Mbaʼe rehepa oñeñeʼẽta seksión 7-pe

Ko seksiónpe oñemombeʼu rréi Saúl ha rréi David istória. Omombeʼu umi mbaʼe oiko vaʼekue 80 áñorupi haʼekuéra oikoveha tiémpope. Ñepyrũrã Saúl iñumílde ha iñeʼẽrendu Jehovápe. Péro upéinte ou okambia ha nohendusevéi la Jehová heʼíva chupe. Upévare Jehová orrechasa chupe ha heʼi Samuélpe onombra hag̃ua Davídpe ogoverna hag̃ua hekovia Israélpe. Saúl ndochaʼéi David rehe upévare ha heta vése ojukasemoʼã chupe, péro David núnka noñevengái. Saúl raʼy, hérava Jonatán, oikuaa Jehová oiporavo hague Davídpe rreirã ha upévare siémpre oapoja chupe. David ou vaʼekue opeka vaieterei, péro oheja Jehová okorrehi chupe. Erekóramo mitã, eipytyvõkena chupe ohechakuaa hag̃ua iñimportanteha jaasepta la Jehová odesidíva ha ñaneñeʼẽrendu chupe.