Kárta omboúva Kuérpo Governánte

Ore ermáno ha ermanakuéra rohayhuetéva:

Jahayhu rupi Ñandejárape ha umi héntepe ñakumpli la Jesús omanda vaʼekue. Haʼe heʼi: ‘Pemboʼe umi héntepe oiko hag̃ua chuguikuéra che disípulo ha pevautisa chupekuéra’ (Mat. 28:19, 20; Mar. 12:28-31). Jahayhúramo umi héntepe ikatúta ñaipytyvõ “enterove umi ipyʼaporãva ohupyty hag̃ua jeikove opaveʼỹva” (Hech. 13:48).

Ymave japredika lája idiferénte vaʼekue, ñañehaʼã ñamemorisa peteĩ presentasión ha jaheja informasión umi héntepe. Péro koʼág̃a ñañehaʼã vaʼerã ñamehora ñañemongetakuaave hag̃ua hendivekuéra. Por ehémplo, jahechaukáta jahayhuha ñande rapichápe ñañeʼẽramo umi mbaʼe ointeresávare chupekuéra. Upearã tekotevẽ jastudia káda persónape, ñapensa mbaʼépa oipyʼapy ha ointeresa káda únope ha ñakambia mimi tekotevẽhápe. ¿Mbaʼéichapa ko folléto ñanepytyvõta jajapo hag̃ua upéva?

Ko folléto oreko 12 leksión ha ñanemboʼéta mbaʼéichapa ikatu jahayhuve umi héntepe, péicha ikatúta ñamboʼe porãve chupekuéra. Káda leksiónpe ñaaprendéta peteĩ kualida ha mbaʼéichapa upéva ohechauka vaʼekue Jesús térã peteĩ kristiáno yma guare oporomboʼe jave. ¿Mbaʼépa la jahupytyséva ko folléto rupive? Ndahaʼéi hína jaikuaa de memória umi mbaʼe jaʼétava, síno mbaʼéichapa ikatu jahechauka jahayhuha ñande rapichakuérape. Ñaaprendéta mbaʼe kualidápa tekotevẽ jahechauka ñañepyrũ hag̃ua ñañemongeta umi héntendi, jajapo hag̃ua rrevisíta ha umi kúrso bíblico.

Jastudia jave peteĩ leksión ikatu ñapensa mbaʼéichapa pe kualida ñaaprende vaʼekue ikatu jahechauka ñañemongeta jave umi hénte oikóvandi ñande jerére. Ñañehaʼãkena jahayhuve Jehovápe ha ñande rapichakuérape. ¿Mbaʼérepa? Pórke ikatu ñandevaleterei ñaporomboʼe hag̃ua, péro la añetehápe iñimportantevéva haʼe hína japorohayhu. Japorohayhúramo añoite ikatúta ñaipytyvõ umi héntepe oiko hag̃ua chuguikuéra Jesús disípulo.

Rovyʼaiterei ikatu haguére rombaʼapo penendive ko tembiapo iñimportantetévape (Sof. 3:9). ¡Hiʼãite Jehová tapenevendesi pesegi hag̃ua pehayhu umi héntepe ha pemboʼe chupekuéra!