Testigos de Jehová: ohechauka ojeroviaha. Párte 1: Osẽ hikuái pytũmbýgui
La Bíbliape heʼi pe añetegua ohesapeha ha pe japu katu omoypytũha (Sal. 43:3; Isa. 5:20). Satanás ombotavýrõ guare Évape ko múndo opyta pe aña poguýpe, upévare koʼág̃a peve heta yvypóra oiko pytũmbýpe (Rev. 12:9). Ko vidéo Testigos de Jehová: ohechauka ojeroviaha. Párte 1: Osẽ hikuái pytũmbýgui omombeʼu mbaʼéichapa oñepyrũ ohesape pe añetegua (Isa. 60:1, 2). Rehecha rire ko vidéo, embohovái koʼã porandu.
1) ¿Mbaʼérepa oĩ heta ohejavaʼekue Ñandejára rape omano rire umi apostolkuéra? 2) ¿Mbaʼépa oiko síglo 12-pe oipytyvõvaʼekue umi héntepe ohechakuaa hag̃ua umi rrelihión japu ndojapoiha Jesús omboʼevaʼekue? 3) ¿Mávapa rakaʼe Henry Grew ha George Storrs? 4) ¿Mbaʼe mbaʼe oikovaʼekuépa opokoiterei Charles Russell rehe? 5) ¿Mbaʼéichapa ostudiavaʼekue la Biblia ermáno Russell, itúva ha ambue iñirũnguéra? ¿Mbaʼépa ohechakuaavaʼekue hikuái? 6) ¿Mbaʼéicha rupípa Russell ha iñirũnguéra oñomoirũ Nelson Barbour umívandi ohesaʼỹijo hag̃ua la Biblia? Ha ¿Mbaʼérepa upe rire ojoavy hikuái? 7) ¿Mbaʼéichapa oñepyrũvaʼekue hesakãve Ñandejára Ñeʼẽ julio de 1879-pe? 8) Upe guive, ¿mbaʼépa ojapovaʼekue umi Estudiánte de la Biblia omosarambi hag̃ua pe marandu porã? 9) ¿Mbaʼépa ohaʼarõvaʼekue umi Estudiánte de la Biblia oiko áño 1914-pe? 10) ¿Mbaʼe ijetuʼúvapa ombohovaivaʼekue umi Estudiánte de la Biblia ermáno Russell omano rire? 11) ¿Mbaʼépa ojapo umi Estudiánte de la Biblia ermáno Rutherford ha iñirũnguéra osẽ rire kárselgui? 12) ¿Mbaʼéichapa nepytyvõ ko vidéo remombaʼeve hag̃ua Jehová organisasión? 13) ¿Mbaʼéichapa ko vidéo nemokyreʼỹ akóinte repredika hag̃ua rehasáramo jepe heta mbaʼe ijetuʼúva? 14) ¿Mbaʼéichapa reiporúta ko vidéo reipytyvõ hag̃ua ne hentekuérape, ne estudiántepe ha ambue tapichápe?
¡Ajépa hetaite mbaʼe porã oheja ñandéve umi Estudiánte de la Biblia! Oikóramo jepe hikuái peteĩ múndo oĩva pytũmbýpe, haʼekuéra kyreʼỹ ha pyʼaguasúpe ohesapevaʼekue umi héntepe omombeʼúvo pe añetegua. Jasegíkena iñehemplokuéra ha ‘jahesape’ opavavépe jaikuaaukávo pe marandu porã (Efe. 5:8).