MIQUEAS
1 Jehová oñeʼẽ Miqueas,*+ Moresetguápe, rréi Jotán,+ Acaz+ ha Ezequías+ tiémpope, koʼãva ningo rréi de Judá.+ Peteĩ visión rupive haʼe ohecha la oikótava Samaria ha Jerusalén rehe.
2 “Pejapysakákena la haʼétavare peẽme enterove hénte.
Pehendúkena enterove ko yvy ape ári.
Ñandejára Jehová ogovernáva opa mbaʼe, pendehusga.+
Jehová oĩ hína itémplo sagrádope.
3 Jehová osẽ hína pe lugár oikohágui,
haʼe oúta ha opyrũmbáta umi lugár ijyvatévare oĩva ko yvy ape ári.
4 Umi montáña hykúta Ñandejára py guýpe,+
umi ñu ojoja asýva ojedividíta,
haʼetéta pe ñandy hykúva tatápe,
haʼetéta pe y hoʼáva pe sérrogui.
5 Koʼã mbaʼe oikóta Jacob opeka haguére,
Israel hembiapo vai haguére.+
¿Máva káusare piko Jacob irrevélde?
¿Ndahaʼéi piko Samaria káusare?+
¿Ha moõ piko oĩ umi lugár ijyvatéva umi Judagua oadoraha umi ótro dióspe?+
¿Ndahaʼéi piko Jerusalénpe?
6 Ahundíta Samaria, ha opytáta pe ñúme umi siuda opytávaicha nandi vera,
oikóta chugui peteĩ lugár ikatuhápe oñeñotỹ parrál.
Umi ita pe siudápe guare amombóta pe ñúre,
ha isimiénto opytáta okapepa.
Ahundipáta umi taʼanga oadoráva,
entéro koʼã mbaʼe haʼe okonsegi ojepaga rupi chupe hekovai haguére,
ha koʼág̃a ojegueraháta ojepaga hag̃ua ótro kuña rekovaípe”.
8 Upévare che cherasẽta ha ajaheʼóta.+
Aikóta py nandi ha opío lénto.*+
Ajaheʼóta umi jagua salváheicha,*
ha cherasẽta pe ñandu guasu ojapoháicha.
9 Samaria oreko peteĩ erída tuichaitereíva ha ndaikatuvéimava okuera,+
ijerída og̃uahẽma voi Judá peve.+
Pe mbaʼasy og̃uahẽma voi che puévlo peve, Jerusalén rokẽ meve.+
10 “Ani pemombeʼu upéva siuda de Gátpe,
ani avave penderecha penerasẽha upépe.
Bet-Afrápe* pejapajeréi pe yvýre.
11 Peẽ hénte peikóva Safírpe, peẽ ningo pesẽ vaʼerã pende territóriogui, opío lénto pesẽta ha petĩta pehóvo tetã ahénope.
Umi hénte oikóva Zaanánpe noñanimái osẽ isiudágui.
Bet-Ezel ndeprotehe vaʼekue, péro koʼág̃a oñelamentávamante oñehendúta upépe.
12 Umi hénte oikóva Marótpe ohaʼarõ kuri iporãva,
péro Jehová ombou chupekuéra ivaíva, umi mbaʼe og̃uahẽ voi Jerusalén rokẽ meve.
13 Peẽ peikóva Lakíspe,+ pemoĩ umi kavaju umi kárrore,
pende káusare umi hénte Siongua opeka.
Peẽ hénte peikóva Siónpe, pende apytépe ojetopa umi mbaʼe vai ojejapóva Israélpe.+
14 Upévare, peẽ Siongua pemeʼẽ vaʼerã rregálo umi hénte oikóvape Moréset-Gátpe, haʼekuéra oho vove.
Umi hénte oikóva* Aczíbpe+ ombotavy vaʼekue umi rréi Israelguápe.
15 Peẽ hénte peikóva Maresápe,+ ahejáta ou peẽme upe pendesakeátava.*+
Pe ipoderosoitéva oĩva Israélpe* oúta Adulámpe.+
16 Peikytĩ pene akãrangue ha peñemoakã perõ, pórke mbaʼe vaímante oikóta pene famíliare.
Peñemoakã perõ peteĩ ágilaicha,
pórke pene familiakuérape ojeguerahapa ótro tetãme”.+
2 “Cháke oho vaíta umi oplaneávape ojapo ivaíva,
umi hupápe okalkulámava iñaña hag̃ua,
ha koʼẽ vove ojapóma la oplanea vaʼekue.
Haʼekuéra oipuru ipodér ojapo hag̃ua umi mbaʼe vai.+
2 Peichagua persóna oipotáramo peteĩ yvy ahéno, ojagarrántema imbaʼerã,+
ogustáramo chupe peteĩ óga ahéno, oñemombaʼéntema hese.
Haʼekuéra ombotavy hapichápe opyta hag̃ua hóga reheve+
ha iñerénsia reheve.
3 Upévare Jehová heʼi:
‘Che aguerúta peteĩ mbaʼe vai ko puévlo kóntrape+ ha ndaikatumoʼãi pekañy upévagui.+
Upe tiémpope pehasa asýta,+ ha ndapeikomoʼãvéima peñemombaʼeguasu.+
4 Upe tiémpope umi hénte ojapóta peteĩ poesía oñeʼẽva penderehe,
haʼekuéra hasẽta ha ojaheʼóta.+
Heʼíta hikuái: “Ñande siuda oñehundiete opytávo.+
Ñandejára oipeʼa ñandehegui ñande yvy ha omeʼẽ ótrope,+
omeʼẽ ñande yvy peteĩ tetã ndoservírivape chupe”.
5 Upévare Jehová kongregasión apytépe ndaiporimoʼãi ni peteĩ oipysóva pe piolín omedi hag̃ua pe yvy
ojerreparti hag̃ua káda únope.
6 Haʼekuéra heʼi: “Anive pepredika.
Koʼã mbaʼe noñemombeʼúi vaʼerã.
Ñande ningo ni mbaʼevéicharõ nañañemotĩmoʼãi péicha”.
7 Peẽ Jacob familiare, peẽ piko peje:
“¿Jehová piko naipasiensiavéima ñanderehe?*
¿Koʼã mbaʼe piko haʼe ojapo?”.
¿Koʼã mbaʼe che haʼéva piko ndoguerúi iporãva umi iñeʼẽrendúvape?
8 Péro koʼág̃a che puévlo iñañaiterei, haʼete peteĩ enemígo.
Pende rapicha trankílamente ohasa pende ypýrupi, haʼete umi oúmava gerrahágui pyʼaguapýpe,
peẽ katu napetĩri ha peipeʼa chuguikuéra umi adórno porã porã orekóva ijaokuérare.
9 Umi kuña che puevlopegua ovyʼa hogapekuéra, péro peẽ pemosẽ chupekuéra upégui.
Che avendesi imembykuérape, péro peẽ pegueraha umi mbaʼe porã ameʼẽ vaʼekue chupekuéra ha núnka napemyengoviái.
10 Kóva ndahaʼevéima peteĩ lugár ikatuhápe peiko trankílo, upévare pepuʼã ha pehóntema koʼágui.
Pe yvy opyta ikyʼaiterei Ñandejára renondépe,+ upévare oñehundíta, desástre opytáta.+
11 Oĩramo peteĩ kuimbaʼe ojapóva vyrorei, ijapúva ha ombotavýva la héntepe heʼívo:
“Añeʼẽta peẽme víno ha vevídare”,
peichagua proféta katuete ko puévlo oguerohorýta.+
12 Peẽ Jacob familiare, che pombyaty jeýta.
Ambyatypáta umi hénte hembývape Israélgui.+
Pombyatýta oñondivepa peteĩ ovecha atýicha peteĩ korápe,
pejoguáta umi ovecha opasteávape.+
Upe lugárpe peẽ pendeayvu joáta’.+
13 Pe oitýva peteĩ párte pe murálla ohóta henonderãkuéra,
umi ohóva hapykuéri ohasáta ohóvo upérupi.+
Irreikuéra ohasáta ohóvo henonderãkuéra,
ha Jehová ogiáta chupekuéra”.+
3 Koʼág̃a che haʼe: “Peẽ pemoakãva Jacob rogayguakuérape,
ha peẽ pegovernáva Israélpe, pehendumína la haʼétava peẽme.+
¿Mbaʼéicha piko ndapeikuaamoʼãi mbaʼépa la iporãva?
2 Peẽme napendegustái la oĩ porãva,+ síno pehayhu la oĩ vaíva.+
Peẽ peipeʼa che puévlogui ipire, ha hoʼo ikanguekuéragui.+
3 Peẽ peʼu che puévlo roʼo ha peipireʼo chupekuéra.+
Peẽ pedeskuartisa che puévlope,+
pemonguʼi ikanguekuéra ojejapoháicha oñekosináta jave peteĩ óllape,*
haʼete umi soʼo oñekosináva peteĩ óllape.
4 Upe tiémpope peẽ pejerure asýta ajúda Jehovápe,
péro haʼe nopenamoʼãi penderehe.
5 Umi proféta ogueraha vai che puévlope.+ Oñemeʼẽ aja umi profétape álgo hoʼu hag̃ua, haʼekuéra oiko heʼi oĩtaha pyʼaguapy.+
Péro noñemeʼẽiramo chupekuéra mbaʼeve hoʼu hag̃ua,+ koʼã proféta omongyhyje umi héntepe heʼívo oĩtaha gérra.
Upévare, Jehová heʼi péicha koʼã proféta kóntrape:
6 ‘Peĩta pytũmbýpe pyharerõguáicha,+ péro ndapehechamoʼãi umi visión.+
Peikóta pytũmbýpe ha ndaikatumoʼãvéima pejapo adivinasión.
De diakue jepe iñypytũta peẽme g̃uarã,
pórke pe kuarahy okañýta pendehegui.+
7 Umi kuimbaʼe ohecháva visión opyta vaíta umi hénte renondépe,+
ha umi adivíno oñemotĩta.
Enterove omoʼãta ivigóte* otĩetereígui hikuái,
pórke Ñandejára nokontestamoʼãi chupekuéra’”.
8 Péro Jehová espíritu omeʼẽ chéve fuérsa,
chepytyvõ chepyʼaguasu hag̃ua ha ajapo hag̃ua umi mbaʼe iporãva.
Upéicha rupi amombeʼu Jacob familiarépe umi mbaʼe vai ojapóva, ha Israélpe ipekádo.
9 Peẽ pemoakãva Jacob rogayguakuérape,
ha peẽ pegovernáva Israélpe, pehendu la haʼétava peẽme.+
Peẽ ningo ndapeikuaaséi mbaʼeve pe hustísiagui, ha pemokarẽ umi mbaʼe iderécho porãva.+
10 Peẽ pemopuʼã hag̃ua Sion peñohẽ hetaiterei tuguy, ha pemopuʼã hag̃ua Jerusalén heta inhustísia pejapo.+
11 Umi omoakãva chupekuéra oasepta kóima* oporohusga hag̃ua,+
umi saserdóte okovra oporomboʼe hag̃ua.+
Umi proféta katu ojapo adivinasión ha okovra upévare.+
Upéicharamo jepe ohaʼarõ Jehová oipytyvõ chupekuéra, ha heʼi:
12 Pende káusare Sion ojearáta peteĩ kokuéicha,
Jerusalén oñehundietéta ha opytáta nandi vera.+
oñemohenda ha isegúro porãta umi montáña ruʼã ári
ha ijyvatevéta umi sérrogui,
upépe oho joáta umi hénte oúva umi puévlogui.+
2 Heta tetã ohóta ha heʼíta:
“Jaha jajupi Jehová montáñape,
Jacob Jára rógape.+
Haʼe oikuaaukáta ñandéve hape
ha jaikóta haʼe oipotaháicha”.
Sion guive ojekuaaukáta Ñandejára léi,*
ha Jerusaléngui osẽta Jehová ñeʼẽ.
3 Ñandejára ohusgáta heta puévlo apytépe ha omeʼẽta iléi.+
Haʼe okorrehíta umi mbaʼe ojejapo vaíva umi tetã ipoderósovape, umi oĩva mombyryve jepe.
Umi hénte ojapóta ijespádagui arádo,*
ha ilánsagui ojapóta erramiénta ojepoda hag̃ua.+
Umi tetã ndohupimoʼãvéima ijespáda ótro tetã kóntrape,
ha noñemboʼemoʼãvéima chupekuéra mbaʼéichapa oñorairõ vaʼerã.+
Jehová, umi ehérsito yvagapegua ruvicha heʼíma oikotaha koʼã mbaʼe.
5 Umi puévlo, káda uno iñeʼẽrendúta idióspe,*
péro ñande ñaneñeʼẽrendúta Ñandejára Jehovápe*+ opa ára g̃uarã.
6 Jehová heʼi: “Upe tiémpope
aguerúta umi ikarẽvape,
ha ambyatýta umi isarambipa vaʼekuépe,+
avei umi akorrehi vaʼekuépe.
7 Umi ikarẽvagui oĩta peteĩ grúpo ojesalváva,+
umi isarambi vaʼekuégui ha oho vaʼekue mombyry, koʼág̃a oikóta peteĩ tetã ipoderósova.+
Ha Jehová ogovernáta chupekuéra Sérro Siónpe,
haʼe ojapóta upéva koʼág̃a guive ha opa ára g̃uarã.
9 ¿Mbaʼére piko resapukái hatãite?
¿Ndaperekovéi piko rréi, térã piko omano pene konsehéro?
¿Upévare piko peñelamenta
peteĩ kuña imemby potávaicha?+
10 Siuda de Sion, ejepoka ha nepyahẽ
peteĩ kuña hasývaicha imemby hag̃ua,
pórke koʼág̃a resẽta pe siudágui ha rehóta reiko pe ñúme,
Che, Jehová, apagáta rogueru jey hag̃ua
ha péicha resẽta ne enemigokuéra poguýgui.+
11 Koʼág̃a heta tetã oñembyatýta opuʼã hag̃ua ne kóntrape.
Haʼekuéra heʼíta: ‘Toñemotĩ ha toñehundi ko siuda,
ikatu hag̃uáicha orete rohecha la oikóva Sion rehe’.
12 Péro haʼekuéra ndoikuaái umi mbaʼe Jehová opensáva,
nontendéi mbaʼépa haʼe ojapóta.
Ñandejára ombyatýta chupekuéra omonguʼi hag̃ua, oñembyatyháicha pe trígo oñemonoʼõva oñemonguʼi hag̃ua.
13 Siuda de Sion, epuʼã ha emopotĩ pe semílla,+
pórke che ameʼẽta ndéve pe fuérsa orekóva peteĩ tóro hatĩ de iérro ha ipysãpẽ de kóvreva.
Upéicha ikatúta remonguʼi heta puévlope,+
ha reapartáta Jehovápe g̃uarã opa mbaʼe haʼekuéra ogana vaʼekue naiñonrrádoi haguére.
Entéro umi mbaʼe porã orekóva hikuái representáta pe Dios verdadérope,
haʼéva ko yvy kompletoite Jára”.+
5 “Péro koʼág̃a peẽ peikóva pe siuda oñemongorapávape
peñekytĩmba pendejupe voi.
Ñane enemigokuéra ñanemongorapa.+
Peteĩ garrótepe oñenupã hovárupi pe hués Israelguápe.+
Péro ndehegui oúta pe ogovernátava Israélpe che rérape,+
haʼe hína pe oĩva ymaite guive, pe oexistíva iñepyrũ guive.
3 Ñandejára ontregáta ipuévlope iñenemigokuéra pópe.
Opytáta upéicha imemby peve pe kuña hyeguasúva.
Ha pe governánte ermanokuéra ou jeýta ipuévlo Israélpe.
4 Pe governánte oñemboʼýta ha oñangarekóta umi ovecháre Jehová podér rupive.+
Oipurúta pe autorida orekóva Jehová réra porãite.
Pe asirio oúramo ojagarrase ñane retã ha omonguʼi umi lugár imbarete porãva,+
upéicharõ ñanombráta opuʼã hag̃ua ikóntrape 7 pastór, si, ñanombráta 8 prínsipe* yvyporakuéra apytégui.
6 Haʼekuéra oipurúta pe espáda Asiria kóntrape,*+
okastiga hag̃ua Nemrod+ território, iñentradakuérape.
Pe asirio ou vove ojagarra ñane retã ha opyrũmba ñande territóriore,
pe governánte ñandesalváta chugui.+
7 Umi hembýva Jacob familiarégui
oĩta umi puévlo apytépe.
Haʼetéta hikuái pe ysapy oúva Jehovágui,
ha pe aguaséro hoʼáva umi plánta ári,
pórke koʼãva nodependéi yvypórare ni ndorekói esperánsa hesekuéra.
8 Umi hembýva Jacob familiarégui oĩta umi tetãnguéra apytépe,
haʼekuéra oĩta heta puévlo apytépe.
Ojoguáta umi león oĩvape umi animál apytépe pe kaʼaguýre,
haʼetéta peteĩ león imitãva oĩva umi ovecha atýpe,
ohasáva imbyterupikuéra, ojagarra ha odeskuartisáva umi ovechápe.
Péicha ndaiporimoʼãi avave odefendéva chupekuéra.
9 Nde remopuʼãta nde po pórke reganáta ne enemigokuérape,
ha entéro umi ne enemígo oñehundíta”.
10 Jehová heʼi: “Upe tiémpope ahundipáta nde kavajukuéra,
ha avei umi kárro reipurúva gerrahápe.
11 Ahundipáta umi siuda oĩva nde territóriope,
ha aitypáta entéro umi lugár isegúro porãva.
12 Napermitimoʼãvéima rejapo paje, rejapoháicha hína koʼág̃a,
ni peteĩ ojapóva máhia ndopytamoʼãi pende apytépe.+
13 Ahundíta umi taʼanga ha umi kolúmna sagráda,
ha ndereikomoʼãvéima reñesũ umi mbaʼe nde rejapo vaʼekue* renondépe.+
14 Aipeʼapáta umi póste sagrádo+ oĩva pende apytépe,
ha ahundipáta pende siudakuéra.
15 Che chepochy ha añevengáta
umi tetã naiñeʼẽrendúivare”.
6 Pehendumína la Jehová heʼíva peẽme.
Pepuʼã ha pepresenta pende káso umi montáña renondépe,
ha umi sérro tohendu la pejétava.+
2 Jehová opresentáta peteĩ káso ipuévlo kóntrape,
peẽ montañakuéra, pehendúke Jehová heʼítava,
peẽ simiénto pemopyendáva ko yvy, pehendúke avei.+
Haʼe opresentáta ikáso Israel kóntrape:+
3 “Peẽ ningo che puévlo, ¿mbaʼe piko che ajapo raʼe penderehe?
Peẽ ningo penekaneʼõ chehegui, ¿mbaʼe piko che ajapo raʼe penderehe?+
Pemombeʼúna la perekóva che kóntrape.
4 Che ningo poguenohẽ vaʼekue Egipto poguýgui,+
peẽ peĩ vaʼekue pe paíspe esklávoramo, péro che posalva.+
Che amondo pene rendápe Moisés, Aarón ha Míriampe.+
5 Che puévlo, penemanduʼamína mbaʼépa Balac, pe rréi Moabgua ojapose vaʼekue,+
penemanduʼána mbaʼéichapa ombohovái chupe Balaam,+ Beor raʼy.
Aníkena penderesarái mbaʼépa oiko vaʼekue Sitim+ guive Guilgal+ peve,
ikatu hag̃uáicha peikuaa, che, Jehová, chehustoha”.
6 ¿Mbaʼe piko aguerúta añepresenta hag̃ua Jehová renondépe?
¿Mbaʼe piko aguerúta añesũ hag̃ua Ñandejára renondépe, oĩva yvágape?
¿Agueru vaʼerã piko henondépe umi ofrénda ojehapypaitéva,
ha peteĩ vaka raʼy de un áño?+
7 ¿Ovyʼáta piko Jehová aguerúramo chupe 1.000 térã hetave ovecha mácho?
¿Ovyʼáta piko ameʼẽramo chupe heta aséite?+
¿Haʼe piko oipota che ameʼẽ che raʼy ypykuépe oñeperdona hag̃ua che rembiapo vaikue?
¿Ameʼẽ vaʼerã piko che raʼy oñeperdona hag̃ua che pekádo?+
8 Haʼe ningo omombeʼu porã ndéve mbaʼépa la iporãva.
¿Mbaʼépa hína la Jehová ojeruréva ndehegui?
Haʼe oipotánte ndehústo,*+ rehayhu umi mbaʼe iporãva*+ ha neumílde*+ reguatávo Ñandejára ndive.+
9 Oñehendu hatã Jehová ñeʼẽ pe siudápe.
Ñandejára, umi iñarandúva orrespetáta nde réra.
Pehendúke pe karai orekóvape ipópe pe vastón ha omeʼẽva pe kastígo.+
10 ¿Pe iñañáva piko oguereko gueteri hógape umi tesóro okonsegi vaʼekue ojapo haguére ivaíva?
¿Oguereko gueteri piko umi medída japu Ñandejárape ndogustáiva?
11 ¿Ikatu piko haʼe chejehe cherekopotĩha* aipurúramo valánsa monda,
térã aipurúramo pésa de piédra imondáva?+
12 Upe siudápe, umi hénte irríkova iñañaiterei ha ivaívamante ojapo,
ha umi hénte oikóva upépe japúmante heʼi.+
Haʼekuéra oipuru ijuru oporombotavy hag̃uánte.+
13 “Upévare che pokastiga mbaretéta.+
Pende pekádo heta haguére, peñehundíta.
14 Peẽ pekarúta, péro ndaikatumoʼãi peneryg̃uatã,
haʼetéta voi nandi vera oĩva pende pyʼa.+
Umi mbaʼe porã pembyaty vaʼekue ndaikatumoʼãi pegueraha peñongatu hag̃ua,
ha oiméramo pegueraha katu, pene enemigokuéra oipeʼapáta pendehegui.
15 Peñotỹta heta semílla, péro napemonoʼõmoʼãi mbaʼeve,
pepyrũta umi aseitúna rehe, péro ndapeʼumoʼãi pe aséite,
pejapóta víno pyahu, péro ndapeʼumoʼãi pe víno.+
16 Peẽ ningo pejapo umi mbaʼe Omrí omandáva, ha pejapo avei entéro mbaʼe vai ojejapóva Acab rógape.+
Peẽ pesegi umi mbaʼe haʼekuéra heʼi vaʼekue.
Upévare che pokastigáta, ha umi hénte oñemondýita ohechávo umi mbaʼe ajapótava penderehe,
ha umi ótro puévlo oñembohorýta avei penderehe”.+
7 Ivaieterei ningo la che situasión.
Ajogua peteĩ ohóvape oheka umi parrál hoʼu hag̃ua,
peteĩ ohekávape umi ígo hetereíva, péro ndotopáiva mbaʼevete asy.
Pórke ohasapáma pe tiémpo oñembyaty hag̃ua umi frúta osẽva veránope,
ha ojeguerahapáma umi parrál hemby vaʼekue.
2 Umi iñeʼẽrendúva odesapareséma ko yvýgui,
umi hénte apytépe ndaipóri ni peteĩ ihústova.+
Enterovetéva opeska hapicháre ojuka hag̃ua chupe.+
Ojogua hikuái umi kasadórpe ha omoĩ hikuái trámpa* oity hag̃ua iñermánope.
3 Ivale hikuái ojapo hag̃ua ivaíva.+
Umi prínsipe oiko ojerure rregálo.
Umi hués oasepta kóima.+
Umi hénte iñimportánteva heʼi chupekuéra la oipotáva*+
ha oplanea ivaíva oñondive.
4 La ivuenovéva ijapytepekuéra ojogua ñuatĩme,
ha la ihustovéva ijapyteguikuéra ipeligrosove ñuatĩndýgui.
Péro katuete og̃uahẽta pe día umi guárdia oñeʼẽ hague, ha pe día pejehusgataha.+
Enterovéva okyhyjetereíta.+
5 Ani pejerovia pene irũ rehe,
ni pene amígo de konfiánsare.+
Peñatende la pemombeʼútavare upe persóna oñenóvape pende ykére.
Umi persóna enemígo oĩ umi hogaygua apytépe voi.+
7 Che katu asegíta ahaʼarõ la Jehová ojapótava.+
Ahechaukáta ahaʼarõkuaaha* ha arekoha esperánsa Ñandejárare, haʼe hína upe chesalváva.+
Ñandejára cherendúta.+
8 Che enemígo, ani revyʼa la oikóvare cherehe,
pórke haʼáramo jepe apuʼã jeýta.
Aikóramo jepe pytũmbýpe, Jehová ohesapéta che rape.
9 Jehová ipochy cherehe,
péro agueropuʼakáta upéva pórke che la apekáva ikóntrape.+
Ajapóta upéva haʼe ohecha peve che káso ha ojapo chéve hustísia.
Ñandejára cheguenohẽta hesakãháme.
Ahecháta mbaʼeichaitépa haʼe siémpre ojapo iporãva.
10 Che enemígo heʼi vaʼekue chéve:
“¿Moõ piko oĩ Jehová nde Jára?”.+
Péro haʼe ohecha vove la oikóva, opytáta otĩ.
Koʼág̃a chehaitéma amañáta hese ha ahecháta mbaʼéichapa oñepyrũmba che enemígore,
haʼetéta pe tuju oĩva kállere.
11 Upe díape oñemopuʼã jeýta umi ne murálla ojejapóva itágui,
upe díape oñembotuichavéta umi ne frontéra.
12 Upe díape oúta ne rendápe hetaiterei hénte Asíriagui ha umi siuda oĩvagui Egíptope.
Oúta umi oĩva Egipto guive pe Rrío Éufrates peve,
umi oĩva peteĩ mar guive, pe ótro mar peve,
peteĩ montáña guive, ótra montáña peve.+
13 Ha umi país opytáta nandi vera, péicha oikóta hesekuéra ikausarekuéra voi.
Pe mbaʼe vai ojapo vaʼekue hikuái ojerepa jeýta hesekuéra.
14 Ñandejára, eipuru nde yvyra puku eñangareko hag̃ua nde puévlore ojapoháicha peteĩ pastór, haʼekuéra nde ovechami, ne erénsia.+
Yma oiko vaʼekue hikuái haʼeñomi pe kaʼaguýpe, oĩramoguáicha peteĩ hardín mbytépe.
Eheja nde ovechakuérape topastea Basán ha Galaádpe,+ ojapo haguéicha yma.
15 “Che ahechaukáta che puévlope heta milágro,
ajapo haguéicha yma aguenohẽrõ guare che puévlope Egíptogui.+
16 Umi ótro tetã ohecháta la ajapóva, ha opytáta otĩ ipoderósoramo jepe hikuái.+
Haʼekuéra ndeʼimoʼãi mbaʼevete asy,
ha ndaikatumoʼãvéima ohendu.
17 Umi hénte oheréita pe yvytimbo umi mbói ojapoháicha,+
umi animál otyryrývaicha oryrýi osusũta ha osẽta hikuái ikuáragui.
Che ningo Jehová, ha che rendápe umi hénte oúta kyhyjepópe,
okyhyjéta hikuái chehegui”.+
18 Ñandejára, ¿máva piko ótro Dios ndeichagua?
Nde ningo reperdona umi mbaʼe vai ojapóva umi hembýva nde puévlogui,+ ha rembohasa rei ipekádo.+
19 Nde rehechauka jeýta oreporiahuverekoha.+
Haʼetéta voi repyrũmbáva ore rembiapo vaikuére, ha remombóva ore pekádo pe mar ruguápe.+
20 Nde nderefallái Jacob ndive,
nde rehechauka vaʼekue rehayhuetereiha* Abrahánpe,
péicha avei oretratáta pórke nde rehura kuri upéva ore tuakuéra ypykuépe.+
Péva hína ótra fórma ojeʼe hag̃ua Miguel, heʼiséva: “¿Máva piko ojogua Ñandejárape?”. Térã Micaya, heʼiséva: “¿Máva piko ojogua Jehovápe?”.
Hebréope: “opío”.
Térã: “chakál”.
Térã: “Afrá rógape”.
Hebréope: “óga”.
Hebréope: “ojagarráva umi tetã”.
Hebréope: “Pe glória de Israel”.
Térã: “¿Naipasiensiavéima piko Jehová espíritu?”.
Térã: “peteĩ ólla ijuru guasúvape”.
Hebréope: “omokañýta hova”.
Térã: “ijuru”.
Térã: “otransa”.
Hebréope: “óga”.
Térã: “instruksión”.
Hebréope: “rréha de arádo”.
Térã: “oikóta”.
Hebréope: “oguatáta idiós rérape”.
Hebréope: “jaguatáta Ñandejára Jehová rérape”.
Hebréope: “pe ovecha aty tórre”.
Térã: “líder”.
Hebréope: “oipurúta pe espáda opastorea hag̃ua Asiria yvy”.
Hebréope: “nde po rembiapokue”.
Hebréope: “rejapo hustísia”.
Térã: “oipota reporohayhúgui nderefallái avavépe ha nevuéno”. Hebréope: “ehayhu mborayhu ifiélva”.
Térã: “errekonose la ndaikatúiva rejapo”.
Térã: “cheinosenteha”.
Hebréope: “oturuñeʼẽta”.
Hebréope: “rred”.
Térã: “hiʼálma oipotáva”.
Térã: “ahaʼarõha kon pasiénsia”.
Térã: “mborayhu ifiélva”. Ehecha Dik.
Térã: “mborayhu ifiélva”.