PORANDU 10
¿Mbaʼe esperánsapa omeʼẽ la Biblia?
“Umi hembiapo porãvape oñemeʼẽta ko yvy, ha oikóta pype opa ára g̃uarã”.
“Ko yvy opytáta pára siémpre”.
“Ñandejára Jehová ogovernáva opa mbaʼe ohundíta pe ñemano opa ára g̃uarã, ha omokãta umi hénte resay”.
“Upe tiémpope umi siégope ojehesapeʼáta. Umi nohendúiva apysa ojeavríta. Upe tiémpope umi ndaikatúiva oguata porã odiparáta umi guasúicha. Umi iñeʼẽngúva osapukáita vyʼágui. Pe desiértope osẽta yvu, ha y osyrýta pe ñu perõre”.
“Ñandejára omokãmbaitéta umi hénte resay, ha ndaiporimoʼãvéima omanóva, oñelamentáva, hasẽva ni hasýva. Umi mbaʼe oiko vaʼekue yma opáma”.
“Umi hénte ojogapóta ha oikóta hóga teépe, oñotỹta parrál ha hoʼúta hiʼa. Nomopuʼãmoʼãi peteĩ óga ótro oiko hag̃ua pýpe, noñemitỹmoʼãi ótrope g̃uarãnte. Che puévlo oikove pukúta peteĩ yvyramáta oikove pukuháicha. Umi che aiporavo vaʼekue ipyʼaite guive odisfrutáta itravahokuégui”.