Umi mbaʼe jaikuaaséva

◼ Oĩ porãpa peteĩ kongregasión térã peteĩ tapicha oiporu testigos de Jehová logotipo?

Peteĩ logotipo ningo peteĩ taʼangaʼi, símbolo térã létra oiporúva peteĩ emprésa téra organisasión. Pór ehémplo, Asociación Torre de Vigía de Biblias y Tratados oiporu peteĩ torreʼi raʼanga. Upévare ohai vove peteĩ kárta kongregasiónpe omoĩ hese upe torreʼi raʼanga.

Péro upéva ndeʼiséi kongregasión térã peteĩ tapicha ikatuha oiporu upe logotipo ha ñane organisasión réra. Ndojeporuivaʼerã umíva oñembojegua hag̃ua Salón del Reino, oñemoĩ hag̃ua letrérore, ojeskrivi hag̃ua peteĩ kárta ha oñemoĩ hag̃ua Biblia, kántikore térã ambue mbaʼére. Ikatu avei oĩ ermáno omondóvo peteĩ kárta oiporu Asociación Torre de Vigía de Biblias y Tratados raʼangaʼi térã héra. Ojejerure enterovépe ani hag̃ua oiporu koʼã mbaʼe, péicharõmante umi autorida, ambue tapicha térã umi ermáno voi ndeʼimoʼãi pe kárta ombouha Asociación Torre de Vigía de Biblias y Tratados.

Upévare oñemopuʼãvo peteĩ salón pyahu ndovaléi oñemoĩ mbaʼeveichagua logotipo oiporúva ñane organisasión. Péro, mbaʼépa ikatu ojejapo oĩramo salón orekómava koʼã mbaʼe iletrérore térã ambue hendápe? Natekotevẽi oñekambiáma oiméramo oñembaʼapo ha ojegasta hetáta hese. Ikatu ojepeʼa ág̃a oñembopyahúta vove pe salón térã pe letréro. Péro oiméramo ndahasymoʼãi ojepeʼa hag̃ua pyaʼe porã oñekambiamavaʼerã.