Marandukuéra

◼ Máyope ñaikuaveʼẽta Ñemañaha ha ¡Despertad! Ñañehaʼãkena javisita umi oikuaasevévape la Biblia heʼíva. Umíva apytépe umi ohovaʼekue Conmemoracionhápe ha umi ohovaʼekue ohendu hag̃ua pe diskúrso espesiál. Ñañehaʼãkena jastudia umíva ndive. Júniope ñaikuaveʼẽta Mbaʼépa añetehápe omboʼe la Biblia? Ñañehaʼãkena ñañepyrũ jastudia ñande rapicha ndive. Julio ha agóstope ñaikuaveʼẽta oimeraẽ folléto orekóva 32 páhina: Eñangapyhy opavave ára nde rekove ko Yvy ape ári, Omano vove peteĩ jahayhúva, Pe goviérno oguerútava ñandéve peteĩ paraíso, Peñatende porãke peikóvo!, ¿Debería usted creer en la Trinidad?, El nombre divino que durará para siempre, “¡Mira! Estoy haciendo nuevas todas las cosas”, ¿Qué nos sucede cuando morimos?, ¿Qué propósito tiene la vida? ¿Cómo descubrirlo? y Un libro para todo el mundo.

◼ Ansianokuéra olee jey vaʼerã pe kárta oñemondovaʼekue 6 de julio de 2006. Upévape heʼivaʼekue mbaʼépa ojejapovaʼerã oúramo ama guasu, ha oikóramo yvyryrýi ha mbaʼe. Heʼi avei ojehechavaʼerãha oĩ porãmbápa ermanokuéra direksión ha número de teléfono. Koʼã mbaʼe orekopavaʼerã hikuái oñekotevẽramo g̃uarã apúrope. Ha oĩtaramo ermáno ohóva de vakasión, oviahátava ombaʼapo hag̃ua térã oñeinternátava ospitálpe, oavisavaʼerã pe Estúdio de Lívro omoakãvape térã ambue ansiánope.

◼ Ojejapo vove pedído de literatúra ojejeruremavaʼerã koʼã folléto: Añetehápepa Ñandejára ojepyʼapy ñanderehe?, Peñatende porãke peikóvo!, Mbaʼépa ojerure Ñandejára ñandehegui? Koʼãva ojeporutahína estúdio de lívrope opa rire pe lívro Mbaʼépa ñanepytyvõta javyʼa haĝua ñane família ndive.

◼ Peikuaamíkena ko áñope nañamosarambimoʼãiha pe kuatia ñaporoinvita haĝua asambléa de distritorã. Péro ojehechahína mbaʼéichapa oñeinvitáta opavavetépe. Ha aĝave oñemombeʼúta mbaʼéichatapa upéva.