Tuvakuérape g̃uarã

¿Mbaʼépa pe rregálo iporãvéva ikatúva pemeʼẽ pene famíliape? Haʼekuéra ningo oikotevẽ heta mbaʼe, por ehémplo pehayhu, pehekomboʼe ha peñangareko vaʼerã hesekuéra. Péro oĩ peteĩ rregálo iporãvéva ha iñimportantevéva: peipytyvõ chupekuéra oikuaa hag̃ua Jehovápe ha umi mbaʼe la Biblia omboʼéva (Juan 17:3). Upéva omomýita pene famíliape michĩete guive ohayhu ha iñeʼẽrendu hag̃ua Jehovápe ipyʼaite guive (Mateo 21:16).

Heta sy ha túva ohechakuaa umi mitã oñatendeveha ndaipukúi ha ndahasýiramo umi mbaʼe ojeleéva chupekuéra. Upévare, rovyʼaiterei ikatu haguére romog̃uahẽ peẽme ko puvlikasión hérava: Astudia hag̃ua la Biblia. Umi divúho ha umi mbaʼe ojehaíva ojeprepara umi mitã orekóva tres áño térã imitãvévape g̃uarã. Káda leksión ningo ifásil ha opakuévo oñemoĩ umi mbaʼe ikatúva pehesaʼỹijo hendivekuéra. Ko folléto napemeʼẽi vaʼerã umi mitãme ohuga hag̃ua hese. Pelee vaʼerã pene famíliandi ha upéva oipytyvõta chupekuéra oñekomunika hag̃ua penendive.

Katuete ningo ko folléto ideprovéchota peẽme pemboʼe hag̃ua pene famíliape ‘Ñandejára Ñeʼẽ imitã guive’ (2 Timoteo 3:14, 15).

Pene ermanokuéra,

Kuérpo Governánte