼi Jehová.
10 ‘Amondo peẽme umi mbaʼasy vai amondo vaʼekueichagua Egíptope.+
Espádape ajuka umi pene mitãrusukuérape,+ ha ajagarra aguerahapa pendehegui pende kavajukuéra.+
Upéicha rupi umi omanóva ryakuãngue ojagarrapa pene kampamentokuéra,+
péro peẽ ndapejevýi che rendápe’, heʼi Jehová.
11 ‘Ahundi pende yvy,
ahundi haguéicha Sodoma ha Gomorra.+
Umi oikovéva gueteri pende apytépe ojogua umi jepeʼa oñeguenohẽ vaʼekuépe tatágui.
Péro peẽ ndapejevýi che rendápe’,+ heʼi Jehová.
12 Upévare pokastiga jeýta Israel.
Upéicha rupi Israel, ejepreparáke rembohovái hag̃ua nde Járape,
pórke che rokastigáta hína.
13 Pórke haʼe hína Upe ojapo vaʼekue umi montáña+ ha pe yvytu.+
Haʼe omombeʼu yvypórape umi mbaʼe Haʼe opensáva,
haʼe omoypytũ pe koʼẽtĩ,+
haʼe opyrũ umi lugár yvate oĩvare ko yvy ape ári,+
haʼe héra Jehová, umi ehérsito yvagapegua ruvicha”.
5 “Peẽ Israel rogaygua, pehendu ko mbaʼe haʼéva pene kóntrape peteĩ músika jaheʼóicha:
2 ‘Pe puévlo de Israel hoʼáma,
ndaikatuvéima opuʼã.
Chupe ojeheja rei ijyvy teépe,
ndaipóri avave omopuʼã vaʼerã chupe’.
3 Péicha heʼi Ñandejára Jehová ogovernáva opa mbaʼe:
‘Pe siuda ohóva gerrahápe 1.000 soldádo reheve, opytáta 100 soldádorente,
ha pe ohóva gerrahápe 100 soldádo reheve, opytáta 10 soldádorente, péicha oikóta Israel rogayguáre’.+
4 Pórke péicha heʼi Jehová Israel rogayguápe:
‘Pejevy che rendápe ha pesegi peikove.+
ani peho Guilgálpe+ ni pehasa Beer-Sébape,+
pórke Guilgálpe katuete ojegueraháta prisionéroramo ótro tetãme,+
ha Betélpe oñehundietéta.*
6 Pejevy Jehová rendápe ha pesegi peikove,+
ani hag̃ua ipochykue ou tatáicha José rogayguáre,
ha ohapypaite Betel, ha avave ndaikatúi ombogue.
7 Peẽ ningo peneinhústo peporohusga jave. Upévare umi hénte oñamarga ha ijetuʼueterei hekovekuéra.
Peẽ ningo perrechasa kuri pe hustísia.+
8 Haʼe ojapo vaʼekue pe grúpo de estrélla hérava Kimá* ha pe grúpo de estrélla hérava Kesil,*+
Haʼe hína Upe omohesakãva pe pytũ haʼerõguáicha pyhareve.
Haʼe hína Upe de diakue omoypytũva haʼerõguáicha pyhare.+
Haʼe hína Upe ohupíva pe y marpegua
oñohẽ hag̃ua yvy ape ári.+
Haʼe hína Jehová, péicha haʼe héra.
9 Haʼe oguerúta ipochykue tatáicha ohundi hag̃ua umi imbaretévape,
ha ohundíta umi lugár isegúro porãva.
10 Haʼekuéra ndaijaʼéi umi oporokorrehívare pe siuda rokẽme,
ha ndaijaʼéi avei umi heʼívare siertogua.+
11 Peẽ peovliga umi imboriahúvape opaga hag̃ua alkilér pe kokuére,*
ha peipeʼa chuguikuéra impuéstoramo umi mbaʼe oprodusíva ikokue.+
Peẽ ndapeikomoʼãvéima umi óga pemopuʼã vaʼekuépe ita oñekytĩ ha oñemoldea pyrévagui.+
Ni ndapeʼumoʼãvéima víno pejapo vaʼekue umi pende parrál iporãitévagui, umi peẽ voi peñotỹ vaʼekue.+
12 Pórke che aikuaa mboy vésepa pepuʼã cherehe,*
ha mbaʼeichaitépa tuicha pende pekadokuéra.
Peẽ pembohasa asy umi ihústovape,
pejagarra kóima,*
ha ndapejapói hustísia umi imboriahúvape pe siuda rokẽme.+
13 Upévare umi iñarandúva okirirĩtante upe tiémpope,
pórke upéva haʼéta peteĩ tiémpo oikotahápe heta mbaʼe vai.+
Péicha oĩta penendive Ñandejára Jehová, umi ehérsito yvagapegua ruvicha,
peẽ pejeháicha haʼe oĩha penendive.+
15 Ndapechaʼéi vaʼerã umi mbaʼe ivaívare ha pehayhu vaʼerã pe iporãva.+
Umi hués tojapo pe hustísia pe siuda rokẽme.+
Ikatu mbaʼe Ñandejára Jehová, umi ehérsito yvagapegua ruvicha
imbaʼeporã umi hembývandi José rogaygua apytégui’.+
16 Upévare péicha heʼi Ñandejára Jehová, umi ehérsito yvagapegua ruvicha. Péicha ningo heʼi Jehová:
‘Kompletoite umi plásape oĩta ojaheʼóva,
ha entéro umi kállepe ojaheʼo asýta hikuái,
Haʼekuéra ohenóita avei umi ombaʼapóvape kokuépe oñembyasy hag̃ua,
ha ohenóita avei umi ojepagávape ojaheʼo hag̃ua’.
17 ‘Káda parraltýpe oĩta ojaheʼóva,+
pórke che ahasáta pene mbytérupi pokastiga hag̃ua’, heʼi Jehová.
18 ‘¡Aichejáranga umi oipotaitereíva og̃uahẽ Jehová ára!+
¿Mbaʼe piko peẽ pehaʼarõ oiko Jehová árape?+
Upe díape iñypytũta ha ndaiporimoʼãi lus.+
19 Haʼetéta peteĩ kuimbaʼe odiparáva peteĩ leóngui ha oho otopa peteĩ ósore.
Ha og̃uahẽvo hógape ha ojejoko pe pare rehe, peteĩ mbói oisuʼu chupe.
20 Jehová ára iñypytũta ha ndaiporimoʼãi lus,
oĩta arai hũ ha nahesakãmoʼãi.
21 Che ningo ndachaʼéi pende fiéstare ha chembojeguaru voi umíva,+
ha ndachegustaiete voi umi sakrifísio ryakuã pejapóva umi pene rreunión sagrádape.
22 Pejapóramo jepe chéve umi ofrénda ojehapypaitéva ha ofrénda oñemeʼẽva rregáloramo,
chéve ndachegustaiete voi umíva.+
Ha ndaguerohorymoʼãi umi animál kyra kyra pemeʼẽva pejapo jave umi ofrénda de paz.+
23 Anive pepurahéi umi pene músika hyapu vaietéva.
Ha nahenduseveietéma umi pene instruménto de kuérda ryapu.+
24 Upéva rangue pe hustísia tosyry ýicha,+
ha pe tekojoja tosyry peteĩ arrójoicha kontinuadoite.
25 Peẽ Israel rogaygua, ¿peẽ piko pejapo rakaʼe chéve sakrifísio ha pemeʼẽ chéve umi ofrénda oñemeʼẽva rregáloramo,
umi 40 áño peikórõ guare pe desiértope?+
26 Peẽ pegueraháta penendive peho vove ótro tetãme pende rréi Sakútpe ha Kevánpe,*
koʼã taʼanga ningo peẽ pejapo vaʼekue, umíva hína pe estrélla peguerekóva diósramo.
27 Ha pomondóta prisionéroramo mombyry Damáscogui’,+ péicha heʼi upe hérava Jehová, umi ehérsito yvagapegua ruvicha”.+
6 “¡Aichejáranga umi ojeroviaitereíva* Siónre,
umi oñeñandúva segúro porã Samaria montáñape,+
umi kuimbaʼe omoakãva pe nasión iñimportánteva,
umívare ojerovia hína Israel rogaygua!
2 Pehasa Calnépe ha pehecha.
Ha upégui tapeho Gran Hamátpe,+
ha pevahea Gátpe, haʼéva umi filisteo siuda.
¿Haʼekuéra piko oĩ porãve koʼã goviérnogui,*
térã iterritório tuichave mbaʼe chuguikuéra?
3 ¿Peẽ piko penderesarái hína pe día oikotahágui pe sarambi guasu,+
4 Haʼekuéra oñeno umi tupa de marfílpe+ ha ojepyso umi tupaʼípe,+
hoʼu hikuái umi ovecha mácho roʼokue ha umi tóro raʼyrusu* oñemongyra pyréva roʼokue.+
5 Haʼekuéra ombopu árpa* ha ojapo purahéi,+
ha ojapo hikuái instruménto musikál David ojapo haguéicha.+
6 Haʼekuéra hoʼu víno umi tasónpe,+
ha omoĩ hikuái iñakãre umi aséite iporãvéva.
Péro ndojepyʼapýi hikuái* umi mbaʼe vaiete oikóvare José rogayguáre.+
7 Chupekuéra púntape ojegueraháta prisionéroramo ótro tetãme,+
ha opáta umi fiésta ojapóva umi hekoreíva ojepysóva hína hupaʼípe.
8 ‘Ñandejára Jehová ogovernáva opa mbaʼe ohura hérare’,*+ Jehová, umi ehérsito yvagapegua ruvicha heʼi:
Che antregáta pe siuda ha umi mbaʼe oĩva pype umi iñenemígope.+
9 Ha peteĩ ógape opytáramo 10 kuimbaʼe, lomímonte omanóta. 10 Peteĩ ipariénte* oúta oguenohẽ chupekuéra okápe ha ohapy káda únope. Haʼe oguenohẽta pe ógagui umi teʼongue,* upéi heʼíta umi oĩvape pe óga ryepýpe: ‘¿Oĩve piko ótro penendive?’. Ha pe oĩva pe óga ryepýpe heʼíta chupe: ‘¡Ndaipóri avave!’. Upépe pe ipariénte heʼíta: ‘¡Ekirirĩ! Pórke koʼág̃a ndahaʼéi tiémpo nemanduʼa hag̃ua ni michĩmi Jehová rérare’”.
11 Pórke Jehová omandáma,+
ha haʼe oitýta pe óga guasu omonguʼipa peve,
ha oitýta pe ogaʼi ijakuʼipaite peve.+
12 ¿Umi kavaju piko ikatu ogalopea peteĩ ita guasu ári?
¿Térã ikatu piko ojeara upépe guéi* reheve?
Pórke peẽ pejapo rangue iporãva, peipuru pende podér pemaltrata hag̃ua umi héntepe,
ha pejapo rangue hustísia, pembohasa asy umi héntepe ha peamarga* hekovekuéra.+
13 Peẽ ningo pevyʼa umi mbaʼe ndovaléivare mbaʼeverã,
14 Upévare, Israel rogaygua aguerúta peteĩ nasión pene kóntrape’,+ heʼi Jehová, umi ehérsito yvagapegua ruvicha.
‘Ha haʼekuéra penembohasa asýta Lebó-Hamat*+ guive Arabá Yrape* peve’”.
7 Ñandejára Jehová ogovernáva opa mbaʼe ohechauka vaʼekue chéve ko mbaʼe peteĩ visión rupive: ahecha haʼe ombou hague hetaiterei tuku oñepyrũ jave okakuaa umi kóga oñeñotỹ vaʼekue inviérnope.* Upéva ningo oñeñotỹ vaʼekue oñekytĩ rire pe rréi pastoty. 2 Umi tuku atýra hoʼu rire umi plantasión oĩva ko yvýpe, che haʼe: “¡Ñandejára Jehová regovernáva opa mbaʼe, eperdonamína chupekuéra!+ ¿Mbaʼéicha piko osegíta oikove* Jacob? Pórke haʼe ningo ikangy hína”.+
3 Upémarõ Jehová okambia* ko mbaʼe odesidíma vaʼekue.+ Ha Jehová heʼi: “Ndoikomoʼãi upéva”.
4 Upéi Ñandejára Jehová ogovernáva opa mbaʼe ohechauka chéve ko visión: ahecha Ñandejára Jehová ogovernáva opa mbaʼe okastigaseha ipuévlope tata rupive. Pe tata ohundi pe mar hypa peve ha avei ohapy peteĩ párte pe yvy. 5 Upémarõ che haʼe: “¡Ñandejára Jehová regovernáva opa mbaʼe, ejejokomína!+ ¿Mbaʼéicha piko osegíta oikove* Jacob? Pórke haʼe ningo ikangy hína”.+
6 Upémarõ Jehová okambia* ko mbaʼe odesidíma vaʼekue.+ Ha Ñandejára Jehová ogovernáva opa mbaʼe heʼi: “Ndoikomoʼãi avei upéva”.
7 Upéi haʼe ohechauka chéve ko visión: ahecha Jehová oñemboʼyha peteĩ murálla ykére, ha ojejapo hag̃ua upe murálla ojepuru kuri plomáda. Ha haʼe oreko ipópe peteĩ plomáda. 8 Upémarõ Jehová heʼi chéve: “¿Mbaʼépa rehecha Amós?”. Upépe che haʼe: “Peteĩ plomáda”. Ha Jehová heʼi chéve: “Aipurúta ko plomáda amedi hag̃ua che puévlo Israel. Che naperdonamoʼãvéima chupekuéra.+ 9 Opytáta nandi vera umi lugár yvate orekóva Isaac+ ha oñehundíta umi lugár sagrádo orekóva Israel.+ Ha che ajúta Jeroboán* rogaygua kóntrape peteĩ espáda reheve”.+
10 Ha Amasías pe saserdóte Betelpegua+ heʼika rréi Jeroboán+ de Israélpe: “Amós opuʼã hína nderehe ñemiháme Israélpe.+ Umi hénte oikóva ko yvýpe ningo ndaikatúi ogueropuʼaka umi mbaʼe heʼíva Amós.+ 11 Pórke Amós heʼi hína oikóvo: ‘Jeroboánpe ojejukáta espádape, ha umi hénte oikóva Israélpe katuete ojegueraháta prisionéroramo ótro tetãme’”.+
12 Upémarõ Amasías heʼi Amóspe: “Nde kuimbaʼe rehecháva visión, tereho ekañy Judápe, ha upépe epyta eiko ha ekonsegi ne rembiʼurã,* ha upépe ikatu reprofetisa.+ 13 Péro Betélpe ndereprofetisavéima vaʼerã,+ pórke upéva hína pe rréi lugár sagrádo+ ha avei pe rréi róga”.
14 Upémarõ Amós heʼi chupe: “Che ningo ndahaʼéi vaʼekue proféta ni proféta raʼy, síno che añangareko vaʼekue ovecháre+ ha avei añangareko vaʼekue umi igotýre.* 15 Péro Jehová cherenói vaʼekue añangarekohágui umi ovechakuérare, ha Jehová heʼi chéve: ‘Tereho eprofetisa che puévlo Israélpe’.+ 16 Ha koʼág̃a ehendu mbaʼépa heʼi Jehová: ‘Nde ningo ere: “Ani reprofetisa Israel kóntrape,+ ha ani repredika+ Isaac rogaygua kóntrape”. 17 Upévare péicha heʼi Jehová: “Ne rembirekógui oikóta peteĩ prostitúta pe siudápe, ha umi nde raʼy ha nde rajykuérape ojejukáta espádape. Oipurúta hikuái piolín omedi hag̃ua nde yvy ha orrepartíta, ha nde voi remanóta umi extranhéro yvýpe, ha Israélpe katuete ojegueraháta prisionéroramo ótro tetãme”’”.+
8 Ñandejára Jehová ogovernáva opa mbaʼe ohechauka vaʼekue chéve ko mbaʼe peteĩ visión rupive: ahecha peteĩ kanásto orekóva heta frúta veranopegua. 2 Upéi haʼe heʼi chéve: “¿Mbaʼépa rehecha Amós?”. Ha akontesta chupe: “Peteĩ kanásto orekóva heta frúta veranopegua”. Upémarõ Jehová heʼi chéve: “Pe fin og̃uahẽma che puévlo Israélpe g̃uarã. Che naperdonamoʼãvéima chupekuéra.+ 3 ‘Upe díape, pe purahéi oĩvagui pe témplope oikóta jaheʼo’,+ heʼi Ñandejára Jehová ogovernáva opa mbaʼe. ‘Hetaiterei teʼongue oñemombóta opárupi...+ upévare oñekirirĩmbaitéta’.
4 Pehendu ko mbaʼe peẽ pembohasa asýva umi imboriahúvape,
ha pehundíva umi ivuénovape ko yvy ape ári.+
5 Peẽ pejéva hína: ‘¿Arakaʼe piko opáta pe jasy raʼy fiésta,+ ikatu hag̃uáicha ñavende hiʼupy?*
¿Arakaʼe piko opáta avei pe sábado+ ikatu hag̃uáicha ñavende hiʼupy?
Péicha ikatúta jaipuru pe medída michĩvéva,
ñambohepyvéta ñande kosakuéra,
ha jaipurúta valánsa monda ha ñambotavýta umi ombaʼejoguávape.+
6 Avei jajoguáta plátare umi oikotevẽvape,
ha umi imboriahúvape katu jajoguáta mokõi sandáliare,+
ha ñavendéta umi semílla ndovaléiva mbaʼeverã’.
7 Jehová, haʼéva Jacob Orgúllo,+ ohura hérare:
‘Arakaʼeve ndacheresaraimoʼãi entéro umi mbaʼe haʼekuéra ojapo vaʼekuégui.+
8 Upévare pe yvy oryrýita,
ha enterove oikóva pype ojaheʼóta.+
¿Pe yvy piko ndojupimoʼãi ojupiháicha pe y Rrío Nilopegua?
¿Ojupi ha oguejýta piko pe Rrío Níloicha oĩva Egíptope?’.+
9 Ñandejára Jehová ogovernáva opa mbaʼe heʼi: ‘Upe díape,
ahejáta oike pe kuarahy asajepyte jave,
ha amoypytũta pe yvy de diaite voi.+
10 Umi pende fiéstagui ajapóta velório+
ha umi pende purahéigui ajapóta músika jaheʼo.
Amoĩkáta enterovépe ikuʼáre umi ao ohechaukáva oñembyasyha ha amoakã perõta enterovépe,
ha oĩta ñembyasy omanoramoguáicha pende raʼy peteĩmi,
ha opa vove ko mbaʼe, peñandúta upe díape pehasa hague irokuete’.
11 Ñandejára Jehová ogovernáva opa mbaʼe heʼi: ‘Og̃uahẽta hína umi día,
amondotaha ñembyahýi guasu upe paíspe,
péro ndahaʼéi oikoháicha jepi ndaipóri jave hiʼupy, ha umi hénte ijuheietereíta, péro ndahaʼéi oikoháicha jepi ndaipóri jave y,
síno umi hénte ohendusetereíta rupi Jehová ñeʼẽ.+
12 Haʼekuéra oñepysangapáta ohóvo peteĩ mar guive pe ótro mar peve,
ha nórte guive éste* peve.
Haʼekuéra ohekáta opárupi Jehová ñeʼẽ, péro ndotopamoʼãi.
13 Upe díape umi kuñataĩ* porã odesmajapáta,
ha avei odesmajapáta umi mitãrusu, pórke ijuheietereíta.
14 Haʼekuéra hína umi ohuráva Samaria pekádore,+ ha heʼíva oikóvo:
“¡Dan, ahura nde dios oikovévare!”,+
ha heʼíva: “Ahura Beer-Seba rapére!”,+
haʼekuéra ningo hoʼáta ha nopuʼãmoʼãvéima’”.+
9 Ahecha Jehová oĩha pe altár ári,+ ha heʼi: “Einupã umi pilár akã ikatu hag̃uáicha okuʼepa pe iváse. Eikytĩ umi pilár akã, ha che ajukáta espádape umi hénte hembývape. Ni peteĩva ijapyteguikuéra ndaikatumoʼãi odipara ni okañy.+
2 Ojoʼóramo hikuái pe Sepultúra* ha oguejy upépe okañy hag̃ua,
che pópe aguenohẽta chupekuéra upégui.
Ha ojupíramo hikuái yvágape,
upégui amboguejýta chupekuéra.
3 Okañýramo hikuái pe Carmelo ruʼãme,
upépe ahekáta ha ajagarráta chupekuéra.+
Okañýramo chehegui pe mar ruguápe ani hag̃ua ahecha chupekuéra,
upépe amondóta mbói oisuʼu hag̃ua chupekuéra.
4 Iñenemigokuéra ogueraháramo chupekuéra prisionéroramo henonderã,
upépe amondóta pe espádape ha ojukáta chupekuéra.+
Amañáta hesekuéra agueru hag̃ua hiʼarikuéra ivaíva, ndahaʼéi iporãva.+
5 Pórke Ñandejára Jehová ogovernáva opa mbaʼe, umi ehérsito yvagapegua ruvicha haʼe hína Upe opokóva pe yvýre,
upévare pe yvy hyku voi,+ ha enterove umi hénte oikóva upépe ojaheʼóta.+
Ha pe yvy kompletoite ojupíta ojupiháicha pe y Rrío Nilopegua,
ha oguejýta pe Rrío Níloicha oĩva Egíptope.+
6 ‘Upe ojapóva ijeskaléra yvágape,
ha omoĩ itécho* pe yvy ári.
7 ‘¿Peẽ piko ndahaʼéi chéve g̃uarã umi cusítaicha?’,* heʼi Jehová.
8 ‘Che, Ñandejára Jehová ogovernáva opa mbaʼe ahecha hína pe goviérno ipekádo hetaitévape,
ha che ahundíta chupe ko yvy ape árigui.+
Péro nahundipamoʼãi Jacob rogayguápe’,+ heʼi Jehová.
9 ‘Pórke che amanda hína
oñembogua ha oñemosarambi hag̃ua Israel rogayguápe kompletoite umi nasionkuérare,+
oñembokachaháicha peteĩ yrupẽ oñembogua hag̃ua umi semílla,
ha péicha ni peteĩ itaʼi ndohasái ikuárupi ha hoʼa yvýpe.
10 Espádape ojejukáta enterove umi pekadór oĩvape che puévlope.
Haʼekuéra heʼi hína: “Umi mbaʼe vai oikótava noñemoag̃uimoʼãi ñanderehe ni nañanderupytymoʼãi”’.
11 ‘Upe díape amopuʼãta David róga*+ hoʼapa vaʼekue,
ambotýta umi lugár ikuaha,
amopuʼãmba jeýta umi pare hoʼa vaʼekue,
amopuʼã jeýta ha opytáta yma guaréicha.+
12 Ha che puévlo ojagarráta imbaʼerã umi hénte hembýva Edómpe,+
ha avei kompletoite umi nasión oñehenóiva che rérarupi’, heʼi Jehová ojapóva hína ko mbaʼe.
13 ‘Ou hína umi día’, heʼi Jehová,
‘ha pe oaráva ohupytýta pe okosechávape,
ha pe opyrũva umi parrál rehe ohupytýta pe oñemitỹvape.+
14 Agueru jeýta che puévlo Israel ojegueraha vaʼekuépe prisionéroramo,+
ha omopuʼã jeýta hikuái umi siuda opyta vaʼekue nandi, ha oikóta pype.+
15 ‘Añotỹta chupekuéra ijyvy teépe,
ha upégui arakaʼeve ndojehapoʼomoʼãvéima,
upe ijyvy ameʼẽ vaʼekuégui chupekuéra’,+ péicha heʼi Jehová nde Jára”.
Heʼiséva: “Haʼe peteĩ kárga”, térã “Ogueraha peteĩ kárga”.
Térã: “oporojuka rupi”.
Hebréope: “3 ha 4 vése”.
Hebréope: “pe ojagarrávape pe vastón”.
Térã: “oporojuka rupi”.
Hebréope: “3 ha 4 vése”.
Hebréope: “pe ojagarrávape pe vastón”.
Térã: “oporojuka rupi”.
Hebréope: “3 ha 4 vése”.
Térã: “oporojuka rupi”.
Hebréope: “3 ha 4 vése”.
Térã: “oporojuka rupi”.
Hebréope: “3 ha 4 vése”.
Térã: “oporojuka rupi”.
Hebréope: “3 ha 4 vése”.
Hebréope: “ihuéspe”.
Térã: “oporojuka rupi”.
Hebréope: “3 ha 4 vése”.
Térã: “instruksión”.
Térã: “oporojuka rupi”.
Hebréope: “3 ha 4 vése”.
Térã: “ao”.
Hebréope: “rógape”.
Hebréope: “rróvleicha”.
Heʼiséva: “Oñemboyke térã oñemeʼẽva Ñandejárape”. Ehecha Dik.
Térã: “hiʼálma”.
Térã: “hiʼálma”.
Térã: “imbaretéva ikorasõme”.
Térã: “ojotopa hag̃ua peteĩ lugárpe”.
Ikatu avei: “ndaipóriramo pype karnáda”.
Térã: “isekréto”.
Térã: “tupaʼi Damáscope guare”.
Térã: “oporojuka rupi”.
Hebréope: “3 ha 4 vése”.
Ehecha Dik.
Ikatu avei: “heta óga”.
Térã: “pende jarakuérape”.
Hebréope: “ohura isantida rehe”.
Térã: “pepuʼã hese”.
Térã: “10 por ciento”.
Térã: “nameʼẽi vaʼekue peẽme tembiʼu peʼu hag̃ua”.
Hebréope: “pan”.
Hebréope: “Ani peheka”.
Ikatu avei: “Betélgui oikóta peteĩ lugár máhiko”.
Amalisia umi estrélla Pléyades oĩva konstelasión Tórope.
Amalisia pe konstelasión hérava Orión.
Térã: “impuésto pe yvy rehegua”.
Térã: “peporojuka”.
Térã: “petransa”.
Amalisia koʼã mokõi dios réra ojepuru oñeñeʼẽ hag̃ua pe planéta Saturno rehe, ojeadoráva peteĩ diósramo.
Térã: “oikóva ojepyʼapyʼỹre”.
Koʼápe oñeñeʼẽ hína Judá ha Israel goviérnore.
Hebréope: “asiénto”.
Térã: “vaka raʼy”.
Térã: “instruménto de kuérda”.
Hebréope: “nombohasýi chupekuéra”.
Térã: “hiʼálmare”.
Hebréope: “Itúa ermáno”.
Hebréope: “umi kanguekue”.
Hebréope: “tóro”.
Térã: “pemoahénho”.
Hebréope: “rojagarra rupi pe vaka ratĩngue”.
Térã: “Hamat entráda”.
Ehecha Dik.
Upéva hína éntre enero ha febrero.
Hebréope: “opuʼã”.
Térã: “ombyasy”.
Hebréope: “opuʼã”.
Térã: “ombyasy”.
Kóva hína Jeroboán Segundo, haʼéva Joás (Jehoás) raʼy. Ehecha Am 1:1.
Hebréope: “heʼu pan”.
Térã: “aikutu vaʼekue umi sikomoroʼa”.
Ikatu hína trígo térã seváda.
Térã: “kuarahyresẽ”.
Hebréope: “vírhen”.
Térã: “Seol”. Ehecha Dik.
Térã: “técho apuʼa”.
Térã: “etíopeicha”.
Hebréope: “róga kárpa”.
Hebréope: “hykúta”.