Ñamombaretékena ñane estudiantekuérape

¹ Satanás orekohína hesápe umi ostudiaramóvape la Biblia ha ‘ojaposéva opa mbaʼe Ñandejárape ogustáva’ (2 Tim. 3:12). Upévare ikatu oñemoĩ hesekuéra ivesíno, ikompañerokuéra itravahopegua térã eskuelapegua. Péro ijetuʼuve jey hína ihentekuéra voi oñemoĩramo hesekuéra (Mat. 10:21; Mar. 3:21).

² Oikovaʼerãnte voi. Umi ostudiaramóva la Biblia oikuaavaʼerã ndofaltamoʼãiha oñemoĩva hesekuéra. Ha ohechakuaavaʼerã ohasaha hikuái koʼã mbaʼére oikoségui Jesucristo remimboʼéramo (Juan 15:20). Sapyʼánte ningo heta oĩ oñemoĩva ñanderehe ohendu rupi mbaʼe vaínte ojeʼeha testigos de Jehováre. Upévare ñamomanduʼavaʼerã ñane estudiantekuérape tuicha mbaʼeha jahasa asy Jesucristo ha Ñandejára rehehápe (Hech. 5:​27-29, 40, 41). Jahechaukavaʼerã chupekuéra ñande Ru yvagapegua ñanderayhu ha oñangarekoha ñanderehe (Sal. 27:10; Mar. 10:​29, 30). Toikuaa avei hikuái iñeʼẽrendúramo oñemoĩha Jehová ykére (Pro. 27:11).

³ Oikuaavevaʼerã ohóvo Ñandejárape. Ñaipytyvõvaʼerã ñane estudiantekuérape ohecha hag̃ua iñimportantetereiha oikuaa porãve Ñandejárape, ombohováiramo jepe heta provléma. Satanás ningo ndoipotái ojerovia hikuái Jehováre ha oiporu ótrope omokangy hag̃ua chupekuéra (Pro. 4:23; Luc. 8:13). Upévare tekotevẽterei omombareteve ijerovia oikuaavévo Ñandejára Ñeʼẽme oĩva (Sal. 1:​2, 3; Col. 2:​6, 7).

⁴ Tekotevẽ oaguanta hikuái. Umi ohasa asýva ningo oaguantavaʼerã, upéicha ohupytýta heta mbaʼe porã (Luc. 21:​16-19). Ha ndahaʼéi umi ostudiaramóvante, síno enterovéva ikatu jahecha mbaʼéichapa Jehová ñanevendesi ñaaguanta haguére (Sant. 1:12).

⁵ Apóstol Pablo ovyʼavaʼekue ohechávo umi ermáno Tesalonicaygua ojerovia mbareteha Jehováre. Ijapytepekuéra oĩ umi haʼe omboʼevaʼekue ha upévare oagradeseterei Ñandejárape (2 Tes. 1:​3-5). Ñande avei ñañeñandu porã ha javyʼáta ñaipytyvõramo ñane estudiantekuérape ogueropuʼaka hag̃ua oĩ jave oñemoĩva hesekuéra.