Mbaʼe rehepa oñeñeʼẽta seksión 5-pe

Dos méserupi umi israelita okrusa rire pe Mar Rojo, og̃uahẽ hikuái pe Sérro Sinaípe. Upépe Jehová ojapo hendivekuéra peteĩ kompromíso ha oiporavo chupekuéra ipuevlorã. Jehová oprotehe umi israelítape ha omeʼẽmbaite chupekuéra opa mbaʼe oikotevẽva: omeʼẽ chupekuéra maná hoʼu hag̃ua, lugár isegúrova oiko hag̃ua ha ijaokuéra ndojegastái vaʼekue. Oimérõ reguereko mitã, eipytyvõ chupekuéra ontende hag̃ua mbaʼérepa Jehová omeʼẽ vaʼekue Iléi umi israelítape, maʼerãpa ojapoka chupekuéra pe tavernákulo ha mbaʼérepa omoĩ umi saserdótepe oservi hag̃ua upépe. Emyesakã avei chupekuéra mbaʼérepa tekotevẽ iñumílde, iñeʼẽrendu Jehovápe ha okumpli la oprometéva.