¿Ndépa rejapóta Jehová volunta?

Rovyʼaiterei remboyke haguére ne tiémpo restudia hag̃ua ko folléto, péicha ikatu reikuaa porãve umi testígo de Jehovápe, mbaʼépa ojapo hikuái ha mbaʼéichapa ombaʼapo iñorganisasión. Oime vaʼerã ko folléto nepytyvõ rehechakuaa hag̃ua umi testígo de Jehová ojapoha hína Ñandejára volunta ñane tiémpope. Romokyreʼỹ resegi hag̃ua reaprende Ñandejáragui, emombeʼu umi mbaʼe reaprendéva ne famíliape ha ne amigokuérape. Iporãitéta avei rehóramo rreunionhápe káda semána (Hebreos 10:23-25).

Reaprendevévo rehóvo Jehovágui rehechakuaáta mbaʼeichaitépa haʼe nderayhu. Upéva nemomýita rejapo hag̃ua opa ikatúva rehechauka hag̃ua avei rehayhuha chupe (1 Juan 4:8-10, 19). ¿Mbaʼéichapa káda día ikatu rehechauka rehayhuha Ñandejárape? ¿Mbaʼéichapa ou porãta ndéve nderekopotĩramo la Biblia heʼiháicha? ¿Mbaʼépa nepytyvõta rejapose hag̃ua Ñandejára volunta umi testígo de Jehová ojapoháicha? Pe Testígo nembostudiáva la Biblia vyʼápe nepytyvõta rerresponde hag̃ua koʼã porandu. Péicha nde ha ne família ikatúta ‘pesegi peiko Ñandejára mborayhúpe, pehaʼarõ aja peikove pára siémpre’ (Judas 21).

Ore pyʼaite guive romokyreʼỹ resegi hag̃ua rejapo umi kámbio tekotevẽva reñemoag̃uive hag̃ua Jehováre. Upearã ideprovéchota ndéve restudiáramo ko puvlikasión: Jasegíkena jaiko Ñandejára mborayhúpe.