Marandukuéra

◼ Márzope ñaikuaveʼẽta Mbaʼépa añetehápe omboʼe la Biblia? Ñañehaʼãmbaitékena ñañepyrũ hag̃ua jastudia ñande rapichakuéra ndive. Abril ha máyope ñaikuaveʼẽta Ñemañaha ha ¡Despertad! Ñañehaʼãkena javisita umi oikuaasevévape la Biblia heʼíva, umíva apytépe umi ohovaʼekue Conmemoracionhápe ha umi ohovaʼekue ohendu hag̃ua pe diskúrso espesiál. Ñañehaʼãkena jastudia umíva ndive. Júniope ñaikuaveʼẽta El hombre en busca de Dios térã La Biblia... ¿la Palabra de Dios, o palabra del hombre? Umi kongregasión ndorekóiva koʼã lívro, ikatu oikuaveʼẽ lívro Ñamombaʼeguasu Ñandejára añetegua ha peteĩetévape.

◼ Og̃uahẽmíre kongregasiónpe umi rrevísta Ñemañaha ha ¡Despertad! ipyahuvéva, oñemeʼẽmavaʼerã puvlikadorkuérape. Upéicharõmante ikatúta olee hikuái oikuaveʼẽ mboyve predikasiónpe.

◼ Pe superintendénte presidénte ojerurevaʼerã peteĩ ermánope ohecha hag̃ua pe kuénta kongregasionpegua, diciembre, enero ha febrero rehegua. Ndahaʼeivaʼerã peteĩ ermánonte orrevisáva pe kuénta káda més. Ha ojerrevisa rire, ojekuaaukavaʼerã kongregasiónpe oñemeʼẽ jave pe infórme kuénta rehegua (ehecha Instrucciones para la contabilidad de la congregación [S-27])

◼ Jaikuaaháicha, Argentínape oĩ heta ñane ermanokuéra paraguájo opredika kyreˈỹvahína guaraníme. Péro ndahaˈéi haʼekuérante ojapóva upéva, heta ermáno argentíno ojepytaso mbarete hína ijykerekuéra. Ha upéicha oipytyvõ hikuái hetavépe. Upévare, rovyʼaiterei romombeʼúvo peẽme Argentínape ojejapotaha avei guaraníme Día Espesiál de Asambléa ág̃a 18 de mayo de 2008. Ojejapóta Salón de Asambleas oĩva Lomas de Zamórape. Péicha jahecha Jehová oguerohoryha jajapóva ñande rapichakuéra rehehápe.