¿Mbaʼépa nde redesidíta?
“Ko univérso ikatu ojekrea ijehegui reínte, ha upéva voi la oiko vaʼekue” (Stephen Hawking ha Leonard Mlodinow; lívro ojepuvlika vaʼekue 2010-pe).
“Iñepyrũme Ñandejára ojapo vaʼekue yvága ha yvy” (La Biblia, Génesis 1:1).
¿Sera ke Ñandejára okrea ko univérso ha omoñepyrũ la vída? ¿Térã oiko opa mbaʼe ijehegui reínte? Oñepyrũvo ko artíkulo oĩ mokõi sientífiko opinión ha peteĩ téxto de la Biblia. Péro umi sientífiko ha la Biblia heʼíva idiferénte ojuehegui. Oĩ hénte oapojáva umi mokõi sientífiko heʼíva, péro oĩ avei la ogueroviáva la Biblia heʼíva. Káda grúpopente oĩ heta ifanátikova ha odefendéva a muérte la ogueroviáva. Sapyʼánte ñahendu jepi koʼãichagua deváte umi prográma de televisiónpe térã osẽ jepi algún lívro ifamósovape. Opa koʼã mbaʼére algúno ja ndoikuaavéima mbaʼépa oroviáta.
Ikatu oime nde profesorkuéra heʼi raʼe ndéve ko univérso ha la vída oñepyrũ hague ijehegui reínte ha ndaiporiha peteĩ Kreadór. Péro, ¿orekópa hikuái algúna pruéva ohechaukáva siertoha upéva? Térã oiméne rehendu avei algúno rrelihión omoakãva heʼiha Ñandejára okrea hague opa mbaʼe. Péro, ¿orekópa hikuái algúna pruéva ohechaukáva siertoha upéva? ¿Térãpa heʼi ndéve hikuái erekónte vaʼerãha fe ha regueroviánte vaʼerãha la haʼekuéra heʼíva?
Ikatu oime hetáma evolea ne akãme ko téma ha epensa ndaiporiha oikuaa vaʼerã añetehápepa oĩ peteĩ Kreadór. Térã, ¿repensápa naiñimportanteguasuiha jaikuaa la rrespuésta?
Ko rrevístape retopáta umi pruéva oipytyvõmava heta héntepe orovia hag̃ua oĩha peteĩ Kreadór. Upéi rehecháta avei mbaʼérepa iñimportánte jaikuaa mbaʼéichapa oñepyrũ vaʼekue la vída.