ZACARÍAS
1 Pe segundo áño ogoverna haguépe Darío,*+ pe octavo méspe, Jehová oñeʼẽ proféta Zacaríaspe,*+ haʼéva Berekías raʼy ha Idó niéto, ha heʼi chupe: 2 “Jehová ipochyeterei vaʼekue pende tuakuérare.+
3 Ere chupekuéra: ‘Péicha heʼi Jehová, umi ehérsito yvagapegua ruvicha: “‘Peñemoag̃ui jeýna cherehe’, heʼi Jehová, umi ehérsito yvagapegua ruvicha, ‘ha che añemoag̃ui jeýta penderehe’,+ heʼi Jehová, umi ehérsito yvagapegua ruvicha”’.
4 ‘Ani pejapo pende tuakuéra ojapo haguéicha, chupekuéra ningo umi proféta ymave guare heʼi vaʼekue: “Péicha heʼi Jehová, umi ehérsito yvagapegua ruvicha: ‘Pejevýna* umi pende rape vaígui ha umi pene rembiapo vaígui’”’.+
‘Péro haʼekuéra nohendúi, ha nopenái cherehe’,+ heʼi Jehová.
5 ‘Añetehápe umi pende tuakuéra omanóma ha umi profetakuéra omanombáma avei. 6 Péro che haʼe vaʼekue pende tuakuérape okumpli vaʼerãha umi léi. Amondo che siervokuéra umi profétape oavisa hag̃ua chupekuéra mbaʼépa oikóta hesekuéra nokumplíriramo umi léi. Ha entéro umi mbaʼe ningo oiko vaʼekue hesekuéra, ¿ajépa?’.+ Upéicha rupi haʼekuéra ou jey che rendápe ha heʼi: ‘Jehová, umi ehérsito yvagapegua ruvicha, ojapo ñanderehe asegún umi ñande rape ha umi mbaʼe jajapo vaʼekue, haʼe heʼíma haguéicha voi ojapotaha’”.+
7 Pe día 24, pe mes 11-pe, upéva hína pe mes Sebat,* pe segundo áño ogoverna haguépe Darío,+ Jehová ohechauka peteĩ visión chéve, Zacaríaspe haʼéva Berekías raʼy ha Idó niéto: 8 “Pyharekue ahecha peteĩ kuimbaʼe oĩva peteĩ kavaju pytã ári, ha haʼe oĩ hína kuri umi mirtokuéra paʼũme pe sánhape, ha ikupépe oĩ kuri umi kuimbaʼe oĩva umi kavaju pytã, marrón ha morotĩva ári”.
9 Upépe che haʼe: “Che ruvicha, ¿máva piko koʼãva?”.
Pe ánhel oñeʼẽva hína chendive heʼi: “Che aikuaaukáta ndéve mávapa koʼãva”.
10 Upéi pe kuimbaʼe oĩva umi mirtokuéra paʼũme heʼi: “Koʼãva hína umi ombou vaʼekue Jehová orrevisa hag̃ua ko yvy”. 11 Ha haʼekuéra heʼi Jehová ánhel oĩvape umi mirtokuéra paʼũme: “Ore ningo rorrevisa ko yvy, ha ko yvy kompletoite oĩ pyʼaguapýpe ha trankílo porã”.+
12 Upémarõ Jehová ánhel heʼi: “Jehová, umi ehérsito yvagapegua ruvicha, ¿arakaʼe peve piko rejejokóta ani hag̃ua reiporiahuvereko Jerusalénpe ha Judá siudakuérape?+ Nde ningo 70 áñorema ndepochy hendivekuéra”.+
13 Jehová okontesta pe ánhel oñeʼẽvape chendive, ha heʼi chupe umi mbaʼe iporãva ha oporokonsoláva. 14 Upéi pe ánhel oñeʼẽva chendive heʼi chéve: “Hatãke ere: ‘Péicha heʼi Jehová, umi ehérsito yvagapegua ruvicha: “Che ahayhu ha cherakateʼỹeterei Jerusalén ha Sion rehe, ha pochy reheve adefendéta chupe cherakateʼỹeterei rupi hese.+ 15 Che chepochyeterei umi tetãnguéra ndojepyʼapýivandi mbaʼevére,+ pórke che michĩmínte chepochy kuri che puévlondi,+ péro haʼekuéra ombotuichave pe mbaʼe vai ou vaʼekue chupekuéra”’.+
16 Upévare péicha heʼi Jehová: ‘“Aju jeýta Jerusalénpe ha aiporiahuverekóta chupe,+ ha che róga tee oñemopuʼã jeýta upépe”,+ heʼi Jehová, umi ehérsito yvagapegua ruvicha, “ha ojepysóta peteĩ piolín ojepurúva oñemedi hag̃ua ikatu hag̃uáicha oñemedi Jerusalén”’.+
17 Ha hatãke ere jey: ‘Péicha heʼi Jehová, umi ehérsito yvagapegua ruvicha: “Umi che siudápe henyhẽ jeýta umi mbaʼe iporãva, ha Jehová okonsola jeýta Siónpe+ ha oiporavo jeýta Jerusalénpe”’”.+
18 Upéi amaña ha ahecha 4 animál ratĩ.+ 19 Upémarõ aporandu pe ánhel oñeʼẽvape chendive: “¿Mbaʼe piko heʼise koʼã animál ratĩ?”. Haʼe okontesta: “Koʼã animál ratĩ orrepresenta umi omosarambi vaʼekuépe Judá,+ Israel+ ha Jerusalénpe”.+
20 Upéi Jehová ohechauka chéve 4 artesáno. 21 Ha che aporandu: “¿Mbaʼe piko ou ojapo koʼãva?”.
Haʼe heʼi chéve: “Koʼã animál ratĩ orrepresenta hína umi omosarambi vaʼekuépe Judápe ndaikatuvéi peve avave oñakãrapuʼã. Koʼã artesáno katu oúta omongyhyje hag̃ua chupekuéra, ohundi hag̃ua umi animál ratĩ orekóva umi nasión. Haʼekuéra ningo omopuʼã vaʼekue hatĩ Judá kóntrape omosarambi hag̃ua chupe”.
2 Ha amaña ha ahecha peteĩ visión rupive peteĩ kuimbaʼe orekóva ipópe peteĩ piolín ojepurúva oñemedi hag̃ua.+ 2 Upémarõ aporandu chupe: “¿Moõ piko reho hína?”.
Haʼe okontesta: “Amedíta hína Jerusalén, ipekue ha ipukukue”.+
3 Upéi pe ánhel oñeʼẽ vaʼekue chendive osẽ oho, ha ótro ánhel ou ohug̃uaitĩ chupe. 4 Ha haʼe heʼi pe ánhel oĩ vaʼekuépe chendive: “Edipara tereho amo ha ere pe mitãrusúpe: ‘“Jerusalénpe ojeikóta+ kampañapeguáicha, pórke naimurallamoʼãi, ha hetaitereíta umi hénte ha avei umi animál oikóva upépe.+ 5 Che haʼéta chupe g̃uarã peteĩ murálla hendypáva ijerére kompletoite”,+ heʼi Jehová, “ha che podér ojajái ha omimbipáva oĩta upépe”’”.+
6 “¡Pejúke! ¡Pejúke! Pedipara pe yvy oĩvagui nórte gotyo”,+ heʼi Jehová.
“Pórke che pomosarambi kuri umi 4 direksiónpe”,*+ heʼi Jehová.
7 “¡Ejúke puévlo de Sion! Ekañy nde reikóva pe siuda de Babilóniape.+ 8 Ñandejára oñembotuicha rire, chemondo umi tetãnguéra pendesakea vaʼekuépe,+ pórke péicha heʼi Jehová, umi ehérsito yvagapegua ruvicha: ‘Oimeraẽ opokóva penderehe opoko hína che resaʼỹire.*+ 9 Pórke koʼág̃a ahupíta che po ikontrapekuéra, ha umi ijesklavokuéra osakeáta chupekuéra’.+ Ha peẽ katuete peikuaáta chembou hague Jehová, umi ehérsito yvagapegua ruvicha.
10 Esapukái vyʼágui siuda de Sion,+ pórke aju hína+ ha aikóta pende apytépe”,+ heʼi Jehová. 11 Ha haʼe heʼi: “Ha upe díape+ heta nasión chemoirũta chéve, Jehovápe, ha oikóta chuguikuéra che puévlo, ha che aikóta ijapytepekuéra”. Ha péicha reikuaáta chembou hague ne rendápe Jehová, umi ehérsito yvagapegua ruvicha. 12 Jehová ojagarráta imbaʼerã Judá, haʼeramoguáicha pe párte otokáva chupe pe yvy sagrádope, ha haʼe oiporavo jeýta Jerusalénpe.+ 13 Tokirirĩke entéro yvypóra Jehová renondépe, pórke haʼe ou hína pe lugár sagrádo oikohágui ojapo hag̃ua upe ojapo vaʼerã.
3 Ha Ñandejára ohechauka chéve pe súmo saserdóte Josué+ oñemboʼyha hína Jehová ánhel renondépe, ha Satanás+ oñemboʼy hína ideréchape oñemoĩ hag̃ua hese. 2 Upéi Jehová ánhel heʼi Satanáspe: “¡Jehová tandekorrehi Satanás,+ si, Jehová, upe oiporavo vaʼekue Jerusalénpe,+ tandekorrehi! ¿Josué piko ndahaʼéi hína peteĩ jepeʼa hendýva oñeguenohẽ vaʼekue tatágui?”.
3 Ha Josué oreko hína kuri ijehe umi ao ikyʼáva ha oñemboʼy hína kuri pe ánhel renondépe. 4 Upéi pe ánhel heʼi umi oñemboʼývape hína henondépe: “Peipeʼa chugui umi ao kyʼa orekóva ijehe”. Upéi pe ánhel heʼi chupe: “Aipeʼáma ndehegui ne rembiapo vaikue,* ha koʼág̃a remondéta umi ao porã ojajaipáva”.*+
5 Upémarõ che haʼe: “Toñemoĩ iñakãre pe turvánte* ipotĩva”.+ Ha omoĩ chupe hikuái iñakãre pe turvánte ipotĩva ha omonde hese umi ao, ha Jehová ánhel oñemboʼy hína kuri ag̃uieténte upégui. 6 Upéi Jehová ánhel heʼi Josuépe: 7 “Péicha heʼi Jehová, umi ehérsito yvagapegua ruvicha: ‘Nde reguatáramo che rapére ha rekumpli umi ne rresposavilida che renondépe, upéicharõ rehusgáta che puévlope*+ ha reñangarekóta* umi che korapýre. Ha che apermitíta ndéve rehasa lívremente che renondépe, ojapoháicha umi oñemboʼýva hína koʼápe’.
8 ‘Pejapysakamína, nde, súmo saserdóte Josué, ha umi saserdóte oguapýva hína ne renondépe, pórke peẽ peservíta de señál ohechaukáva mbaʼépa oikóta amo gotyove. ¡Pemañamína! ¡Amboúta hína che siérvo+ héravape Hoky!+ 9 ¡Pehechamína pe ita amoĩ vaʼekue Josué renondépe! Pe ita 7 hesa,* ha che askrivíta hese’, heʼi Jehová, umi ehérsito yvagapegua ruvicha, ‘ha un diaitépente aipeʼáta upe yvýgui hembiapo vaikue’.+
10 ‘Upe díape’, heʼi Jehová, umi ehérsito yvagapegua ruvicha, ‘káda uno peẽ peinvitáta pende rapichápe ou hag̃ua pende parrál guýpe ha pende ígo máta guýpe’”.+
4 Pe ánhel oñeʼẽ vaʼekue chendive ou jey ha chemombáy, pórke che haʼete kuri la akéva hína. 2 Upémarõ haʼe heʼi chéve: “¿Mbaʼe piko rehecha?”.
Ha che haʼe chupe: “Ahecha peteĩ kandelávro de oropaitéva+ ha peteĩ tasón hiʼári. Pe kandelávro ári oĩ 7 lámpara,+ si, 7 voi oĩ, ha umi lámpara oĩva hiʼári oreko 7 túvo oñekonektáva pe tasón rehe. 3 Ha pe kandelávro ykére oĩ mokõi olívo máta,+ peteĩva oĩ pe kandelávro derécha gotyo ha ótro pe iskiérda gotyo”.
4 Upéi aporandu pe ánhel oñeʼẽvape chendive: “¿Mbaʼe piko heʼise koʼã mbaʼe che ruvicha?”. 5 Upémarõ pe ánhel oñeʼẽva chendive oporandu chéve: “¿Ndereikuaái piko mbaʼépa heʼise koʼã mbaʼe?”.
Ha che haʼe chupe: “No, ndaikuaái che ruvicha”.
6 Upéi haʼe heʼi chéve: “Péicha heʼi Jehová Zorobabélpe: ‘“Ndahaʼéi peteĩ ehérsito podér rupive, ni yvypóra podér rupive,+ síno che espíritu rupive la oikóta koʼã mbaʼe”,+ heʼi Jehová, umi ehérsito yvagapegua ruvicha. 7 Nde montáña tuichaitéva, ¿máva piko nde? Zorobabel+ renondépe oikóta ndehegui peteĩ yvy iplánova.*+ Ha haʼe oguerúta pe témplope pe ita oĩva yvatete* ha osapukáita: “¡Iporãitépa! ¡Iporãitépa!”’”.
8 Jehová oñeʼẽ jey chéve ha heʼi: 9 “Zorobabel iporupiete omoĩ vaʼekue ko témplo simiénto,+ ha iporupiete ojapopáta.+ Ha peikuaáta chembou hague pene rendápe Jehová, umi ehérsito yvagapegua ruvicha. 10 Pórke ¿máva piko oapoʼi raʼe pe día ojejapo ñepyrũrõ guare umi mbaʼe michĩva?*+ Umi hénte ningo ovyʼáta, ha ohecháta pe plomáda* Zorobabel pópe. Koʼã 7 ningo Jehová resa, ha ohecháta avei upéva, haʼe omaña hína opa mbaʼe oikóvare ko yvy ape ári”.+
11 Upémarõ aporandu pe ánhelpe: “¿Mbaʼe piko orrepresenta koʼã mokõi olívo máta, umi oĩva pe kandelávro derécha ha iskiérda gotyo?”.+ 12 Ha aporandu jey chupe: “¿Mbaʼe piko orrepresenta umi mokõi olívo rakã* oñehẽhágui hína pe líkido ojoguáva órope pe tasónpe, umi mokõi túvo de óro rupive?”.
13 Upémarõ haʼe oporandu chéve: “¿Ndereikuaái piko mbaʼépa heʼise koʼã mbaʼe?”.
Ha che akontesta chupe: “No, ndaikuaái che ruvicha”.
14 Haʼe heʼi: “Koʼã mbaʼe orrepresenta umi mokõi ojeporavo* vaʼekuépe. Haʼe hína Mburuvicha ko yvy tuichakuére, ha haʼekuéra oñemboʼy hína ijykére”.+
5 Amaña jey ha ahecha peteĩ visión rupive peteĩ kuatiañeʼẽ* ovevéva. 2 Ha pe ánhel oporandu chéve: “¿Mbaʼépa rehecha?”.
Ha che akontesta chupe: “Ahecha peteĩ kuatiañeʼẽ ovevéva, ipukúva 8 métro 90 sentímetro* ha ipéva 4 métro 45 sentímetro”.*
3 Upépe pe ánhel heʼi chéve: “Kóva hína pe maldisión osẽva ko yvy tuichakuére, pórke entéro umi mondaha+ ndojekastigái gueteri koʼág̃a peve, oĩháicha umi maldisión un ládo pe kuatiañeʼẽme, ha umi ijapúva ohura jave+ ndojekastigái gueteri koʼág̃a peve, oĩháicha umi maldisión pe ótro ládo pe kuatiañeʼẽme. 4 ‘Amondóma ko maldisión’, heʼi Jehová, umi ehérsito yvagapegua ruvicha, ‘ha oikéta pe mondaha rógape ha pe ijapúva rógape, upe ijapúva ohura jave che rérape, ha opytáta umíva rógape ha ohundipaitéta umi óga, umi ijyvyra ha ijitakuéra’”.
5 Upémarõ pe ánhel oñeʼẽva chendive oñemboja che rendápe ha heʼi chéve: “Emañamína, ha ehecha mbaʼépa la osẽva hína”.
6 Ha che aporandu: “¿Mbaʼe piko péva?”.
Ha haʼe heʼi chéve: “Pe osẽva haʼe hína peteĩ mbaʼyru oñemoĩha semílla”.* Ha heʼive chéve: “Péicha hína umi hénte ko yvy tuichakuére”. 7 Ha ahecha oñemopuʼãha pe mbaʼyru tápa de plómo ijapuʼáva, ha hyepýpe oĩha peteĩ kuña oguapýva hína. 8 Upépe haʼe heʼi: “Ko kuñáme oñembohéra Umi Mbaʼe Aña”. Upémarõ haʼe omyaña chupe oike jey hag̃ua pe mbaʼyrúpe, ha omboty pe mbaʼyru pe tápa de plómope.
9 Upéi amaña ha ahecha mokõi kuña ovevéva yvate pe yvytúre ha oñemoag̃uíva hína oúvo. Haʼekuéra ipepo, ha umi ipepo ojogua siguéña pepópe. Ha haʼekuéra ohupi pe mbaʼyru yvate yvágare.* 10 Upémarõ aporandu pe ánhel oñeʼẽvape chendive: “¿Moõ piko ogueraha hikuái pe mbaʼyru?”.
11 Haʼe okontesta chéve: “Ogueraha hikuái Sinárpe,*+ upépe omopuʼãta hikuái peteĩ óga pe kuñáme g̃uarã. Ha pe óga ojejapopa vove, oñemoĩta chupe upépe hendag̃uaitépe”.
6 Ha amaña jey ha ahecha peteĩ visión rupive 4 kárro de gérra oúva mokõi montáña paʼũgui, ha umi montáña ningo de kóvre vaʼekue. 2 Pe primer kárrope oitira umi kavaju pytãva, ha pe segundo kárrope umi kavaju hũva.+ 3 Pe tercer kárrope oitira umi kavaju morotĩva, ha pe cuarto kárrope umi kavaju iparáva ha iparaʼíva.+
4 Che aporandu pe ánhel oñeʼẽvape chendive: “Che ruvicha, ¿mbaʼe piko heʼise koʼã kárro de gérra?”.
5 Pe ánhel okontesta chéve: “Koʼãva hína umi 4 espíritu yvagapegua*+ osẽva oñepresenta rire Ñandejára renondépe, haʼe hína Mburuvicha ko yvy tuichakuére.+ 6 Pe kárro oitiráva umi kavaju hũ oho pe yvy oĩvape nórte gotyo,+ umi morotĩva oho pe yvy oĩvape oéste gotyo,* ha umi iparáva oho pe yvy oĩvape sur gotyo. 7 Ha umi iparaʼíva ohosetereíma voi orrekorre pe yvy otokahápe chupekuéra”. Upéi haʼe heʼi: “Tapeho perrekorre pe yvýre”. Ha oñepyrũ oho hikuái pe yvy otokahápe chupekuéra.
8 Upéi haʼe osapukái chéve ha heʼi: “Emañami, umi kavaju ohóva nórte gotyo ombopochyjera Jehová espíritu pe yvy oĩvape nórte gotyo”.
9 Jehová oñeʼẽ jey chéve ha heʼi: 10 “Ejagarra pe kontrivusión ogueru vaʼekue Heldái, Tobiya ha Jedayá umi hénte oĩvagui prisionéroramo. Ha upe díape reho vaʼerã Josías rógape, haʼéva Sofonías raʼy, ha reho vaʼerã umi ou vaʼekuéndi Babilóniagui. 11 Rejagarra vaʼerã pe pláta ha óro ha ejapo peteĩ koróna,* ha emoĩ pe súmo saserdóte Josué+ akãre, haʼéva Jehozadac raʼy. 12 Ha ere chupe:
‘Péicha heʼi Jehová, umi ehérsito yvagapegua ruvicha: “Koʼápe oĩ pe kuimbaʼe hérava Hoky.+ Haʼe heñóita pe lugár oĩhágui voi ha omopuʼãta Jehová témplo.+ 13 Haʼe hína upe omopuʼãtava Jehová témplo, ha chupe oñemeʼẽta pe podér ijojahaʼỹva. Haʼe oguapýta itrónope ha ogovernáta peteĩ rréicha, ha oikóta avei chugui saserdóte,+ ha ojapóta umi mokõi tembiapo* ikatu hag̃uáicha ogueru pyʼaguapy umi héntepe. 14 Ha pe koróna* opytáta pe témplope ikatu hag̃uáicha Jehová imanduʼa upe ojapo vaʼekuére Hélem, Tobiya, Jedayá, ha Hen, haʼéva Sofonías raʼy. 15 Ha umi oĩva mombyry oúta ha omopuʼãta avei Jehová témplo”. Ha peẽ peikuaáta chembou hague pene rendápe Jehová, umi ehérsito yvagapegua ruvicha. Ha upéva oikóta... peẽ pesegíramo pehendu pende Jára Jehová ñeʼẽ’”.
7 Pe cuarto áño ogoverna haguépe rréi Darío, pe cuarto díape pe noveno méspe, upéva hína pe mes de Kislev,* Jehová oñeʼẽ Zacaríaspe.+ 2 Umi hénte Betelpegua omondo Sarézer ha Réguem-Mélecpe ha umi kuimbaʼe oĩvape hendive ojerure asy hag̃ua Jehovápe imbaʼeporã hag̃ua hendivekuéra, 3 ha heʼi hag̃ua umi saserdóte oĩvape Jehová rógape,* umi ehérsito yvagapegua ruvicha, ha umi profétape: “¿Ore* piko rojaheʼo vaʼerã pe quinto méspe,+ ha roajuna vaʼerã piko rojapóma haguéicha voi hetaite áñore?”.
4 Jehová, umi ehérsito yvagapegua ruvicha, oñeʼẽ jey chéve ha heʼi: 5 “Ere enterove umi hénte oĩvape ko yvýpe ha umi saserdótepe: ‘Peẽ peajuna ha pejaheʼórõ guare 70 áño+ aja pe quinto méspe ha pe séptimo méspe,+ ¿peẽ piko peajuna raʼe cherehehápe? ¿ndahaʼéi piko raʼe penderehehápe? 6 Ha pekaru ha pemokõrõ guare peikóvo, ¿peẽ piko napepensái raʼe pendejehénte pekaru ha pemokõrõ guare? 7 ¿Peẽ piko ndapejapói vaʼerã kuri umi mbaʼe Jehová heʼi vaʼekue umi iproféta yma guare+ rupive? Upérõ ningo oĩ vaʼekue gueteri oikóva pyʼaguapýpe Jerusalénpe ha umi isiuda oĩvape ijerére, ha oĩ vaʼekue gueteri avei oikóva pe Néguebpe ha Sefelápe’”.
8 Jehová oñeʼẽ jey Zacaríaspe ha heʼi chupe: 9 “Péicha heʼi Jehová, umi ehérsito yvagapegua ruvicha: ‘Peporohusga hustísia teetépe,+ ha pejoayhueterei*+ ha pejoporiahuvereko. 10 Ani pembotavy pe viúda ha pe mitã tyreʼỹme, pe extranhérope ni pe imboriahúvape, ha ani pekalkula pende pyʼapýpe pejapo hag̃ua ivaíva ojuehe’. 11 Péro haʼekuéra lomímonte naiñeʼẽrendúi chéve ha ikaprichósogui oñemolómo chehegui, ha omboty hikuái ijapysa ani hag̃ua ohendu. 12 Haʼekuéra omohatã ikorasõ peteĩ diamánteicha* ha nokumplíri pe léi* ha umi mbaʼe Jehová, umi ehérsito yvagapegua ruvicha, heʼika vaʼekue chupekuéra ijespíritu rupive, ha upearã haʼe ojevale vaʼekue umi profetakuéra ymave guarére. Upéicha rupi ipochyeterei vaʼekue Jehová, umi ehérsito yvagapegua ruvicha”.
13 “‘Haʼekuéra nohendúi haguéicha che ahenóirõ* guare chupekuéra, upéicha avei che nahendúi vaʼekue chupekuéra cherenóirõ guare’, heʼi Jehová, umi ehérsito yvagapegua ruvicha. 14 ‘Ha amosarambi chupekuéra peteĩ torménta vaípe entéro umi nasión haʼekuéra ndoikuaái vaʼekuépe. Ha pe yvy oheja vaʼekue hikuái opyta nandi vera, ha avave ndohasavéi upérupi ni ndohojeýi upépe, pórke ojapo hikuái pe yvy porãitégui peteĩ lugár oporomongyhyjéva’”.
8 Jehová, umi ehérsito yvagapegua ruvicha, oñeʼẽ jey chéve ha heʼi: 2 “Péicha heʼi Jehová, umi ehérsito yvagapegua ruvicha: ‘Che ahayhu ha cherakateʼỹeterei Sion rehe,+ ha pochy reheve adefendéta chupe cherakateʼỹeterei rupi hese’”.
3 “Péicha heʼi Jehová: ‘Aju jeýta Siónpe+ ha aikóta Jerusalénpe,+ ha Jerusalénpe oñehenóita siuda de konfiánsa,*+ ha Jehová, umi ehérsito yvagapegua ruvicha montáñape oñehenóita montáña sagráda’”.+
4 “Péicha heʼi Jehová, umi ehérsito yvagapegua ruvicha: ‘Umi karai ha kuñakarai ijedámava oguapy jeýta Jerusalén plasakuérape, káda uno ivastón ipópe ijedaitereíma rupi.*+ 5 Ha pe siuda plasakuérape henyhẽtéta mitãʼi ha mitãkuñaʼi ohugáva upépe’”.+
6 “Péicha heʼi Jehová, umi ehérsito yvagapegua ruvicha: ‘Ha umi día haʼetéramo jepe ijetuʼuetereítava umi hénte hembývape ko puévlope, ¿chéve g̃uarã piko haʼetéta avei la ijetuʼuetereíva?’, heʼi Jehová, umi ehérsito yvagapegua ruvicha”.
7 “Péicha heʼi Jehová, umi ehérsito yvagapegua ruvicha: ‘Aguenohẽta che puévlope umi yvy oĩvagui éste ha oéstepe.*+ 8 Aguerúta chupekuéra Jerusalénpe ha oikóta hikuái upépe.+ Oikóta chuguikuéra che puévlo, ha che haʼéta Ijára+ ojapóva opa mbaʼe añetegua ha hustísiape’”.
9 “Péicha heʼi Jehová, umi ehérsito yvagapegua ruvicha: ‘Pendepyʼaguasúke ha pemombarete pende po+ pembaʼapo hag̃ua, koʼág̃a peẽ pehendúva hína koʼã mbaʼe osẽva umi proféta jurúgui.+ Haʼekuéra heʼíma vaʼekue voi koʼã mbaʼe pe día oñemboguapýrõ guare pe simiénto ojejapo hag̃ua pe témplo, haʼéva hína Jehová róga, umi ehérsito yvagapegua ruvicha. 10 Pórke upe tiémpope ndojepagái vaʼekue umi kuimbaʼépe ni hymbakuérape umi traváho ojapo vaʼekuére.+ Ha umi oviahávape g̃uarã ndaisegúroi vaʼekue ohasa upérupi umi enemígo káusare, pórke che aheja vaʼekue umi héntepe oñakontrariapa ojuehe’.
11 ‘Péro koʼág̃a ndakastigamoʼãi umi hembývape ko puévlope ymave ajapo haguéicha’,+ heʼi Jehová, umi ehérsito yvagapegua ruvicha. 12 ‘Pórke oñeñotỹta pe semílla oguerútava pyʼaguapy, pe parrál hiʼáta ha pe yvy oprodusi porãta,+ ha oguapýta pe ysapy hoʼáva yvágagui. Entéro koʼã mbaʼe ahejáta imbaʼerã umi hénte hembývape ko puévlope.+ 13 Peẽ Judá rogaygua ha Israel rogaygua: peẽ peñemaldesi haguéicha umi nasionkuéra apytépe,+ che posalváta ha povendesíta* avei.+ ¡Pendepyʼaguasúkena*+ ha ani pekyhyje!’.+
14 Pórke péicha heʼi Jehová, umi ehérsito yvagapegua ruvicha: ‘“Adesidíma haguéicha agueru pende ári umi mbaʼe vai, pende tuakuéra ypykue chembopochy haguére, ha nambyasýi vaʼekue ajapóta haguére upéva”,+ heʼi Jehová, umi ehérsito yvagapegua ruvicha, 15 “péicha avei ko tiémpope adesidíma ajapotaha iporãva umi hénte oikóvare Jerusalén ha Judápe.+ ¡Aníke pekyhyje!”’.+
16 ‘Koʼãva hína umi mbaʼe peẽ pejapo vaʼerã: peje vaʼerã ojupe siertoguáva,+ ha pende siudakuéra rokẽme peporohusga vaʼerã asegún pe siertoguávante, ha umi huísio ogueru vaʼerã pyʼaguapy.+ 17 Ani pekalkula pende pyʼapýpe pejapo hag̃ua ivaíva ojuehe,+ ha anive pendejapu pehurávo,+ pórke che ndachaʼéi koʼã mbaʼére’,+ heʼi Jehová”.
18 Ha Jehová, umi ehérsito yvagapegua ruvicha, oñeʼẽ jey chéve ha heʼi: 19 “Kóicha heʼi Jehová, umi ehérsito yvagapegua ruvicha: ‘Ojejapo vove pe ajúno pe cuarto méspe,+ pe quinto méspe,+ pe séptimo méspe+ ha pe décimo méspe+ igustoitereíta ha ojevyʼáta Judápe, umíva haʼéta fiésta ojevyʼa hag̃ua.+ Upévare, pehayhúkena umi mbaʼe siertoguáva ha pejapo umi mbaʼe oguerúva pyʼaguapy’.
20 Péicha heʼi Jehová, umi ehérsito yvagapegua ruvicha: ‘Og̃uahẽta gueteri hína pe tiémpo outaha umi puévlo ha umi hénte heta siudagua. 21 Ha umi oikóva peteĩ siudápe ohóta umi hénte ótro siudagua rendápe, ha heʼíta: “Jaha pyaʼe porã jajerure asy Jehovápe imbaʼeporã hag̃ua ñanendive, ha jaheka Jehovápe, umi ehérsito yvagapegua ruvicha. Ha ore rohóta avei”.+ 22 Heta puévlo ha umi nasión ipoderósova oúta Jerusalénpe oheka hag̃ua Jehovápe, umi ehérsito yvagapegua ruvicha,+ ha ojerure asy Jehovápe imbaʼeporã hag̃ua hendivekuéra’.
23 Péicha heʼi Jehová, umi ehérsito yvagapegua ruvicha: ‘Umíva umi díape 10 kuimbaʼe oñeʼẽva opaichagua idióma oĩva umi nasiónpe,+ oñakarama hatãta peteĩ judío* aóre,* ha heʼíta: “Ore rohose penendive,+ pórke rohendu Ñandejára oĩha penendive”’”.+
9 Ñandejára heʼi ko mbaʼe iñimportantetéva:
pórke Jehová ojesareko hína yvyporakuérare,+
ha kompletoite Israel trivukuérare.
3 Tiro omopuʼã umi murálla* ojeprotehe hag̃ua.
Haʼe ombyaty ha oreko hetaiterei pláta yvytimbóicha,
ha hetaiterei óro oĩháicha tuju umi kállere.+
5 Asquelón ohecháta upéva ha okyhyjéta,
Gaza ojepyʼapyetereíta.
Avei Ecrón, pórke oñemotĩ upe iñesperánsa.
Pe rréi Gazapegua omanóta,
ha avave ndoikomoʼãvéima Asquelónpe.+
6 Peteĩ extranhéro opytáta oiko Asdódpe,
ha amonáta yvýre umi filisteo oñemombaʼeguasuha.+
7 Aipeʼáta ijurúgui pe soʼo pedáso huguypáva,
ha hãinguágui umi mbaʼe oporombojeguarúva.
Ha oimeraẽ hembýva chugui opytáta Ñandejárape g̃uarã,
ha haʼe opytáta peteĩ héfeicha omoakã* Judápe,+
ha umi hénte oikóva Ecrónpe opytáta umi jebuséoicha.+
8 Amoĩta che kampaménto che róga renondépe aprotehe hag̃ua.*+
Ndahejamoʼãi ni peteĩ ehérsito ohasa pe territóriore ha upéi oho jey,
Pórke koʼág̃a ahecháma upéva* che resarupiete.
9 Evyʼaitereíkena siuda de Sion.
Esapukáikena egana haguére siuda de Jerusalén.
10 Aipeʼáta Efraíngui umi kárro de gérra,
ha Jerusaléngui umi kavaju.
Ojepeʼáta umi árko oipurúva umi gerréro opoi hag̃ua flécha.
Haʼe oanunsiáta pyʼaguapy umi nasionkuérape.+
Pe igoviérno ojagarráta peteĩ mar guive ótro mar peve,
Rrío Éufrates guive umi lugár mombyryveha peve ko yvy ape ári.+
11 Nde katu Sion, pe tuguy ojepurúva rupive ojejapo hag̃ua chendive pe kompromíso,
aguenohẽta umi ne prisionerokuérape pe yvykuágui.+
12 Peẽ prisionéro perekóva esperánsa, tapeho jey pe lugár isegúro porãvape.+
Koestedía haʼe ndéve:
‘El dóvle apagáta ndéve Sion.+
13 Aipurúta Judápe che árkoramo apoi hag̃ua flécha.
Aipurúta Efraínpe peteĩ fléchaicha che árkope g̃uarã.
Sion, amombáyta ne membykuérape,
oñemoĩ hag̃ua Grecia membykuéra kóntrape.
Ha peteĩ gerréro espádaicha ajapóta ndehegui Sion’.
14 Jehová ohechauka porãta oĩha ipuévlondi,
ha iflécha ohóta hatãiterei ku araveráicha.
Ñandejára Jehová ogovernáva opa mbaʼe ombopúta pe turu,+
ha ouháicha súrguio pe yvytu atã, péicha avei ohóta oñorairõ iñenemigokuérandi.
15 Jehová, umi ehérsito yvagapegua ruvicha, odefendéta ipuévlope,
iñenemigokuéra opoíta hesekuéra ita óndape,* péro haʼekuéra oganáta umi iñenemigokuérape.+
Haʼekuéra ovyʼáta ha osapukáita hína hoʼuramoguáicha víno,
henyhẽtéta hikuái vyʼágui, henyhẽháicha umi tasón ojepurúva umi sakrifisiorã,
umi altár eskína henyhẽháicha tuguýgui.+
16 Ijarakuéra Jehová osalváta chupekuéra upe díape,
peteĩ pastór osalvaháicha ijovechakuérape.+
Pórke ojoguáta hikuái umi ita iporãitereívape oñemoĩva peteĩ koróna rehe, ojajaipáva hína ijyvýpe.+
17 ¡Pórke haʼe ningo imbaʼeporãiterei,+
ha mbaʼeichaitépa haʼe ojajaipa!
10 “Pejerure Jehovápe oky hag̃ua primavéra tiémpope.
Jehová hína upe ojapóva umi arai hũ torménta jave,
Upe omboúva ama yvyporakuérape,+
ha omeʼẽ enterovépe umi mbaʼe oprodusíva pe yvy.
2 Pórke umi dios raʼanga* heʼi japu,*
ha umi ojapóva adivinasión ohecha visión japu.
Oñeʼẽ hikuái umi suéño ndovaléivare mbaʼeverã,
ha reiete oñehaʼã oporokonsola.
Upévare okorre reíta hikuái umi ovecháicha.
Osufríta hikuái, ndaipóri rupi pastór.
3 Che chepochyeterei umi pastór rehe,
ha akovráta umi kuimbaʼe oporomoakãva ombohasa asývape hapichápe,*
pórke Jehová, umi ehérsito yvagapegua ruvicha, oñatende jeýma ijovechakuérare,+ Judá rogayguáre,
ha haʼe ojapo chuguikuéra ikavajurã imbarete ha ojajaipáva gerrahápe g̃uarã.
4 Chugui ou hína upe kuimbaʼe iñimportantevéva oporomoakãva,*
chugui ou hína pe oporogovernáva ha oporopytyvõva,*
chugui ou pe árko ha flécha oñeñorairõ hag̃ua,
chugui ou entéro umi enkargádo,* enterove haʼekuéra osẽ chugui.
5 Ha oikóta chuguikuéra gerréro,
opyrũmbáta hikuái tujúpe umi kállere oñorairõ jave.
6 Amombaretevéta Judá rogayguápe entéro umi ótrogui,
ha asalváta José rogayguápe.+
Che agueru jeýta chupekuéra ijyvýpe,
pórke aiporiahuverekóta chupekuéra,+
oikóta hikuái yma arrechasa mboyve guaréicha chupekuéra,+
pórke che hína Ijarakuéra Jehová, ha akontestáta chupekuéra iñemboʼe.
7 Umi Efrainguágui oikóta gerréro ipoderósova,
ha ipyʼarorýta hikuái hoʼuramoguáicha víno,+
umi itaʼyrakuéra ohecháta upéva ha ovyʼáta avei,
ipyʼarorýta hikuái Jehová reheve.+
8 ‘Aturuñeʼẽta ambyaty hag̃ua chupekuéra,
pórke che apagáta hesekuéra opyta hag̃ua lívre,+ ha hetaitereíta hikuái,
ha osegíta oñemboheta hetave hikuái.
9 Amosarambíramo jepe chupekuéra semíllaicha umi puevlokuérare,
imanduʼáta hikuái cherehe oĩ aja umi lugár mombyryvehápe jepe,
umi itaʼyrakuéra ndive oñemombarete ha oñemokyreʼỹ jeýta, ha ou jeýta hikuái.
10 Agueru jeýta chupekuéra Egíptogui,
ha ambyaty jeýta chupekuéra Asíriagui,+
agueru jeýta chupekuéra Galaádpe+ ha pe Líbanope,
ha michĩta chupekuéra g̃uarã upe lugár.+
11 Pe mar ohapejoko vove chupekuéra,
ahasáta upérupi ha ajokóta umi ijoláda,+
ha pe Rrío Nilo ohapejoko vove chupekuéra, ambohypáta.
12 Ha che Jehová, amombaretevéta chupekuéra enterove umi ótrogui,+
11 “Líbano, eavri umi ne rokẽ,
ikatu hag̃uáicha tata ohapypa nde sedrokuéra.
2 ¡Eñelamenta enévro, pórke pe sédro hoʼáma,
umi yvyramáta tuichaicháva ningo oñehundipáma!
¡Peñelamenta peẽ yvyramáta guasu* oĩva Basánpe,
pórke pe kaʼaguy tuichaitéva ojeitypáma!
3 ¡Pehendumína! Umi pastór oñelamenta hína,
pórke umi ipastoty iporãitéva oñehundipaitéma.
¡Pehendumi! Umi león raʼy okororõ hína,
pórke oñehundipaite umi ñanandy vai oĩva pe Jordán orílla pukukuére.
4 Péicha heʼi che Jára Jehová: ‘Eñangareko ko puévlore ojoguáva umi ovecha ojejukátavape hína,+ 5 umi opaga vaʼekue hesekuéra ojuka chupekuéra,+ ha ndojekulpái umi ojapo vaʼekuépe upéva. Ha umi ovendéva umi ovecha+ heʼi: “Toñemombaʼeguasu Jehovápe, pórke che cherríkota”. Ha umi ipastór nombyasýi chupekuéra’.+
6 ‘Che ndaiporiahuverekomoʼãvéima umi hénte oikóvape ko yvy ape ári’, heʼi Jehová. ‘Upévare ahejáta chupekuéra oñombohasa asy ojupe, ha pe rréi ombohasa asýta avei chupekuéra, ohundíta hikuái pe yvy ha ndasalvamoʼãi chupekuéra umíva poguýgui’”.
7 Peẽ ovecha peñembohasa asýva, penderehehápe añepyrũ kuri añangareko umi ovecha ojejukátavare.+ Upémarõ ajagarra mokõi vastón, peteĩme ambohéra Mbaʼeporã, ha pe ótrope ambohéra Unida,+ ha añepyrũ añangareko umi ovecháre. 8 Ha un méspente amosẽma mbohapy pastórpe, pórke che* nachepasiensiavéi hesekuéra, ha haʼekuéra* ndochaʼéi avei cherehe. 9 Ha che haʼe: “Nañangarekomoʼãvéima hesekuéra. Pe omano mbotáva hína tomano, ha pe oñehundi potáva toñehundi. Ha umi hembýva katu, toʼu hapicha roʼo”. 10 Upémarõ ajagarra ha aikytĩmbaite en pedáso pe che vastón hérava Mbaʼeporã,+ ha péicha ahundi pe kompromíso ajapo vaʼekue enterove umi puévlondi. 11 Upe díape ahundi pe kompromíso ajapo vaʼekue, ha umi ohasa asýva hína umi ovechakuéra apytépe ha omañáva cherehe ohechakuaa oñekumpli hague Jehová heʼi vaʼekue.
12 Upémarõ haʼe chupekuéra: “Oĩ porãramo peẽme g̃uarã, pepaga chéve che suéldo, péro nahániriramo katu anínte pepaga chéve”. Ha opaga* chéve hikuái che suéldo, ohupytýva 30 monéda* de pláta.+
13 Upémarõ Jehová heʼi chéve: “Emombo upéva pe lugár oñeñongatuhápe umi tesóro... che ningo pévante la avaléva chupekuéra g̃uarã”.+ Upémarõ ajagarra umi 30 monéda* de pláta, ha amombo pe tesoreríape Jehová rógape.+
14 Upémarõ aikytĩmbaite en pedáso pe ótro che vastón hérava Unida,+ ha péicha aipeʼa ojuehegui Judá ha Israélpe anive hag̃ua oiko oñoermánoicha.+
15 Ha Jehová heʼi chéve: “Koʼág̃a ejagarra umi tembiporu oipurúva umi pastór arruinádo.+ 16 Pórke ahejáta peteĩ pastór oñenkarga ko yvýre. Haʼe noñangarekomoʼãi umi ovecha omano mbotávare+ hína, ni ndoikomoʼãi oheka pe ovecha raʼýpe, ni nomongueramoʼãi pe oñelastima+ vaʼekuépe, ni nomongarumoʼãi pe hesãivape. Upéva rangue, hoʼúta pe ovecha ikyráva roʼokue+ ha oipysãpẽʼombáta umi ovechápe.+
17 ¡Aichejáranga pe che pastór arruinádo,+ oheja reíva umi ovechakuérape!+
Peteĩ espáda oikutúta chupe ijyvápe ha hesa a la derechapeguápe.
Pe ijyva oñehundietéta,
ha pe hesa a la derechapegua opytáta siegoite”.*
12 Ñandejára heʼi ko mbaʼe iñimportantetéva:
Jehová heʼi: “Jehová heʼi péicha Israel rehe”,
haʼe hína upe oipysóva pe yvága ko yvy ape ári,+
upe omopyenda vaʼekue ko yvy,+
upe ojapo vaʼekue yvypóra rekove.*
2 “Ápe ajapóta hína Jerusaléngui peteĩ kópa* omongaʼúva enterove umi puévlo oĩvape ijerére, ha iñenemígo omongoráta Judá ha Jerusalénpe.+ 3 Upe díape ajapóta Jerusaléngui peteĩ ita ipohýiva enterove umi puévlope g̃uarã. Ha enterove umi ohupíva ko ita katuete oñelastima vaíta,+ ha entéro umi tetãnguéra oĩva ko yvy ape ári oñembyatýta ikóntrape.+ 4 Upe díape”, heʼi Jehová, “amondýi vaipáta umi kavajúpe ha ambotavyraíta umi ohóvape hiʼári. Ajesarekóta Judá rogayguáre, péro ambosiégota umi puévlo kavajukuérape. 5 Ha umi héfe omoakãva* Judá heʼíta ipyʼapýpe: ‘Umi oikóva Jerusalénpe haʼe hína ore fuérsa oúva Jehovágui, haʼe hína umi ehérsito yvagapegua ruvicha ha Ijarakuéra’.+ 6 Upe díape umi héfe omoakãvagui Judá ajapóta tatapỹi hendývaicha peteĩ vrasérope jepeʼa apytépe, ha peteĩ antórcha hendýva, oĩva un líño trígo oñekytĩ vaʼekue apytépe,+ ha umíva ohapypaitéta umi puévlo oĩvape ijerére, tahaʼe a la derécha térã a la iskiérda,+ ha umi Jerusalengua oiko jeýta isiudápe,* Jerusalénpe.+
7 Ha Jehová osalváta tenonderãite Judá róga karpakuéra, ani ág̃a oñembotuicha* rupi David rogaygua ha oñembotuicha* rupi umi oikóva Jerusalénpe, ou tuichaitereive Judágui. 8 Upe díape Jehová oprotehéta peteĩ eskúdoicha umi oikóvape Jerusalénpe,+ upe díape upe oñepysangáva* ijapytepekuéra imbaretéta David imbarete haguéicha, ha David rogaygua ipoderósota Ñandejáraicha, ojoguáta voi Jehová ánhelpe ogiáva hína pe puévlope.+ 9 Ha upe díape che ahundíta katuete enterove umi tetãnguéra oúvape Jerusalén kóntrape.+
10 Ahykuavóta che espíritu David rogaygua ári ha umi Jerusalengua ári, che aguerohorýta chupekuéra ha ahendúta chupekuéra ombaʼejerure asy jave. Haʼekuéra ojesarekóta upe kuimbaʼe oikutu vaʼekuére hikuái,+ ha ojaheʼóta hese ojaheʼoháicha hikuái itaʼýra peteĩmíre, ha oñembyasyetereíta hese ku omanorõguáicha pe itaʼýra ypykue. 11 Upe díape tuichaiterei ojejaheʼóta Jerusalénpe, ojejaheʼoháicha Hadadrimónpe, oĩva Meguidó Ñúme.+ 12 Pe yvy kompletoite ojaheʼóta. Káda família ojaheʼóta apárte, David rogaygua ojaheʼóta apárte, ha umi kuñanguéra oĩva upépe ojaheʼóta apárte, Natán+ rogaygua ojaheʼóta apárte, ha umi kuñanguéra oĩva upépe ojaheʼóta apárte. 13 Leví+ rogaygua ojaheʼóta apárte, umi kuñanguéra oĩva upépe ojaheʼóta apárte, Simeí+ rogaygua ojaheʼóta apárte, umi kuñanguéra oĩva upépe ojaheʼóta apárte, 14 ha enterove umi família hembýva, káda família ojaheʼóta apárte, ha umi kuñanguéra oĩva upépe ojaheʼóta apárte”.
13 “Upe díape ojejoʼóta peteĩ póso David rogayguápe g̃uarã ha umi oikóvape g̃uarã Jerusalénpe, ikatu hag̃uáicha oñemopotĩ chupekuéra pekádo ha mbaʼe kyʼágui.+
2 Upe díape”, heʼi Jehová, umi ehérsito yvagapegua ruvicha, “ahundíta umi dios raʼanga ko yvy ape árigui,+ ha avavéma naimanduʼamoʼãvéi hesekuéra, ha aipeʼáta ko yvy ape árigui umi proféta+ ha pe podér oúva umi demóniogui.* 3 Ha peteĩ kuimbaʼe oprofetisa jeýramo, itúa ha isy ogueru vaʼekue chupe ko múndope heʼíta: ‘Remanóta, pórke ere eikóvo japu Jehová rérape’. Ha pe isy ha itúa ogueru vaʼekue chupe ko múndope oikutúta chupe espádape umi mbaʼe oprofetisa vaʼekuére.+
4 Upe díape káda uno umi proféta otĩta umi visión omombeʼúvare oprofetisa jave, ha nomondemoʼãi hikuái umi ao oipurúva umi proféta+ oporombotavy hag̃ua. 5 Ha haʼe heʼíta: ‘Che ndahaʼéi proféta. Che ningo peteĩ kokueséro, pórke peteĩ karai chejogua vaʼekue ijesklavorã chemitãrõ guare’. 6 Ha oĩramo oporandúva chupe: ‘¿Mbaʼéicha rupi piko reguereko koʼã erída ne lómore?’.* Haʼe heʼíta: ‘Añelastima kuri che amigokuéra* rógape’”.
7 “Espáda, epuʼã che pastór kóntrape,+
pe kuimbaʼe chemoirũva kóntrape”, heʼi Jehová, umi ehérsito yvagapegua ruvicha.
ha unos kuántonte hembýta ha opytáta ko yvy ape ári.
9 Pe óro ha pláta oñembohasaháicha tatárupi oñemopotĩ hag̃ua,+
péicha avei ajapóta umi hembývare
ha ahejáta chupekuéra potĩ asy.
Haʼekuéra oipurúta che réra oñemboʼe jave,
ha che akontestáta chupekuéra.
Che haʼéta: ‘Haʼekuéra ningo che puévlo’,+
ha haʼekuéra heʼíta: ‘Jehová ningo ore Jára’”.
14 “¡Emañamína! Og̃uahẽta hína pe día, peteĩ día haʼéva Jehová mbaʼe, ha upe díape umi mbaʼe ojesakea vaʼekue ndehegui* ojerrepartíta pe siuda mbytépe. 2 Ambyatýta kompletoite umi nasiónpe oñorairõ hag̃ua Jerusalén kóntrape, ha pe siuda ojejagarráta ha umi óga ojesakeapáta ha umi kuñanguérape ojevioláta. Alamita umi hénte oikóva pe siudápe ojegueraháta prisionéroramo, péro umi hénte hembýva ndojeguerahamoʼãi pe siudágui.
3 Jehová osẽta oñorairõ umíva umi nasión kóntrape+ oñorairõma haguéicha ymave umi iñenemigokuéra kóntrape.+ 4 Upe díape haʼe oñemboʼýta pe Sérro Olivoty+ ári, oĩva Jerusalén rovái éste gotyo, ha pe Sérro Olivoty oñembojaʼóta mbytépe, éste* guive oéste* peve. Ha opytáta upépe peteĩ montáña paʼũ* tuichaitereíva, ha pe montáña alamitare omýita nórte gotyo ha pe ótro alamitare omýita sur gotyo. 5 Peẽ pehóta pekañy umi che montáña paʼũme, pórke pe lugár* oĩva umi montáña paʼũme og̃uahẽta Azel peve. Peẽ pehóta pekañy, pejapo haguéicha oúrõ guare pe terremóto rréi Uzías de Judá+ tiémpope. Ha Ñandejára Jehová oúta, ha hendive oĩta entéro umi sánto.+
6 Upe díape ndaiporimoʼãi lus ohesapéva...+ ha entéro mbaʼe oñekonheláta.* 7 Ko díare ojeʼéta haʼeha Jehová día.+ Ndojepillamoʼãi de díapa térãpa pyhare hína, ha kaʼaruete hesakãta gueteri. 8 Upe díape osyrýta Jerusaléngui+ y oporomoingovéva,+ ha alamita ohóta pe mar oĩvape éstepe,*+ ha pe ótro alamita ohóta pe mar oĩvape oéstepe.*+ Upéva oikóta veráno ha inviérnope. 9 Jehovágui oikóta Rréi ko yvy tuichakuére.+ Upe díape enterove oadoráta Jehovápe añoiténte,+ ha héra añoite omombaʼeguasúta hikuái.+
10 Pe país kompletoite ojoguáta pe Arabápe,+ Gueba+ guive Rimón+ peve, oĩva sur gotyo Jerusaléngui. Ha Jerusalén oñemopuʼã jeýta ha umi hénte oiko jeýta isiudápe,+ Benjamín Rokẽ+ guive oĩha meve pe Primer Okẽ, ha oho hese oĩha meve pe Okẽ Eskinapegua, ha pe Tórre de Hananel+ guive oĩha meve pe lugár ojeaplastahápe parrál ojejapo hag̃ua víno, haʼéva pe rréi mbaʼe. 11 Ha umi hénte oiko jeýta upépe, ha arakaʼeve noñekondenamoʼãvéima oñehundi hag̃ua,+ ha Jerusalénpe ojeikóta segúro porã.+
12 Koʼãva hína umi mbaʼasy oguerútava Jehová umi puévlo ári, umi puévlo oñorairõva Jerusalén kóntrape:+ haʼekuéra oikove aja gueteri hoʼokuéra oñembyaipáta, hesakuéra itujúta hesakuápe voi, ha ikũnguéra itujúta ijurúpe voi.
13 Upe díape Jehová tuichaiterei omondýi ha okonfundipáta chupekuéra, ha káda uno oñakaramáta hapicháre, ha ojoatakáta hikuái.+ 14 Judá oñorairõta avei Jerusalén ykére, ha entéro umi rrikésa orekóva umi nasión oĩva ijerére oñembyatypaitéta, hetaiterei óro, pláta ha ao.+
15 Ha peichagua mbaʼasy ohupytýta avei umi kavajúpe, umi mburikápe, umi kaméllope, umi vúrrope ha entéro umi animál oĩvape umi iñenemigokuéra kampaméntope.
16 Enterove umi hembýva umi nasión ou vaʼekuégui Jerusalén kóntrape ohóta avei Jerusalénpe káda áño oñesũ*+ hag̃ua pe Rréi Jehová renondépe, umi ehérsito yvagapegua ruvicha,+ ha omboarete hag̃ua pe Fiésta de las Kaváñas.*+ 17 Péro oimeraẽ família oĩva ko yvy ape ári ndohóiramo Jerusalénpe oñesũ hag̃ua pe Rréi Jehová renondépe, umi ehérsito yvagapegua ruvicha, ndokymoʼãi chupekuéra.+ 18 Ha umi família oĩva Egíptope ndohóiramo oike Jerusalénpe, ndokymoʼãi chupekuéra. Upéva rangue Jehová oguerúta umi egipcio ári umi mbaʼasy oguerútava umi nasión ári, umi nasión ndohóivape omboarete hag̃ua pe Fiésta de las Kaváñas. 19 Péicha ojekastigáta Egíptope ipekádore ha entéro umi nasiónpe ipekádore, umi ndohóivape omboarete hag̃ua pe Fiésta de las Kaváñas.
20 Upe díape koʼã ñeʼẽ ojeskrivíta umi kampanílla osaingóvare umi kavaju ajúrare: ‘¡Jehová mbaʼe hína pe santida!’.+ Ha umi ólla*+ oĩva Jehová rógape ojoguáta umi tasón+ oĩvape pe altár renondépe. 21 Ha kompletoite umi ólla* oĩva Jerusalénpe ha Judápe sagrádota ha haʼéta Jehová mbaʼe, umi ehérsito yvagapegua ruvicha. Ha entéro umi ojapóva sakrifísio oikéta ha oipurúta umíva ombojy hag̃ua soʼo. Upe díape ndaiporimoʼãvéima cananeo* Jehová rógape, umi ehérsito yvagapegua ruvicha”.+
Darío Primero, térã Darío el Grande.
Heʼiséva: “Jehová imanduʼáma”.
Térã: “Pejeína”.
Ehecha Info. B15.
Hebréope: “umi 4 viénto oĩvare yvágape”.
Térã: “cheresapoʼẽ hína”.
Térã: “nde kúlpa”.
Térã: “ao ojepurúva umi seremóniape”.
Ehecha Dik.
Hebréope: “che rógape”.
Térã: “opytáta nde kárgope”.
Amalisia upéva heʼise oĩha 7 tesa omañáva hína pe itáre.
Térã: “ñu guasu”.
Térã: “ita eskinapegua”.
Térã: “michĩmírõ guare”.
Hebréope: “pe ita, pe estáño”.
Umíva hína umi yvyra rakã hetaiterei hiʼáva.
Térã: “oñeunhi”. Ehecha Dik.
Térã: “rróllo”. Ehecha Dik.
Hebréope: “20 codo”. Ehecha Info. B14.
Hebréope: “10 codo”.
Hebréope: “efá”. Kóva hína peteĩ mbaʼyru térã kanásto oñemediha un efá. Un efápe ija hína 22 lítro. Ehecha Info. B14.
Hebréope: “éntre pe yvy ha pe yvága”.
Upéva hína Babilonia.
Koʼápe ikatu oñeñeʼẽ hína 4 grúpo de ánhel rehe.
Térã: “amo gotyove pe márgui”.
Térã: “koróna ojajaipáva”.
Upéva heʼise umi tembiapo ojapótava governánte ha saserdóteramo.
Térã: “koróna ojajaipáva”.
Ehecha Info. B15.
Térã: “témplope”.
Hebréope: “Che”.
Térã: “pehechauka ojupe mborayhu ifiélva”. Ehecha Dik.
Ikatu avei: “peteĩ ita hatãitereívaicha”, ojoguáva peteĩ ita héravape esmeríl.
Térã: “instruksión”.
Hebréope: “haʼe ohenóirõ”.
Térã: “añeteguáva”.
Hebréope: “oreko rupi hetaiterei día”.
Térã: “pe yvy oĩvagui kuarahyreike ha pe yvy oĩvagui kuarahyresẽ gotyo”.
Térã: “peẽ rupive oñevendesíta”.
Térã: “Pemombarete pende po”.
Hebréope: “peteĩ kuimbaʼe judío”.
Térã: “ao ruguáire”.
Hebréope: “haʼe pe lugár opytuʼuha”.
Térã: “lugár isegúro porãva”.
Hebréope: “héke”. Umi héke haʼe vaʼekue umi kuimbaʼe omoakãva peteĩ trívu.
Térã: “peteĩ guárdiaicha”.
Térã: “omandáva ótrope hembiaporã”.
Upéva heʼise ohechaha ipuévlo ohasa asyha.
Térã: “ha ogana, ojesalva”.
Térã: “vúrro mácho”.
Ehecha Dik.
Hebréope: “vírhenpe”.
Hebréope: “terafim”. Ehecha Dik.
Térã: “umi mbaʼe máhikova, umi mbaʼe misteriósova”.
Hebréope: “umi kavara máchope”.
Hebréope: “pe tórre eskinapegua”, heʼiséva peteĩ kuimbaʼe iñimportánteva, peteĩ héfe.
Hebréope: “pe gáncho”, heʼiséva peteĩ oapojáva, peteĩ governánte.
Térã: “omandáva ótrope hembiaporã”.
Hebréope: “pe vastón”.
Hebréope: “oikóta hikuái hérape”.
Hebréope: “rróvle”.
Térã: “che álma”.
Térã: “hiʼalmakuéra”.
Hebréope: “opesa”.
Hebréope: “pedáso”.
Hebréope: “pedáso”.
Hebréope: “iñypytũta”.
Térã: “pytu, espíritu”.
Térã: “tasón”.
Hebréope: “héke”. Umi héke haʼe vaʼekue umi kuimbaʼe omoakãva peteĩ trívu.
Térã: “pe lugár okorrespondehápe chupekuéra”.
Térã: “iporãiterei”.
Térã: “iporãiterei”.
Térã: “ikangýva”.
Térã: “pe espíritu kyʼa”.
Térã: “nde atiʼy paʼũme”. Ikatu hína ipéchore avei.
Térã: “umi cherayhúva”.
Térã: “omanóta”.
Péva hína pe siuda oñeñeʼẽha versíkulo 2-pe.
Térã: “kuarahyresẽ”.
Hebréope: “pe mar”.
Térã: “ñu”.
Térã: “ñu”.
Térã: “ndokuʼemoʼãi”. Haʼetéta hatãva roʼyeterei rupi.
Upéva hína pe Mar Muerto.
Upéva hína pe Mar Mediterráneo.
Térã: “oadora”.
Térã: “Fiésta Ojeiko hag̃ua Óga Kapiʼi Guýpe”. Ehecha Dik.
Térã: “ólla ijuru guasúva”.
Térã: “ólla ijuru guasúva”.
Ikatu avei: “komersiánte”.