Umi mbaʼe jaikuaaséva

◼ Iporãpa ñambohasa ñande rapichakuérape umi informasión ojeporútava Eskuéla dél Ministério Teokrátikope?

Ikatu ñambyaty informasión jaiporútaramo ñandete voi, ñande rogaygua, térã umi ñane amigoite. Péro noĩporãmoʼãi ñameʼẽ oimeraẽvape, térã ñavende. Upéva oĩ vaíta pe informasión ndahaʼéigui ñanembaʼe (Rom. 13:1).

Ñande Eskuéla dél Ministério Teokrátiko prográmape sapyʼánte ndojeʼéi moõguipa oñenohẽvaʼerã pe informasión; oñemeʼẽnte peteĩ téma. Peteĩ ermánope oñemeʼẽramo upe tembiapo, ñaipytyvõtapa chupe ñambyatýramo informasión ikatútava oiporu? Nahániri. Noĩporãmoʼãi avei japrepara ha ñameʼẽ ñande rapichápe umi rrespuésta rrepáso orálpe g̃uarã. Upéva noipytyvõmoʼãi chupekuéra imanduʼa hag̃ua umi mbaʼe iñimportantevévare. Jahejavaʼerã káda únope tojeporeka. Upéicha ojapóva ohejahína Jehová ‘ohekomboʼe chupe’ pe eskuéla rupive, ikatu hag̃uáicha oipytyvõ hapichápe (Isa. 50:4).