Mbaʼéichapa ikatu ñaikuaveʼẽ ñande rrevistakuéra

Ñemañaha 15 de nov.

“Oĩ heta tapicha oikuaaséva mbaʼérepa umi provlemaita oĩva opárupi ivaive ohóvo oñemyatyrõrangue. Ndépa repensámava ikatuha oikohína heʼiháicha koʼápe? [Elee Revelación 12:9. Upéi ehaʼarõ tokontesta.] Ko rrevísta ohechauka mbaʼépa ojapo Satanás ombohape kañy hag̃ua yvyporakuérape, ha mbaʼépa ikatu ñande jajapo ani hag̃ua ñanembotavy.”

¡Despertad! 22 de nov.

“Oĩramo jepe hiʼupy opavavete okaru hag̃ua, ko yvy ape ári oĩ 800 millones tapichakuéra hasýva ndokaruporãigui. Ajépa ivaiete upéva! [Ehaʼarõ tokontesta.] Ko rrevísta ohechauka mbaʼéichapa hasy hasyve ohóvo opavave okaru porã hag̃ua umi táva rupi. Ohechauka avei Ñandejára Ñeʼẽ heʼiha outaha peteĩ múndo ndaiporimoʼãihápe pe ñembyahýi.” Elee Salmo 72:16a.

Ñemañaha 1 de dic.

“Ohendúvo oñeñeʼẽ pe ‘Armagedón’ rehe oĩ heta oimoʼãva upéva heʼiseha ñañehundipataha [Ehechauka pe rrekuádro oĩva páhina 3-pe]. Mbaʼépa eréne reikuaáramo pe Armagedón haʼetaha peteĩ mbaʼe iporãitereíva ñandéve g̃uarã? [Ehaʼarõ tokontesta.] Ko rrevísta ohechauka mbaʼérepa jaʼekuaa upéicha.” Elee 2 Pedro 3:13.

¡Despertad! 8 de dic.

“Ikatúramo amombeʼuse ndéve outaha peteĩ tiémpo opavavete jaguerekotahápe peteĩ óga porã jaiko hag̃ua. Ajépa ñambyasy jahecháramo mbaʼéichapa heta ñande rapicha ndahógai [Ehaʼarõ tokontesta. Upéi elee Isaías 65:21, 22]. Ko rrevísta ohechauka mbaʼérepa heta ñande rapicha ndahógai. Ohechauka avei mbaʼéichapa Ñandejára ojapóta pe heʼivaʼekue, oĩháicha pe téysto vívliko jaleevaʼekuépe.”