Eñangapyhy opavave ára nde rekove ko Yvy apeʼári!

Ko haipyre mohesakã rehegua oñerenohẽ nepytyvõ hag̃ua, reikuaa hag̃ua mávapa ojapo ko yvy ha mayma mbaʼe oĩva guive ipype. Nde reikuaáta heraha avei pe Ñandejára, ojapovaʼekue ko yvy. Koʼápe avei romohesakãta mbaʼérepa Ñandejára ojapo yvypóra ha mbaʼéichapa nde ikatu reñangapyhy opavave ára nde rekove ko yvy apeʼári.

Hiʼã oréve taʼangapyrekuéra ojepurúva nepytyvõ rehecha porãve hag̃ua ã mbaʼe. Ikatu hag̃ua renohẽ chugui hetave mbaʼe remoñeʼẽvaʼerã Ñandejára Ñeʼẽ rehegua oĩva umi taʼangapyrekuéra ykére. Upéicha ramo ndete voi remoñeʼẽta umi Ñandejára ñeʼẽmeʼe iporãva, oĩva iñeʼẽ ryrúpe, ha pe Ñandejára heʼíva mbaʼépa nde rejapovaʼerã ikatu hag̃ua rehupyty oikóvove iñeʼẽ porãita.

Ikatu avei nde reipuruse koʼã haipyre reipytyvõ hag̃ua ambue tekovépe. Rereko ramo mitã ikatu reipuru reipytyvõ hag̃ua ichupekuéra, oikuaa hag̃ua Ñandejára rehegua. Reiko ramo peteĩ tetã oĩháme heta kakuaa omoñeʼẽ kuaaʼỹva kuatiahai, reipurukuaa umi taʼangapyrekuéra, reipytyvõ hag̃ua chupekuéra, oikuaa hag̃ua Ñandejára oipotáva, ikatu hag̃ua haʼekuéra avei oipytyvõ hogaykeguakuérape.

Añetehápe rohaʼarõ ko arandueka nemomarandu ha toipeʼa ndéve tape rehupyty hag̃ua heta mbaʼe porã. Avei ikatu rehechauka ambuépe mbaʼeicha haʼe-kuera avei ikatu oiko opavave ára ko yvy apeʼári.