Marandukuéra

◼ Enérope ñaikuaveʼẽta lívro Mbaʼépa omboʼe la Biblia? Ha oiméramo pe óga jára orekóma upe lívro, ikatu ñaikuaveʼẽ chupe oimeraẽ lívro orekóva 192 páhina ojejapovaʼekue 1992 mboyve. Febrérope ñaikuaveʼẽta lívro Família ha Creador. Ha ojeguerekóramo kongregasiónpe ikatu avei oñekuaveʼẽ pe lívro Palabra de Dios. Márzope ñaikuaveʼẽta lívro Mbaʼépa omboʼe la Biblia? Ñañehaʼãmbaitékena ñamoñepyrũ estúdio vívliko.

◼ Marzo guive umi superintendénte de sirkuíto omeʼẽvaʼerã peteĩ diskúrso púvliko, oñeʼẽtava mbaʼéichapa ikatu jajehekýi ko múndo oikuaveʼẽvagui ha mbaʼéichapa ikatu jajepytaso mbarete Ñandejára goviérno ykére.

◼ Káda kongregasión oñembosakoʼimavaʼerã ojapo hag̃ua pe Conmemoración. Ko áñope hoʼáta jueves 9 de abril, kuarahy oike rire. Káda kongregasión oñehaʼãvaʼerã ojapo apárte pe Conmemoración. Oĩramo heta kongregasión oiporúva oñondive peteĩ Salón del Reino ikatu peteĩ térã hetave ojapo ótro hendápe. Ha oiméramo mokõi kongregasión ojapóta peteĩ hendápe oñehaʼarõvaʼerã cuarenta minúto rupi oñepyrũ jey hag̃ua pe ótro. Upéicharõmante umi ermáno ikatúta oñemongeta ha oñomokyreʼỹ upe rire.