Nemanduʼápa koʼã mbaʼére?
Katuete revyʼáneraʼe releévo umi Ñemañaha ramoite osẽvaʼekue. Ehechami nemanduʼápa koʼã mbaʼére:
• Mbaʼeichagua tavlaʼírepa oñeʼẽ Lucas 1:63?
Haʼéneraʼe peteĩ “tavlaʼi pererĩ oñenserapyréva”. Umi tavlaʼi oñembojoapy ha upéi oñenserapa ojehai hag̃ua hese peteĩ mbaʼe akuápe, ha ojeporu jeýta vove oñensera jeýnte (1/1, páhina 11).
• Mbaʼérepa Jehová ojukauka umi Cananéope?
Upe yvy ndahaʼéi voi umi cananeo mbaʼe, haʼekuéra ojagarrantevaʼekue. Avei umi hénte hekovaieterei. Upépe ojetopa “heta mbaʼyru oñemoĩ hague umi mitã ojesakrifikavaʼekue Baálpe”. Ojeʼe Canaán ojoguaha Sodoma ha Gomórrape (1/1, páhina 13-15).
• Mbaʼéichapa ikatu ñambohovái oikórõ peteĩ mbaʼe ñahaʼarõʼỹva?
Tekotevẽ ñaneumílde, jahechakuaa ñandénte ndaikatuiha jajapo porã opa mbaʼe, ha ñañehaʼã ñandepyʼaguapy. Péicha añoite ñambohováita umi mbaʼe ijetuʼúva (15/3, páhina 3-6).
• Mbaʼépa ñanepytyvõta ñamoirũ kyreʼỹ hag̃ua Jesúspe?
Tekotevẽ jalee la Biblia, jajepyʼamongeta hese, jajerure Jehovápe ijespíritu, jaheka ñane irũrã kongregasiónpe, jahechakuaa mbykyha pe tiémpo, ani ñañembotavy jajapo hag̃ua Ñandejára rembipota, ha pyʼỹi ñanemanduʼa ñañemeʼẽma hague Jehovápe (15/4, páhina 27).
• Mbaʼérepa Jehová ndokastigáiraʼe Aarónpe ojapo haguére pe tororaʼy raʼanga?
Moisés oñemboʼe rupi Aarón rehehápe Jehová ndokastigái chupe (Sant. 5:16). Avei Aarón heta tiémpoma iñeʼẽrendu Ñandejárape. Haʼe ojapo pe taʼanga ojejopýgui chupénte, ha Moisés oporandúrõ guare mávapa oñemoĩta Jehová ykére, Aarón omoirũ chupe Leví raʼykuérandi (Éxo. 32:25-29) (15/5, páhina 21).
• Haʼe piko Jesús arkánhel Miguel?
La Bíbliape jatopa 5 hendápe pe téra Miguel oñeʼẽ jave peteĩ ánhel imbaretetereívare. Arkánhel heʼise ánhel “ruvicha”. Ha Pablo heʼivaʼekue ‘Jesús oguejytaha yvágagui ha oñehendúta arkánhel ñeʼẽ’ (1 Tes. 4:16). Upéicharõ jaʼekuaa Miguel haʼeha Jesús ou mboyve ko yvy ape ári, ha avei oho jey rire yvágape (1/4, páhina 19).
• Mbaʼépa oipytyvõta peteĩ tapichápe, iména térã hembireko otraisionáramo chupe?
Pe oñetraisionavaʼekue ndovaléi ojekulpa pe oikovaʼekuére. Jehová oikuaa oikotevẽha oipytyvõva ha okonsoláva chupe. Ha upéva ojuhúta kongregasiónpe (15/6, páhina 29-32).
• Heʼípa Proverbios 6:30 ikatuha ñamonda ñaikotevẽrõ?
Nahániri, versíkulo 31 omyesakãve heʼívo: ‘Ojejuhúramo chupe omonda jave, pe omondavaʼekue ári omeʼẽvaʼerã 7 vése ha omeʼẽmbaitevaʼerã oguerekomíva guive’ (Pro. 6:31, ÑÑB). Ikatu ndojekastigapohýiri umi omondávape oikotevẽgui. Péro opagamantevaʼerã ojapovaʼekuére (1/7, páhina 18).
• Mbaʼérepa Jesús heʼi: ‘Ndaipóri omoĩva víno ojejapo ramóva mbaʼyru tujápe’?
Yma umi víno oñeñongatu peteĩ mbaʼyrúpe ojejapóva kavara térã ovecha pirégui (Jos. 9:13). Tiémpo rire ko mbaʼyru ituja ohóvo ha hatã. Pe víno pyahu ofermenta ha ikatu ombokapu pe mbaʼyru tuja (1/7, páhina 30).
• Mbaʼéichapa ikatu ñamokyreʼỹ ñane famíliape oleese hag̃ua?
Ñameʼẽ chupekuéra ilivrorã, jalee, ñamokyreʼỹ okomenta hag̃ua, ñañemongeta hendivekuéra, jajerure chupekuéra tolee, ha ñamokyreʼỹ oporandu hag̃ua (15/7, páhina 26).