Mbaʼéichapa ñaikuaveʼẽta ñande rrevísta

Ñemañaha Noviembre

“Rejepyʼapýpa nerenonderãre? [Ehaʼarõ tokontesta.] Avave ningo ndoikuaái mbaʼépa ohaʼarõ chupe henonderãme ha upéicha rupi ojepyʼapy koʼág̃a g̃uarãrente. Tahechaukamína ndéve, mbaʼépa heʼivaʼekue Jesús ñane renonderãre [elee Mateo 6:34]. Ko rrevístape oñemyesakã porã mbaʼéichapa ikatu jajepreparamañaína ñanerenonderãme g̃uarã ha ani hag̃ua jajepyʼapy koʼág̃a g̃uarãrente.”

¡Despertad! Noviembre

“Koʼág̃a rupi hetaiterei mbaʼe pyahu ojapo umi sientífiko. Upéicha rupi heta oĩ heʼíva la Biblia opytamaha tapykuépe. Mbaʼépa nde repensa upévare? [Ehaʼarõ tokontesta.] Tahechaukamína ndéve la Biblia heʼíva koʼápe ojoguerahaha avei umi sientífiko heʼíva ndive [elee Job 26:7]. Mbaʼépa ere chupe? Ko ¡Despertad! ningo iporãiterei ha ohechauka ñandéve ikatuha jajerovia la Bíbliare.”

Ñemañaha Diciembre

“Opavave ningo jaikose vyʼápe ha jaikuaase maʼerãpa jaikove. Koʼápe Jesús heʼivaʼekue mbaʼépa jajapovaʼerã javyʼa hag̃ua. Tahechaukamína ndéve ha jahecha mbaʼépa ere chupe? [Elee Mateo 5:3 ha ehaʼarõ tokontesta.] Ko rrevísta omyesakã porã jaikuaavéramo Ñandejárape javyʼavetaha, ha upéicha jaikuaataha avei maʼerãpa jaikove.”

¡Despertad! Diciembre

“Oĩ heʼíva ñamano vove jahataha yvágape, ótro katu heʼi ñamano vove japaitemaha ha upévare okyhyje. Jakyhyjevaʼerãpa ndajaikuaáigui mbaʼépa oikóta ñandehegui ñamano rire? [Ehaʼarõ tokontesta.] Emañamína koʼápe mbaʼépa heʼivaʼekue Job oñandúrõ guare omanotaha [elee Job 14:14, 15]. Ko rrevístape oñemombeʼu mbaʼéichapa Ñandejára Ñeʼẽ omyesakã porã mbaʼépa oiko umi omanovaʼekuégui.”