Akóintekena japredika
1. Mbaʼérepa jaʼekuaa umi kristiáno síglo primeropegua oĩ hague opredika hag̃uáicha oimehápe ha oimeraẽvape?
1 Umi kristiáno síglo primeropegua, omoherakuã “meme” vaʼekue pe marandu porã mamo oĩháme hénte (Hech. 5:42). Oimevaʼerã katuete oho jave opredika hikuái ogahárupi, ndohejareíri avavépe ohasa ohóvo upérupi opredikaʼỹre chupe. Ha predikasión rire ohóramo merkádope katu, oaprovecháneraʼe hikuái oimeraẽ oportunida oñeʼẽ hag̃ua Ñandejára Ñeʼẽre. Jesús ojapo haguéicha, haʼekuéra oĩ opredika hag̃uáicha oimehápe ha oimeraẽvape (Mar. 6:31-34).
2. Mbaʼépa tekotevẽ jajapo ñande testígo de Jehová?
2 Ñaimevaʼerã japredika hag̃uáicha oimehápe. Ñane rembiapóre ha jaiko lájare ningo jahechauka ñande testígo de Jehovaha (Isa. 43:10-12). Upévare akóinte ñaimevaʼerã ñadefende hag̃uáicha ñande jerovia, ndahaʼéi ñasẽ jave japredika ogahárupinte (1 Ped. 3:15). Ndépa repensámava mbaʼéicha javépa ikatu repredikave kállere térã ambue hendápe, ha mbaʼe rehépa reñeʼẽta? Reguerahápa rehohápe puvlikasionkuéra remeʼẽ hag̃ua umi nerendu porãvape? (Pro. 21:5.) Repredikápa ogahárupinte, térãpa reaprovecha avei ambue oportunida repredika hag̃ua?
3. Ijáramo ñandéventepa japredikavaʼerã kállere, estasionamiéntope, plásape ha umi negosiohárupi?
3 Ijavovéntepa japredikavaʼerã kállere? Sapyʼánte ñande japredika kállere, estasionamiéntope, plásape ha umi negosiohárupi. Péro heʼisépa upéva ijáramo ñandévente japredikavaʼerãha umichahárupi? Apóstol Pablo heʼivaʼekue opredika hague ogahárupi, péro heʼi avei opredika hague “opavave renondépe” (Hech. 20:20). Upéva heʼise tekotevẽha avei japredika umichahárupi, ndahaʼéi ijárõnte ñandéve. Ymaiterei guivéma ningo ojepredika ogahárupi, ha jaikuaa upéva iñimportanteterei ha oikoiteha oñemog̃uahẽgui heta hendápema pe marandu porã. Péro mbaʼépa iñimportantevevaʼekue umi kristiáno síglo primérope g̃uarã? Haʼekuéra ningo oñeʼẽsevaʼekue hapichakuérandi, ndahaʼéi og̃uahẽsénteva hógape. Upévare oaprovecha hikuái opredika hag̃ua “opavave renondépe”, tahaʼe ogahárupi térã ambue hendápe. Ha ñande jajaposéramo hekopete ñane rembiapo, jajapovaʼerã avei upéicha (2 Tim. 4:5).