La Biblia okambia chupekuéra

¿MBAʼÉPA oipytyvõ raʼe peteĩ mondaha ha hugadórpe oheja hag̃ua ivísio ha okambia hag̃ua? Jahejamína haʼe voi tomombeʼu ñandéve upéva.

“Chegustaiterei vaʼekue umi karréra de kavállo” (RICHARD STEWART)

ONASE: 1965-PE

PAÍS: JAMAICA

ÓTRA INFORMASIÓN: IMONDA HA IHUGADÓR VAʼEKUE

CHE REMBIASAKUE: Che akakuaa vaʼekue peteĩ lugár imboriahuetereívape oĩva Kíngstonpe, haʼéva Jamaica kapitál. Upépe ijetuʼu vaʼekue ekonsegi hag̃ua nde travahorã, upévare heta hénte nombaʼapói ha oĩ heta delinkuénte. Entéronte okyhyje umi patotérogui, ha kási tódo lo día oñehendu oĩha ombokapúva.

Che sy iguapaiterei vaʼekue ha ojejuka traváhope ani hag̃ua ofalta oréve mbaʼeve. Ore roĩ vaʼekue éntre 3: che, che ermaníto ha che ermaníta, ha mama oipota vaʼekue ore oreestúdio porã, péro chéve nacheinteresaguasúi vaʼekue la eskuéla. Chéve chegustaiterei vaʼekue umi karréra de kavállo, ha ajupi jepe voi umi kavaju ári. Heta vése afalta vaʼekue eskuélape aha hag̃ua umi karrerahápe.

Tiémpo riremínte añenvisiaitéma voi pe apuéstare umi karrerahápe. Avei añepyrũ apita mariguána ha chekuñaseroiterei vaʼekue. Ha ikatu hag̃uáicha asegi aiko péicha, amonda vaʼekue umi héntepe. Upe tiémpope areko vaʼekue heta árma, péro haʼetépengo ndajukajepéi avavépe amondahápe umi héntepe.

Upéi amo ipahápe chejagarra la polisía ha chegueraha hikuái kárselpe. Péro asẽ riremínte upégui asegi jeýma aiko anteve guaréicha, ha peorve jey katu. La che pínta ha che rováre ningo eréta voi la chevuenoitereiha. Péro legálmente ndaupeichaiete kuri, chéngo chepyʼahatã vaʼekue, ajapo la ajaposéva, chearheleterei ha nacheinteresái vaʼekue la oikóva umi ótrore.

LA BIBLIA CHEPYTYVÕ AKAMBIA HAG̃UA: Che ahasa aja koʼã mbaʼe ijetuʼuetéva, che sy oñepyrũ kuri ostudia la Biblia ha oiko chugui testígo de Jehová. Añemeʼẽ enkuénta haʼe tuicha okambia hague, ha upéva chembokurióso. Upémarõ añepyrũ añemongeta umi Testígondi la Bíbliare.

Ensegídama voi apilla haʼekuéra nomboʼeiha la omboʼéva umi ótro rrelihión, ha entéro mbaʼe ogueroviáva oĩha la Bíbliape. Haʼekuéra añoite la che ahecháva ohoha káda óga opredika hag̃ua, ojapo haguéicha umi kristiáno yma guare (Mateo 28:19; Hechos 20:20). Péro la chekonvense vaʼekue umi testígo de Jehová haʼeha pe rrelihión verdadéra haʼe kuri ahechárõ guare mbaʼeichaitépa ojoayhu hikuái ha mbaʼeichaitépa ohayhu umi héntepe (Juan 13:35).

Añepyrũ rire astudia la Biblia, añemeʼẽ enkuénta tuicha akambia vaʼerãha. Por ehémplo, aaprende Ñandejára Jehová ndochaʼeiha umi hekovaívare, ha ambovyʼaséramo chupe akambiámante vaʼerãha (2 Corintios 7:1; Hebreos 13:4). Opokoiterei cherehe aikuaárõ guare Jehová orekoha sentimiénto, ha umi mbaʼe che ajapóva ikatuha ombovyʼa térã omoñeñandu vai chupe (Proverbios 27:11). Upévare adesidi ahejaitetaha umi mbaʼe vai ajapo vaʼekue aikóvo: ndapitavéi mariguána, ndaipuruvéi umi árma ha añehaʼãmbaite chevuenove. Péro la ijetuʼuve vaʼekue chéve aheja haʼe umi kuña ha umi apuésta.

Añepyrũrõ guare astudia la Biblia ndaipotái vaʼekue che amigokuéra oikuaa upéva. Péro tuicha okambia apensa lája alee rire la Jesús heʼi vaʼekue Mateo 10:33-pe: “Peteĩ persóna onegáramo chekuaaha umi hénte renondépe, upéicharõ che avei anegáta aikuaaha chupe che Ru oĩva yvágape renondépe”. Alee rire upéva, pyaʼe amombeʼu che sosiokuérape astudiaha hína la Biblia umi Testígondi. Haʼekuéra ni ndogueroviaséi peteĩ persóna cheichagua oserviseha Ñandejárape. Péro che aexplika chupekuéra ajedesidimaha akambiataha ha ndajaposeveimaha umi mbaʼe vai ajapo vaʼekue yma.

UMI MBAʼE PORÃ AHUPYTÝVA: Che sy ovyʼaiterei ohechárõ guare che añepyrũha akambia ha ajapo la Biblia heʼíva. Ndoikovéima ojepyʼapy anga cherehe oikuaaségui mbaʼépa ajapóne hína. Koʼág̃a che sy ha che rojogueraha porãiterei, pórke mokõivévante rohayhu Jehovápe. Sapyʼánte apensa jepi umi mbaʼe ajapo vaʼekuére anteve, ha chesorprende mbaʼeichaitémapa akambia Ñandejára chepytyvõ rupi. Koʼág̃a ndaikovéima cherekovai ni aipota potave la kósa yma guaréicha, ni ndachestiravéima voi umi mbaʼe.

La che ndastudiáirire la Biblia aikuaa porã koʼág̃a aĩtaha kuri kárselpe, térã amanóma vaʼerãmoʼã kuri. Péro Ñandejára chepytyvõ rupi koʼág̃a avyʼa che famíliandi, che rembireko chepytyvõiterei ha che rajy katu irrespetuósa ha ivuéna. Enterovévante vyʼápe roadora Jehovápe. Che aagradeseterei oĩ haguére kuri álgien chepytyvõva astudia hag̃ua la Biblia. Upévare che avei aaprovecha oimeraẽ oportunida arekóva amombeʼu hag̃ua la héntepe la Biblia heʼíva. Aagradese Ñandejára Jehovápe chepytyvõ haguére aime hag̃ua ipuévlo apytépe, ha koʼýte aagradese chupe chepytyvõ haguére añemoag̃ui hag̃ua hese.

[Komentário]

“Opokoiterei cherehe aikuaárõ guare Jehová orekoha sentimiénto, ha umi mbaʼe che ajapóva ikatuha ombovyʼa térã omoñeñandu vai chupe”

[Taʼanga]

Che rembireko ha che rajýndi

[Taʼanga]

Añemeʼẽ kuri enkuénta che sy tuicha okambia hague