Marandukuéra

◼ Septiémbrepe ñaikuaveʼẽta Mbaʼépa añetehápe omboʼe la Biblia? Ñañehaʼãmbaitékena ñamoñepyrũ peteĩ estúdio pe óga jára ndive javisita ñepyrũme voi chupe. Oiméramo orekóma ko lívro katu jahechauka chupe mbaʼéichapa ojestudia, ikatu hag̃uáicha oipytyvõ chupe. Octúbrepe ñaikuaveʼẽta Ñemañaha ha ¡Despertad! Jahechakuaáramo oikuaaseveha, ñaikuaveʼẽ chupekuéra pe tratádo Reikuaasevépa la Biblia heʼíva? ikatu hag̃uáicha ñañepyrũ jastudia hendivekuéra. Noviémbrepe ñaikuaveʼẽta Mbaʼépa añetehápe omboʼe la Biblia? Ñañehaʼãmbaitékena ñañepyrũ jastudia ñande rapichándi. Diciémbrepe ñaikuaveʼẽta El hombre más grande de todos los tiempos. Umi ñanerendúva ifamíliaramo ikatu ñaikuaveʼẽ chupekuéra pe lívro Ñaaprende Mboʼehára Guasúgui.

◼ Noviémbrepe opyta porãta jajapo hag̃ua precursorado auxiliar oreko rupi cinco fín de semána.

◼ Diskúrso espesiál 2009-pegua ojejapóta semána del 20 de abril. Upe rire oñemombeʼúta mbaʼérepa oñeʼẽta pe diskúrso. Upe semánape oĩramo kongregasión orekótava asambléa térã visíta dél superintendénte de sirkuíto, pe diskúrso espesiál ojejapovaʼerã pe semána upe rireguápe. Ni peteĩ kongregasiónpe ndojejapoivaʼerã 20 de abril mboyve.

◼ Kongregasionkuéra ojerure jeývo literatúra, ikatúma ojerure avei La Atalaya ha ¡Despertad! volúmen 2008, Índice de las publicaciones Watchtower 2007 ha CD-ROM Watchtower Library 2008-pegua. Ñanemanduʼavaʼerã Watchtower Library 2008 ojejapoha ermanokuéra ha umi puvlikadór ojevautisaʼỹvape g̃uarãnte. Ha jajerurevaʼerãha kongregasión rupivénte. Umi puvlikadór oiporúva Watchtower Library, iporãta ojepyʼamongetáramo tekotevẽtapa ojerure umi volúmen.

◼ Pe superintendénte presidénte ojerurevaʼerã peteĩ ermánope ohecha hag̃ua pe kuénta kongregasionpegua, junio, julio ha agosto rehegua. Ohechavaʼerã anítei peteĩ ermáno meménte orrevisa upe kuénta. Ha ojerrevisa rire, ojekuaaukavaʼerã kongregasiónpe oñemeʼẽkuévo pe infórme kuénta rehegua (ehecha Instrucciones para la contabilidad de la congregación [S-27]).

◼ Peteĩ tembiapo iporãitereíva ikatu ojapo umi ermáno soltéro, avei umi omendáva ha naifamíliaiva. Ikatu oservi de precursor especial kongregasión guaraníme. Máva mávapa ikatu oservi? Oñekotevẽve umi ansiáno soltéro térã omendávare. Péro ikatu avei umi siérvo ministeriál. Mbaʼépa oñehaʼãrõ chuguikuéra? Oikovaʼerã Paraguáipe, ikatupyry ha oporomboʼekuaavaʼerã, hesãiva, de 20 a 40 áño, oñeʼẽkuaáva guaraníme, oĩva oho hag̃uáicha oservi oimehápe, ikyreʼỹ ha ikatupyrýva opredika hag̃ua. Oñemotenondéta umi oservímavape de precursor regular, péro ndahaʼéiramo ikatúnte avei ojapo. Umi oserviséva guive de precursor especial ikatu omondo peteĩ kárta Sukursálpe ha omombeʼu mbaʼéichapa haʼe oĩ ojapo hag̃ua ko tembiapo. Upe rire Sukursál ohaíta umi ansiáno ha superintendénte de sirkuítope oikuaa hag̃ua mbaʼépa heʼi haʼekuéra. Ojejerure anínte hag̃ua ohai umi ndohupytýiva umi requisito. Jahecha rupi oñekotevẽha ermanokuérare ko tembiapópe, ndaikatumoʼãi oñeñatende umi solicitud ojapóva ermána soltéra.