¿Mbaʼéichapa ikatu revyʼa ne família ndive?

Jajoayhu vaʼerã javyʼa hag̃ua ñane famíliandi. Efesios 5:33

Ñandejára Ñeʼẽ heʼi peteĩ matrimóniope oĩ vaʼerãha peteĩ kuimbaʼe ha peteĩ kuña.

Pe ména ohayhúva hembirekópe omokunuʼũ ha ontende chupe.

Pe tembireko katu oipytyvõ vaʼerã iménape.

Umi mitã iñeʼẽrendu vaʼerã ituakuérape.

Ñanembaʼeporã vaʼerã ha ani jaheja ñane rembiayhúpe. Ani ñandepyʼahatã ni ñaporomoakãratĩ. Colosenses 3:5, 8-10

Ñandejára Ñeʼẽ heʼi pe ména ohayhu vaʼerã hembirekópe haʼe voi ojehayhuháicha. Heʼi avei pe tembireko orrespeta vaʼerãha iménape ipyʼaite guive.

Ména ha tembireko ndorekói vaʼerã rrelasión sexuál ótrondi. Pe ména peteĩnte hembireko vaʼerã ha pe tembireko peteĩnte iména vaʼerã.

Jehová Ñeʼẽ ñanemboʼe mbaʼépa tekotevẽ jajapo javyʼa hag̃ua ñane famíliandi.