Oñeporandúva jepi

Ñande jaservíva Jehovápe ningo ndajahugái plátare, péro ikatu piko japartisipa sortéope?

Heta vésema oñeporandu ko mbaʼe ha oñembohováima ambue puvlikasiónpe. Ha ikatu jaheka upéva índisepe.a

Peteĩ informasión osẽvaʼekuépe ojeʼéma ñande kristianokuéra ndovaleiha jajogua voléto sorteorã térã rrífa. Heʼi porã ndovaleiha jahuga plátare, pórke jajapóramo upéicha ñandetaryrýita (1 Corintios 5:11; 6:10; Efesios 4:19; 5:​3, 5).

Oĩ jepi ojapóva sortéo omopropagánda hag̃ua inegósio. Ha japartisipa hag̃ua natekotevẽi jajogua peteĩ voléto, ñamyenyhẽntevaʼerã peteĩ kupón. Oĩ ermáno heʼíva ndaivairiha japartisipa umichagua sortéope pórke ndajajoguái ningo peteĩ voléto. Heʼi hikuái umi negósio jára omeʼẽha jepi rregálo imarchantekuérape omopropagánda hag̃ua inegósio.

Péro oĩ avei ambue ermáno ndopartisipáiva mbaʼeveichagua sortéope ani hag̃ua ombopochy ótro ermánope. Upéicha ohechauka hikuái ndojeroviaiha el dios de la Buena Suerte rehe heʼiháicha Isaías 65:​11-pe. Avei haʼekuéra ndojaposéi mbaʼeveichagua propagánda umi negósiope. Upéicharamo jepe ndovaléi otaky hikuái peteĩ ermáno odesidívare opartisipa umichagua sortéope (embojojami Romanos 14:​1-4-re).

[Nóta]