Ñañehaʼãke japorohayhu

1. Heta mbaʼe Jehovágui ou,

pyʼaguapy, vyʼa ha tory,

jepe umíva tuicha mbaʼe,

pe mborayhu tuichave mbaʼe.

Chearandúrõ ha chevale,

ha imbarete pe che jerovia,

mbaʼeverã ndovalemoʼãi,

che ndahayhúirõ che rapicha.

2. Oimérõ nde neñeʼẽkuaa

ha avei remboʼe porã,

pe mborayhúre reikotevẽ

opa mbaʼe rejapo hag̃ua.

Pe mborayhu oaguantakuaa,

ndaipyʼarói, imbaʼeporã,

akóinteke ñanemanduʼa:

pe mborayhu ndopamoʼãiha.