Jaagradeséke Jehová pasiénsia

Edisión imprésa

1. Nde ore Jára marangatu,

tekojoja nde rehayhu,

oiméne nde rembyasyete,

orerecha, orerasẽ.

Ha jepeve oime ndepochy,

rejejoko ha reperdona.

Ndéve Jehová roagradese,

pe ne pasiénsia romombaʼe.

2. Koʼẽrõite nde ára guasu,

omboryrýita pe yvy,

pe ñehundi guasu ou,

opa hag̃ua mbaʼe vai.

Nde reipota oñarrepenti,

hénte aña tove tojevy.

Mávapa ndéicha ore Ru,

ohechaukáva imborayhu.