NAHÚM
1 Kóva hína peteĩ mensáhe Nínive kóntrape.+ Ko lívrope oñemombeʼu la ohecha vaʼekue peteĩ visión rupive Nahúm,* Elcospegua.
2 Jehová hína peteĩ Dios oipotáva ojeadora chupe añoite+ ha haʼe katuete oñevengáta.
Jehová ohechaukáta ipochyha iñenemigokuérare ha omeʼẽta chupekuéra la omereséva.+
Jehová ndohejareimoʼãi ikontrariokuérape,
haʼe oñongatu ipochykue oity hag̃ua iñenemigokuéra ári.
3 Jehová ndaipochyreíri+ ha ipoderosoiterei.+
Péro upéva ndeʼiséi Jehová ndokastigamoʼãiha pe omeresévape.+
Ñandejára oguata jave oúvo oipeju peteĩ yvytu ivaietereíva ha peteĩ torménta atã,
ha ipýpe yvytimbóicha omopuʼãmba oúvo umi arai.+
Umi plánta oĩva Basán ha Carmélope ipirupa,+
ha umi yvoty Libanopegua omanomba.
5 Umi montáña oryryipa,
ha umi sérro hyku ha odesaparese.+
Pe yvy okachapaite ohechávo Ñandejára rova,
pe yvy ha oĩva guive pype oryryipa.+
6 Haʼe ohechauka vove orrenegaha,+ ¿máva piko ikatúta opyta oñemboʼyhápe?
Ha haʼe ohechauka vove ipochyetereiha,+ ¿máva piko ikatúta opyta oñemboʼyhápe?
Haʼe ohykuavóta ipochykue tatarendýicha iñenemigokuéra ári.
Ha umi ita guasu ojekapáta henondépe.
7 Jehová ningo ivuenoiterei,+ haʼe hína peteĩ lugár isegúro porãva ikatuhápe jaha jahasa asy jave.+
Ñandejára oñangareko* umi oñemoag̃uívare hese.+
8 Oĩ jave inundasión, umi korrentáda ogueraha opa mbaʼe oĩva haperãme, péicha Ñandejára ohundíta Nínivepe,
ha iñenemigokuéra opytáta pytũmbýpe.
9 ¿Mbaʼe guaʼu piko peẽ ikatu peplanea Jehová kóntrape?
Ñandejára oporohundi jave mbaʼevete ndopytái.
Haʼe oporohundiséramo natekotevẽmoʼãi oataka 2 vése.+
10 Umi hénte Ninivegua haʼete ñuatĩ ojeliapáva ojuehe,
haʼete umi okaʼu vaʼekue hoʼu haguére servésa.*
Péro oñehundíta pe kapiʼi pirukue okaiháicha tatápe.
11 Upe siudágui opuʼãta peteĩ persóna oplaneáva mbaʼe vai Jehová kóntrape.
Haʼe omeʼẽta konsého ndovaléiva mbaʼeverã.
12 Koʼág̃a Jehová heʼi:
“Peẽ penembarete ha penderetáramo jepe,
lomímonte peñehundi ha pedesapareséta.
Ndéve Judá rokastiga vaʼekue, péro upéva opátama.
13 Che roguenohẽta ne enemígo poguýgui, aipeʼáta ndehegui pe júgo pohýi.*+
Amondohóta umi kadéna neñapytĩva hína.
14 Che, Jehová, koʼág̃a adesidi ko mbaʼe ne kóntrape:*
‘Ndopytamoʼãi ni peteĩ ne familiare osegi hag̃ua ogueraha nde réra.
Che ahundíta umi taʼanga ha umi estátua ojejapo vaʼekue metálgui oĩva umi nde dios témplope.*
Ajapóta ndéve g̃uarã peteĩ sepultúra, pórke nderevaléi mbaʼeverã’.
15 Pemañami, umi montáña ári oĩ hína pe omombeʼúva umi notísia porã.*
Pe oikuaaukáva oĩha pyʼaguapy.+
Judá, evyʼa ha ejapo umi nde fiésta,+ ekumpli umi mbaʼe repromete vaʼekue,
umi kuimbaʼe aña arakaʼeve ndoumoʼãvéima ndeataka,
oñehundipaitéta chupekuéra”.
2 Ne kóntrape opuʼãta peteĩ omosarambipáva umi héntepe.+
Eñangarekóke umi ne murállare,
eñatende porã umi nde rape rehe.
Ejepreparáke* ha ejapo ikatúva guive nembarete hag̃ua pe gerrarã.
2 Jehová omeʼẽ jeýta Jacóbpe umi mbaʼe omoporã vaʼekue chupe,
haʼe ojapóta upéva oñembotuicha hag̃ua Israélpe.
Umi mondaha ningo osakeapaite vaʼekue chupe,+
haʼekuéra ohundi vaʼekue umi iparralty.
3 Umi eskúdo orekóva Nínive enemigokuéra oñepinta kolór pytãme,
ijaokuéra katu ojejapo téla pytãitégui.
Umi soldádo oĩma oñorairõ hag̃uáicha
ha ohupíma yvate umi ilánsa ojejapóva enévrogui.
Umi árma de iérro orekóva umi ikárro de gérra tatáicha omimbi.
4 Umi kárro de gérra ohasa ohóvo umi kállere,
hatãiterei ou ha oho pe plásare,
omimbi umi antórcha hendývaicha, ha ohasávo overa, haʼete voi umi aratiri.
5 Pe rréi ohenoikáta umi ijofisialkuérape,
haʼekuéra oñepysangapáta ohóvo,
ojapuráta og̃uahẽ hag̃ua pe murállape,
ha oñehaʼãta oasegurave pe siuda.
6 Péro umi rrío rokẽ ojeavripáta,
ha pe palásio oñehundíta.
7 Ko mbaʼe ojedesidíma oikotaha: umi hénte upe siudapegua oñemotĩta opavave renondépe,
ojegueraháta chupekuéra ótro tetãme ha umi eskláva oñembyasýta,
ojepytiʼanupãta* hikuái ha oikóta hasẽ umi palómaicha.
8 Nínive+ ningo haʼete vaʼekue peteĩ piléta orekóva y,
péro koʼág̃a umi hénte odiparapa upégui.
Oĩ osapukáiva: “¡Pepytána, pepytána!”,
péro avave ndopytái.+
9 Peipeʼapa upe siudágui pe óro, peipeʼapa chuguikuéra pe pláta.
Haʼekuéra ningo hetaiterei tesóro oreko, ndaikatúi ni ñakontapa,
upe siudápe oñeñongatu opaichagua mbaʼe porã.
10 Upe siuda opyta nandi vera, oñehundi ha mbaʼevete nahembýi upépe.+
Umi hénte oñepyrũ okyhyjeterei, umi irrodílla oñembotapa ojuehe, ha umi ikadéra oryryipa.
Hova ñemondýi opytávo hikuái.
11 ¿Mbaʼe piko oiko upe siudágui? Upe siuda ningo ojogua vaʼekue peteĩ lugár umi león oikohápe,+ umi león imitãva okaruhápe,
peteĩ lugár umi leonkuéra okorrehárupi umi león raʼy ndive,
ndaiporihápe omongyhyjéva chupekuéra.
12 Pe león ningo odeskuartisa vaʼekue heta animál
omeʼẽ hag̃ua itaʼyrakuérape ha umi leónape.
Umi lugár haʼekuéra okeha siémpre henyhẽ vaʼekue tembiʼúgui,
hogakuéra henyhẽ vaʼekue animál roʼógui.
13 Jehová, haʼéva hína umi ehérsito yvagapegua ruvicha, heʼi ndéve: “Che apuʼã ne kóntrape,+
ahapypaitéta umi nde kárro de gérra,+
espádape omanombáta umi león imitãva.
Napermitimoʼãvéima rejagarra umi tetã,
ha avave nohendumoʼãvéima umi ne mensahéro oñeʼẽ jave”.+
3 ¡Cháke oho vaíta pe siuda oñohẽvape tuguy!
Upe siuda henyhẽ oporombotavy ha oporomondávagui.
Nínive siémpre osakea umi ótro tetãme.
2 Ahendu pe harreadór ryapu, ahendu hatã hyapuha umi kárro rruéda.
Ahecha mbaʼéichapa umi kavaju oñepyrũ ogalopea ha umi kárro sarambikuépe ohoha.
3 Ahecha umi kavaju ariguápe, ijespadakuéra overapa ha umi lánsa omimbipa.
Hetaiterei oĩ omanóva, ojoʼaripa oĩ umi teʼongue,
ndaikatúi ni ñakontapa.
Umi hénte oñepysangapa umi teʼonguére.
4 Upéva oiko Nínive rehe hekovaieterei haguére, peteĩ kuña rekovaícha.
Haʼe iporã ha oporombojuruheʼẽ, ko kuña ivale ojapo hag̃ua paje,
omoñuhã hag̃ua umi tetãme ojapo paje, ombotavy hag̃ua umi paíspe hekovai hendivekuéra.
5 Jehová hína umi ehérsito yvagapegua ruvicha, ha haʼe heʼi: “Nínive, che apuʼã ne kóntrape,+
ahupíta nde polléra ruguái nde rováre,
umi ótro tetã ohecháta reĩha opío,
umi rréino ohecháta reñemotĩ hague.
6 Che amombóta nde ári
umi mbaʼe ikyʼa ha oporombojeguarúva,
enterove ohecha hag̃ua rejedespresia ha reñemotĩha.+
7 Umi hénte nderecháva guive odiparáta ndehegui+ ha heʼíta:
‘Nínive opyta nandi vera.
¿Máva piko oiporiahuverekóta chupe?’.
Moõ piko che atopáta nekonsola vaʼerã.
8 Nínive, ¿nde piko reĩ porãve guaʼu No-Amóngui?+
Upe siuda ningo haʼete kuri oguapýva Rrío Nilo kóstare,+
umi y ojerepa vaʼekue hese, pe mar oprotehe vaʼekue chupe peteĩ murállaicha ha omeʼẽ chupe umi rrikésa orekóva.
9 Etiopía oprotehe vaʼekue chupe ipodér tuichaitévape ha Egipto avei,
10 Upéicharamo jepe siuda de No-Amón operde iterritório,
pe siuda haʼete peteĩ kuña ojegueraháva prisionéra.+
Ha umi imembykuérape ojedeskuartisa umi eskínare.
Ojejapo sortéo ojerreparti hag̃ua umi kuimbaʼe iñimportantevévare,
ha umi gerréro ipoderosovéva oñeenkadena.
11 Nínive, nde avei revaváta peteĩ okaʼúvaicha,+
rehóta rekañy, rehekáta umi lugár isegúro porãva
rekañy hag̃ua ne enemigokuéragui.
12 Péro entéro umi nde lugár isegúro porãva ojogua umi ígo máta hiʼa ramóvape,*
umíva oñembokachánte ha hoʼáma umi hoʼuséva jurúpe.
13 Umi nde soldadokuéra ikangyeterei, ojogua kuñáme.
Ne rokẽ tuicha ojeavríta ne enemigokuéra oike hag̃ua,
umi ne rokẽ trankakuéra okaipáta.
14 Ne enemígo oúta nemongora,+
terehóntema embyaty y ha ejeprepara.
Emombareteve umi lugár isegúro porãva.
Eho oĩháme tuju, epyrũ pe ñaiʼũre remohuʼũ hag̃ua ha ejapo ladríllo.
15 Péro rejapóramo jepe koʼã mbaʼe, lomímonte rekáita.
¡Eñemboheta katu umi tukúicha!
¡Esegi katu eñemboheta umi tuku raʼýicha!
16 Nínive, nde ningo rembyaty hetaiterei komersiánte, hetave voi umi estrélla oĩvagui yvágape.
Umi tuku raʼy oheja ipire ha oveve ohóvo.
17 Umi nde guardiakuéra ojogua tukúpe,
umi nde ofisialkuéra ojogua umi tuku atýrape,
umi tukúicha haʼekuéra roʼy jave oñemoʼã umi itakuáre,
péro ojopévo pe kuarahy,
oveve hikuái ha avave ndoikuaái moõpa oho.
18 Rréi de Asiria, umi nde pastorkuéra okevy,
umi rréi familiakuéra opyta trankílo hógape.
Pe puévlo okorrepa rei umi montáñare,
ha avave nombyatýi chupekuéra.+
19 Nínive, sarambi oikóta nderehe ha ndaipóri solusión ndéve g̃uarã.
Pe erída erekóva ndaikatuvéima okuera.
Umi ohendúva guive la oikóva nderehe, ojepopetepáta,+
pórke entéronte osufri vaʼekue neñañaiterei haguére”.+
Heʼiséva: “Oporokonsoláva”.
Hebréope: “oikuaa”.
Térã: “servésa de trígo”.
Térã: “amopẽta pe várra oĩva nde ári peteĩ júgoicha”.
Péva hína Asiria.
Hebréope: “rógape”.
Hebréope: “omombeʼúva umi notísia porã pykuéra”.
Hebréope: “Emombarete nde kadéra”.
Hebréope: “oinupãta ikorasõ”.
Hebréope: “nepytyvõ ndéve”.
Hebréope: “hiʼa tenondeguávape”.