Zacarías tiémpo guive apóstol Juan tiémpo peve

Ko seksiónpe jahecháta umi mbaʼe oiko vaʼekue mas o ménos 100 áño aja. Oñepyrũvo ohóvo ko seksión, ñañeʼẽta peteĩ kuñataĩ judíare hérava María. Chupe oñemeʼẽ vaʼekue peteĩva umi asignasión iñimportantevéva. Upéi ñaanalisáta jahávo unos kuánto Jehová siérvo ipyʼaguasuetereíva ehémplo. Umíva apytépe oĩ Juan el Bautista, apóstol Pedro, María Magdalena, Esteban, apóstol Pablo ha ipahaitépe ñañeʼẽta Juan rehe, pe apóstol Jesús ohayhuete vaʼekue. Entéro koʼã Jehová siérvo ohasa vaʼekue heta mbaʼe ijetuʼúva. Por ehémplo omombeʼu vaʼerã Jesús haʼeha pe Mesías, jepe oĩ heta judío ndogueroviáiva upéva. Oñehaʼãmbaite vaʼerã osegi Jesús ehémplo ojepersegírõ jepe chupekuéra. Ha opredika vaʼerã umi notísia porã Jesús omboʼe vaʼekue, oĩrõ jepe ndochaʼéiva ha oñemoĩ mbaretéva hesekuéra.