Ikatúpa nde raʼykuéra imitãva gueteri odesidi peteĩ kakuaáicha?
1. Mbaʼéichapa heta mitãrusu ojepytasovaʼekue ombohováivo pe tuguy ñemoĩ? Emeʼẽ peteĩ ehémplo.
1 Odesidi hag̃ua mbaʼépepa? Pe tuguy ñemoĩme. Ohechaukaháicha pe artíkulo “Ande como instruye Jehová” osẽvaʼekue La Atalaya 15 de junio 1991-pe, heta mitãrusukuéra Testigo de Jehová ojepytasovaʼekue ohechauka hag̃ua ojaposeha hikuái pe Ñandejára léi heʼíva tuguy rehegua, ituvakuéra ojaposeháicha avei. Ikatúnepa ág̃ante ojejerure upéva nde raʼykuéragui avei?
2. Mbaʼe léipa oiporu peteĩ trivunál peteĩ mitãkuñáre ohendu rire nomoĩseiha tuguy, ha mbaʼépa umi túva kristiáno ha itaʼyrakuéra ikatu oaprende upévagui?
2 Mbaʼépa heʼi pe léi? Amo Estados Unídospe, pe Corte Suprema Illinoispegua haʼe pe trivunál ijyvatevéva heʼivaʼekue mbaʼéichapa ojetratavaʼerã peteĩ mitãrusu térã mitãkuñáme, ikatúmava odesidi ijehegui nomoĩséiramo tuguy. Ohecha rire peteĩ káso oĩhaguépe peteĩ mitakuña, peteĩ Testigo oguerekóva 17 áño, pe Corte Suprema heʼi: “Ojehecha porãramo pe mitã okakuaamaha odesidi hag̃uáicha ijehegui, oikuaamaha mbaʼépepa ikatu opa pe ojapóva, ha ikatumaha odesidi peteĩ kakuaáicha, upéicharamo ikatu ojeporu hese pe léi oĩva umichagua mitãme g̃uarã, ikatúmava odesidi ijehegui, ha haʼe heʼivaʼerã oiporútapa térãpa ndoiporumoʼãi peteĩ tratamiénto omeʼẽva umi doktór”. Upévare, oikuaa hag̃ua pe mitãpa ikatúma odesidi ijehegui, umi doktór, térã umi trivunalpegua, ikatu oñeʼẽse pe mitã ndive ohendu hag̃ua ijuruetégui omoĩsépa térãpa nomoĩséi pe tuguy. Pe mitãrusu ikatuvaʼerã ohechakuaa mbaʼeichaguápa imbaʼasy ha mbaʼépepa opakuaa umi tratamiénto oiporavóva, ha ikatuvaʼerã omombeʼu porã mbaʼépa oguerovia, oñeporandúramo chupe pe Ñandejára léi tuguy reheguágui.
3. Mbaʼe mbaʼe rehépa iporã tuvakuéra ojepyʼamongeta, ha mbaʼéguipa?
3 Mbaʼépa heʼíne nde raʼykuéra? Oĩmapa nde raʼykuéra oñeʼẽ hag̃uáicha pe tuguýgui? Ogueroviápa hikuái ipyʼaite guive ouha Ñandejáragui pe léi heʼíva ‘ñañeñangarekovaʼerãha pe tuguýgui’? (Hech. 15:29; 21:25). Ikatúpa oiporu hikuái Ñandejára Ñeʼẽ ohechauka hag̃ua pe ogueroviáva? Ipyʼaguasúnepa ndaipóri aja hendive hogayguakuéra odefende hag̃ua pe odesidivaʼekue, heʼíramo chupe umi doktór ojapeligraha hekove? Opavavépe ikatu ohupyty ‘umi mbaʼe oikóva ñahaʼarõʼỹre’. Upévare, mbaʼéichapa ikatu reprepara nde raʼykuérape ani hag̃ua oheja Jehovápe ohupyty jave chupekuéra umi mbaʼe vai nañahaʼarõiva? (Ecl. 9:11; Efe. 6:4).
4, 5. a) Mbaʼépa oñehaʼarõ tuvakuéragui, ha mbaʼéichapa ikatu ojapo hikuái upéva? b) Mbaʼe mbaʼépa oĩ ikatúva oipytyvõ tuvakuérape?
4 Tuvakuéra, mbaʼépa ikatu pejapo? Tuvakuéra omboʼevaʼerã itaʼyrakuérape pe Ñandejára heʼíva pe tuguýgui (2 Tim. 3:14, 15). Pe lívro Razonamiento a partir de las Escrituras ohesaʼỹijo porã upéva, páhina 345 guive 350 peve. Pestudia mbegue katu porã vaʼerã upéva hendivekuéra. Peipytyvõ chupekuéra oñensaja hag̃ua, oikuaa hag̃ua mbaʼéichapa omombeʼúta pe ogueroviáva ha mbaʼérepa oguerovia upéicha. Upearã ikatu peiporu “Si alguien dice” oĩva pe lívrope, páhina 348 guive 350 peve (1 Ped. 3:15). Ikatu hag̃uáicha jaikuaa porã umi mbaʼe tuguy rehegua oĩ avei pe folléto ¿Cómo puede salvarle la vida la sangre? ha La Atalaya, 15 de junio 2004, páhina 14-24. Oĩ avei umi vidéo Asistencia médica sin transfusiones. Necesidades y derechos del paciente ha La negativa a la sangre. La medicina acepta el reto, osẽva koʼág̃a mokõive peteĩ DVD héravape Alternativas a las transfusiones. Serie documental. Umíva ohechauka porã ikatuha ñañepohano ha jajopera jaiporuʼỹre tuguy. Pehechámapa pene família ndive umi vidéo ha pehesaʼỹijómapa oñondive umi mbaʼe ohechaukáva?
5 Peipytyvõkena pende raʼykuérape ‘ohecha hag̃ua ijeheguiete iporãha pe Ñandejára heʼíva’ pe tuguy rehe. Upéicha ikatúta odesidi hikuái peteĩ kakuaáicha ha Jehová ovendesíta chupekuéra (Rom. 12:2).